Eblée 1:3 - MAWUXÓWÉMA

³ É wɛ nyí susu Mawu tɔn sín wěziza sín xlɛ́, bó nyí Mawu sín xlɛ́ titewungbe tɔn. É sɔ́ xó tɔn hlɔ̌nhlɔ́nnɔ ɔ́ dó hɛn gbɛ ɔ́ ɖó te. Ée é lɛ gbɛtɔ́ lɛ́ɛ wé sín hwɛ yětɔn lɛ́ɛ mɛ gúdo ɔ́, é jínjɔ́n Mawu e nyí hlɔ̌nhlɔ́n bǐ nɔ ɔ́ sín ɖisíxwé ɖo sɛ́xwé.

Eblée 1:3 Iomraidhean Croise

1 Tan 29:11

Mawu Mavɔmavɔ, towe wɛ nyí susu, hlɔ̌nhlɔ́n, acɔ́, axɔ́súɖuɖu kpó wěziza kpó, ɖó nǔ e ɖo jǐnukúnsin kpó ayǐkúngban jí kpó lɛ́ɛ bǐ wɛ nyí towe. Đó hwi wɛ nyí axɔ́sú e kpa acɛ dó atín kpó kan kpó nu é.

Jɔ̌bu 37:22

Wěziza siká ɖɔhun ɖé tɔ́n sín totaligbé, hǐnhɔ́n ɖaxó ɖé ɖi lɛ́ lɛ̌ dó Mawu.

Ɖɛhan 110:1

Davídi sín han. Mawu Mavɔmavɔ ɖɔ nú axɔ́sú sɛ́mɛɖó ce ɖɔ: “Jǐnjɔ́n aɖisí ce xwé fí káká jɛ hwenu e un ná sɔ́ kɛntɔ́ towe lɛ́ɛ dó húzú nǔ e jí a nǎ nɔ́ bɛ́ afɔ ɖó é.”

Ɖɛhan 75:3

Hwenu e un ɖó ɔ́ su ɔ́, un ná nɔ́ ɖɔ hwɛjijɔ.

Nǔnywɛ́tɔ́xó 8:4

Nǔgbó ɔ́, xó e axɔ́sú ɖɔ ɔ́ wɛ ɖó acɛ hú xó bǐ; mɛ ɖé sixú kanbyɔ́ axɔ́sú ɖɔ étɛ́wú é ka wa nǔ lě é jí ǎ.

Levíi ví 15:15

bɔ vɔ̌sánú-xwlémawutɔ́ ɔ́ ná zé ɖokpó dó sá hwɛsɔ́kɛmɛvɔ́ ná, bó ná zé ɖokpó dó sá vɔ̌ e è nɔ dó zo ɔ́ ná; énɛ́ ɔ́, é ná bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, lobo ná súnsún hwɛ sín kɔ n'i ɖo Mawu Mavɔmavɔ nukɔn, ɖó sin e wá yi sín wǔ tɔn ɔ́ wú.

Micée 5:4

É wɛ ná hɛn fífá wá. Ényí Asilíinu lɛ́ɛ wá tɔ́n ahwan mǐ, bó byɔ́ axɔ́sú mǐtɔn lɛ́ɛ sín xwé gbe ɔ́, mǐ ná sɛ́ ahwan gěgé dó yě.

Matíe 22:24

“Mɛ̌si, Mɔyízi ɖɔ: ‘Ényí súnnu ɖé da asi, bó ma ka ji vǐ ǎ, bó kú ɔ́, nɔví tɔn ná sɔ́ asúkúsi ɔ́ da, bó ná ji vǐ ɖo xo tɔn mɛ, bó ná sixú ɖó donu nú nɔví tɔn e kú é.’

Maki 16:19

Ée Aklúnɔ ɖɔ xó énɛ́ lɛ́ɛ nú yě gúdo ɔ́, è sɔ́ ɛ yi jǐnukúnsin, bɔ é jínjɔ́n ɖisíxwé nú Mawu.

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 1:29

Ayǐhɔ́ngbe tɔn ɔ́, Jǎan mɔ Jezu jǎwe bó ɖɔ: “Mi kpɔ́n! Lɛ̌ngbɔ́ví Mawu tɔn e nɔ sɔ́ hwɛ kɛ gbɛtɔ́ lɛ́ɛ ɔ́ ɖíe.

Jǎan 1:4

É mɛ wɛ gbɛ ɖe, bɔ gbɛ ɔ́ ka nɔ ná wěziza gbɛtɔ́.

