Eblée 11:13 - MAWUXÓWÉMA

¹³ Yě mɛ énɛ́ lɛ́ɛ bǐ ɔ́, nǔɖiɖi mɛ wɛ yě bǐ kú dó. Yě mɔ nǔ e sín akpá Mawu dó lɛ́ɛ yí ǎ; yě ka mɔ ɖɔ nǔ énɛ́ lɛ́ɛ ná jɛ bɔ xomɛ hun yě tlala. Yě tunwun ɖɔ jǒnɔ wɛ émí nyí ɖo ayǐkúngban jí fí, bó ɖo wiwa yi wɛ.

Eblée 11:13 Iomraidhean Croise

Bǐbɛ́mɛ 21:34

Ablaxámu nɔ Filisitɛ́ɛn lɛ́ɛ sín tomɛ dɔ̌n ɖésú.

Bǐbɛ́mɛ 23:4

É ɖɔ nú yě ɖɔ: “Jǒnɔ wɛ un nyí ɖo tɛ́ntin mitɔn. Mi bo ná mì yɔdo ɖé ɖo mi gɔ́n, bónú má sɔ́ asi ce sín cyɔ yi ɖi d'é mɛ.”

Bǐbɛ́mɛ 25:8

bɔ gbɔjɛ tɔn xwɛ. Hǔn é nɔ kpikpoxɔmɛ ɖésú có gbɛ nyɔ́ n'i. É dɔ́ ji ɖésú cóbó yi mɔ tɔ́gbó tɔn lɛ́ɛ.

Bǐbɛ́mɛ 47:9

Bɔ Jakɔ́bu yí gbe n'i ɖɔ: “Un gbɔn gbě jí gbě jí káká nú xwe kantɔn wǒ (130). Un ɖó xwe nabí ɖé ǎ; nǔ e ká gbo mì ɔ́ syɛ́n. Xwe ce sɔ tɔ́gbó ce lɛ́ɛ tɔn ǎ. Gbě jí gbě jí jɛ́n yě lɔ ka gbɔn.”

Bǐbɛ́mɛ 48:21

Jakɔ́bu ɖɔ nú Jozɛ́fu ɖɔ: “Nyɛ ɖíe ɖo nǎ kú wɛ e; amɔ̌, Mawu ná nɔ kpɔ́ xá mi, bó ná lɛ́ kɔ nú mi yi tɔ́gbó mitɔn lɛ́ɛ sín tomɛ.

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

Bǐbɛ́mɛ 49:18

Mawu Mavɔmavɔ, un ɖo nukún ɖó hwlɛngán towe wɛ.

Bǐbɛ́mɛ 49:28

Mɛ e wá húzú akɔta Izlayɛ́li tɔn wěwe lɛ́ɛ ɔ́, xó e tɔ́ yětɔn ɖɔ nú yě, hwenu e é xo ɖɛ dó yě jí lɛ́ɛ é nɛ́. Đɛ vovo wɛ é xo dó mɛ ɖokpó ɖokpó jí.

Bǐbɛ́mɛ 49:33

Ée Jakɔ́bu ɖɔ xó énɛ́ lɛ́ɛ nú vǐ tɔn lɛ́ɛ fó ɔ́, é mlɔ́ ayǐ, bɔ gbɔjɛ tɔn xwɛ, bɔ é yi su tɔ́gbó tɔn lɛ́ɛ.

Bǐbɛ́mɛ 50:24

Jozɛ́fu ɖɔ nú nɔví tɔn lɛ́ɛ gbe ɖokpó ɖɔ: “Un ná kú, amɔ̌, Mawu ná wá gɔ́ alɔ nú mi dandan. É ná kplá mi sín Ejípu fí yi to e sín akpá é kó dó nú Ablaxámu, Izáki kpó Jakɔ́bu kpó ɔ́ mɛ.”

Jɔ̌bu 19:25

Amɔ̌, nyɛ ɔ́, un tunwun ɖɔ mɛ e ɖo hun jɛ dó jǐ ce wɛ ɔ́ ɖo gbɛ; é wɛ ná kɛ nu gǔdo gúdo tɔn ɖo ayǐkúngban jí.

Ɖɛhan 119:19

Jǒnɔ kpowun wɛ un nyí ɖo ayǐkúngban jí fí; ma sɔ́ nǔ e a zɔ̌n lɛ́ɛ hwlá dó mì ó.

