Eblée 10:3 - MAWUXÓWÉMA

³ Nǔgbó ɔ́, hwɛ e mɛ lɛ́ɛ hu ɔ́ wɛ vɔ̌sísá énɛ́ lɛ́ɛ nɔ flín yě xwewú xwewú.

Eblée 10:3 Iomraidhean Croise

1 Axɔ́sú 17:18

Ée vǐ ɔ́ sín gbɔjɛ xwɛ mɔ̌ ɔ́, nyɔ̌nu ɔ́ ɖɔ nú Elíi ɖɔ: “Étɛ́wú wɛ a wa mɔ̌ xá mì gbeyíɖɔ Mawu tɔn? A nǎ flín hwɛ e un hu lɛ́ɛ Mawu, bó ná hu vǐ ce wú wɛ a wǎ a?”

Tíntɔ́n 30:10

Aalɔ́ɔn ná nɔ́ sá hwɛsɔ́kɛmɛvɔ́ azɔn ɖokpó ɖo xwe ɖokpó mɛ. É ná kɔn kanlin e è hu dó sá vɔ̌ énɛ́ ɔ́ ná, bó ná mɔ hwɛsɔ́kɛmɛ yí ɔ́, sín hun dó vɔ̌sákpe ɔ́ sín zo e tɔ́n lɛ́ɛ jí. Xwewú xwewú wɛ è nǎ nɔ́ sá vɔ̌ énɛ́ ɔ́, sín jijimɛ ɖě jí yi ɖě jí. È ná zé vɔ̌sákpe ɔ́ ɖó vo nú mì, bɔ é ná nyí nǔ mímɛ́ titewungbe ɖé.”

Levíi ví 16:34

“Sɛ́n ɖé wɛ sɛ́n énɛ́ ɔ́ nyí, bɔ mi ná nɔ́ nyi káká sɔ́yi, bɔ azɔn ɖokpó ɖo xwe ɖokpó mɛ ɔ́, è nǎ nɔ́ sá vɔ̌ e nɔ súnsún hwɛ sín kɔ nú mɛ ɔ́ dó Izlayɛ́li togun ɔ́ bǐ ta mɛ.” Ée Mɔyízi ɖɔ xó énɛ́ lɛ́ɛ nú Aalɔ́ɔn ɔ́, Aalɔ́ɔn bló nǔ e Mawu Mavɔmavɔ ɖɔ nú Mɔyízi é.

Matíe 26:28

Ɖó élɔ́ ɔ́, hun ce wɛ; hun e Mawu dó sɔ́ akɔjijɛ sín afɔ ɖó te ná ɔ́ wɛ. É wɛ kɔn nyi ayǐ, dó gbɛtɔ́ gěgé tamɛ, nú hwɛ sɔ́ kɛ mɛ.

Jǎan 2:17

Ée ahwanvú tɔn lɛ́ɛ mɔ mɔ̌ ɔ́, yě flín xó élɔ́ e è wlǎn dó Mawuxówéma ɔ́ mɛ ɔ́: “Wǎn yíyí e un ɖó nú xwé towe ɔ́, wǎn yíyí ma ɖó jlɛ̌ ɖé wɛ, bó nɔ́ sɔ́ akpakpa mì.”

Eblée 9:7

Amɔ̌, tɛn wegɔ́ ɔ́, vɔ̌sánú-xwlémawutɔ́ ɖaxó ɔ́ kɛ́ɖɛ́ jɛ́n nɔ byɔ́ mɛ; azɔn ɖokpó wɛ é nɔ byɔ́ mɛ ɖo xwe ɖokpó mɛ. É ɖó ná hɛn kanlin sín hun byɔ́ mɛ, bó ná zé xwlé Mawu dó hwɛ e é ɖésúnɔ hu lɛ́ɛ kpódó ée togun ɔ́ ma tunwun ǎ bo hu lɛ́ɛ kpó tamɛ.