Eblée 10:25 - MAWUXÓWÉMA

²⁵ Mǐ ma jó agun e mɛ mǐ nɔ yi é dó, mɛ e ko nɔ bló mɔ̌, bɔ é ko má yě lɛ́ɛ ɖɔhun ó. Lo ɔ́, mǐ ní nɔ ná kanmɛsyɛ́n mǐɖée, ɖó Aklúnɔ sín azǎn ɔ́ ko ɖo sisɛkpɔ́ wɛ lě e mɔ gbɔn wɛ mi ɖe din é.

Eblée 10:25 Iomraidhean Croise

Matíe 10:15

Má ɖɔ nǔgbó nú mi: é wá jɛ hwɛɖɔzán gbe ɔ́, é ná bɔkun nú Sodɔ́munu lɛ́ɛ kpódó Gomɔ́ɔnu lɛ́ɛ kpó hú to énɛ́ mɛ nu lɛ́ɛ.”

Matíe 18:20

Ɖó fí e mɛ we, abǐ mɛ atɔn kplé ɖe, ɖo nyǐkɔ ce mɛ ɔ́, un ɖo tɛ́ntin yětɔn.”

Jǎan 12:48

Mɛ e gbɛ́ mì, bó ma yí xó ce lɛ́ɛ ǎ ɔ́, é ko ɖó nǔ e na ɖɔ hwɛ xá ɛ lɛ́ɛ; xó e un ɖɔ lɛ́ɛ wɛ ja hwɛ ɖɔ xá ɛ gbé ɖo azǎn gǔdo gúdo tɔn ɔ́ gbe.

Mɛsɛ́dó 16:16

Mǐ wá xwe ɖɛxotɛnmɛ gbe ɖokpó, bó kpé nyɔ̌nu mɛsɛntɔ́ ɖé, bɔ yɛ nyanya ɖé ɖo jǐ tɔn, bɔ é nɔ kan amɔɛ nú mɛ lɛ́ɛ. Nǔ énɛ́ e é nɔ wa ɔ́ nɔ zɔ́n, bɔ é nɔ dɔn akwɛ́ gěgé wá nú gǎn tɔn lɛ́ɛ.

Mɛsɛ́dó 2:1

Pantekótu sín xwezán gbe ka wá su, bɔ nǔɖitɔ́ lɛ́ɛ bǐ kplé ɖo fí ɖokpó ɔ́.

Mɛsɛ́dó 2:42

Yě nɔ́ ɖó kan dó mɛsɛ́dó lɛ́ɛ sín nǔkplɔ́nmɛ kpódó kpɔ́ninɔ ɖo nɔví mɛ kpó wú, bó nɔ́ ɖó kan dó kɔnɖókpɔ́núɖuɖu ɔ́ kpódó ɖɛxixo kpó wú.

Mɛsɛ́dó 20:7

Azǎn nukɔntɔn e ɖo aklúnɔzángbla mɛ ɔ́, gbadanu tɔn ɔ́, mǐ kó kplé bó ná ɖu kɔnɖókpɔ́ nǔɖuɖu ɔ́; Pɔ́lu ka ɖó ná yi ayǐhɔ́ngbe tɔn zǎnzǎn; é ka ɖo xó ɖɔ xá yě mɛ e ɖi nǔ nú Jezu lɛ́ɛ wɛ káká bɔ zǎn vlɔ́ ɖó we.

Hlɔ̌manu 12:8

Mɛ e ɖó nǔníná e nɔ́ ná akɔ́nkpinkpan mɛ ɔ́ ɖó ná ná akɔ́nkpinkpan mɛ. Mɛ e nɔ ná nǔ mɛ ɔ́ ní nɔ hun alɔ bo nɔ ná mɛ. Mɛ e nyí nukɔntɔ́ ɔ́ ní bí dó azɔ̌ wú. Mɛ e nɔ d'alɔ gbɛ̌dónánɔ lɛ́ɛ ní nɔ́ bló kpódó xomɛhunhun kpó.

1 Kɔlɛ́ntinu 11:20

Ényí mi kplé ɔ́, é nyí Aklúnɔ sín nǔɖuɖu ɔ́ wɛ mi nɔ ɖu ǎ.

1 Kɔlɛ́ntinu 14:23

Hǔn, mǐ ní ɖɔ agun ɔ́ bǐ kplé bɔ mɛ bǐ jɛ xó ɖɔ dó gbe tɛnmɛ tɛnmɛ mɛ jí: nú gbɛtɔ́ kpaa lɛ́ɛ abǐ mɛ e ma ɖi nǔ ǎ lɛ́ɛ byɔ́ fí e mi ɖe ɔ́, yě ná ɖɔ taɖu wɛ mi hun ǎ cé?

1 Kɔlɛ́ntinu 14:3

Amɔ̌, mɛ e yí wɛn ɖo Mawu sí bó ɖo dǐdó wɛ ɔ́, gbɛtɔ́ lɛ́ɛ ɖɔ xó ná wɛ é ɖe, bónú yě ná dó yi nukɔn ɖo nǔɖiɖi mɛ, bó ná dó ná akɔ́nkpinkpan yě, bó ná dó dó gbɔ nú yě.

