Eblée 10:34 - MAWUXÓWÉMA

³⁴ Nǔgbó ɔ́, mi kú nǔbláwǔ nú mɛ e è wlǐ dó gankpá mɛ lɛ́ɛ, bɔ hwenu e è wǎ bɛ́ nǔ mitɔn lɛ́ɛ ɔ́, mi yí gbe ná kpódó xomɛhunhun kpó, ɖó mi tunwun ɖɔ dɔkun e nyɔ́ hú dɔkun énɛ́ lɛ́ɛ, bó nɔ́ nɔ ayǐ káká sɔ́yi ɔ́ ɖo émí sí.

Eblée 10:34 Iomraidhean Croise

Nǔnywɛ́tɔ́xó 3:6

Hwenu e è nǎ ba nǔ dó ɔ́ ɖe, bɔ hwenu e è nǎ hɛn nǔ bǔ dó é ɖe. Hwenu e è nǎ hɛn nǔ dó ɔ́ ɖe, bɔ hwenu e è nǎ sɔ́ nǔ nyi gbě dó é ɖe.

Matíe 19:21

Jezu ka ɖɔ n'i ɖɔ: “Nú a jlǒ ná nyí mɛ ɖagbe yi fó hǔn, bo yi bɛ́ nǔ e ɖo así towe lɛ́ɛ bǐ sa, bó sɔ́ akwɛ́ tɔn má nú wamamɔnɔ lɛ́ɛ; énɛ́ ɔ́, a nǎ ɖó dɔkun ɖo Mawu gɔ́n. Énɛ́ ɔ́ gúdo ɔ́, wǎ xwedó mì.”

Luki 10:42

Nǔ ɖokpó géé jɛ́n ká ɖo tají. Mali wɛ ka sɔ́ akpá ɖagbe ɔ́, bɔ mɛɖé ná yí sín así tɔn ǎ.”

Luki 12:33

Mi sa nǔ e mi ɖó lɛ́ɛ, bó má akwɛ́ tɔn nú wamamɔnɔ lɛ́ɛ. Mi hɛn akwɛ́kpo e ma ná gbi ǎ lɛ́ɛ; mi kplé dɔkun ɖó Mawu gɔ́n fí e nǔɖé ma ná wa ɛ ɖe ǎ é; ɖó ajotɔ́ nɔ yi fínɛ́ ǎ; nǔvínúví nɔ ɖu nǔ ɖo fínɛ́ ǎ.

Luki 9:25

Ényí mɛɖé ka ɖó nǔ e ɖo gbɛ élɔ́ mɛ ɔ́ bǐ, lobo ka dɔn, abǐ gbɛ é ɖésúnɔ tɔn ka bú dó e ɔ́, le tɛ́ wɛ ɖ'é mɛ n'i?

Mɛsɛ́dó 21:33

Ahwangán ɖaxó ɔ́ sɛ yá Pɔ́lu, bó ɖe gbe ɖɔ è ní wlǐ i, bó sɔ́ wlɔ we bó dó e; é kan mɛ e Pɔ́lu nyí ɔ́ kpódó nǔ e é wa ɔ́ kpó byɔ́.

Mɛsɛ́dó 28:20

Nǔ e wú un byɔ́ ɖɔ ma mɔ mi, bó ná ɖɔ xó nú mi ɔ́ nɛ́; ɖó mɛ e ɖó nukún wɛ Izlayɛ́li togun ɔ́ ɖe ɔ́ wú wɛ è dǒ wlɔ mì lě.”

Mɛsɛ́dó 5:41

Mɛsɛ́dó lɛ́ɛ ka gosín toxóɖɔgbɛ́ ɔ́ nukɔn, bɔ xomɛ hun yě tlala, ɖó yě mɔ ɖɔ Mawu mɔ émí dó mɔ mɛ e jɛ xá ya ji dó Jezu nyǐkɔ mɛ é.