Ɖɛhan 39:12

A nɔ dɔn tó nú gbɛtɔ́ ɖó hwɛ tɔn lɛ́ɛ wú, bó ná dó gbɛ́ nǔ n'i. A nɔ hɛn nǔ e vɛ́ n'i lɛ́ɛ gblé wǎn ɖu atínsínsɛ́n ɖɔhun. Gbɛtɔ́ ɔ́, jɔhɔn kpowun wɛ; gbɛtɔ́ nyí nǔɖé ǎ. Agbɔ̌n

Tíntɔ́n 2:22

Nyɔ̌nu ɔ́ ji vǐ súnnu ɖokpó, bɔ é sun nyǐkɔ ɛ ɖɔ Gɛɛcɔ́mu; ɖó é ɖo ɖiɖɔ wɛ ɖɔ: “Jǒnɔ wɛ un nyí ɖo mɛ ɖěvo tomɛ.”

Levíi ví 25:23

“È sixú sa ayǐkúngban ɖé bǐ gbídígbídí ǎ, ɖó ayǐkúngban ɔ́, ce wɛ, bɔ midɛɛ lɛ́ɛ ká nyí jǒnɔ ɖo to ce mɛ; mi ná nɔ fínɛ́ káká sɔ́yi ǎ.

Kɛ́nsísɔ́ 10:30

Hobabu yí gbe n'i ɖɔ: “Un ná yi ǎ, lo ɔ́, un ná yi to ce mɛ fí e un jɔ ɖe é.”

Kɛ́nsísɔ́ 24:17

Un mɔ nǔ e ɖo nǎ jɛ wɛ ɔ́, amɔ̌, égbé wɛ nǔ ɔ́ ná jɛ ǎ. Ayi ce ɖo nǔ e ná jɛ ɔ́ mɔ wɛ. É kó wá yá ɔ́, nǔ ɔ́ ná jɛ. Sunví ɖokpó tɔ́n ɖo Jakɔ́bu kúnkan lɛ́ɛ mɛ. Axɔ́sú ɖaxó ɖokpó tɔ́n ɖo Izlayɛ́li togun ɔ́ tɛ́ntin. É zin gǎnkpogɛ tɔn dó tókpá nú Mɔwabunu lɛ́ɛ. É dó gǎnkpogɛ tɔn dó ta nú Sɛ́ti ví lɛ́ɛ.

Matíe 13:17

Ma ɖɔ nǔgbó nú mi, gbeyíɖɔ Mawu tɔn gěgé kpódó hwɛjijɔnɔ gěgé kpó ko jló ná mɔ nǔ e mɔ wɛ mi ɖe lɛ́ɛ, yě ká mɔ ǎ; yě jló ná se nǔ e se wɛ mi ɖe din é, yě ká se ǎ.”

Jǎan 12:41

Ezayíi ɖɔ xó énɛ́ lɛ́ɛ, ɖó é mɔ susu e Jezu ɖó é, bó ɖɔ xó dó wǔ tɔn.

Jǎan 8:56

Awǎjijɛ ɖaxó wɛ nyí nú tɔ́gbó mitɔn Ablaxámu, ɖó é ɖo nukún ɖó wiwa ce wɛ; é ka mɔ nǔgbó, bɔ xomɛ hun i.”

Hlɔ̌manu 4:21

Đó é ɖeji bǐ dégbédégbé ɖɔ Mawu ɖó hlɔ̌nhlɔ́n, bó ná ɖe akpá e é dó nú émí é.

Hlɔ̌manu 8:24

Đó è ko hwlɛ́n mǐ gán; lo ɔ́, mǐ ɖo nukún ɖó wɛ ɖɔ è ní hwlɛ́n mǐ gán bǐ dégbédégbé. Ényí è ɖo nǔ e ɖó nukún wɛ è ɖe ɔ́ mɔ wɛ ɔ́, hǔn é sɔ́ nyí nukúnɖíɖó ǎ; mɛ̌ ka ná lɛ́ kpo ɖo nukún ɖó nǔ e mɔ wɛ é ɖe ɔ́ wɛ?

2 Kɔlɛ́ntinu 4:18

Đó nǔ e è nɔ mɔ ɖó nukún wú ɔ́ jí wɛ ayixa mǐtɔn ɖe ǎ; lo ɔ́, nǔ e è ma nɔ mɔ ɖó nukún wú ǎ ɔ́ jí wɛ ayixa mǐtɔn ɖe. Nǔ e è nɔ mɔ ɖó nukún wú ɔ́, hwenu kpɛɖé jɛ́n wɛ é nɔ́ nɔ ayǐ ná; lo ɔ́, nǔ e è ma nɔ mɔ ɖó nukún wú ǎ ɔ́, é nɔ́ nɔ ayǐ káká sɔ́yi.

