Eblée 1:2 - MAWUXÓWÉMA

² Amɔ̌, ɖo azǎn élɔ́ lɛ́ɛ, éé ɖo azǎn gǔdo gúdo tɔn nyí wɛ lɛ́ɛ mɛ ɔ́, é ɖɔ xó nú mǐ gbɔn vǐ tɔn jí; é jí wɛ Mawu ɖó gbɛ ɔ́ gbɔn; é wɛ Mawu sɔ́, bó zé nǔ lɛ́ɛ bǐ dó así ná.

Eblée 1:2 Iomraidhean Croise

Bǐbɛ́mɛ 49:1

Jakɔ́bu ylɔ́ vǐ tɔn lɛ́ɛ; ée yě wǎ ɔ́, é ɖɔ nú yě ɖɔ: “Mi sɛkpɔ́ mì, bónú má ɖɔ lě e sɔ ná cí gbɔn ɔ́ nú mi.

Ezayíi 2:2

Gbe ɖokpó ná wá su, bɔ só e jí Mawu Mavɔmavɔ xwé ɔ́ ɖe ɔ́ ná hú ga só kpɛví kpɛví lɛ́ɛ, é ná yi jǐ hú só ɖě lɛ́ɛ bǐ. Énɛ́ ɔ́, akɔta lɛ́ɛ bǐ ná nyi ahwan wá gɔ̌n tɔn.

Ezayíi 44:24

Izlayɛ́li, Mawu Mavɔmavɔ, Mɛhwlɛ́ngántɔ́ towe e bló we dó nɔ towe xomɛ ɔ́, xó e é ɖɔ ɔ́ ɖíe: “Nyɛ Mawu Mavɔmavɔ ɔ́, nyɛ wɛ bló nǔ bǐ. Nyɛ ɖokpó géé wɛ vlɔ́n jǐxwé. Nyɛ ɖokpó géé wɛ tɛ́ ayǐkúngban ɔ́. Mɛ ɖěbǔ dó alɔ mì ǎ.

Ezayíi 45:12

Nyɛ wɛ ɖó ayǐkúngban ɔ́, nyɛ wɛ ɖó gbɛtɔ́ e ɖ'é jí lɛ́ɛ. Nyɛ wɛ vlɔ́n jǐxwé, bó nɔ́ ɖe gbe dó nǔ e ɖo jǐxwé lɛ́ɛ bǐ.

Ezayíi 45:18

Mawu Mavɔmavɔ wɛ bló jǐnukúnsin. É wɛ nyí Mawu; é wɛ ɖó ayǐkúngban ɔ́. É wɛ bló ayǐkúngban ɔ́ ɖó alɔ tɔn wú, bó bló bɔ é syɛ́n; é ká ɖó e sɔ́ nyí vɔ̌ ǎ. Lo ɔ́, é bló bɔ è nǎ nɔ jí wɛ. Din ɔ́, xó e é ɖɔ ɔ́ ɖíe: “Nyɛ wɛ nyí Mawu Mavɔmavɔ ɔ́, ɖěvo sɔ́ ɖe ǎ.

Jelemíi 30:24

Xomɛsin ɖaxó e jí Mawu Mavɔmavɔ ɖe ɔ́ ɖo nǎ xwɛ wɛ ǎ. É ná xwɛ cóbónú Mawu Mavɔmavɔ ná wa nǔ e é lin lɛ́ɛ bǐ ǎ. Ayǐ ɖo hǐnhɔ́n wɛ ɔ́, mi ná mɔ nǔ jɛ nǔ énɛ́ lɛ́ɛ bǐ mɛ.

Jelemíi 48:47

Amɔ̌, ayǐ ɖo hǐnhɔ́n wɛ ɔ́, un ná zé yě ɖó ninɔmɛ e mɛ yě nɔ ɖ'ayǐ xóxó é. Xó e nyɛ Mawu Mavɔmavɔ ɖɔ ɔ́ nɛ́.” Lě e Mawu gbo Mɔwabu sín hwɛ gbɔn ɔ́ nɛ́.

