Eblée 10:10 - MAWUXÓWÉMA

¹⁰ Đó Jezu Klísu bló nǔ e Mawu jló ɖɔ ní bló é wú ɔ́, è slá wǔ nú mǐ gbɔn agbaza é ɖésúnɔ tɔn e é sɔ́ dó sá vɔ̌ ná azɔn ɖokpó bɔ xó fó ɔ́ gbla mɛ.

Eblée 10:10 Iomraidhean Croise

Zakalíi 13:1

Mawu Mavɔmavɔ Nǔbǐwúkpétɔ́ ɔ́ lɛ́ ɖɔ: “Hwenɛ́nu ɔ́, sin ná sa sín tɔjɔtɛn ɖé mɛ, bó ná lɛ hwɛ e Davídi ví lɛ́ɛ kpó Jeluzalɛ́munu lɛ́ɛ kpó hu ɔ́ sín kɔ nú yě, bó ná lɛ nǔ blíblí e yě wa lɛ́ɛ sín kɔ nú yě.”

Jǎan 17:19

Un sɔ́ nyɛ ɖésú bǐ jǒ nú we ɖó yě wú, nú yě lɔmɔ̌ ná sixú nyí towe nǔgbó.

Jǎan 19:34

Lo ɔ́, sɔ́ja ɖokpó sɔ́ hwǎn adaja mɛ n'i, bɔ tlóló ɔ́, hun kpódó sin kpó lúlú kɔn nyi ayǐ.

Jǎan 6:51

Nyɛ wɛ nyí nǔɖuɖu gbɛɖe e jɛ te sín jǐxwé é. Mɛ e ná ɖu ɖo nǔɖuɖu élɔ́ mɛ ɔ́ ná nɔ gbɛ káká sɔ́yi. Nǔɖuɖu e un ka ná ná mi ɔ́, agbaza ce e un ná sɔ́ jó dó gbɛtɔ́ lɛ́ɛ tamɛ ɔ́ wɛ.”

1 Kɔlɛ́ntinu 1:30

Lo ɔ́, Mawu dɔn mi kpó Klísu Jezu kpán ɖó bǔ, bó sɔ́ ɛ dó ɖó nǔnywɛ́ mǐtɔn. Gbɔn Klísu Jezu jí ɔ́, mǐ húzú hwɛjijɔnɔ ɖo Mawu nukɔn; Mawu ɖe mǐ ɖó vo gbɔn jǐ tɔn; é hwlɛ́n mǐ sín hwɛ mǐtɔn lɛ́ɛ mɛ gbɔn jǐ tɔn.

1 Kɔlɛ́ntinu 6:11

Nǔ e mɛɖé lɛ́ɛ ɖo mi mɛ, bó ko nyí ɖ'ayǐ ɔ́ nɛ́. Amɔ̌, è ko lɛ mi wé sín hwɛ mɛ; è ko ɖe mi ɖó vo, bɔ mi na nyí Mawu tɔn; è ko sɔ́ mi dó húzú hwɛjijɔnɔ, ɖo Aklúnɔ Jezu Klísu sín nyǐkɔ mɛ, gbɔn Yɛ Mawu mǐtɔn tɔn jí.

Efɛ́zinu 5:2

Mi wa azɔ̌ kpódó wǎn yíyí kpó Klísu ɖɔhun. Klísu e yí wǎn nú mǐ bó sɔ́ éɖée jó dó ta mitɔn mɛ vɔ̌sánú ɖɔhun, vɔ̌sísá wǎn ɖagbenɔ e nɔ nyɔ́ Mawu nukún mɛ é ɖɔhun.

Efɛ́zinu 5:26

É bló mɔ̌, bó sɔ́ sin kpódó xó tɔn kpó dó lɛ agun ɔ́ wé, bónú é ná sixú nyí agun e jɛ xá bó ná nyí agun Mawu tɔn é.

Eblée 10:12

Klísu éyɛ́ ɔ́, vɔ̌ ɖokpó géé wɛ é ka sá dó hwɛ lɛ́ɛ tamɛ, bó yi jínjɔ́n ɖisíxwé nú Mawu, bɔ vɔ̌ énɛ́ e é sá ɔ́ ná ɖo azɔ̌ wa wɛ káká sɔ́yi.

Eblée 10:14

Đó, gbɔn vɔ̌ ɖokpó géé e Klísu sá ɔ́ gblá mɛ ɔ́, é bló bɔ mɛ e è slá wǔ ná lɛ́ɛ húzú mɛɖeɖóvo, bɔ nǔ bǐ vɔ ɖ'é wú káká sɔ́yi.

Eblée 10:20

É hun ali yɔ̌yɔ́ gbɛɖe ɖé nú mǐ gbɔn xɔmɛgbovɔ e è dǒ gbo goxɔ ɔ́ mɛ ná ɔ́ mɛ; é wɛ nyí ɖɔ gbɔn agbaza é ɖésúnɔ tɔn ɔ́ mɛ.

Eblée 10:29

Énɛ́ ɔ́, nɛ̌ é ka ná nyí gbɔn nú mɛ e gbɛ́ wǎn nú Mawu ví ɔ́ é lo? Mɛ e sɔ́ akɔjijɛ Mawu tɔn sín hun e gbla mɛ è slá wǔ n'i gbɔn ɔ́ dó mɔ nǔ yǎyá, bó zun Yɛ nǔbláwǔkúnúmɛtɔ́ ɔ́, nɛ̌ é ka ná nyí gbɔn n'i? Mi ɖésúnɔ ɔ́, mi ná ko tunwun ɖɔ tó e è nǎ dɔn nú mɛ énɛ́ ɔ́ ná nylá hú mɛ e gba Mɔyízisɛ́n ɔ́ é tɔn.