2 Kɔlɛ́ntinu 5:1

Nǔgbó ɔ́, mǐ tunwun ɖɔ nú è kíjá agbaza mǐtɔn e nyí goxɔ ayǐkúngban jí tɔn ɔ́, mǐ ɖó ɖěvo e nyí xɔ Mawu tɔn e gbɛtɔ́ sín alɔ ma bló ǎ, bɔ é ná nɔ ayǐ káká sɔ́yi ɔ́ ɖo sɛ́xwé.

Efɛ́zinu 3:1

Énɛ́ ɔ́ wútu ɔ́, nyɛ Pɔ́lu e ɖo gan sɛn wɛ ɖó Klísu Jezu e sɛn wɛ un ɖe ɔ́ wú, dó mi mɛ e ma nyí Jwifu ǎ lɛ́ɛ sín tamɛ ɔ́,

Efɛ́zinu 4:1

Đó nǔ énɛ́ lɛ́ɛ bǐ wú ɔ́, nyɛ mɛ e ɖo ganxó ɖó un ɖo Aklúnɔ sɛn wɛ wútu ɔ́, un ɖo byɔ̌byɔ́ mi wɛ ɖɔ mi ní zán gbɛ mitɔn ní sɔgbe xá lě e Mawu jló gbɔn hwenu e é ylɔ́ mi é.

Efɛ́zinu 6:20

Un ɖo gankpá mɛ din cóbó ka sɔ́ Wɛn Ɖagbe énɛ́ sín afɔ ɖó te. Hǔn mi bo nɔ xo ɖɛ nú mì, bónú ma sixú jlá Wɛn Ɖagbe ɔ́ kpódó jiɖiɖe kpó lě e un ɖó ná bló gbɔn é.

Filípunu 1:7

Linlin mɔ̌hunkɔtɔn e un ɖó dó mi bǐ wú ɔ́ sɔgbe ganjí. Nǔgbó ɔ́, mi bǐ ɖo ayi mɛ nú mì, ɖó din e un ɖo gankpá mɛ ɔ́ kpó hwenu e è ma ko wlí mì ǎ, bɔ un jɛ ahwan Wɛn Ɖagbe ɔ́ jí, bó sɔ́ jínjɔ́n ayǐ, bɔ é lí dǒ é kpó ɔ́, ɖagbe e Mawu wa nú mì ɔ́, é wa nú mi lɔmɔ̌.

Kolósinu 1:5

Hwenu e è hɛn xó nǔgbó e nyí Wɛn Ɖagbe ɔ́ wá mi gɔn azɔn nukɔn nukɔntɔn ɔ́, è ɖe nukúnɖíɖó e é nɔ ná mɛ ɔ́ xlɛ́ mi. Énɛ́ ɔ́, nǔɖiɖi mitɔn kpódó wǎn yíyí mitɔn kpán jínjɔ́n nǔ e ɖó nukún wɛ mi ɖe, bɔ Mawu sɔ́ ɖ'ayǐ nú mi ɖo sɛ́xwé ɔ́ jí.

1 Timɔtée 6:19

Ényí yě ɖo mɔ̌ wa wɛ ɔ́, dɔkun ɖagbe, dɔkun e wú è hɛn ɔ́, è nǎ gán jɛ ɔ́ kplé ɖ'ayǐ nú yěɖée wɛ yě ɖe nú sɔ yí e ná wá hɔ́n é, bó ná dó mɔ gbɛ jɔ gbɛ ɔ́ yí.

2 Timɔtée 1:16

Aklúnɔ ní ɖe nǔbláwǔkúnúmɛ tɔn xlɛ́ hɛ̌nnu Onɛzifɔ́ɔ tɔn, ɖó é nɔ dó wǔsyɛ́n lanmɛ nú mì hwɛhwɛ; winnyá hu i ɖó nyɛ mɛ e ɖo gankpá mɛ ɔ́ wú ǎ.

2 Timɔtée 2:9

Wɛn Ɖagbe énɛ́ wú wɛ un ɖo ya ji wɛ káká bɔ è dǒ wlɔ mì nǔ nyanya ɖé wɛ un wa ɖɔhun; Mawuxó ɔ́ ka ɖo wlɔ mɛ ǎ.

