Eblée 10:11 - MAWUXÓWÉMA

¹¹ Vɔ̌sánú-xwlémawutɔ́ ɖé fɔ́n ɔ́, é nɔ ɖo azɔ̌ tɔn wa wɛ; é nɔ ɖo vɔ̌ ɖokpó ɔ́ sá wɛ hwɛhwɛ, có vɔ̌sísá énɛ́ lɛ́ɛ nɔ sixú súnsún hwɛ mɛtɔn lɛ́ɛ síin gbeɖé ǎ.

Eblée 10:11 Iomraidhean Croise

Tíntɔ́n 29:36

“A nǎ nɔ́ zé nyibúsú ɖokpó dó sá vɔ̌ nú mì ayǐhɔ́ngbe ayǐhɔ́ngbe xɔ azǎn tɛ́nwe lɛ́ɛ, bó ná dó mɔ hwɛsɔ́kɛ yí. Énɛ́ ɔ́, a nǎ wa mɔ̌ dó slá wǔ nú vɔ̌sákpe ɔ́; énɛ́ ɔ́ gúdo ɔ́, a nǎ kɔn ami d'é jí, bó dó ɖe e ɖó vo nú mì.

Ezayíi 1:11

Mawu Mavɔmavɔ ɖɔ: “Vɔ̌ tobutóbú e sá nú mì wɛ mi nɔ ɖe lɛ́ɛ ɔ́, étɛ́ un nǎ dó wa? Agbo e mi nɔ dó sá vɔ̌ e è nɔ dó zo ɔ́ ná nú mì lɛ́ɛ, kpó nyibúví sín jǒ e mi nɔ xwlé mì lɛ́ɛ bǐ kpó kpé kɔ nú mì. Nyibúsú kpó lɛ̌ngbɔ́ví kpó, kpó gbǎgbá kpó sín hun sɔ́ nɔ́ dó xomɛhunhun nú mì ǎ.

Ezekiyɛ́li 45:4

È nǎ sɔ́ fí énɛ́ ɖó vo nú mì, bɔ é ná nyí vɔ̌sánú-xwlémawutɔ́ e ɖo azɔ̌ wa nú nyɛ Mawu Mavɔmavɔ wɛ lɛ́ɛ tɔn. Tɛn énɛ́ ɔ́ mɛ wɛ xwé yětɔn lɛ́ɛ ná nɔ, bɔ xwé ce lɔ ná nɔ fínɛ́.

Daniyɛ́li 11:31

Sɔ́ja e é sɛ́ dó lɛ́ɛ ná sí ahwan te, ɖo ahohó mímɛ́ ɔ́ nukɔn, bó ná ɖu su ná. Vɔ̌ e sá nú Mawu wɛ è nɔ ɖe ayǐhɔ́ngbe ayǐhɔ́ngbe ɔ́, yě ná ɖó te; yě ná zé suɖunú baɖabaɖa ɖokpó ɖó vɔ̌sákpe ɔ́ jí.

Daniyɛ́li 12:11

Nǔ énɛ́ lɛ́ɛ ná bɛ́ jijɛ sín gbe e gbe è ma sɔ́ ná sixú sá vɔ̌ nú Mawu ayǐhɔ́ngbe ayǐhɔ́ngbe ǎ é, bɔ è nǎ zé suɖunú baɖabaɖa ɖokpó ɖó vɔ̌sákpe ɔ́ jí. Nǔ lɛ́ɛ ná ɖo jijɛ wɛ káká nú azǎn afayizɛ́n kanwe wǒ (1.290).

Daniyɛ́li 8:11

Zo ɔ́ zɔn mɔ̌ káká yi sɔ́ gǎn e kpa acɛ dó nǔɖogbɛ e ɖo sɛ́xwé lɛ́ɛ nu é, lobo ɖó vɔ̌ e è nɔ sá n'i ayǐhɔ́ngbe ayǐhɔ́ngbe lɛ́ɛ é te, lobo lɛ́ ɖu su nú fí e goxɔ tɔn ɖe é.

Daniyɛ́li 9:21

Hwenu e un ɖo xó lɛ́ɛ ɖɔ nú Mawu wɛ ɔ́, wɛnsagun Gabliyɛ́li é un mɔ ɖo dlɔ̌ mɛ ɖ'ayǐ ɔ́ zɔn hawun bó wá gɔ̌n ce, hwenu e è ɖo vɔ̌sánú gbadanu tɔn ɔ́ xwlé Mawu wɛ é.

Daniyɛ́li 9:27

Xwe tɛ́nwe gúdo tɔn lɛ́ɛ mɛ ɔ́, Mawu ná ɖó azɔ̌ syɛ́nsyɛ́n kɔ jí nú mɛ gěgé, bɔ yě ɖó ná wa dandan. Yě bló xwe atɔn adaɖé ɖo xwe tɛ́nwe énɛ́ lɛ́ɛ mɛ ɔ́, è nǎ ɖó vɔ̌sísá kpó nǔníná kpó lɔ bǐ te. Nǔhɛngblétɔ́ énɛ́ ɔ́ ná yá wǔ bló nǔ baɖabaɖa lɛ́ɛ lě e é jló e gbɔn é káká jɛ hwenu e è ɖǒ, bɔ éyɛ́ tɔn ná fó dó é.’ ”

Micée 6:6

Ényí un wá Mawu Mavɔmavɔ sɛn gbé ɔ́, vɔ̌sánú tɛ́ mɔ̌ un ka ɖó na xwlé Mawu Ajalɔ̌nlɔn ɔ́? Nyibúví e ɖó xwe ɖokpó ɔ́ wɛ un ná nɔ dó sá vɔ̌ kpíkpé n'i a?

