Eblée 10:26 - MAWUXÓWÉMA

²⁶ Đó ée mǐ mɔ nukúnnú jɛ nǔ e nyí nǔgbó ɔ́ wú ɔ́, nú mǐ lɛ́ jló bó kpo ɖo hwɛ hu wɛ hǔn, vɔ̌sísá ɖěbǔ sɔ́ tíin bó ná ɖe hwɛ sín kɔ nú mǐ ǎ.

Eblée 10:26 Iomraidhean Croise

Levíi ví 4:13

Mawu Mavɔmavɔ ɖɔ: “Ényí Izlayɛ́li togun ɔ́ bǐ wɛ má tunwun ǎ, bó gba sɛ́n e Mawu Mavɔmavɔ dó lɛ́ɛ ɖě ɔ́, hwɛ wɛ yě hu; yě tunwun bo bló ǎ, có hwɛ wɛ é nyí bɔ yě hu.

Levíi ví 4:2

é ní ɖɔ nú Izlayɛ́li ví lɛ́ɛ ɖɔ: “Ényí mɛɖé má tunwun ǎ, bó gba sɛ́n e Mawu Mavɔmavɔ dó lɛ́ɛ ɖě, bó dó hu hwɛ ɔ́, nǔ e è nǎ wa ɔ́ ɖíe:

Luki 12:47

“Mɛsɛntɔ́ e ka tunwun nǔ e gǎn tɔn nɔ jló ɔ́, bó ma ka sɔ́nǔ, bó bló nǔ e gǎn tɔn nɔ jló ɔ́ ǎ é ɔ́, é ná ɖu bǎ ɖésú.”

Jǎan 13:17

Nǔ lɛ́ɛ bǐ mɛ nɛ́ mi mɔ nukúnnú jɛ nɛ́; ényí mi bló ɖ'é jí ɔ́, é ná nyɔ́ nú mi.

Jǎan 9:41

Jezu ka yí gbe nú yě ɖɔ: “Ényí nukúntíntɔ́nnɔ wɛ mi ko nyí ɔ́, hwɛ mitɔn sɔ́ ná kpo ɖo kɔ nú mi ǎ. Lo ɔ́, ée mi nɔ ɖɔ émí nɔ mɔ nukúnnú ɔ́, hwɛ mitɔn lɛ́ɛ kpo ɖo kɔ nú mi.”

Sɛ́nflínmɛ 17:12

Vɔ̌sánú-xwlémawutɔ́ ɖo Mawu Mavɔmavɔ xwé gbe bó ɖo azɔ̌ tɔn wa wɛ; hwɛɖɔtɔ́ lɔ ɖo fínɛ́ bó ɖo azɔ̌ tɔn wa wɛ. Ényí mɛ ɖé syɛ́n ta bó má ké ya nú xó yětɔn ǎ ɔ́, è ɖǒ ná hu mɛ ɔ́. Lě e mi ná sú walɔ nyanya kún dó gbɔn ɖo tɛ́ntin mitɔn, ɖo Izlayɛ́li é nɛ́.

2 Tɛsalonikinu 2:10

É ná wa nǔ nyanya gbɔn alɔkpa bǐ mɛ, bó ná dó blɛ́ mɛ e ná dɔn lɛ́ɛ ná; yě ná dɔn, ɖó nǔgbó e ná hwlɛ́n yě gán ɔ́, yě yí ǎ; yě ká yí wǎn ná ǎ.

1 Timɔtée 1:13

Có ɖ'ayǐ ɔ́, un ko nylá nu dó wǔtu tɔn, bó kó dó ya n'i, bó ɖɔ alǎnnú n'i kpɔ́n. Lo ɔ́, é kú nǔbláwǔ nú mì, ɖó hwenɛ́nu ɔ́, un ɖi nǔ n'i ǎ, un ka tunwun nǔ e wa wɛ un ɖe ɔ́ ǎ.

1 Timɔtée 2:4

É wɛ jló ɖɔ gbɛtɔ́ lɛ́ɛ bǐ ní mɔ hwlɛngán, bó ná tunwun nǔgbó ɔ́ bǐ dégbédégbé.

Jaki 4:17

Énɛ́ ɔ́, mɛ e tunwun nǔ ɖagbe e é ɖó ná wa ɔ́, bó ma ka nɔ wa ǎ ɔ́, hwɛ hu wɛ é ɖe.

1 Jǎan 5:16

Ényí mɛɖé mɔ nɔví tɔn ɖo hwɛ hu wɛ hǔn, mɛ ɔ́ ní xo ɖɛ n'i; énɛ́ ɔ́, Mawu ná ná gbɛ nɔví énɛ́. É ka ɖo mɔ̌ có, hwɛ ɖokpó tíin bó nɔ dɔn mɛ yi kú; hwɛ énɛ́ tamɛ wɛ un ɖɔ è nǐ xo ɖɛ dó ǎ.

1 Samuwɛ́li 2:25

Ényí gbɛtɔ́ ɖě hu hwɛ dó ɖě ɔ́, Mawu ná ɖɔ hwɛ xá ɛ. É ká nyí Mawu Mavɔmavɔ wɛ é hu hwɛ dó ɔ́, mɛ̌ ká ná ɖɔ gbo n'i?” Yě ká ɖótó tɔ́ yětɔn sín xó ǎ; yě ɖótó ǎ, ɖó Mawu Mavɔmavɔ ka ko jló ná hu yě.