Ezekiyɛ́li 38:16

A nǎ tɔ́n ahwan togun ce Izlayɛ́li ɔ́, bó ná cyɔ́n to ɔ́ ahǔn ɖɔhun. É ká ná lín káká có nǔ énɛ́ lɛ́ɛ ná jɛ. Un ná sɛ́ we dó bɔ a nǎ wǎ tɔ́n ahwan to ce, énɛ́ ɔ́, to ɖě lɛ́ɛ ná tunwun ɖɔ nyɛ wɛ nyí Mawu mímɛ́ ɔ́. Hwi Gɔgu ɔ́ wɛ un ka ná zán dó bló nǔ énɛ́ ɔ́.

Daniyɛ́li 10:14

Din ɔ́, un wá bó ná ɖɔ nǔ e ná wá jɛ dó togun towe jí sɔ gúdo ɔ́ nú we. Nǔ ɔ́ wɛ Mawu ɖe xlɛ́ we bɔ a mɔ.’

Daniyɛ́li 2:28

Amɔ̌, Mawu ɖokpó ɖo sɛ́xwé, bó nɔ́ ɖe nǔbúdo lɛ́ɛ xlɛ́ mɛ. Axɔ́sú Nabukodonɔzɔ́ɔ, Mawu énɛ́ ɔ́ wɛ ná ɖɔ nǔ e ná jɛ sɔ ɔ́ nú mɛ. Din ɔ́, nǔ e è mɔ ɖo dlɔ̌ mɛtɔn mɛ ɔ́ ɖíe:

Ozée 3:5

Énɛ́ ɔ́ gúdo ɔ́, Izlayɛ́li ví lɛ́ɛ ná lɛ́ kɔ wá. Yě ná ba Mawu Mavɔmavɔ, Mawu yětɔn kpódó Davídi axɔ́sú yětɔn ɔ́ kpó mɔ. Nú é wá yá ɔ́, kpó sísí kpó wɛ yě ná ba Mawu Mavɔmavɔ ɔ́ kpó ɖagbe e é nɔ́ wa nú mɛ lɛ́ɛ kpó.

Micée 4:1

Ayǐ ɖé ná wá hɔ́n, bɔ só e jí sinsɛnxɔ ɔ́ ɖe ɔ́ ná yi jǐ hú só lɛ́ɛ bǐ, é ná hú ga só kpɛví kpɛví lɛ́ɛ bǐ, bɔ togun lɛ́ɛ ná nyi ahwan wá asá tɔn mɛ.

Kɛ́nsísɔ́ 24:14

Din ɔ́, un ná lɛ́ kɔ yi togun ce mɛ. Wǎ má ɖɔ nǔ e togun élɔ́ ná wa xá togun towe ɖo sɔ gúdo ɔ́ nú we.”

Matíe 13:39

Kɛntɔ́ e dó gběhan nyanya ɔ́, awǒvi wɛ; nǔkún-yiyahwenu ɔ́, gbɛvivɔzán gbe wɛ; nukún-yatɔ́ lɛ́ɛ wɛ nyí wɛnsagun Mawu tɔn lɛ́ɛ.

Matíe 17:5

Xó énɛ́ ɖɔ wɛ Piyɛ́ɛ ɖe kɛ́ɖɛ́ bɔ akpɔ́kpɔ́ wěwé tété ɖé wá cyɔ́n yě, bɔ gbe ɖé nɔ́ ɖi ɖo akpɔ́kpɔ́ ɔ́ mɛ, bó nɔ́ ɖɔ: “Vǐ ce vívɛ́ná wɛ mɛ élɔ́ nyí; xomɛ nɔ hun mì dó wǔtu tɔn; mi ɖótó e.”

Matíe 21:38

Lo ɔ́, ɖěe vǐwunzɔ́watɔ́ lɛ́ɛ mɔ vǐ tɔn lě ɔ́, yě ɖɔ ɖo yěɖée tɛ́ntin ɖɔ: ‘Vǐ e ɖo xu ɔ́ ná ɖu wɛ é ɖíe; mi wá bónú mǐ ná hu i, bónú vǐwungbo ɔ́ ná húzú mǐtɔn.’

