Eblée 1:6 - MAWUXÓWÉMA

⁶ Lo ɔ́, hwenu e Mawu ná sɛ́ nukɔngbéví tɔn dó gbɛ ɔ́ mɛ ɔ́, é ɖɔ: “Wɛnsagun Mawu tɔn lɛ́ɛ bǐ ɖó ná ɖe kɔ́ n'i.”

Eblée 1:6 Iomraidhean Croise

Ɖɛhan 97:7

Yě mɛ e nɔ ɖo bǒcyɔ sɛn wɛ lɛ́ɛ bǐ wɛ ná ɖu winnyá; yě mɛ e nǔ ma nyí nǔɖé sinsɛn nyí nǔgɛ́n bɔ yě wa lɛ́ɛ bǐ wɛ ná ɖu winnyá, ɖó nǔmɛsɛn lɛ́ɛ bǐ wɛ nɔ yi do ɖo Mawu Mavɔmavɔ nukɔn.

Matíe 24:14

È nǎ jlá axɔ́súɖuɖu Mawu tɔn sín Wɛn Ɖagbe gbɔn gbɛ ɔ́ bǐ mɛ, bónú é ná nyí kúnnuɖiɖe nú gbɛtɔ́ lɛ́ɛ bǐ. Énɛ́ ɔ́ gúdo ɔ́, gbɛ ɔ́ ná vɔ.

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 1:18

Mɛ ɖěbǔ mɔ Mawu kpɔ́n gbeɖé ǎ; lo ɔ́, Vǐɖokpónɔ e nyí Mawu bó ɖo akɔ́n tɔn mɛ ɔ́ wɛ wá ɖe e xlɛ́.

Jǎan 3:16

Đó Mawu yí wǎn nú gbɛtɔ́ sɔ mɔ̌, bó sɔ́ Vǐɖokpónɔ tɔn jó, bónú mɛ e ná ɖi nǔ n'i lɛ́ɛ ɖěbǔ ma dɔn ó; lo ɔ́, yě bǐ ní mɔ gbɛ mavɔ mavɔ.

Hlɔ̌manu 8:29

Đó mɛ e Mawu ko tunwun sín do lɛ́ɛ ɔ́, é lɛ́ ɖɔ ɖ'ayǐ ɖɔ émí na bló bɔ yě ná cí Vǐ émítɔn ɖɔhun, bónú vǐ tɔn ná nyí nukɔn ví ɖo nɔví gěgé tɛ́ntin.

Sɛ́nflínmɛ 32:43

Akɔta lɛ́ɛ bǐ ní kpa awǒbóbó nú togun Mawu Mavɔmavɔ tɔn! Mawu Mavɔmavɔ ná ba hlɔn nú mɛsɛntɔ́ tɔn e kú lɛ́ɛ. É ná dɔn tó nú kɛntɔ́ tɔn lɛ́ɛ. É ná bló mɔ̌ dó slá wǔ nú to tɔn. É ná slá wǔ nú togun tɔn.”

Kolósinu 1:15

Klísu ɔ́, akpajlɛ́ Mawu e è ma nɔ mɔ ǎ ɔ́ tɔn wɛ é nyí. Nukɔngbéví wɛ é nyí, bó hú gǎn nǔ e Mawu bló lɛ́ɛ bǐ.

Kolósinu 1:18

É wɛ nyí ta nú agbaza ɔ́: agbaza ɔ́ wɛ ɖo agun ɔ́ nyí wɛ; é mɛ wɛ gbɛ yɔ̌yɔ́ ɔ́ bɛ́ ɖe; é wɛ nyí mɛ nukɔn tɔn e Mawu fɔ́n sín kú é, bónú é ná dó nɔ nukɔn ɖo nǔ bǐ mɛ.

Eblée 1:5

Đó Mawu ɖɔ nú wɛnsagun tɔn lɛ́ɛ ɖě gbeɖé ɖɔ: “Vǐ ce wɛ a nyǐ, bɔ égbé ɔ́, un ji we” ǎ. É ka ɖɔ dó wɛnsagun ɖé wú gbeɖé ɖɔ: “Un ná nyí tɔ́ n'i, bɔ éyɛ́ ná nyí vǐ nú mì” ǎ.

Eblée 10:5

Énɛ́ ɔ́ wú wɛ hwenu e Klísu ɖo gbɛ ɔ́ mɛ ná byɔ́ wɛ ɔ́, é ɖɔ nú Mawu ɖɔ: “A ba vɔ̌sísá ǎ, a ka ba nǔníná ǎ; lo ɔ́, a nǎ agbaza ɖokpó mì.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.

1 Jǎan 4:9

Lě e Mawu ɖe wǎn yíyí e é ɖó nú mǐ ɔ́ xlɛ́ mǐ gbɔn ɔ́ ɖíe: é sɛ́ vǐɖokpónɔ tɔn dó gbɛ ɔ́ mɛ, bónú mǐ ná nɔ gbɛ gbɔn jǐ tɔn.