Eblée 1:8 - MAWUXÓWÉMA

⁸ Lo ɔ́, Mawu ɖɔ dó vǐ ɔ́ wú ɖɔ: “Óo! Mawu, axɔ́súzinkpo towe ɖo te káká sɔ́yi. Hwɛjijɔ jí wɛ axɔ́súɖuɖu towe jínjɔ́n.

Eblée 1:8 Iomraidhean Croise

2 Samuwɛ́li 23:3

Mawu Izlayɛ́li tɔn ɖɔ xó; Izlayɛ́lisó ɔ́ ɖɔ nú mì ɖɔ: “Mɛ e ɖu axɔ́sú ɖo gbɛtɔ́ lɛ́ɛ nu kpó hwɛjijɔ kpó é, mɛ e nɔ yě nu kpó sísí ɖó nú Mawu kpó ɔ́,

Ɖɛhan 145:13

Axɔ́súɖuɖu towe ɔ́, axɔ́súɖuɖu mavɔ mavɔ wɛ, bɔ gǎnhúnǔ towe ɖo te káká sɔ́yi.

Ɖɛhan 72:7

Hwɛjijɔ ní gba kpé axɔ́sú ɔ́ hwenu, bɔ nú sun vɛ́ kó nɔ́ tɔ́n ɔ́, vivo ní tíin ɖo to ɔ́ mɛ.

Ɖɛhan 99:4

È nǐ kpa hlɔ̌nhlɔ́n nú hwi axɔ́sú e yí wǎn nú hwɛjijɔ é. Hwi wɛ sɔ́ nǔ wa ɖó sɛ́nxwi jí jínjɔ́n ayǐ. Hwi wɛ nɔ wa nǔ ɖó sɛ́nxwi jí, bó nɔ́ xwedó hwɛjijɔ dó wa nǔ ɖo Izlayɛ́li.

Ezayíi 45:25

Amɔ̌, Izlayɛ́li ví lɛ́ɛ bǐ ná mɔ hwɛjijɔ ɖo gɔ̌n ce bɔ é ná víví nú yě.”

Ezayíi 7:14

Din ɔ́, Aklúnɔ ɖésú ɖo xlɛ̌ ɖokpó ná mi wɛ: Éɖíe, ɖyɔ̌vǐ ɔ́ ná mɔ xo, bó ná ji vǐ súnnu ɖokpó. É ná sun nyǐ vǐ ɔ́ ɖɔ Emanuwɛ́li, ‘Mawu ɖo kpɔ́ xá mǐ.’

Jelemíi 38:15

Ée axɔ́sú ɔ́ ɖɔ mɔ̌ ɔ́, Jelemíi ɖɔ n'i ɖɔ: “Ényí un ɖɔ xó nǔgbó nú we ɔ́, a nǎ hu mì. Un ná bó kplɔ́n nǔ we din ɔ́, a nǎ bló ǎ.”

Ozée 1:7

Lo ɔ́, un ná yí wǎn nú Judáanu lɛ́ɛ; nyɛ Mawu Mavɔmavɔ, Mawu yětɔn ná hwlɛ́n yě gán. Un ka ba gǎ abǐ hwǐ ǎ; un ba ná fun ahwan ǎ, un ba ahwan-yisɔ́sú ǎ, un ka ba sɔ́xátɔ́ cóbó ná hwlɛ́n yě gán ǎ.”

Zakalíi 13:9

Un ná zé atɔnvlɔ́ɖó énɛ́ ɔ́ dó myɔ mɛ, bó ná ɖe nǔ kwíji e ɖo yě wú ɔ́ síin, lě e è nɔ zé kpatágan dó myɔ mɛ bó nɔ ɖe nǔ blíblí e ɖ'é mɛ lɛ́ɛ síin é ɖɔhun. Un ná tɛ́n yě kpɔ́n lě e è nɔ tɛ́n siká kpɔ́n gbɔn ɖo myɔ mɛ é. Énɛ́ ɔ́, yě ná sú xó ylɔ́ mì, bɔ un ná yí gbe nú yě. Un ná ɖɔ: ‘Togun ce wɛ mi nyí’, bɔ yě ná nɔ yí gbe ɖɔ: ‘Nǔgbó wɛ Mawu Mavɔmavɔ, hwi wɛ nyí Mawu mǐtɔn!’ ”

Zakalíi 9:9

Sinyɔ́ɔnu lɛ́ɛ mi, mi j'awǎ! Jeluzalɛ́munu lɛ́ɛ mi, mi j'awǎ kpó awǒbóbó kpó. Axɔ́sú mitɔn ɖíe ja gɔ̌n mitɔn e. Nǔjlɔ́jlɔ́watɔ́ ɖé wɛ, é ɖu ɖ'é jí. É sɔ́ éɖée hwe, é jínjɔ́n tócí ɖé jí, tócí ví ɖé jí.

