Eblée 10:2 - MAWUXÓWÉMA

² Mɛ e nɔ sɛn Mawu gbɔn mɔ̌ lɛ́ɛ ɔ́, ényí è ko slá wǔ titewungbe ɔ́ nú yě azɔn ɖokpó bɔ xó fó wɛ ɔ́, yě sɔ́ ná lɛ́ kpo ɖo linlin wɛ ɖɔ hwɛ émítɔn lɛ́ɛ kpo ɖo kɔ nú émí ǎ, bó ná jó vɔ̌sísá tɛnmɛ tɛnmɛ bǐ dó.

Eblée 10:2 Iomraidhean Croise

Ɖɛhan 103:12

Lě do gbadahwe jí lín dó zǎnzǎnhwe jí sɔ ɔ́, mɔ̌ do wɛ Mawu Mavɔmavɔ nɔ́ sɛ nǔwanyido mǐtɔn lɛ́ɛ dó zɔ nú mǐ sɔ.

Ezayíi 43:25

Amɔ̌, nyɛ wɛ sɔ́ hwɛ towe lɛ́ɛ kɛ we, ɖó é jló mì mɔ̌; un ka sɔ́ ná lɛ́ wá jí ǎ.

Ezayíi 44:22

Un ko dɔn nǔ gbɔn gǔ e a fɔ́n dó jǐ ce ɔ́ jí, un dɔn nǔ gbɔn hwɛ e a hu dó mì lɛ́ɛ jí. Bǐ wɛ kó súnsún, bǐ wɛ kó wá yi akpɔ́kpɔ́ ɖɔhun. Un ko hwlɛ́n we gán, lɛ̌ kɔ wá gɔ̌n ce.”

Micée 7:19

A nǎ lɛ́ kú nǔbláwǔ nú mǐ azɔn ɖokpó gɔ́ ná. A nǎ sɔ́ hwɛ mǐtɔn lɛ́ɛ kɛ mǐ, bó ná sɔ́ hwɛ mǐtɔn lɛ́ɛ nyi dó fí e gɔ́ngɔ́n hú fí bǐ ɖo xu mɛ é.

Zakalíi 9:11

Mawu Mavɔmavɔ ɖɔ: “Đó akɔ e un jɛ xá mi bó sɔ́ hun ce slé jí ɔ́ wú ɔ́, un ná ɖe mɛ mitɔn e nyí gantɔ́, ɖo do gɔngɔn e mɛ sin ma ɖe ǎ mɛ lɛ́ɛ nyi te.

Eblée 10:17

É lɛ́ ɖɔ: “Un sɔ́ ná flín hwɛ e yě hu lɛ́ɛ ǎ; un ka sɔ́ ná flín nǔ e yě wa nyi do lɛ́ɛ ǎ.”

1 Piyɛ́ɛ 2:19

Nǔgbó ɔ́, ényí è ɖo ya dó nú mi dó acɛ jí wɛ, bónú mi dɛ ɖ'é nu, ɖó mi jló ná se tónú nú Mawu wútu ɔ́, nǔ ɖagbe wɛ é nyí.