Kɛ́nsísɔ́ 28:24

Mi ná nɔ́ sá vɔ̌ énɛ́ lɛ́ɛ ayǐhɔ́ngbe ayǐhɔ́ngbe, xɔ azǎn tɛ́nwe; nǔɖuɖu ɖé wɛ é nyí bɔ è nɔ dó zo, bɔ wǎn tɔn nɔ́ nyɔ́ se nú nyɛ Mawu Mavɔmavɔ. Mi ná nɔ́ xwlé vɔ̌ énɛ́ lɛ́ɛ mì gɔ́ nú vɔ̌ e mi nɔ sá ayǐhɔ́ngbe ayǐhɔ́ngbe lɛ́ɛ kpó vɛ̌ɛn e mi nɔ ná d'é jí é kpó.

Kɛ́nsísɔ́ 28:3

“Mi ná nɔ́ zé lɛ̌ngbɔ́ví e ɖó xwe ɖokpó, bɔ blɔ̌ ɖěbǔ má ɖo wǔ tɔn ǎ ɔ́ we dó sá vɔ̌ e è nɔ dó zo ɔ́ ná ayǐhɔ́ngbe ayǐhɔ́ngbe nú nyɛ Mawu Mavɔmavɔ. Vɔ̌ ɖé wɛ é nyí, bɔ è nǎ nɔ́ gɔn xwléxwlé mì gbeɖé ǎ.

Kɛ́nsísɔ́ 29:6

Vɔ̌ énɛ́ lɛ́ɛ bǐ wɛ ná gɔ́ nú vɔ̌ e mi nɔ dó zo ayǐhɔ́ngbe ayǐhɔ́ngbe lɛ́ɛ, kpó éé mi nɔ do zo ɖo azǎn nukɔntɔn e ɖo sun ɖokpó ɖokpó mɛ ɔ́ gbe é, bɔ linfín kpó vɛ̌ɛn kpó nɔ́ jɛ jí lě e sɛ́n ɔ́ zɔ́n gbɔn é. Vɔ̌ énɛ́ lɛ́ɛ e mi ná dó zo ɔ́ sín wǎn ná nyɔ́ se nú nyɛ Mawu Mavɔmavɔ.”

Eblée 10:1

Sɛ́n Jwifu lɛ́ɛ tɔn nyí nǔ ɖagbe e jǎwe lɛ́ɛ sín ninɔmɛ pɛ́pɛ́pɛ́ ǎ; yɛ nǔ lɛ́ɛ tɔn kpowun wɛ. Sɛ́n ɔ́ sixú zɔ́n bɔ mɛ e nɔ sɛkpɔ́ Mawu lɛ́ɛ ná nyí mɛ mímɛ́ bɔ nǔ vɔ ɖ'é wú ǎ; é sixú zɔ́n nú yě ná nyí mɛ mímɛ́ gbɔn vɔ̌ ɖokpó e sá wɛ è nɔ ɖe ayǐhɔ́ngbe ayǐhɔ́ngbe ɖo xwewú xwewú tɛgbɛ ɔ́ gbla mɛ gbeɖé ǎ.

Eblée 10:4

Đó nyibúsú sín hun kpó gbǎgbá sín hun kpó sixú súnsún hwɛ mɛtɔn lɛ́ɛ gbeɖé ǎ.

Eblée 5:1

Vɔ̌sánú-xwlémawutɔ́ ɖaxó ɖěbǔ ɔ́, gbɛtɔ́ lɛ́ɛ mɛ wɛ è nɔ sɔ́ ɖe; è ɖe e nú é ná wa azɔ̌ nú Mawu nú ɖagbe yětɔn. É nɔ sɔ́ nǔníná lɛ́ɛ kpó vɔ̌sánú lɛ́ɛ kpó xwlé Mawu ɖó hwɛ e gbɛtɔ́ lɛ́ɛ hu lɛ́ɛ tamɛ.

Eblée 7:27

É cí vɔ̌sánú-xwlémawutɔ́ ɖaxó ɖě lɛ́ɛ ɖɔhun ǎ: yědɛɛ lɛ́ɛ ɔ́, ayǐhɔ́ngbe ayǐhɔ́ngbe ɔ́, yě nɔ to sá vɔ̌ dó hwɛ e yě ɖésúnɔ hu lɛ́ɛ tamɛ hwɛ̌, có bó nɔ́ wá sá vɔ̌ dó hwɛ e togun ɔ́ hu lɛ́ɛ tamɛ; Jezu ka bló gbɔn mɔ̌ ǎ. Azɔn ɖokpó géé wɛ é sá vɔ̌ hwenu e é sɔ́ éɖée jó é, bɔ xó fó.

Eblée 8:2

É ɖo vɔ̌sánú-xwlémawutɔ́ ɖaxó sín azɔ̌ wa wɛ ɖo Tɛn mímɛ́ bǐ ɔ́ mɛ; Tɛn mímɛ́ bǐ e nyí goxɔ titewungbe e gbɛtɔ́ ma gbá ǎ, bɔ Aklúnɔ gbá é.

Eblée 8:4

Nú ayǐkúngban jí wɛ é ko ɖe ɔ́, é tlɛ ná nyí vɔ̌sánú-xwlémawutɔ́ ǎ, ɖó vɔ̌sánú-xwlémawutɔ́ lɛ́ɛ ɖe, bó nɔ xwlé nǔníná lɛ́ɛ Mawu, lě e Jwifu lɛ́ɛ sín sɛ́n zɔ́n gbɔn é.