Eblée 10:19 - MAWUXÓWÉMA

¹⁹ Énɛ́ hǔn nɔví ce lɛ́ɛ mi, mǐ ɖó jiɖiɖe kpíkpé ɖɔ mǐ ná yi Tɛn mímɛ́ bǐ ɔ́ mɛ gbɔn hun Jezu tɔn gbla mɛ.

Eblée 10:19 Iomraidhean Croise

Hlɔ̌manu 5:2

Nǔɖiɖi mǐtɔn zɔ́n bɔ mǐ kpé wú, bó mɔ fɛ́nú e Mawu ná mǐ ɔ́ yí gbɔn Jezu jí; fɛ́nú énɛ́ wɛ zɔ́n bɔ mǐ lí dǒ din. Nǔ e nɔ dó xomɛhunhun nú mǐ ɔ́ wɛ nyí nukún e ɖó wɛ mǐ ɖe ɖɔ mǐ ná ɖó mǐmá ɖo susu Mawu tɔn mɛ é.

Hlɔ̌manu 8:15

Đó Yɛ e Mawu na mi ɔ́ nyí, yɛ e na sɔ́ mi dó ɖó kannumɔ, bó ná bló bɔ mi na húzú xɛsinɔ é ǎ. Lo ɔ́, Yɛsinsɛn e sɔ́ mi dó húzú Mawu ví, bó lɛ́ ná acɛ mǐ, bɔ mi nɔ sú xó ylɔ́ Mawu ɖɔ: “Daá ce! Tɔ́ ce vívɛ́ná” ɔ́ wɛ.

Efɛ́zinu 2:18

Đó Klísu jí wɛ mǐ bǐ ná gbɔn, Jwifu kpódó mɛ e ma nyí Jwifu ǎ é kpó, bó ná sixú yi Mawu Tɔ́ ɔ́ gɔ́n, kpódó Yɛsinsɛn ɖokpó énɛ́ sín alɔdó kpó.

Efɛ́zinu 3:12

Bǔ e mǐ ɖe xá Klísu é kpó nǔɖiɖi e mǐ ɖó n'i é kpó zɔ́n bɔ mǐ glá bó sɛkpɔ́ ɛ kpó jiɖiɖe ɖaxó ɖé kpó.

2 Timɔtée 1:7

Ényí xɛsiɖiɖi sín yɛ wɛ Mawu ná mǐ ǎ; lo ɔ́, hlɔ̌nhlɔ́n kpódó wǎn yíyí kpó, kpódó mɛ ɖésúnɔ jí ɖu ɖe kpó sín yɛ wɛ é ná mǐ.

Eblée 10:18

Hǔn, nú è sɔ́ hwɛ kɛ mɛ ɔ́, é sɔ́ byɔ́ ɖɔ è nǐ sá vɔ̌, bó dó mɔ hwɛsɔ́kɛ yí ǎ.

Eblée 10:35

Hǔn mi bo ma jó jiɖiɖe e mi ɖó dó Mawu wú ɔ́ dó ó; ɖó ajɔ ɖaxó ɖé ɖ'é mɛ.

Eblée 12:28

Hǔn, mi nú mǐ ná tunwun nǔ e Mawu wa nú mǐ ɔ́ n'i; ɖó é ɖo axɔ́súɖuto e ma sixú húnhún ǎ é ná mǐ wɛ. Mi nú mǐ ná sɛn ɛ lě e mǐ ná sɛn ɛ gbɔn, bɔ é ná nyɔ́ nukún tɔn mɛ é kpó sísí kpó, kpódó xɛsi kpó, bó ná dó ɖe xlɛ́ ɛ ɖɔ mǐ tunwun nǔ e é wa nú mǐ ɔ́ n'i.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

Eblée 3:6

Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.

Eblée 4:16

Hǔn, mi bo nú mǐ ná sɛkpɔ́ axɔ́súzinkpo Mawu tɔn, fí e fɛ́nú ɖe ɔ́, kpódó jiɖiɖe kpán; é ná sɔ́ hwɛ kɛ mǐ ɖo fínɛ́. Mǐ ná mɔ fɛ́nú ɖo fínɛ́, bónú é ná d'alɔ mǐ ɖo nǔ e hudó mǐ lɛ́ɛ mɛ, ɖo hwe tɔn nu.

Eblée 7:25

Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

Eblée 9:12

Azɔn ɖokpó géé jɛ́n Klísu byɔ́ Tɛn mímɛ́ bǐ ɔ́ mɛ bɔ xó fó; é ka nyí gbǎgbá sín hun kpó nyibúví sín hun kpó wɛ é hɛn byɔ́ mɛ ǎ; é ɖésúnɔ sín hun wɛ é hɛn bó dó mɔ hwlɛngán mavɔ mavɔ yí nú mǐ.

Eblée 9:3

Tɛn wegɔ́ e ɖo xɔmɛgbovɔ wegɔ́ ɔ́ gúdo ɔ́, è nɔ ylɔ́ ɖɔ Tɛn mímɛ́ bǐ.

1 Jǎan 4:17

Ényí wǎn yíyí ɔ́ sɔgbe ɖo ayi mǐtɔn mɛ bɔ nǔ bǐ vɔ ɖ'é wú ɔ́, mǐ ná ɖó gǎnjɛwú kpíkpé ɖo hwɛɖɔzán gbe, ɖó gbɛ e mǐ zán ɖo gbɛ élɔ́ mɛ ɔ́ cí Klísu tɔn ɖɔhun.