Eblée 11:23 - MAWUXÓWÉMA

²³ Nǔɖiɖi e mɛ e ji Mɔyízi lɛ́ɛ ɖó ɔ́ wɛ zɔ́n bɔ hwenu e è ji i ɔ́, yě sɔ́ ɛ hwlá xɔ sun atɔn. Yě mɔ ɖɔ vǐ ɔ́ nyɔ́ ɖɛkpɛ; énɛ́ ɔ́ wú ɔ́, yě ɖi xɛsi nú sɛ́n e axɔ́sú ɔ́ dó é gbigba ǎ.

Eblée 11:23 Iomraidhean Croise

Ɖɛhan 118:6

Mawu Mavɔmavɔ ɖo jǐ ce, un ɖi xɛsi ǎ. Étɛ́ gbɛtɔ́ ka sixú wa nú mì?

Ɖɛhan 56:4

Xɛsi ka jɛ jǐ ce gbeɖé ɔ́, hwi wú wɛ un nɔ gán jɛ.

Tíntɔ́n 1:16

É ɖɔ nú yě ɖɔ: “Nú mi nɔ aji nú nyɔ̌nu Eblée lɛ́ɛ ɖě hǔn, mi kpɔ́n vǐ e é ji ɔ́: ényí súnnu wɛ hǔn, mi hu, é ká nyí nyɔ̌nu wɛ hǔn, mi jó e dó nyi gbɛ.”

Tíntɔ́n 1:22

Axɔ́sú Ejípu tɔn ɔ́ ká ná gbe togun tɔn ɔ́ bǐ ɖɔ: “È ji vǐ súnnu Eblée ɖěbǔ hǔn, mi sɔ́ ɛ nyi dó Nilu mɛ , mi ka ná jó nyɔ̌nu lɛ́ɛ bǐ dó nyi gbɛ.”

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 41:14

Mawu Mavɔmavɔ ɖɔ: “Izlayɛ́li, togun Jakɔ́bu tɔn, hwi mɛ e ma ɖó gǎn ɖé ǎ dohɔ́nví ɖɔhun é, ma ɖi xɛsi ó. Nyɛ Mawu Mavɔmavɔ ɔ́ ɖésú wɛ ja alɔ gɔ́ nú we gbé. Nyɛ Mɛ Mímɛ́ Izlayɛ́li tɔn wɛ ná hwlɛ́n we gán.

Ezayíi 51:12

Mawu ɖɔ: “Nyi wɛ nɔ dó wǔsyɛ́n lanmɛ nú mi; nyi wɛ nɔ bló mɔ̌; togun ce, étɛ́wú a ka nɔ ɖi xɛsi nú gbɛtɔ́? Gbɛtɔ́ bǐ wɛ nɔ́ kú; gběhan gbɛ mɛ wɛ yě ɖe.

Ezayíi 51:7

Mi ɖótó mì, mi mɛ e tunwun nǔ e nyí nǔ wa ɖó sɛ́nxwi jí lɛ́ɛ, mi mɛ e hɛn sɛ́n ce dó ayi mɛ lɛ́ɛ, mi ɖótó mì. Mi ma ɖi xɛsi nú zun e gbɛtɔ́ lɛ́ɛ ná zun mi é ó; mi ma nú zun yětɔn ɖɔ nǔɖé nú mi ó.

Daniyɛ́li 6:10

Énɛ́ ɔ́, axɔ́sú Daliwúsi ɖe gbeta ɔ́ tɔ́n, bó dó sɛ́n ɔ́.

Matíe 10:28

Mi ma ɖi xɛsi nú yě mɛ e nɔ hu agbaza, bó ma ka sixú wa nǔɖé nú lǐndɔ̌n ǎ lɛ́ɛ ó; lo ɔ́, mi ɖi xɛsi nú Mawu e ɖó acɛ e sixú dɔn lǐndɔ̌n kpódó agbaza kpó bǐ dó zojimací mɛ é.

Mɛsɛ́dó 7:20

Hwenɛ́nu wɛ è ji Mɔyízi, bɔ é nyɔ́ ɖɛkpɛ ɖésú ɖo Mawu nukún mɛ. Mɛ tɔn lɛ́ɛ kpé nukún wú tɔn ɖo tɔ́ tɔn sín xwé gbe xɔ sun atɔn.

Eblée 13:6

Énɛ́ ɔ́ wú wɛ mǐ hɛn ɔ́, mǐ ná ɖɔ kpódó jiɖiɖe kpó ɖɔ Aklúnɔ wɛ nyí mɛ e nɔ d'alɔ mǐ é. Un ná ɖi xɛsi nú nǔɖé ǎ. Étɛ́ mɛɖé ka sixú wa nú mì.”