Eblée 10:14 - MAWUXÓWÉMA

¹⁴ Đó, gbɔn vɔ̌ ɖokpó géé e Klísu sá ɔ́ gblá mɛ ɔ́, é bló bɔ mɛ e è slá wǔ ná lɛ́ɛ húzú mɛɖeɖóvo, bɔ nǔ bǐ vɔ ɖ'é wú káká sɔ́yi.

Eblée 10:14 Iomraidhean Croise

Mɛsɛ́dó 20:32

“Din ɔ́, un zé mi dó alɔ mɛ nú Mawu, bó jó mi nú fɛ́nú tɔn sín xó. Mawu ɖó acɛ, bó ná na hlɔ̌nhlɔ́n mi, bó ná lɛ́ na mi nǔ ɖagbe e é ko sɔ́ ɖ'ayǐ nú mɛ e nyí étɔn lɛ́ɛ bǐ é.

Mɛsɛ́dó 26:13

Axɔ́sú e! Ali jí wɛ un ɖe xweyǐgbe, bɔ gan wěwe mɛ mɔ̌ ɔ́, wěziza ɖé gosín jǐxwé, bó kɔ́n hú hwesivɔ́, bó wá hɔ́n lɛ́ lɛ̌ dó nyɛ kpódó gbɛ̌ ce e kpódó nyɛ kpó xweyǐgbe lɛ́ɛ kpán,

Hlɔ̌manu 15:16

bɔ un nyí mɛsɛntɔ́ Klísu Jezu tɔn ɖo togun e ma nyí Jwifu ǎ lɛ́ɛ tɛ́ntin ɔ́ wútu. Wɛn Ɖagbe Mawu tɔn e jlá wɛ un ɖe ɔ́, vɔ̌sánú-xwlémawutɔ́zɔ́ dó wa ná wɛ un ɖe, bó ɖo wiwa wɛ, bónú togun e ma nyí Jwifu ǎ lɛ́ɛ ná húzú vɔ̌sánú e nɔ́ nyɔ́ Mawu nukún mɛ, bɔ Yɛsinsɛn sɔ́ ɖó vo nú Mawu é.

1 Kɔlɛ́ntinu 1:2

wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é wɛ, bó ɖo wlǎnwlán sɛ́ dó yě mɛ e Mawu ylɔ́, bɔ yě ná nɔ gbɛ n'i, ɖo bǔ e yě ɖe xá Klísu Jezu ɔ́ mɛ lɛ́ɛ wɛ, bó ɖo wlǎnwlán sɛ́ dó mɛ e nyí étɔn lɛ́ɛ kpó mɛ e nɔ ɖo Aklúnɔ mǐtɔn Jezu Klísu sín nyǐkɔ ylɔ́ wɛ ɖo fí ɖěbǔ e yě ɖe lɛ́ɛ é bǐ kpó wɛ. Aklúnɔ Jezu Klísu ɔ́ wɛ nyí Aklúnɔ yětɔn, bó nyí mǐ lɔmɔ̌ tɔn.

Efɛ́zinu 5:26

É bló mɔ̌, bó sɔ́ sin kpódó xó tɔn kpó dó lɛ agun ɔ́ wé, bónú é ná sixú nyí agun e jɛ xá bó ná nyí agun Mawu tɔn é.

Eblée 10:1

Sɛ́n Jwifu lɛ́ɛ tɔn nyí nǔ ɖagbe e jǎwe lɛ́ɛ sín ninɔmɛ pɛ́pɛ́pɛ́ ǎ; yɛ nǔ lɛ́ɛ tɔn kpowun wɛ. Sɛ́n ɔ́ sixú zɔ́n bɔ mɛ e nɔ sɛkpɔ́ Mawu lɛ́ɛ ná nyí mɛ mímɛ́ bɔ nǔ vɔ ɖ'é wú ǎ; é sixú zɔ́n nú yě ná nyí mɛ mímɛ́ gbɔn vɔ̌ ɖokpó e sá wɛ è nɔ ɖe ayǐhɔ́ngbe ayǐhɔ́ngbe ɖo xwewú xwewú tɛgbɛ ɔ́ gbla mɛ gbeɖé ǎ.

Eblée 10:10

Đó Jezu Klísu bló nǔ e Mawu jló ɖɔ ní bló é wú ɔ́, è slá wǔ nú mǐ gbɔn agbaza é ɖésúnɔ tɔn e é sɔ́ dó sá vɔ̌ ná azɔn ɖokpó bɔ xó fó ɔ́ gbla mɛ.

Eblée 10:12

Klísu éyɛ́ ɔ́, vɔ̌ ɖokpó géé wɛ é ka sá dó hwɛ lɛ́ɛ tamɛ, bó yi jínjɔ́n ɖisíxwé nú Mawu, bɔ vɔ̌ énɛ́ e é sá ɔ́ ná ɖo azɔ̌ wa wɛ káká sɔ́yi.

Eblée 13:12

Énɛ́ ɔ́ wútu wɛ Jezu lɔ kú ɖo toxo ɔ́ gúdo, bó ná sɔ́ hun é ɖésúnɔ tɔn dó slá wǔ nú togun ɔ́.

Eblée 2:11

Jezu e nɔ slá wǔ nú mɛ ɔ́ kpódó mɛ e é slá wǔ ná lɛ́ɛ kpó ɔ́, tɔ́ ɖokpó ɔ́ wɛ ɖó yě bǐ. Énɛ́ ɔ́ wú wɛ winnyá ma hu Jezu nú é ná ylɔ́ yě ɖɔ nɔví émítɔn lɛ́ɛ ǎ.

Eblée 7:19

Nǔgbó ɔ́, Mɔyízisɛ́n ɔ́ bló bɔ nǔɖé nyɔ́ káká yi fó ǎ; nukúnɖíɖó ɖagbe ɖé ka wá bó nyɔ́ hú mɔ̌; nukúnɖíɖó énɛ́ wɛ bló bɔ mǐ nɔ sɛkpɔ́ Mawu.

Eblée 7:25

Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

Eblée 9:10

Đó Mawu sinsɛn gbɔn mɔ̌ ɔ́, nǔɖuɖu kpó ahan nunu kpó, kpódó wǔsláslá sín nǔwiwa tɛnmɛ tɛnmɛ lɛ́ɛ kpó sín sɛ́n kpowun wɛ; tito gbɛtɔ́ tɔn kpowun wɛ, bó wa azɔ̌ káká jɛ hwenu e Mawu vɔ́ nǔ lɛ́ɛ bǐ to dó é.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Judi 1:1

Nyɛ Judi mɛsɛntɔ́ Jezu Klísu tɔn, Jaki sín nɔví ɔ́ wɛ ɖo wěma élɔ́ wlán wɛ; nyɛ wɛ ɖo wěma élɔ́ wlán sɛ́ dó mɛ e Mawu Tɔ́ ɔ́ ylɔ́ bɔ yě ɖo gbɛ ɖo wǎn yíyí tɔn mɛ, bɔ Jezu Klísu ɖo yě hɛn wɛ lɛ́ɛ wɛ.