Matíe 26:63

Jezu ka tin d'é mɛ n'i. Vɔ̌sánú-xwlémawutɔ́ ɖaxó ɔ́ ka ɖɔ n'i ɖɔ: “Ɖo Mawu gbɛɖe ɔ́ sín nyǐkɔ mɛ ɔ́, ényí hwi wɛ nyí Klísu, Mawu ví ɔ́ nǔgbó hǔn, ɖɔ nú mǐ.”

Matíe 28:18

Jezu ka sɛ yá yě, bó ɖɔ nú yě ɖɔ: “Mawu ná acɛ e ɖo jǐnukúnsin, kpódó ée ɖo ayǐkúngban jí ɔ́ kpó bǐ mì.

Matíe 3:17

Tlóló ɔ́, è se gbe ɖé sín jǐxwé bɔ é ɖɔ: “Vǐ ce vívɛ́ná wɛ mɛ élɔ́ nyí; xomɛ nɔ hun mì dó wǔtu tɔn tlala.”

Maki 1:1

Fí e Wɛn Ɖagbe e ɖɔ xó dó Jezu Klísu Mawu ví ɔ́ wú ɔ́ bɛ́ sín ɔ́ ɖíe.

Maki 12:6

É wá kpo vǐ tɔn vívɛ́ná ɔ́ kɛ́ɖɛ́, bɔ é wá sɛ́ ɛ dó yě gbɔn tó, bó ɖo linlin ɖo ayi mɛ wɛ ɖɔ: ‘Yě mɔ vǐ ce ɖésú ɔ́, yě ná sí i.’

Maki 12:7

Lo ɔ́, vǐwunzɔ́watɔ́ énɛ́ lɛ́ɛ ɖɔ ɖo yěɖée tɛ́ntin ɖɔ: ‘Vǐ e ɖo xu ɔ́ ná ɖu wɛ ɔ́ ɖíe, mi wá nú mǐ ná hu i, bónú vǐwungbo ɔ́ ná húzú mǐtɔn.’

Jǎan 1:10

Xó ɔ́ kó ɖo gbɛ ɔ́ mɛ; é jí wɛ è blǒ gbɛ ɔ́ gbɔn cóbɔ gbɛtɔ́ lɛ́ɛ ka tunwun i ǎ.

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 1:3

É jí wɛ è gbɔn bó bló nǔ e ɖo gbɛ ɔ́ mɛ lɛ́ɛ bǐ; è blǒ nǔ ɖěbǔ é mɛ vo ǎ.

Jǎan 13:3

Ée Jezu ka tunwun ɖɔ Mawu ko sɔ́ nǔ bǐ dó alɔ mɛ nú émí, bɔ gɔ̌n tɔn wɛ e mi gosín, bó ka lɛ́ lɛ́ kɔ xwe gɔ̌n tɔn ɔ́,

Jǎan 13:32

Ée Mawu xɔ susu gbɔn vǐ tɔn gbla mɛ ɔ́, Mawu lɔ ná sɔ́ vǐ tɔn su ɖo é ɖésúnɔ gɔ́n; é ka ná sɔ́ ɛ su ɖo malín málín mɛ.

Jǎan 15:15

Un sɔ́ nɔ ylɔ́ mi ɖɔ mɛsɛntɔ́ ǎ, ɖó mɛsɛntɔ́ nɔ mɔ do nú nǔ e wa wɛ gǎn tɔn ɖe ɔ́ ǎ. Un nɔ ylɔ́ mi ɖɔ xɔ́ntɔn, ɖó nǔ e un se ɖo Tɔ́ ce nu lɛ́ɛ bǐ wɛ un ɖe xlɛ́ mi.

Jǎan 16:15

Nǔ e nyí Tɔ́ ɔ́ tɔn ɔ́ bǐ wɛ nyí ce. Énɛ́ wútu wɛ un ɖɔ nú mi ɖɔ: nǔ e un ɖɔ n'i ɔ́ wɛ é ná ɖɔ nú mi.”

