Eblée 10:30 - MAWUXÓWÉMA

³⁰ Đó mǐ tunwun mɛ e ɖɔ: “Nyɛ wɛ nɔ ba hlɔn; nyɛ wɛ ná sú nǔ e è wa ɔ́ sín axɔ́ mɛ” é; mɛ ɖokpó énɛ́ ɔ́ wɛ lɛ́ ɖɔ: “Aklúnɔ ná ɖɔ hwɛ xá togun tɔn.”

Eblée 10:30 Iomraidhean Croise

Ɖɛhan 135:14

ɖó Mawu Mavɔmavɔ ná gbo hwɛ nú togun tɔn; mɛsɛntɔ́ tɔn lɛ́ɛ sín nǔ ná blá wǔ n'i.

Ɖɛhan 50:4

É ylɔ́ jǐnukúnsin sɛ́ dó jǐ aga, bó ylɔ́ ayǐkúngban, bɔ yě ná ɖo te bɔ é ná ɖɔ hwɛ xá togun tɔn.

Ɖɛhan 94:1

Mawu Mavɔmavɔ, Mawu hlɔnbanúmɛtɔ́, hwi Mawu hlɔnbanúmɛtɔ́ ɔ́, ɖe hwiɖée xlɛ́ ɖo susu towe mɛ.

Ɖɛhan 96:13

ɖo Mawu Mavɔmavɔ nukɔn, ɖó é jǎwe; é ja, bó ná ɖɔ hwɛ xá gbɛ ɔ́. É ná ɖɔ hwɛ xá gbɛ ɔ́ kpó hwɛjijɔ kpó. É ná xwedó nǔgbó dó ɖɔ hwɛ xá togun lɛ́ɛ.

Ɖɛhan 98:9

ɖo Mawu Mavɔmavɔ nukɔn, ɖó é jǎwe, bó ná wá ɖɔ hwɛ xá ayǐkúngban ɔ́; é ná ɖɔ hwɛ xá gbɛ ɔ́ ɖó sɛ́nxwi jí, bó ɖɔ hwɛ xá togun lɛ́ɛ lě e é sɔgbe gbɔn é.

Ezayíi 59:17

Hwɛjijɔ énɛ́ ɔ́ nyí ganwu bɔ é sɔ́ dó, bɔ hwlɛngán ɔ́ nyí gangbákún bɔ é xwe, hlɔnbiba wɛ nyí awu bɔ é sɔ́ dó, hlɔ̌nhlɔ́n e é nɔ́ dó fun ahwan ná ɔ́ wɛ nyí awu gaga bɔ é sɔ́ dó.

Ezayíi 61:2

É sɛ́ mì dó ɖɔ má yi ɖɔ nú mɛ bǐ ɖɔ xwe e mɛ Mawu Mavɔmavɔ ná jɔwǔ mɛ é wá, má yi ɖɔ nú mɛ bǐ ɖɔ azǎn e gbe Mawu mǐtɔn ná ba hlɔn kɛntɔ́ tɔn lɛ́ɛ wú é wá, má yi dó wǔsyɛ́n lanmɛ nú mɛ e ɖo aluwɛ mɛ lɛ́ɛ.

Ezayíi 63:4

Un ko tunwun dó ayi ce mɛ ɖɔ un ná ba hlɔn nú togun ce gbe ɖokpó; azǎn ɔ́ wɛ kpé. Xwe e xwe un ná hwlɛ́n togun ce gán ɔ́ wɛ su.

Ezekiyɛ́li 18:30

Énɛ́ ɔ́ wú ɔ́, Izlayɛ́li togun e mi, lě e mɛ ɖokpó ɖokpó wa nǔ gbɔn ɔ́ wɛ un ná kpɔ́n dó ɖɔ hwɛ xá mɛ ɔ́; xó e nyɛ Aklúnɔ Mavɔmavɔ ɖɔ ɔ́ nɛ́. Mi bo húzú jijɔ; mi lɛ́ kɔ sín nǔ nyanya e wa wɛ mi ɖe lɛ́ɛ gúdo. Mi ma lɔn gbeɖé nú nǔ wa nyi do mitɔn zɔ́n bónú mi zé gbɛ mitɔn nyi gbě ó.