Mɛsɛ́dó 2:33

bɔ din e Mawu sɔ́ ɛ su, bó sɔ́ ɛ jínjɔ́n akpá, ɖo ɖisí tɔn xwé ɔ́, Mawu tɔ́ tɔn sɔ́ Yɛsinsɛn e sín akpá é dó nú mǐ ɔ́ jó n'i, bɔ é gba kɔn nyi mǐ jí; nǔ e mɔ wɛ mi ɖe, bó ɖo sise wɛ din ɔ́ nɛ́.

Mɛsɛ́dó 7:56

bɔ é ɖɔ: “Mi ɖótó! Un mɔ sɛ́xwé ɖo hunhun, bó mɔ Gbɛtɔ́ví ɔ́ ɖo te ɖo ɖisíxwé nú Mawu.”

Hlɔ̌manu 1:16

Un ɖo Wɛn Ɖagbe ɔ́ jlá wɛ ɔ́, winnyá nɔ hu mì ǎ, ɖó hlɔ̌nhlɔ́n e Mawu nɔ zán dó hwlɛ́n mɛ e ɖi nǔ é bǐ gán é wɛ; Jwifu lɛ́ɛ jɛ nukɔn, bɔ mɛ e ma nyí Jwifu ǎ lɛ́ɛ bɔ d'é wú.

Hlɔ̌manu 8:34

Mɛ̌ ka ná ɖó hwɛ nú yě lo? Mɛ ɖé ɖe ǎ, ɖó Klísu Jezu wɛ nyí mɛ e kú é; nǔ e hú gǎn mɔ̌ ɔ́ wɛ nyí é fɔ́n sín kú, bó ɖo tɛn ɖaxó mɛ ɖo ɖisíxwé nú Mawu, bó ɖo vo sa nú Mawu wɛ dó ta mǐtɔn mɛ.

2 Kɔlɛ́ntinu 4:4

Yě ɖi nǔ ǎ; ɖó gǎn nyanya gbɛ élɔ́ tɔn ɔ́ va nukún ayixa yětɔn. Mawu gbɛ élɔ́ tɔn énɛ́ nɔ lɔn nú yě ná mɔ wěziza e Wɛn Ɖagbe e ɖɔ xó dó susu Klísu tɔn wú ɔ́ nɔ ná mɛ é ǎ. Klísu ɔ́ wɛ nyí akpajlɛ́ Mawu tɔn titewungbe ɔ́.

Kolósinu 3:1

Mawu kó fɔ́n mi sín kú kpó Klísu kpó. Hǔn mi bo ba nǔ e ɖo sɛ́xwé lɛ́ɛ; fínɛ́ wɛ Klísu jínjɔ́n ɖisíxwé nú Mawu ɖe.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Eblée 1:13

Mawu ɖɔ nú wɛnsagun tɔn lɛ́ɛ ɖě gbeɖé ɖɔ: “Jǐnjɔ́n ɖisí ce xwé fí káká nú ma sɔ́ kɛntɔ́ towe lɛ́ɛ dó húzú afɔɖótɛn nú we” ǎ.

Eblée 10:12

Klísu éyɛ́ ɔ́, vɔ̌ ɖokpó géé wɛ é ka sá dó hwɛ lɛ́ɛ tamɛ, bó yi jínjɔ́n ɖisíxwé nú Mawu, bɔ vɔ̌ énɛ́ e é sá ɔ́ ná ɖo azɔ̌ wa wɛ káká sɔ́yi.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 4:14

Hǔn, mi bo nú mǐ ná hɛn nǔɖiɖixó e ɖɔ wɛ mǐ ɖe ɔ́ syɛ́nsyɛ́n. Nǔgbó ɔ́, mǐ ɖó vɔ̌sánú-xwlémawutɔ́gán ɖaxó ɖokpó; Jezu Mawu ví ɔ́ wɛ; é hun káká yi Mawu ɖésú nukɔn.

Eblée 7:27

É cí vɔ̌sánú-xwlémawutɔ́ ɖaxó ɖě lɛ́ɛ ɖɔhun ǎ: yědɛɛ lɛ́ɛ ɔ́, ayǐhɔ́ngbe ayǐhɔ́ngbe ɔ́, yě nɔ to sá vɔ̌ dó hwɛ e yě ɖésúnɔ hu lɛ́ɛ tamɛ hwɛ̌, có bó nɔ́ wá sá vɔ̌ dó hwɛ e togun ɔ́ hu lɛ́ɛ tamɛ; Jezu ka bló gbɔn mɔ̌ ǎ. Azɔn ɖokpó géé wɛ é sá vɔ̌ hwenu e é sɔ́ éɖée jó é, bɔ xó fó.