Jǎan 17:2

Đó a nǎ ɛ acɛ ɖo gbɛtɔ́ lɛ́ɛ bǐ jí, bónú é ná ná gbɛ mavɔ mavɔ mɛ e a sɔ́ dó así n'i lɛ́ɛ bǐ sésé.

Jǎan 3:16

Đó Mawu yí wǎn nú gbɛtɔ́ sɔ mɔ̌, bó sɔ́ Vǐɖokpónɔ tɔn jó, bónú mɛ e ná ɖi nǔ n'i lɛ́ɛ ɖěbǔ ma dɔn ó; lo ɔ́, yě bǐ ní mɔ gbɛ mavɔ mavɔ.

Jǎan 3:25

Énɛ́ ɔ́, Jǎan sín ahwanvú ɖé lɛ́ɛ wá ɖo nǔ dɔn xá Jwifu ɖokpó wɛ, dó wǔsláslá wú.

Jǎan 5:26

Đó lě e Tɔ́ ɔ́ ɖó acɛ, bó nɔ ná gbɛ mɛ gbɔn ɔ́, mɔ̌ ɖokpó ɔ́ wɛ é ná ɛ acɛ, bɔ élɔ́ ná ná gbɛ mɛ.

Jǎan 5:27

Mawu ná acɛ ɛ, bɔ é ná ɖɔ hwɛ xá gbɛtɔ́ lɛ́ɛ, ɖó Gbɛtɔ́ví wɛ é nyí.

Jǎan 9:29

Mǐdɛɛ lɛ́ɛ tunwun ɖɔ Mɔyízi wɛ Mawu ɖɔ xó ná; amɔ̌, mɛ énɛ́ ɔ́, mi tunwun fí e éyɛ́ gosín ɔ́ ǎ.”

Mɛsɛ́dó 10:36

Mi tunwun xó e Mawu ɖɔ sɛ́ dó Izlayɛ́li ví lɛ́ɛ, bó dó Wɛn Ɖagbe e nɔ ná fífá mɛ ɔ́ yě gbɔn Jezu Klísu e nyí mɛ bǐ sín Aklúnɔ ɔ́ jí é.

Mɛsɛ́dó 2:17

‘Mawu ɖɔ: ɖo azǎn gǔdo gúdo tɔn lɛ́ɛ mɛ ɔ́, un ná gba Yɛ ce kɔn nyi mɛ bǐ jǐ; vǐ mitɔn lɛ́ɛ, súnnu kpó nyɔ̌nu kpán ná nɔ́ ɖɔ Mawuxó; dɔ̌nkpɛvú mitɔn lɛ́ɛ ná nɔ́ mɔ nǔ, bɔ Mawu ná nɔ́ xo dlɔ̌ nyɔ̌xónɔ mitɔn lɛ́ɛ.

Hlɔ̌manu 1:4

amɔ̌, ɖo yɛ mímɛ́ nyínyí tɔn mɛ ɔ́, è ɖe e xlɛ́ kpódó hlɔ̌nhlɔ́n kpó ɖɔ Mawu ví wɛ é nyí gbɔn kú e é kú bó fɔ́n ɔ́ gbla mɛ.

Hlɔ̌manu 8:17

Ée é nyí ɖɔ vǐ tɔn wɛ mǐ nyí é ɔ́, mǐ ná ɖó mǐmá ɖo ɖagbe e é sɔ́ ɖ'ayǐ nú togun tɔn ɔ́ mɛ, bó ná lɛ́ ɖó ɖagbe énɛ́ xá Klísu. Đó ényí mǐ ji ya xá Klísu ɔ́, mǐ ná lɛ́ ɖó mǐmá ɖo susu tɔn mɛ.

1 Kɔlɛ́ntinu 2:7

Éeǒ! Nǔnywɛ́ énɛ́ jlá wɛ un ɖe ǎ. Nǔnywɛ́ Mawu tɔn e nyí nǔbúdo bɔ Mawu zé hwlá dó gbɛtɔ́ lɛ́ɛ é jlá wɛ un ɖe; nǔnywɛ́ énɛ́ wɛ Mawu ko sɔ́ ɖ'ayǐ xóxó nú susu mǐtɔn, cóbɔ gbɛ ɔ́ wá tíin.