1 Kɔlɛ́ntinu 3:13

Amɔ̌, Aklúnɔ sín azǎn ɔ́ wɛ ná ɖe lě e azɔ̌ mɛ ɖokpó ɖokpó tɔn ɖe gbɔn é xlɛ́, bɔ é ná jɛ wěxo. Nǔgbó ɔ́, azǎn énɛ́ ɔ́ ná wá kpó myɔ kpó, bɔ myɔ ná gbéjé azɔ̌ e mɛ ɖokpó ɖokpó wa ɔ́ kpɔ́n, bó ná ɖe azɔ̌ alɔkpa e é nyí ɔ́ xlɛ́.

Filípunu 4:5

Mi fá xomɛ dó mɛ bǐ wú. Aklúnɔ ná wá zaanɖé din.

1 Tɛsalonikinu 4:18

Hǔn mi bo zé xó énɛ́ lɛ́ɛ dó dó wǔsyɛ́n lanmɛ nú miɖée.

1 Tɛsalonikinu 5:11

Hǔn, mi ná akɔ́nkpinkpan miɖée, bó dó wǔsyɛ́n lanmɛ nú miɖée, lě e bló gbɔn wɛ mi ko ɖe é.

Eblée 10:24

Mi nú mǐ ná kpé nukún dó mǐɖée wú, bó ná flɔ́ wǎn yíyí sín zo dó lanmɛ nú mǐɖée, bó ná ɖó wǎn yíyí, bó ná nɔ flɔ́ ɖagbewiwa sín zo dó lanmɛ nú mǐɖée, bó ná wa ɖagbe.

Eblée 10:37

Nǔgbó ɔ́, lě e Mawuxówéma ɖɔ gbɔn ɔ́: “É lɛ́ kpo hwenu kpɛɖé, kpɛví títí ɖé bɔ mɛ e ɖó ná wá ɔ́ ná wá; é ná lín có bo wá ǎ.

Eblée 13:22

Nɔví lɛ́ɛ mi, un ɖo byɔ̌byɔ́ mi wɛ ɖɔ mi ní ɖó sɔxwixwe, bó ɖótó akɔ́nkpinkpan sín xó e un ɖɔ sɛ́ dó mi lɛ́ɛ é; ɖó wěma élɔ́ e un wlán sɛ́ dó mi ɔ́ ɖi ga dín ǎ.

Eblée 3:13

É nyɔ́ wa ɔ́, mi nɔ ná akɔ́nkpinkpan miɖée ayǐhɔ́ngbe ayǐhɔ́ngbe káká yi jɛ hwenu e “Égbé din” e xó è ɖɔ dó Mawuxówéma ɔ́ mɛ ɔ́ ná ɖo azɔ̌ wa dó mǐ jí wɛ yi jɛ é, bónú ɖokpó mitɔn ma jó éɖée dó nú hwɛhuhu flú i, bónú é wá húzú tótlítɔ́ ó.

Jaki 5:8

Mi lɔmɔ̌ ɔ́, mi ɖó suúlu; akɔ́nkpinkpan ní kpé mi, ɖó Aklúnɔ sín wiwa ko sɛkpɔ́.

1 Piyɛ́ɛ 4:7

Hwenu nǔ lɛ́ɛ bǐ ná vɔ dó ɔ́ ko yá; mi zán gbɛ e sɔgbe é; ayixa mitɔn ní nɔ te bónú mi ná nɔ sixú xo ɖɛ.

2 Piyɛ́ɛ 3:11

Ée é nyí ɖɔ nǔ énɛ́ lɛ́ɛ bǐ ná vɔ gbɔn mɔ̌ ɔ́, mi mɔ nukúnnú jɛ ninɔmɛ e mi ɖó ná ɖó ɔ́ wú ganjí. Mi ɖó ná nɔ zán gbɛ mímɛ́, bó ná nɔ ɖó sísí nú Mawu,

2 Piyɛ́ɛ 3:14

Énɛ́ ɔ́ wú ɔ́, nɔví ce vívɛ́ná lɛ́ɛ mi, ée mi ɖo te kpɔ́n nǔ énɛ́ lɛ́ɛ sín jijɛ ɔ́, mi bo ɖo nǔ e wú mi kpé ɔ́ bǐ wa wɛ, bó ná dó nyí mɛ mímɛ́ ma ɖó blɔ̌ ɖo wǔ ɖo Mawu nukɔn, bó ná dó nɔ fífá mɛ kpó Mawu kpó.

2 Piyɛ́ɛ 3:9

Aklúnɔ nɔ lín có bó nɔ ɖe akpá e é dó lɛ́ɛ, lě e mɛɖé lɛ́ɛ nɔ vɛdó ɔ́ ǎ. Lo ɔ́, é nɔ ɖó suúlu dó mi wú; ɖó é jló ɖɔ mɛ ɖěbǔ ní dɔn ǎ; é nyɔ́ wa ɔ́, é jló ɖɔ mɛ bǐ ní mɔ ali, bó lɛ́ kɔ sín nǔ nyanya wiwa gúdo.

Judi 1:19

Yě wɛ nɔ dɔn kínklán byɔ́ mɛ mɛ. Gbɛtɔ́ e yě nyí ɔ́ wɛ nɔ ɖu ɖo yě jǐ; é nyí Yɛsinsɛn wɛ nɔ ɖu ɖo yě jí ǎ.