Malacíi 3:1

Xósin e Mawu Mavɔmavɔ Nǔbǐwúkpétɔ́ ɔ́ ná mi ɔ́ ɖíe: “Un sɛ́ wɛnsagun ce dó, bɔ é ná bló ali ce ɖó. Mawu Mavɔmavɔ e ba wɛ mi ɖe ɔ́ ná wá sinsɛnxɔ tɔn mɛ ɖo ajijimɛ. Wɛnsagun e nɔ te kpɔ́n wɛ mi ɖe ɔ́ ná jlá akɔ ce e un ná jɛ xá mi ɔ́ sín xó. Éɖíe, é jǎwe.

Matíe 1:23

“É ɖíe, nyɔ̌nu ɖo alɔjí ná mɔ xo, bó ná ji vǐ súnnu ɖokpó, bɔ è nǎ sun nyǐ i ɖɔ Emanuwɛ́li.” (Nyǐkɔ énɛ́ ɔ́ sín tínmɛ wɛ nyí: “Mawu ɖo kpɔ́ xá mǐ.”)

Luki 1:75

bɔ mǐ ná ɖó ayi mímɛ́ kpódó ayijlɔ́jlɔ́ kpán, ɖo nukɔn émítɔn, káká yi jɛ kúzán gbe mǐtɔn.

Jǎan 10:30

Nyɛ kpódó Tɔ́ ɔ́ kpó ɔ́, ɖokpó wɛ mǐ nyǐ.”

Jǎan 10:33

Yě yí gbe n'i ɖɔ: “Nǔ ɖagbe e a ɖe xlɛ́ mǐ lɛ́ɛ ɖě wútu wɛ mǐ jló ná nyi awǐnnyaglo dó hu we ǎ, nu e a nylǎ dó Mawu wú ɔ́ wútu wɛ. Đó hwi mɛ e nyí gbɛtɔ́ yǎyá ɔ́, a nɔ sɔ́ hwiɖée dó ɖó Mawu ná.”

Jǎan 20:28

Tɔmáa yí gbe n'i ɖɔ: “Aklúnɔ ce, Mawu ce!”

Hlɔ̌manu 9:5

Tɔ́gbó mitɔn lɛ́ɛ sín vǐ wɛ yě nyí , bɔ Klísu ɔ́, ɖo gbɛtɔ́ nyínyí tɔn sín alixo ɔ́, akɔta yětɔn mɛ wɛ é jɔ ɖe. Susu nú Mawu e ɖo axɔ́sú ɖu ɖo mǐ bǐ nu wɛ káká sɔ́yi é. Amǐ!

1 Kɔlɛ́ntinu 15:25

Đó Klísu ɖó ná ɖo axɔ́sú ɖu wɛ káká bɔ Mawu ná ɖu ɖo kɛntɔ́ lɛ́ɛ bǐ jǐ, bó ná bɛ́ yě dó afɔ tɔn lɛ́ɛ glɔ́.

Sɛ́nflínmɛ 2:37

Lo ɔ́, mǐ ya agba Amumɔ́ɔ ví lɛ́ɛ sín to wú ǎ: mǐ ya agba toxo yětɔn e ɖo Yabɔ́ku tɔ ɔ́ tó lɛ́ɛ ɖě wú ǎ; mǐ ká ya agba toxo yětɔn e ɖo sókan mɛ lɛ́ɛ ɖě wú ǎ; mǐ ká ya agba fí e Mawu Mavɔmavɔ, Mawu mǐtɔn gbɛ́ nú mǐ ɖɔ mǐ má wa nǔɖé ná ó lɛ́ɛ ɖě wú ǎ.”

Sɛ́nflínmɛ 7:14

Mawu Mavɔmavɔ ná dó acɛ mi jí hú togun ɖě lɛ́ɛ bǐ; súnnu mitɔn abǐ nyɔ̌nu mitɔn, abǐ kanlin mitɔn lɛ́ɛ ɖěbǔ ná zun aji ǎ.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

2 Piyɛ́ɛ 1:11

Lě e Mawu ná ná acɛ ɖaxó mi, bɔ mi ná dó byɔ́ Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ sín axɔ́súɖuɖu mavɔ mavɔ ɔ́ mɛ gbɔn é nɛ́.

1 Jǎan 5:20

Mǐ tunwun ɖɔ Mawu ví ɔ́ wá, bó ná nǔnywɛ́ mǐ, nú mǐ ná dó tunwun Mawu nǔgbó ɔ́, bɔ mǐ ɖo bǔ xá Mawu nǔgbó ɔ́ gbɔn vǐ tɔn Jezu Klísu jí; é wɛ nyí Mawu nǔgbó ɔ́, bó nyí gbɛ mavɔ mavɔ.