1 Kɔlɛ́ntinu 8:6

Lo ɔ́, Mawu ɖokpó géé wɛ tíin nú mǐdɛɛ lɛ́ɛ: é wɛ nyí Tɔ́ e ɖó nǔ bǐ é; é wɛ mǐ ɖo gbɛ ná; mɔ̌ ɖokpó ɔ́, Aklúnɔ ɖokpó géé wɛ tíin; é wɛ nyí Jezu Klísu e jí nǔ lɛ́ɛ bǐ tíin gbɔn é; é jí wɛ mǐ ɖo gbɛ gbɔn.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

Efɛ́zinu 1:10

Tito énɛ́ e Mawu bló fó ɖo hwe tɔn nu ɔ́ wɛ nyí ɖɔ nǔ e ɖo jǐnukúnsin lɛ́ɛ, kpó ée ɖo ayǐkúngban jí lɛ́ɛ bǐ kpó ná kplé ɖo gǎn ɖokpó géé glɔ́; Gǎn énɛ́ wɛ nyí Klísu.

Efɛ́zinu 3:9

Má jlá Wɛn Ɖagbe ɔ́ yě, bó ná kplá gbɛtɔ́ lɛ́ɛ bǐ, nú yě ná mɔ nukúnnú jɛ lě e nǔbúdo Mawu tɔn e ɖo wi mɛ ɔ́ ná jɛ gbɔn é wú. Mawu e bló nǔ bǐ ɔ́ sɔ́ tito énɛ́ ɔ́ hwlá sín tɛgbɛ,

Sɛ́nflínmɛ 18:15

É ká ná sɛ́ gbeyíɖɔ nyɛ Mɔyízi ɖɔhun ɖokpó dó mi, togun mitɔn mɛ nu wɛ é ná nyí: mi ná ɖótó nǔ e é ná ɖɔ nú mi é.

Sɛ́nflínmɛ 31:29

Đó un tunwun ɖɔ jí un kú ɔ́, mi ná lɛ́ kɔ sín ali e un ɖe nú mi é jí, bó ná jɛ hwɛ hu jí. Énɛ́ ɔ́, nǔ bǐ nǎ jɛ mi gbo jí, ɖó mi ná wa nǔ e má sɔgbe ɖo Mawu Mavɔmavɔ nukún mɛ ǎ é, bɔ é ná sin xomɛ.”

Sɛ́nflínmɛ 4:30

Hwenu e nǔ e un ɖɔ nú mi lɛ́ɛ bǐ ná jɛ, bɔ mi ná ɖo aluwɛ mɛ ɔ́, mi ná lɛ́ kɔ wá Mawu Mavɔmavɔ, Mawu mitɔn gɔ́n, bó ná lɛ́ jɛ tónú se n'i jí.

Eblée 1:5

Đó Mawu ɖɔ nú wɛnsagun tɔn lɛ́ɛ ɖě gbeɖé ɖɔ: “Vǐ ce wɛ a nyǐ, bɔ égbé ɔ́, un ji we” ǎ. É ka ɖɔ dó wɛnsagun ɖé wú gbeɖé ɖɔ: “Un ná nyí tɔ́ n'i, bɔ éyɛ́ ná nyí vǐ nú mì” ǎ.

Eblée 1:8

Lo ɔ́, Mawu ɖɔ dó vǐ ɔ́ wú ɖɔ: “Óo! Mawu, axɔ́súzinkpo towe ɖo te káká sɔ́yi. Hwɛjijɔ jí wɛ axɔ́súɖuɖu towe jínjɔ́n.

Eblée 11:3

Nǔɖiɖi wɛ zɔ́n bɔ mǐ mɔ nukúnnú jɛ wú ɖɔ Mawu ɔ́, xó tɔn wɛ é dó bló wɛ̌kɛ́ ɔ́ ná; nǔ e è ma sixú mɔ ǎ ɔ́ wɛ é dó bló nǔ e mɔ wɛ è ɖe ɔ́ ná.

