Eblée 11:21 - MAWUXÓWÉMA

²¹ Nǔɖiɖi e Jakɔ́bu ɖó ɔ́ wɛ zɔ́n bɔ hwenu e é kpo kpɛɖé bɔ é ná kú ɔ́, é xo ɖɛ dó Jozɛ́fu ví lɛ́ɛ ɖokpó ɖokpó jí; kpogɛ tɔn jí wɛ é gán jɛ bó sɛn Mawu.

Eblée 11:21 Iomraidhean Croise

Bǐbɛ́mɛ 47:31

Jakɔ́bu lɛ́ tɛ ɖɛ̌ jí ɖɔ: “Bó xwlé nǔ nú mì.” Bɔ Jozɛ́fu xwlé nǔ ɖɔ émí ná bló. Énɛ́ ɔ́ gúdo ɔ́, Jakɔ́bu ɖe kɔ́ ɖo zan tɔn sín taligbé.

Bǐbɛ́mɛ 48:1

Ée azǎn ɖé ná jɛ ɔ́, è wǎ ɖɔ nú Jozɛ́fu ɖɔ tɔ́ tɔn ɖo azɔn jɛ wɛ. Ée é se mɔ̌ ɔ́, é kplá vǐ tɔn we lɛ́ɛ, Manasée kpó Eflayímu kpó, bó ɖidó tɔ́ tɔn gɔ́n.

1 Axɔ́sú 1:47

Bɔ mɛsɛntɔ́ axɔ́sú ɔ́ tɔn lɛ́ɛ wá xo ɖɛ nú sɛ́mɛɖó mǐtɔn axɔ́sú Davídi ɖɔ jí: ‘Mawu mɛtɔn ní bló bónú Salomɔ́ɔ sín nyǐkɔ ní gba kpé hú nyǐkɔ mɛtɔn. Ní bló bónú axɔ́súɖuɖu tɔn ní ɖó susu hú gǎn axɔ́súɖuɖu mɛtɔn!’ Énɛ́ ɔ́ gúdo ɔ́, axɔ́sú ɔ́ xwe agbɔ̌nnusú do ɖo zan tɔn jí,