Eblée 11:10 - MAWUXÓWÉMA

¹⁰ Đó Ablaxámu ɖo te kpɔ́n toxo ɖaxó e ɖó dodó syɛ́nsyɛ́n , bɔ Mawu ɖésú ɖe wě tɔn bó bló é.

Eblée 11:10 Iomraidhean Croise

Ezayíi 14:32

Xó tɛ́ mǐ ká ná ɖɔ nú mɛsɛ́dó Filisitíi tɔn lɛ́ɛ? Mǐ nǎ ɖɔ sɛ́ dó yě ɖɔ: “Mawu Mavɔmavɔ ɖésú wɛ ɖó Sinyɔ́ɔ toxo ɔ́ ayǐ, fínɛ́ wɛ wamamɔnɔ e ɖo togun tɔn mɛ lɛ́ɛ ná mɔ gǎnjɛwú syɛ́nsyɛ́n ɔ́ ɖe.”

Jǎan 14:2

Nɔtɛn gěgé wɛ ɖo Tɔ́ ce xwé bɔ un ná yi bló tɛnmɛ ɖó ɖ'ayǐ nú mi; ényí nǔ ma nyí mɔ̌ ǎ ɔ́, un ná ɖɔ nú mi ǎ.

2 Kɔlɛ́ntinu 5:1

Nǔgbó ɔ́, mǐ tunwun ɖɔ nú è kíjá agbaza mǐtɔn e nyí goxɔ ayǐkúngban jí tɔn ɔ́, mǐ ɖó ɖěvo e nyí xɔ Mawu tɔn e gbɛtɔ́ sín alɔ ma bló ǎ, bɔ é ná nɔ ayǐ káká sɔ́yi ɔ́ ɖo sɛ́xwé.

Filípunu 3:20

Mǐdɛɛ lɛ́ɛ ɔ́, sɛ́xwé tɔn wɛ mǐ nyí, bó ɖo te kpɔ́n Mɛhwlɛ́ngántɔ́ mǐtɔn e nyí Aklúnɔ Jezu Klísu ɔ́ vɛ́návɛ́ná.

Eblée 11:16

To e nyɔ́ hú to e mɛ yě gosín ɔ́ ba wɛ yě ɖe; to ɔ́ wɛ nyí to yě ɖésúnɔ tɔn ɖo sɛ́xwé. Énɛ́ ɔ́ wú wɛ winnyá ma hu Mawu ɖɔ è nǐ ylɔ́ émí ɖɔ Mawu mɛ énɛ́ lɛ́ɛ tɔn ǎ; ɖó é bló toxo ɖaxó ɖokpó ɖó ɖ'ayǐ nú yě ɖo sɛ́xwé.

Eblée 12:22

Lo ɔ́, midɛɛ lɛ́ɛ ɔ́, mi sɛkpɔ́ Sinyɔ́ɔ só ɔ́; mi sɛkpɔ́ Jeluzalɛ́mu sɛ́xwé tɔn, ée nyí toxo Mawu gbɛɖe ɔ́ tɔn é, bó sɛkpɔ́ wɛnsagun wɔ̌buwɔ́bú lɛ́ɛ.

Eblée 12:28

Hǔn, mi nú mǐ ná tunwun nǔ e Mawu wa nú mǐ ɔ́ n'i; ɖó é ɖo axɔ́súɖuto e ma sixú húnhún ǎ é ná mǐ wɛ. Mi nú mǐ ná sɛn ɛ lě e mǐ ná sɛn ɛ gbɔn, bɔ é ná nyɔ́ nukún tɔn mɛ é kpó sísí kpó, kpódó xɛsi kpó, bó ná dó ɖe xlɛ́ ɛ ɖɔ mǐ tunwun nǔ e é wa nú mǐ ɔ́ n'i.

Eblée 13:14

Đó mǐ ɖó toxo e nɔ nɔ ayǐ káká sɔ́yi ɔ́ ɖo ayǐkúngban jí fí ǎ; amɔ̌ mǐ ɖo toxo Mawu tɔn e jǎwe ɔ́ ba wɛ.

Eblée 3:4

Nǔgbó ɔ́, è mɔ xɔ ɖé ɖo te hǔn, mɛɖé jɛ́n gbá; Mawu wɛ ka nyí mɛ e bló nǔ bǐ é.

Nǔɖexlɛ́mɛ 21:2

Un mɔ toxo mímɛ́ e nyí Jeluzalɛ́mu yɔ̌yɔ́ ɔ́ é; Mawu sɛ́ ɛ dó, bɔ é ɖo te jɛ wɛ sín jǐnukúnsin. É ɖo gbesisɔ mɛ yawó yɔ̌yɔ́ e ba acɔ́, bó ná yi asúxwé ɔ́ ɖɔhun.