Eblée 2:3

Ényí nǔ nyí mɔ̌ ɔ́, nú mǐdɛɛ lɛ́ɛ dó vɛ̌ nú hwlɛngán ɖaxó énɛ́ ɔ́, nɛ̌ mǐ ka ná sixú gló tódɔnnúmɛ ɔ́ gbɔn? Aklúnɔ ɖésú ɖɔ hwlɛngán énɛ́ ɔ́ sín xó dó nukɔn, bɔ mɛ e se lɛ́ɛ ɖe kúnnu ná ɖɔ nǔgbó wɛ.

Eblée 3:6

Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.

Eblée 4:14

Hǔn, mi bo nú mǐ ná hɛn nǔɖiɖixó e ɖɔ wɛ mǐ ɖe ɔ́ syɛ́nsyɛ́n. Nǔgbó ɔ́, mǐ ɖó vɔ̌sánú-xwlémawutɔ́gán ɖaxó ɖokpó; Jezu Mawu ví ɔ́ wɛ; é hun káká yi Mawu ɖésú nukɔn.

Eblée 5:8

É kplɔ́n tónúsise gbɔn ya e é ji lɛ́ɛ gbla mɛ, có Mawu ví wɛ é ka nyí.

Eblée 7:28

Mɔyízisɛ́n ɔ́, gbɛtɔ́ wɛ é nɔ sɔ́ vɔ̌sánú-xwlémawutɔ́ ɖaxó; gbɛtɔ́ ka ɖó gǎn ɖé ǎ; lo ɔ́, xó e Mawu ɖɔ bó xwlé nǔ d'é jí ɖo sɛ́n ɔ́ gúdo ɔ́, Mawu ví ɔ́ wɛ é sɔ́ vɔ̌sánú-xwlémawutɔ́ ɖaxó; é ɖó blɔ̌ ǎ káká sɔ́yi.

Eblée 7:3

Mɛlukisedɛ́ki ɔ́, è tunwun tɔ́ tɔn ǎ, è tunwun nɔ tɔn ǎ; è tunwun tɔ́gbó tɔn ɖěbǔ ǎ; è ka ɖɔ jiji tɔn abǐ kú tɔn xó ɖo fí ɖěbǔ ǎ; é cí Mawu ví ɔ́ ɖɔhun; é nyí vɔ̌sánú-xwlémawutɔ́ káká sɔ́yi.

Eblée 9:26

Ényí mɔ̌ wɛ é nyí ɔ́, é ɖó ná ko ji ya azɔn mɔ̌kpán sín hwenu e Mawu ɖó gbɛ ɔ́ dó é; nǔgbó ɔ́, azɔn ɖokpó géé jɛ́n é wá, bɔ xó fó, hwenu e nǔ lɛ́ɛ bǐ sín fífó ko sɛ yá é, bó sɔ́ éɖée dó sá vɔ̌ ná, bó ná dó ɖe hwɛhuhu síin.

1 Piyɛ́ɛ 1:20

Mawu ko sɔ́ ɛ cóbó wá ɖó gbɛ ɔ́, bó ɖe e xlɛ́ ɖo azǎn e nyí azǎn gǔdo tɔn élɔ́ lɛ́ɛ é mɛ, ɖó ɖagbe mitɔn wú.

2 Piyɛ́ɛ 3:3

Nǔ e mi ná tunwun jɛ nukɔn ɔ́ wɛ nyí ɖɔ: ɖo azǎn gǔdo gúdo tɔn lɛ́ɛ mɛ ɔ́, mɛ e nɔ zán gbɛ yětɔn lě e jlǒ yě ɖésúnɔ tɔn ba gbɔn lɛ́ɛ ná ɖe yěɖée xlɛ́. Yě ná ɖɔ slǎmɛ mi wú,

Judi 1:18

Nǔgbó ɔ́, yě ɖɔ nú mi ɖɔ: “Azǎn gǔdo gúdo tɔn lɛ́ɛ mɛ ɔ́, mɛɖé lɛ́ɛ ná tíin, bó ná nɔ ɖɔ slǎmɛ mi wú, bó ná zán gbɛ yětɔn lě e jlǒ nyanya yětɔn lɛ́ɛ zɔ́n yě gbɔn é.”