Eblée 10:1 - MAWUXÓWÉMA

¹ Sɛ́n Jwifu lɛ́ɛ tɔn nyí nǔ ɖagbe e jǎwe lɛ́ɛ sín ninɔmɛ pɛ́pɛ́pɛ́ ǎ; yɛ nǔ lɛ́ɛ tɔn kpowun wɛ. Sɛ́n ɔ́ sixú zɔ́n bɔ mɛ e nɔ sɛkpɔ́ Mawu lɛ́ɛ ná nyí mɛ mímɛ́ bɔ nǔ vɔ ɖ'é wú ǎ; é sixú zɔ́n nú yě ná nyí mɛ mímɛ́ gbɔn vɔ̌ ɖokpó e sá wɛ è nɔ ɖe ayǐhɔ́ngbe ayǐhɔ́ngbe ɖo xwewú xwewú tɛgbɛ ɔ́ gbla mɛ gbeɖé ǎ.

Eblée 10:1 Iomraidhean Croise

Levíi ví 9:16

É lɛ́ sá vɔ̌ e è nɔ dó zo ɔ́ ɖěvo, lě e sɛ́n ɔ́ zɔ́n gbɔn é:

Hlɔ̌manu 8:3

Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

Kolósinu 2:17

Nǔ énɛ́ lɛ́ɛ bǐ ɔ́, nǔ ɖagbe e jǎwe ɔ́ sín yɛ kpowun wɛ yě nyǐ; lo ɔ́, Klísu wɛ nyí nǔjɔnǔ ɔ́.

Eblée 10:22

Hǔn, mi nú mǐ ná sɛkpɔ́ Mawu kpódó ayijlɔ́jlɔ́ kpó, kpódó gǎnjɛwú kpíkpé e nǔɖiɖi nɔ ná mɛ ɔ́ kpó, kpódó ayi e è slá wǔ ná bɔ nǔ nyanya ɖěbǔ ma ɖ'é mɛ ǎ é kpó, kpódó agbaza e è zě sin mímɛ́ dó lɛ ná é kpó.

Eblée 7:11

Vɔ̌sánú-xwlémawutɔ́ sín azɔ̌ e Levíi lɛ́ɛ nɔ wa é jí wɛ sɛ́n e è nǎ togun Izlayɛ́li tɔn ɔ́ jínjɔ́n. Lo ɔ́, vɔ̌sánú-xwlémawutɔ́ lɛ́ɛ ɔ́, ényí azɔ̌ e yě wa ɔ́ ko nyɔ́ bɔ nǔ bǐ vɔ ɖ'é wú wɛ ɔ́, é sɔ́ ná byɔ́ ɖɔ vɔ̌sánú-xwlémawutɔ́ alɔkpa ɖěvo ní wá ǎ; é sɔ́ ná byɔ́ ɖɔ vɔ̌sánú-xwlémawutɔ́ e cí Mɛlukisedɛ́ki ɖɔhun, bó ma cí Aalɔ́ɔn ɖɔhun ǎ ɔ́ ní wá ǎ.

Eblée 8:5

Azɔ̌ e wa wɛ vɔ̌sánú-xwlémawutɔ́ énɛ́ lɛ́ɛ ɖe ɔ́ nyí xlɛ̌, bó nyí yɛ nǔ e ɖo sɛ́xwé ɔ́ tɔn. É sɔgbe xá nǔ e jɔ dó Mɔyízi ji ɔ́. Hwenu e é ɖo goxɔ ɔ́ na gbá wɛ ɔ́, Mawu ɖɔ n'i ɖɔ: “Ayi towe ní nɔ ée un xlɛ́ we ɖo só jí ɔ́ jí, bó bló bǐ nú é sɔgbe xá.”

Eblée 9:11

Lo ɔ́, Klísu ɔ́ wá, bó nyí vɔ̌sánú-xwlémawutɔ́ ɖaxó nú nǔ ɖagbe e wá lɛ́ɛ, bɔ goxɔ e mɛ é nɔ wa azɔ̌ tɔn lɛ́ɛ ɖe ɔ́ ɖo tají bó sɔgbe, bɔ nǔ bǐ vɔ ɖ'é wú hú ée gbɛtɔ́ gbá ɔ́; é nyí gbɛmɛ fí sín nǔ ǎ.

Eblée 9:23

Nǔ énɛ́ lɛ́ɛ e nyí xlɛ́ nǔ e ɖo sɛ́xwé lɛ́ɛ tɔn ɔ́, lě e è ɖǒ ná nɔ slá wǔ nú yě gbɔn é nɛ́. Amɔ̌, nǔ e ɖo sɛ́xwé lɛ́ɛ ɖésú ɔ́, vɔ̌ e è nǎ sá dó slá wǔ nú yědɛɛ lɛ́ɛ ɔ́ ná nyɔ́ hú mɔ̌ titewungbe.

Eblée 9:25

Jwifu lɛ́ɛ sín vɔ̌sánú-xwlémawutɔ́ ɖaxó ɔ́ nɔ hɛn kanlin e è dǒ sá vɔ̌ ná nú Mawu ɔ́ sín hun, bó nɔ byɔ́ Tɛn mímɛ́ bǐ ɔ́ mɛ xwewú xwewú; Klísu ɔ́ ka byɔ́ mɛ, bó ná sɔ́ éɖée dó sá vɔ̌ ná azɔn gěgé ǎ.