Eblée 8:1

Nǔ e ɖo tají hú ɖě lɛ́ɛ bǐ ɖo nǔ e ɖɔ wɛ mǐ ɖe ɔ́ mɛ ɔ́ ɖíe: Vɔ̌sánú-xwlémawutɔ́ ɖaxó mɔ̌hun wɛ mǐ ɖó, bɔ é jínjɔ́n ɖisíxwé nú axɔ́súzinkpo Mawu susu bǐ nɔ ɔ́ tɔn ɖo sɛ́xwé.

Eblée 9:16

Ényí wěma e ɖɔ mɛ e ná ɖu mɛɖé sín gǔ ɔ́ tíin ɔ́, é ɖo dandan mɛ bɔ è nǎ ɖe xlɛ́ ɖɔ mɛ e wlán wěma ɔ́ ko kú.

Eblée 9:26

Ényí mɔ̌ wɛ é nyí ɔ́, é ɖó ná ko ji ya azɔn mɔ̌kpán sín hwenu e Mawu ɖó gbɛ ɔ́ dó é; nǔgbó ɔ́, azɔn ɖokpó géé jɛ́n é wá, bɔ xó fó, hwenu e nǔ lɛ́ɛ bǐ sín fífó ko sɛ yá é, bó sɔ́ éɖée dó sá vɔ̌ ná, bó ná dó ɖe hwɛhuhu síin.

1 Piyɛ́ɛ 1:21

É jí wɛ mi gbɔn bó ɖi nǔ nú Mawu e fɔ́n ɛ sín kú, bó sɔ́ ɛ su é; énɛ́ ɔ́, nǔɖiɖi mitɔn kpó nukúnɖíɖó mitɔn kpó ɖo Mawu jǐ.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.

2 Piyɛ́ɛ 1:16

Nǔgbó ɔ́, é nyí hwenuxó e è sɔ́ bǐbí dó kpa ná ɔ́ ɖě wú wɛ mǐ gán jɛ, bó dó kplɔ́n nǔ mi ɖɔ Aklúnɔ mǐtɔn Jezu Klísu ná wá kpó hlɔ̌nhlɔ́n kpó ǎ; lo ɔ́, mǐ mɔ susu ɖaxó e é ɖó ɔ́ kpó nukún mǐ ɖésúnɔ tɔn kpó.

2 Piyɛ́ɛ 1:17

Hwenu e Mawu Tɔ́ ɔ́ wlí yɛ̌yi n'i, bó sɔ́ ɛ su ɔ́, mǐ ɖo fínɛ́; hwenɛ́nu ɔ́, gbe ɖé ɖi sín Mawu susuɖaxónɔ ɔ́ gɔ́n wá gɔ̌n tɔn, bó ɖɔ n'i ɖɔ: “Vǐ ce vívɛ́ná wɛ mɛ élɔ́ nyí; xomɛ nɔ hun mì dó wǔtu tɔn.”

1 Jǎan 1:7

Lo ɔ́, ényí mǐ ɖo gbɛ zán wɛ ɖo wěziza mɛ lě e Mawu ɖésúnɔ ɖo wěziza mɛ gbɔn ɔ́, hǔn mǐ ɖo kɔnɖókpɔ́ mɛ xá mǐɖée, bɔ vǐ tɔn Jezu sín hun nɔ lɛ mǐ wé sín hwɛ mǐtɔn lɛ́ɛ bǐ mɛ.

1 Jǎan 3:5

Mi ka tunwun ɖɔ Klísu wá, bó ná ɖe hwɛ lɛ́ɛ síin; hwɛ ɖě ka ɖo ayi tɔn mɛ ǎ.

Nǔɖexlɛ́mɛ 3:21

“Mɛ e ná ɖu ɖ'é jí ɔ́, un ná ná ɛ gbe, bɔ é ná jínjɔ́n axɔ́súzinkpo ce jí, lě e un ɖu ɖ'é jí, bó jínjɔ́n Tɔ́ ce kpá ɖo axɔ́súzinkpo tɔn jí é ɖɔhun.

Nǔɖexlɛ́mɛ 4:11

“Aklúnɔ mǐtɔn, Mawu mǐtɔn, susu, yɛ̌yi kpó hlɔ̌nhlɔ́n kpó jɛ xá we, ɖó a blǒ nǔ bǐ; hwi wɛ jló bɔ yě tíin; hwi wɛ jló bɔ yě ɖo gbɛ.”