2 Kɔlɛ́ntinu 5:6

Hǔn akɔ́nkpinkpan gɔ́ ayi mɛ nú mǐ hwebǐnu. Mǐ tunwun ɖɔ hwenu e mǐ ko sixú kpo ɖo agbaza énɛ́ ɔ́ mɛ ɔ́, mǐ ɖo zɔ nú nɔtɛn Aklúnɔ tɔn.

Efɛ́zinu 2:19

Énɛ́ ɔ́ wútu ɔ́, mi mɛ e ma nyí Jwifu ǎ lɛ́ɛ ɔ́, mi sɔ́ nyí jǒnɔ abǐ mɛ e gosín fí ɖěvo bó wá é ǎ; lo ɔ́, mi húzú to ɖokpó ɔ́ mɛ nu xá mɛɖeɖóvo Mawu tɔn lɛ́ɛ, bó ɖo hɛ̌nnu Mawu tɔn mɛ.

Eblée 11:14

Mɛ e nɔ ɖɔ xó gbɔn mɔ̌ lɛ́ɛ ɖo ɖiɖe xlɛ́ wɛ ɖɔ émí ɖo to émí ɖésúnɔ tɔn ɔ́ ba wɛ.

Eblée 11:17

Nǔɖiɖi e Ablaxámu ɖó ɔ́ wɛ zɔ́n bɔ hwenu e Mawu dó e kpɔ́n ɔ́, é sɔ́ vǐ tɔn Izáki bó ná dó sá vɔ̌ nú Mawu. Ablaxámu wɛ nyí mɛ e Mawu dó akpá ɔ́ ná é; có é ka ɖo gbesisɔ mɛ bó ná sɔ́ vǐ ɖokpónɔ tɔn dó sá vɔ̌ nú Mawu.

Eblée 11:27

Nǔɖiɖi e Mɔyízi ɖó ɔ́ wɛ zɔ́n bɔ é gosín Ejípu ma ɖi xɛsi nú xomɛsin axɔ́sú ɔ́ tɔn. É kpán akɔ́n, ɖi é ɖo éyɛ́ Mawu e è ma nɔ mɔ ǎ é mɔ wɛ ɖɔhun.

Eblée 11:39

È ɖe kúnnu ɖagbe nú yě ɖó nǔɖiɖi yětɔn wú; có yě ka mɔ nǔ e sín akpá Mawu dó nú yě ɔ́ yí ǎ.

1 Piyɛ́ɛ 1:1

Nyɛ mɛsɛ́dó Jezu Klísu tɔn Piyɛ́ɛ wɛ wlán wěma élɔ́ sɛ́ dó mi mɛcyáncyán Mawu tɔn e nyí jǒnɔ ɖo ayǐkúngban jí, bó gba kpé Pɔ́ɔn kpó Galati kpó, Kapadɔ́si kpó Azíi kpó, kpódó Bitiníi kpán sín tokpɔn mɛ lɛ́ɛ é.

1 Piyɛ́ɛ 1:17

Mi ɖo ɖɛ xo wɛ ɔ́, Mawu e nɔ ɖɔ hwɛ xá gbɛtɔ́ lɛ́ɛ bǐ gbɔn alɔkpa ɖokpó ɔ́ mɛ, lě e mɛ ɖokpó ɖokpó wa nǔ gbɔn ɔ́, mi nɔ ylɔ́ ɛ ɖɔ Tɔ́, hǔn mi bo ɖe sísí e mi ɖó n'i ɔ́ xlɛ́ gbɔn nǔwiwa mitɔn lɛ́ɛ mɛ, ɖo hwenu e kpo bɔ mi ná nɔ ayǐkúngban jí fí ná ɔ́ mɛ.

1 Piyɛ́ɛ 2:11

Mɛvívɛ́ná ce lɛ́ɛ mi, mi mɛ e nyí jǒnɔ bó nyí aligbɔntɔ́ ɖo ayǐkúngban jí lɛ́ɛ ɔ́, un ɖo byɔ̌byɔ́ mi wɛ ɖɔ mi ma lɔn nú jlǒ gbɛtɔ́ tɔn e nɔ ɖo ahwan fun xá ayi wɛ lɛ́ɛ ní ɖu ɖo mi jí ó.

1 Jǎan 3:19

Lě e mǐ ná tunwun ɖɔ mǐ nyí nǔgbó ɔ́ tɔn gbɔn ɔ́ nɛ́; lě e ayi mǐtɔn ná ɖó gǎnjɛwú ɖo Mawu nukɔn gbɔn é nɛ́.