Eblée 1:4 - MAWUXÓWÉMA

⁴ Vǐ ɔ́ wá hú gǎn wɛnsagun lɛ́ɛ lě e nyǐkɔ e Mawu ná ɛ ɔ́ ɖo tají hú wɛnsagun Mawu tɔn lɛ́ɛ tɔn gbɔn é.

Eblée 1:4 Iomraidhean Croise

Efɛ́zinu 1:21

Đo fínɛ́ ɔ́, Klísu hú gǎn gǎn lɛ́ɛ bǐ; é hú gǎn hlɔ̌nhlɔ́n lɛ́ɛ bǐ; é hú gǎn acɛkpikpa lɛ́ɛ bǐ; é hú gǎn gǎnhúnǔtɔ́ lɛ́ɛ bǐ, bɔ nǔ e mɛ ɖěbǔ ko sixú nyí ɔ́, é hú gǎn bǐ; é nyí gbɛ élɔ́ mɛ kɛ́ɖɛ́ wɛ é hú gǎn nǔ bǐ ɖe ǎ; lo ɔ́, é lɛ́ hú gǎn nǔ bǐ ɖo gbɛ e jǎwe ɔ́ mɛ.

Kolósinu 1:18

É wɛ nyí ta nú agbaza ɔ́: agbaza ɔ́ wɛ ɖo agun ɔ́ nyí wɛ; é mɛ wɛ gbɛ yɔ̌yɔ́ ɔ́ bɛ́ ɖe; é wɛ nyí mɛ nukɔn tɔn e Mawu fɔ́n sín kú é, bónú é ná dó nɔ nukɔn ɖo nǔ bǐ mɛ.

Kolósinu 2:10

bɔ mi yí nǔ bǐ sésé ɖo bǔ e mi ɖe xá Klísu ɔ́ mɛ. Éyɛ́ wɛ ɖo ta nú gǎn lɛ́ɛ bǐ, kpódó acɛkpikpa lɛ́ɛ bǐ kpán.

2 Tɛsalonikinu 1:7

hwenu Aklúnɔ Jezu kpó wɛnsagun tɔn hlɔ̌nhlɔ́nnɔ lɛ́ɛ kpó ná gosín jǐxwé, bó ná zɔn zo hɛhɛ tɛ́ntin wá ɔ́, é ná ná gbɔjɛ́ mi mɛ e ɖo ya ji wɛ din lɛ́ɛ, bó ná ná gbɔjɛ́ mǐ lɔmɔ̌, lobo ná dɔn tó nú mɛ e ma tunwun Mawu ǎ lɛ́ɛ, kpódó mɛ e ma nɔ se tónú nú Wɛn Ɖagbe e ɖɔ xó dó Aklúnɔ mǐtɔn Jezu wú ǎ lɛ́ɛ kpó.

Eblée 1:9

A yǐ wǎn nú hwɛjijɔ, bó gbɛ́ wǎn nú nǔ nyanya; énɛ́ ɔ́ wú wɛ Mawu, Mawu towe kɔn awǎjijɛ sín ami dó ta nú we, bó dó sɔ́ we bɔ a hú gǎn hǎgbɛ́ towe lɛ́ɛ.”

Eblée 12:17

Énɛ́ ɔ́ gúdo ɔ́, lě e mi tunwun gbɔn é ɔ́, é jló ɖɔ tɔ́ émítɔn ní xo ɖɛ dó émí jí; lo ɔ́, è gbɛ́ ɛ, ɖó é sɔ́ mɔ ali ɖěbǔ, bó ná dó lɛ́ kɔ sín nǔ nyanya e é wa ɔ́ gúdo ǎ; é ba ná lɛ́ kɔ sín nǔ nyanya e é wa ɔ́ gúdo kpó avǐ kpó; é ka sɔ́ kpé wú ǎ.

Eblée 2:9

Nǔ e mɔ wɛ mǐ ɖe ɔ́ ɖíe: Mawu sɔ́ Jezu hwe ɖo wɛnsagun lɛ́ɛ glɔ́ nú hwenu kpɛɖé, bónú é ní kú dó gbɛtɔ́ lɛ́ɛ bǐ tamɛ gbɔn fɛ́nú Mawu tɔn gbla mɛ, bɔ mǐ ka ɖo mimɔ ɛ wɛ din bɔ è sɔ́ susu kpódó yɛ̌yi kpán sín axɔ́súgbákún xwe n'i ɖó ya e é ji, bó kú ɔ́ wú.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.