2 Timɔtée 4:8

Bɔ din ɔ́, ajɔ e è nǎ ná mɛ e ɖu ɖ'é jí lɛ́ɛ ɖo te nú mì; é wɛ nyí hwɛjijɔ sín ɖuɖéjígbákún e Aklúnɔ e nɔ́ ɖɔ hwɛjijɔ ɔ́ ná ná mì azǎn énɛ́ gbe é. É ka nyí nyɛ ɖokpónɔ wɛ é ná ná ǎ, lo ɔ́, mɛ e yí wǎn n'i, bó ɖo te kpɔ́n wǐwá tɔn lɛ́ɛ bǐ wɛ é ná ná.

Eblée 11:16

To e nyɔ́ hú to e mɛ yě gosín ɔ́ ba wɛ yě ɖe; to ɔ́ wɛ nyí to yě ɖésúnɔ tɔn ɖo sɛ́xwé. Énɛ́ ɔ́ wú wɛ winnyá ma hu Mawu ɖɔ è nǐ ylɔ́ émí ɖɔ Mawu mɛ énɛ́ lɛ́ɛ tɔn ǎ; ɖó é bló toxo ɖaxó ɖokpó ɖó ɖ'ayǐ nú yě ɖo sɛ́xwé.

Eblée 13:14

Đó mǐ ɖó toxo e nɔ nɔ ayǐ káká sɔ́yi ɔ́ ɖo ayǐkúngban jí fí ǎ; amɔ̌ mǐ ɖo toxo Mawu tɔn e jǎwe ɔ́ ba wɛ.

Eblée 13:3

Mi flín mɛ e ɖo ganxó lɛ́ɛ, mi ɖésúnɔ wɛ ɖo ganxó ɖɔhun. Mi flín mɛ e è ɖo ya dó ná wɛ lɛ́ɛ, ɖó mi ɖésú ɖó agbaza.

Eblée 9:15

Énɛ́ ɔ́ wú wɛ Klísu nyí ɖɛ̌mɛnu nú akɔjijɛ yɔ̌yɔ́ ɔ́ bónú mɛ e Mawu ylɔ́ lɛ́ɛ ná sixú mɔ nyɔ̌ná mavɔ mavɔ e sín akpá é dó nú yě lɛ́ɛ yí. Yě ná mɔ nǔ e sín akpá Mawu dǒ nú yě ɔ́ yí, ɖó Klísu kú, bɔ kú tɔn hwlɛ́n gbɛtɔ́ lɛ́ɛ gán sín hwɛ e yě hu hwenu e yě ɖo akɔjijɛ nukɔntɔn ɔ́ glɔ́ lɛ́ɛ mɛ.

Jaki 1:2

Nɔví ce lɛ́ɛ mi, hwenu e è nǎ ɖo mi dó kpɔ́n wɛ gbɔn alɔkpa lɛ́ɛ bǐ mɛ ɔ́, ní nyí awǎjijɛnú nú mi;

1 Piyɛ́ɛ 1:4

bɔ ɖagbe e Mawu sɔ́ ɖ'ayǐ nú mɛ e nyí étɔn lɛ́ɛ é ná ná xomɛhunhun mǐ. Đagbe énɛ́ lɛ́ɛ ɔ́, ɖagbe ɖé wɛ yě nyí bó sixú gblé ǎ; yě sixú blí ǎ; yě ka sixú cá ǎ. Mawu sɔ́ ɖagbe énɛ́ lɛ́ɛ ɖ'ayǐ ɖó sɛ́xwé,

1 Jǎan 3:2

Mɛvívɛ́ná ce lɛ́ɛ mi, din ɔ́, Mawu ví wɛ mǐ nyí; amɔ̌, è ko ɖe nǔ e mi ná wá nyí ɔ́ xlɛ́ céɖécéɖé ǎ. Lo ɔ́, nǔ e mǐ tunwun kpowun ɔ́ wɛ nyí ɖɔ hwenu e Klísu ná lɛ́ kɔ wá ɔ́, mǐ ná cí é ɖɔhun; ɖó mǐ ná mɔ ɛ lě e é ɖe gbɔn é.