Eblée 11:11 - MAWUXÓWÉMA

¹¹ Nǔɖiɖi e Sala ɖésú ɖó ɔ́ wɛ zɔ́n bɔ è nǎ ɛ hlɔ̌nhlɔ́n bɔ é mɔ xo, có é ka ko kpo bǐ, ɖó é ɖó nǔɖiɖi ɖɔ Mawu e dó akpá ɔ́ ɖo gbejí.

Eblée 11:11 Iomraidhean Croise

2 Axɔ́sú 4:17

Nyɔ̌nu ɔ́ ká mɔ xo nǔgbó, bó ji vǐ súnnu ɖokpó ɖo hwenu e Elizée ɖó n'i é.

Luki 1:36

Éɖíe! Elizabɛ́ti hɛ̌nnumɔ towe e nyí wɛnsinɔ ɔ́ lɔmɔ̌ mɔ xo ɖo kpikpo tɔn mɛ, bɔ adɔgo tɔn ko ɖó sun ayizɛ́n.

Hlɔ̌manu 9:8

É ɖo nyǐnyí wɛ ɖɔ é kún nyí vǐ e Ablaxámu ji lɛ́ɛ bǐ wɛ nyí Mawu ví ó; lo ɔ́, vǐ e sín akpá Mawu dó bɔ è ji lɛ́ɛ wɛ Mawu nɔ mɔ dó mɔ vǐ nǔgbó nǔgbó.

Galatinu 4:23

Kannumɔ ɔ́ sín vǐ ɔ́, è ji i vǐ bǐ ɖɔhun. Lo ɔ́, nyɔ̌nu e má nyí kannumɔ ǎ ɔ́ sín vǐ ɔ́, akpá tɔn wɛ Mawu dǒ nú Ablaxámu cóbɔ è ji i.

Eblée 10:23

Mi nú mǐ ná hɛn nukúnɖíɖó e sín xó jlá wɛ mǐ ɖe ɔ́ syɛ́nsyɛ́n, ɖó Mawu e dó akpá nú mǐ ɔ́ ɖo gbejí.