Eblée 10:5

Énɛ́ ɔ́ wú wɛ hwenu e Klísu ɖo gbɛ ɔ́ mɛ ná byɔ́ wɛ ɔ́, é ɖɔ nú Mawu ɖɔ: “A ba vɔ̌sísá ǎ, a ka ba nǔníná ǎ; lo ɔ́, a nǎ agbaza ɖokpó mì.

Eblée 13:12

Énɛ́ ɔ́ wútu wɛ Jezu lɔ kú ɖo toxo ɔ́ gúdo, bó ná sɔ́ hun é ɖésúnɔ tɔn dó slá wǔ nú togun ɔ́.

Eblée 2:11

Jezu e nɔ slá wǔ nú mɛ ɔ́ kpódó mɛ e é slá wǔ ná lɛ́ɛ kpó ɔ́, tɔ́ ɖokpó ɔ́ wɛ ɖó yě bǐ. Énɛ́ ɔ́ wú wɛ winnyá ma hu Jezu nú é ná ylɔ́ yě ɖɔ nɔví émítɔn lɛ́ɛ ǎ.

Eblée 2:14

Ée ényí ɖɔ vǐ énɛ́ lɛ́ɛ ɔ́, gbɛtɔ́ wɛ yě nyǐ, bó ɖó agbaza kpó hun kpó ɔ́, Jezu ɖésú húzú gbɛtɔ́, bó ɖó agbaza kpó hun kpó yě ɖɔhun. É húzú gbɛtɔ́, bɔ gbɔn kú tɔn gbla mɛ ɔ́, é hu acɛ nú awǒvi e ɖó acɛ e nɔ hu mɛ é;

Eblée 5:7

Hwenu e Jezu ɖo gbɛ ɖo ayǐkúngban jí fí ɔ́, é xo ɖɛ bó sa vo kpódó xósúsú kpó, kpódó ɖasin kpó, nú Mawu e kpé wú bó ná hwlɛ́n ɛ ɖo kú sí é. Mawu ka yí ɖɛ tɔn, ɖó é hwíhwɛ́ éɖée dó Mawu glɔ́ wútu.

Eblée 7:27

É cí vɔ̌sánú-xwlémawutɔ́ ɖaxó ɖě lɛ́ɛ ɖɔhun ǎ: yědɛɛ lɛ́ɛ ɔ́, ayǐhɔ́ngbe ayǐhɔ́ngbe ɔ́, yě nɔ to sá vɔ̌ dó hwɛ e yě ɖésúnɔ hu lɛ́ɛ tamɛ hwɛ̌, có bó nɔ́ wá sá vɔ̌ dó hwɛ e togun ɔ́ hu lɛ́ɛ tamɛ; Jezu ka bló gbɔn mɔ̌ ǎ. Azɔn ɖokpó géé wɛ é sá vɔ̌ hwenu e é sɔ́ éɖée jó é, bɔ xó fó.

Eblée 9:12

Azɔn ɖokpó géé jɛ́n Klísu byɔ́ Tɛn mímɛ́ bǐ ɔ́ mɛ bɔ xó fó; é ka nyí gbǎgbá sín hun kpó nyibúví sín hun kpó wɛ é hɛn byɔ́ mɛ ǎ; é ɖésúnɔ sín hun wɛ é hɛn bó dó mɔ hwlɛngán mavɔ mavɔ yí nú mǐ.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Eblée 9:26

Ényí mɔ̌ wɛ é nyí ɔ́, é ɖó ná ko ji ya azɔn mɔ̌kpán sín hwenu e Mawu ɖó gbɛ ɔ́ dó é; nǔgbó ɔ́, azɔn ɖokpó géé jɛ́n é wá, bɔ xó fó, hwenu e nǔ lɛ́ɛ bǐ sín fífó ko sɛ yá é, bó sɔ́ éɖée dó sá vɔ̌ ná, bó ná dó ɖe hwɛhuhu síin.

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.

1 Piyɛ́ɛ 2:24

É bɛ́ hwɛ mǐtɔn lɛ́ɛ dó éɖée jí ɖo aklúzu jí, bónú mi ma sɔ́ hu hwɛ ó, bónú mi ná zán gbɛ jlɔ́jlɔ́. Akpado tɔn lɛ́ɛ wɛ zɔ́n bɔ è gbɔ azɔn nú mi.

1 Piyɛ́ɛ 3:18

Nǔgbó ɔ́, Klísu ɔ́ ɖésú kú; é kú azɔn ɖokpó géé bɔ xó fó dó hwɛ e gbɛtɔ́ lɛ́ɛ hu lɛ́ɛ tamɛ; éyɛ́ mɛ e nɔ wa nǔ jlɔ́jlɔ́ ɔ́ kú dó mɛ e ma nɔ wa nǔ jlɔ́jlɔ́ ǎ lɛ́ɛ tamɛ, bó ná dó kplá mi wá Mawu gɔ̌n; ɖo agbaza sín alixo ɔ́, è hu i; lo ɔ́, ɖo Yɛ ɔ́ sín alixo ɔ́, è fɔ́n ɛ wá gbɛ.

1 Jǎan 5:6

Jezu Klísu wɛ nyí mɛ e wá é; é wɛ wá kpó sin kpó hun kpó; é wá kpó sin kɛ́ɖɛ́ kpó ǎ; lo ɔ́, é wá kpó sin kpó hun kpó, bɔ Yɛsinsɛn ka ɖo kúnnu ɖe ná wɛ ɖɔ nǔgbó wɛ, ɖó Yɛsinsɛn ɔ́, nǔgbó wɛ é nyí.