Eblée 10:5 - MAWUXÓWÉMA

⁵ Énɛ́ ɔ́ wú wɛ hwenu e Klísu ɖo gbɛ ɔ́ mɛ ná byɔ́ wɛ ɔ́, é ɖɔ nú Mawu ɖɔ: “A ba vɔ̌sísá ǎ, a ka ba nǔníná ǎ; lo ɔ́, a nǎ agbaza ɖokpó mì.

Eblée 10:5 Iomraidhean Croise

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

Ezayíi 1:11

Mawu Mavɔmavɔ ɖɔ: “Vɔ̌ tobutóbú e sá nú mì wɛ mi nɔ ɖe lɛ́ɛ ɔ́, étɛ́ un nǎ dó wa? Agbo e mi nɔ dó sá vɔ̌ e è nɔ dó zo ɔ́ ná nú mì lɛ́ɛ, kpó nyibúví sín jǒ e mi nɔ xwlé mì lɛ́ɛ bǐ kpó kpé kɔ nú mì. Nyibúsú kpó lɛ̌ngbɔ́ví kpó, kpó gbǎgbá kpó sín hun sɔ́ nɔ́ dó xomɛhunhun nú mì ǎ.

Ezayíi 40:16

Kanlin e ɖo Libáan zungbó mɛ lɛ́ɛ ɔ́, è na bo kplé yě bǐ ɔ́, é kpé bɔ è nǎ dó sá vɔ̌ e jɛ xá Mavɔmavɔ é n'i ǎ. Atín e ɖo Libáan zungbó mɛ lɛ́ɛ ɔ́, yě kpé bɔ è nǎ dó bɔ myɔ e è nǎ dó dó vɔ̌ ɔ́ zo ná é ǎ.

Ezayíi 7:14

Din ɔ́, Aklúnɔ ɖésú ɖo xlɛ̌ ɖokpó ná mi wɛ: Éɖíe, ɖyɔ̌vǐ ɔ́ ná mɔ xo, bó ná ji vǐ súnnu ɖokpó. É ná sun nyǐ vǐ ɔ́ ɖɔ Emanuwɛ́li, ‘Mawu ɖo kpɔ́ xá mǐ.’

Jelemíi 31:22

Yɔkpɔ́víyɛ, a bǔ bǐ; flú e flú wɛ a ɖe ɔ́, hwetɛ́nu a nǎ ɖó te? Nyɛ Mawu Mavɔmavɔ bló nǔ yɔ̌yɔ́ ɖokpó dó gbɛ ɔ́ mɛ: nyɔ̌nu wɛ ná nɔ́ byɔ́ hǎ súnnu.”

Jelemíi 6:20

Zǎlínkpɔ́n e è hɛn sín Saba e ba wɛ un ɖe a? Fántín wǎnɖagbenɔ e è hɛn sín to linlin mɛ ɔ́ ba wɛ un ɖe a? Vɔ̌ e yě nɔ́ dó zo nú mì lɛ́ɛ ba wɛ un ɖe ǎ. Vɔ̌ e yě nɔ́ sá nú mì lɛ́ɛ nɔ nyɔ́ nukún ce mɛ ǎ.

Matíe 11:3

nú yě ní yi kanbyɔ́ ɛ ɖɔ: “Hwi wɛ nyí mɛ e ɖó ná wá, bɔ mǐ ɖo te kpɔ́n é a? Abǐ mɛ ɖěvo wɛ mǐ ná nɔ te kpɔ́n?”

Luki 1:35

Wɛnsagun ɔ́ ká yí gbe n'i ɖɔ: “Yɛsinsɛn ná wá jǐ towe, bó ná ɖe hlɔ̌nhlɔ́n Mawu tɔn xlɛ́; énɛ́ ɔ́ wú wɛ vǐ e a nǎ ji ɔ́, è nǎ nɔ́ ylɔ́ ɛ ɖɔ mɛɖeɖóvo Mawu tɔn, bó ná nɔ́ ylɔ́ ɛ ɖɔ Mawu ví.

