Eblée 10:4 - MAWUXÓWÉMA

⁴ Đó nyibúsú sín hun kpó gbǎgbá sín hun kpó sixú súnsún hwɛ mɛtɔn lɛ́ɛ gbeɖé ǎ.

Eblée 10:4 Iomraidhean Croise

Ɖɛhan 51:16

Mawu mɛhwlɛ́ngántɔ́ ce, un kɔn kanjɔ kɔn nyi ayǐ; hwlɛ̌n mì ɖ'é mɛ, bónú má sú xó bó ɖɔ nú mɛ bǐ ɖɔ a hwlɛ̌n mì.

Ezayíi 66:3

È ja vɔ̌ sá gbé ɔ́, mɛ lɛ́ɛ nɔ hu nyibú; hwenu e yě ɖo nyibú hu wɛ ɔ́, yě nɔ́ lɛ́ hu gbɛtɔ́. Yě nɔ́ lɛ́ hu gbɔ̌; hwenu e yě ɖo gbɔ̌ hu wɛ ɔ́, yě nɔ́ hu cukú. Yě nɔ́ hɛn vɔ̌sánú bó nɔ́ wá xwlé mì; hwenu e yě ɖo vɔ̌sánú xwlé mì wɛ ɔ́, yě nɔ́ lɛ́ ɖo aglǔza kanjɔ kɔn nyi ayǐ wɛ. Yě nɔ́ ɖo zǎlínkpɔ́n dó zo nú mì wɛ; hwenu e yě ɖo zǎlínkpɔ́n dó zo nú mì wɛ ɔ́, yě nɔ́ lɛ́ ɖo vodún xomlá wɛ. Mɛ énɛ́ lɛ́ɛ ɔ́, nǔ e jló yě lɛ́ɛ wa wɛ yě ɖe; nǔ baɖabaɖa énɛ́ lɛ́ɛ wiwa wɛ nɔ́ víví nú yě.

Jelemíi 6:20

Zǎlínkpɔ́n e è hɛn sín Saba e ba wɛ un ɖe a? Fántín wǎnɖagbenɔ e è hɛn sín to linlin mɛ ɔ́ ba wɛ un ɖe a? Vɔ̌ e yě nɔ́ dó zo nú mì lɛ́ɛ ba wɛ un ɖe ǎ. Vɔ̌ e yě nɔ́ sá nú mì lɛ́ɛ nɔ nyɔ́ nukún ce mɛ ǎ.

Ozée 14:2

Izlayɛ́linu lɛ́ɛ mi, mi lɛ́ kɔ wá Mawu Mavɔmavɔ, Mawu mitɔn gɔ́n, ɖó hwɛ e mi hu lɛ́ɛ zɔ́n bɔ mi jɛ ayǐ.

Ozée 6:6

Nǔ e un yí wǎn ná ɔ́ wɛ nyí ɖɔ è nǐ nɔ gbejí nú mì, bó yí wǎn nú mì nǔgbó. É nyí vɔ̌sísá lɛ́ɛ wɛ un yí wǎn ná ǎ. Nú è tunwun ɖɔ nyɛ wɛ nyí Mawu ɔ́, un yí wǎn nú énɛ́ ɔ́ hú è nǐ dǒ vɔ̌ zo nú mì ɖo vɔ̌sákpe jí.

Maki 12:33

Hǔn, gbɛtɔ́ ɖó ná yí wǎn nú Mawu kpódó ayixa tɔn bǐ kpó, kpódó linlin tɔn bǐ kpó, kpódó hlɔ̌nhlɔ́n tɔn bǐ kpó, bó ná yí wǎn nú nɔzo tɔn é ɖésúnɔ ɖɔhun; énɛ́ ɔ́ nyɔ́ hú vɔ̌ e è dó zo é, kpódó vɔ̌sísá ɖě lɛ́ɛ bǐ kpán.”

Jǎan 1:29

Ayǐhɔ́ngbe tɔn ɔ́, Jǎan mɔ Jezu jǎwe bó ɖɔ: “Mi kpɔ́n! Lɛ̌ngbɔ́ví Mawu tɔn e nɔ sɔ́ hwɛ kɛ gbɛtɔ́ lɛ́ɛ ɔ́ ɖíe.

Hlɔ̌manu 11:27

Akɔ e un ná jɛ xá yě hwenu e un ná ɖe hwɛ yětɔn lɛ́ɛ sín kɔ nú yě ɔ́ nɛ́.”

Eblée 10:1

Sɛ́n Jwifu lɛ́ɛ tɔn nyí nǔ ɖagbe e jǎwe lɛ́ɛ sín ninɔmɛ pɛ́pɛ́pɛ́ ǎ; yɛ nǔ lɛ́ɛ tɔn kpowun wɛ. Sɛ́n ɔ́ sixú zɔ́n bɔ mɛ e nɔ sɛkpɔ́ Mawu lɛ́ɛ ná nyí mɛ mímɛ́ bɔ nǔ vɔ ɖ'é wú ǎ; é sixú zɔ́n nú yě ná nyí mɛ mímɛ́ gbɔn vɔ̌ ɖokpó e sá wɛ è nɔ ɖe ayǐhɔ́ngbe ayǐhɔ́ngbe ɖo xwewú xwewú tɛgbɛ ɔ́ gbla mɛ gbeɖé ǎ.

Eblée 10:11

Vɔ̌sánú-xwlémawutɔ́ ɖé fɔ́n ɔ́, é nɔ ɖo azɔ̌ tɔn wa wɛ; é nɔ ɖo vɔ̌ ɖokpó ɔ́ sá wɛ hwɛhwɛ, có vɔ̌sísá énɛ́ lɛ́ɛ nɔ sixú súnsún hwɛ mɛtɔn lɛ́ɛ síin gbeɖé ǎ.

Eblée 10:8

É tó ɖɔ: “A ba vɔ̌sísá ǎ; a ka ba nǔníná ǎ; a ba kanlin e è dǒ zo ɖo vɔ̌sákpe jí é abǐ vɔ̌sísá e nɔ súnsún hwɛ mɛtɔn lɛ́ɛ é ɖě ǎ; nǔ énɛ́ lɛ́ɛ ɖě nɔ hun xomɛ nú we ǎ; có lě e sɛ́n ɔ́ zɔ́n gbɔn ɔ́ wɛ è nɔ sá vɔ̌ énɛ́ lɛ́ɛ gbɔn.”

Eblée 9:9

Nǔ énɛ́ ɔ́, xlɛ́ ɖé wɛ é nyí, bó ɖo xó ɖɔ dó hwenu e mǐ ɖe din ɔ́ wú wɛ. Nǔ énɛ́ ɔ́ ɖo tíntín mɛ wɛ ɖɔ nǔ e è nɔ ná Mawu lɛ́ɛ kpó vɔ̌ e è nɔ sɔ́ kanlin dó sá n'i ɔ́ kpó kún sixú bló bónú mɛ e ɖo Mawu sɛn gbɔn mɔ̌ wɛ ɔ́ sín ayi ní mɛ́, bónú nǔ vɔ ɖ'é wú ó.

1 Jǎan 3:5

Mi ka tunwun ɖɔ Klísu wá, bó ná ɖe hwɛ lɛ́ɛ síin; hwɛ ɖě ka ɖo ayi tɔn mɛ ǎ.