Ezekiyɛ́li 34:17

“Mi lɛ̌ngbɔ́ ce lɛ́ɛ ɔ́, xó e ɖɔ nú mi wɛ nyɛ Aklúnɔ Mavɔmavɔ ɖe é ɖíe: Un ná nɔ́ gbo hwɛ nú gbɔ̌ ce lɛ́ɛ, un ná nɔ́ gbo nú agbo kpó gbǎgbá kpó.

Levíi ví 19:18

Mi ma ba hlɔn ó; mi ma ka hɛn to mitɔn mɛ nu lɛ́ɛ dó xomɛ ó. Lo ɔ́, mɛ ɖokpó ɖokpó ɖó ná yí wǎn nú nɔzo tɔn é ɖésúnɔ ɖɔhun. Nyɛ wɛ nyí Mawu Mavɔmavɔ.

Naxúmu 1:2

Mawu Mavɔmavɔ ɔ́, Mawu wɛ é nyí; é nɔ́ ba gbeɖé ɖɔ è nǐ sɛn nǔ ɖěvo zɛ émí ɖokpónɔ wú ǎ. É nɔ ba hlɔn. Mawu Mavɔmavɔ nɔ ba hlɔn; xomɛsin tɔn syɛ́n. Mawu Mavɔmavɔ nɔ ba hlɔn kɛntɔ́ tɔn lɛ́ɛ wú, é nɔ́ wɔn nǔ nyanya e yě nɔ́ wa lɛ́ɛ é ǎ.

Hlɔ̌manu 12:19

Mɛvívɛ́ná ce lɛ́ɛ mi, mi ɖésúnɔ ma nɔ ba hlɔn ó; lo ɔ́, mi nɔ jó xomɛsin Mawu tɔn dó ní nɔ́ wa azɔ̌, ɖó è wlǎn dó Mawuxówéma ɔ́ mɛ ɖɔ: “Nyɛ wɛ nɔ ba hlɔn; nyɛ wɛ nɔ sú nǔ e è wa ɔ́ sín axɔ́ mɛ; Aklúnɔ wɛ ɖɔ mɔ̌.”

Hlɔ̌manu 13:4

ɖó azɔ̌ wa nú Mawu wɛ é ɖe nú ɖagbe hwi ɖésúnɔ tɔn. Ényí a ka nɔ wa nǔ nyanya hǔn, ɖi xɛsi n'i; ɖó yǎyá wɛ é ɖó acɛ bó ná dɔn tó nú mɛ ǎ: É ɖo azɔ̌ wa nú Mawu wɛ, bó ná ɖe xomɛsin Mawu tɔn xlɛ́ mɛ e nɔ wa nǔ nyanya é.

2 Kɔlɛ́ntinu 5:10

Đó mǐ bǐ ɔ́, mǐ ɖó ná wá Klísu nukɔn, bɔ é ná ɖɔ hwɛ dó mǐ, bónú mɛ ɖokpó ɖokpó ná mɔ lě e é wa nǔ gbɔn hwenu e é ɖo agbaza tɔn mɛ ɔ́ sín ajɔ yí; nú nǔ ɖagbe wɛ mɛ ɔ́ wa, abǐ nǔ nyanya wɛ mɛ ɔ́ wa ɔ́, é ná mɔ ajɔ tɔn yí.

1 Samuwɛ́li 25:26

Din ɔ́ sɛ́ ce, un xwlé Mawu nú we ɖɔ nú Mawu Mavɔmavɔ ɖo gbɛ jɛ́n wɛ bónú hwi lɔ ɖo gbɛ ɔ́, Mawu Mavɔmavɔ wɛ hɛn we ɖó te ɖɔ hwi ní má kɔn hun kɔn nyi ayǐ dó ba hwɛjijɔ nú hwiɖée ó. Mɛ e nyí kɛntɔ́ towe lɛ́ɛ kpó mɛ e ɖo nyanya towe lin wɛ lɛ́ɛ kpó ɔ́, nǔ e ná gbo Navalu ɔ́ ní gbo yě lɔ.

1 Samuwɛ́li 26:10

Bɔ Davídi lɛ́ xwlé Mawu ɖɔ: “Mawu Mavɔmavɔ ɖo gbɛ. Mawu Mavɔmavɔ ɖésú jɛ́n ná hu i. Afɔ nyɔ́ ɔ́, é sixú kú sɛ́ kú, é ká sixú yi ahwan bo cí ahwan.