Luki 7:19

bó sɛ́ yě dó Aklúnɔ gɔ́n, nú yě yi kanbyɔ́ ɛ ɖɔ: “Hwi wɛ nyí mɛ e ɖó ná wá, bɔ mǐ ɖo te kpɔ́n é a, abǐ mɛ ɖěvo wɛ mǐ ná nɔ te kpɔ́n?”

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

Eblée 1:6

Lo ɔ́, hwenu e Mawu ná sɛ́ nukɔngbéví tɔn dó gbɛ ɔ́ mɛ ɔ́, é ɖɔ: “Wɛnsagun Mawu tɔn lɛ́ɛ bǐ ɖó ná ɖe kɔ́ n'i.”

Eblée 10:10

Đó Jezu Klísu bló nǔ e Mawu jló ɖɔ ní bló é wú ɔ́, è slá wǔ nú mǐ gbɔn agbaza é ɖésúnɔ tɔn e é sɔ́ dó sá vɔ̌ ná azɔn ɖokpó bɔ xó fó ɔ́ gbla mɛ.

Eblée 10:7

Bɔ un ɖɔ: ‘Mawu e, nyɛ ɖíe, un ja bó ná wa jlǒ towe lě e è ko wlán gbɔn dó wǔ ce, ɖo sɛ́nwéma ɔ́ mɛ é.’ ”

Eblée 10:8

É tó ɖɔ: “A ba vɔ̌sísá ǎ; a ka ba nǔníná ǎ; a ba kanlin e è dǒ zo ɖo vɔ̌sákpe jí é abǐ vɔ̌sísá e nɔ súnsún hwɛ mɛtɔn lɛ́ɛ é ɖě ǎ; nǔ énɛ́ lɛ́ɛ ɖě nɔ hun xomɛ nú we ǎ; có lě e sɛ́n ɔ́ zɔ́n gbɔn ɔ́ wɛ è nɔ sá vɔ̌ énɛ́ lɛ́ɛ gbɔn.”

Eblée 2:14

Ée ényí ɖɔ vǐ énɛ́ lɛ́ɛ ɔ́, gbɛtɔ́ wɛ yě nyǐ, bó ɖó agbaza kpó hun kpó ɔ́, Jezu ɖésú húzú gbɛtɔ́, bó ɖó agbaza kpó hun kpó yě ɖɔhun. É húzú gbɛtɔ́, bɔ gbɔn kú tɔn gbla mɛ ɔ́, é hu acɛ nú awǒvi e ɖó acɛ e nɔ hu mɛ é;

Eblée 5:7

Hwenu e Jezu ɖo gbɛ ɖo ayǐkúngban jí fí ɔ́, é xo ɖɛ bó sa vo kpódó xósúsú kpó, kpódó ɖasin kpó, nú Mawu e kpé wú bó ná hwlɛ́n ɛ ɖo kú sí é. Mawu ka yí ɖɛ tɔn, ɖó é hwíhwɛ́ éɖée dó Mawu glɔ́ wútu.

Eblée 8:3

Vɔ̌sánú-xwlémawutɔ́ ɖaxó ɖěbǔ ɔ́, è nɔ sɔ́ ɛ nú é ná xwlé nǔníná kpó vɔ̌sánú kpó Mawu. Hǔn é ɖo dandan mɛ ɖɔ vɔ̌sánú-xwlémawutɔ́ ɖaxó mǐ lɔ tɔn ní ɖó nǔɖé bó ná xwlé Mawu.

1 Piyɛ́ɛ 2:24

É bɛ́ hwɛ mǐtɔn lɛ́ɛ dó éɖée jí ɖo aklúzu jí, bónú mi ma sɔ́ hu hwɛ ó, bónú mi ná zán gbɛ jlɔ́jlɔ́. Akpado tɔn lɛ́ɛ wɛ zɔ́n bɔ è gbɔ azɔn nú mi.

2 Jǎan 1:7

Adingbannɔ gěgé gba kpé gbɛ ɔ́ mɛ, bó nɔ gbɛ́ ɖɔ Jezu Klísu kún zɔn agbaza mɛ wá ó. Mɛ e nɔ wa nǔ gbɔn mɔ̌ ɔ́, adingbannɔ wɛ; Klísu Kɛntɔ́ ɔ́ wɛ.