Eblée 1:14 - MAWUXÓWÉMA

¹⁴ Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

Eblée 1:14 Iomraidhean Croise

Bǐbɛ́mɛ 32:24

Mɛ tɔn lɛ́ɛ dó asá tɔ ɔ́ kpó nǔ e é ɖó lɛ́ɛ bǐ kpó.

1 Axɔ́sú 22:19

Micée ka ɖɔ n'i ɖɔ: “Se nǔ e Mawu Mavɔmavɔ ɖɔ ɔ́. Un mɔ Mawu Mavɔmavɔ ɖo ayǐjínjɔ́n ɖo axɔ́súzinkpo tɔn jí, bɔ mɛsɛntɔ́ sɛ́xwé tɔn lɛ́ɛ bǐ ɖo gɔ̌n tɔn. Mɛ hǎbǔ ɖo ɖisí tɔn xwé, bɔ hǎbǔ ɖo amyɔ tɔn xwé.

Jɔ̌bu 1:6

É ká wá su gbe ɖokpó, bɔ wɛnsagun Mawu tɔn lɛ́ɛ ɖo gbe ɖó nú Mawu Mavɔmavɔ wɛ, bɔ Satáan, hwɛdómɛtɔ́ ɔ́ lɔ wá xwetɔ́n ɖo yě tɛ́ntin.

Ɖɛhan 104:4

Jɔhɔn wɛ nyí wɛnsagun towe, bɔ myɔ ka nyí mɛsɛntɔ́ towe.

Ɖɛhan 34:7

Nyɛ lelenɔ ɖíe sú xó ylɔ́ Mawu Mavɔmavɔ e, bɔ é se bó hwlɛ́n mì gán ɖo nǔ e ɖo hǔn hɛn nú mì wɛ lɛ́ɛ bǐ mɛ.

Daniyɛ́li 3:28

Bɔ axɔ́sú ɔ́ sú xó bó ɖɔ: “Susu nú Mawu Cadlaki kpó Mɛcáki kpó Abɛ́di-Nɛgó kpó tɔn. Mawu yětɔn sɛ́ wɛnsagun tɔn dó, bɔ é wá hwlɛ́n mɛsɛntɔ́ tɔn lɛ́ɛ gán, ɖó é wú wɛ yě gán jɛ, bó má se tónú nú gbeta e un ɖe tɔ́n é ǎ. Yě yí gbe nú wǔvɛ́mimɔ hú yě ní sɛn vodún, bó ɖe kɔ́ ná, lobo ná jó Mawu yětɔn dó.

Daniyɛ́li 6:22

Daniyɛ́li yí gbe nú axɔ́sú ɔ́ bó ɖɔ: “Sɛ́mɛɖó, jidɔ́ mɛtɔn ní nyí káká.

Daniyɛ́li 7:10

Myɔtɔ nɔ tɔ́n bó nɔ ɖo sisa wɛ ɖo nukɔn tɔn. Gbɛtɔ́ wɔ̌blíba ɖo te nukɔn tɔn bó ná sɛn ɛ. Hwɛɖɔtɔ́ lɛ́ɛ wá jínjɔ́n ayǐ, bɔ è hun wěma ɖé lɛ́ɛ nyi wɛn.

Matíe 1:20

Nǔ énɛ́ lin kpɔ́n wɛ é ɖe, bɔ wɛnsagun Aklúnɔ tɔn wá xo dlɔ̌ ɛ bó ɖɔ n'i ɖɔ: “Jozɛ́fu Davídi ví, xɛsi ma ɖi we, nú a gɔn Mali da ó; ɖó xo e é mɔ ɔ́, Yɛsinsɛn sín nǔwiwa wɛ.

Matíe 13:41

Nyɛ Gbɛtɔ́ví ɔ́ ná sɛ́ wɛnsagun ce lɛ́ɛ dó, bɔ yě ná wá bɛ́ hwɛmɛdɔnmɛdótɔ́ lɛ́ɛ bǐ kpódó nǔnyanyawatɔ́ lɛ́ɛ kpó sín axɔ́súɖuto Mawu tɔn mɛ,

Matíe 18:10

“Mi ma lɔn bo gbɛ́ wǎn nú yɔkpɔ́vú élɔ́ lɛ́ɛ ɖokpó géé ó. Ɖó má ɖɔ nǔgbó nú mi: wɛnsagun yětɔn lɛ́ɛ ɖo sɛ́xwé bó ɖo Tɔ́ ce e ɖo sɛ́xwé ɔ́ nukɔn hwebǐnu. [

Matíe 2:13

Ée nǔnywɛ́tɔ́ énɛ́ lɛ́ɛ yi gúdo ɔ́, wɛnsagun Aklúnɔ tɔn wá xo dlɔ̌ Jozɛ́fu bó ɖɔ n'i ɖɔ: “Sí te, zě vǐ ɔ́, kplá nɔ tɔn, bó hɔn yi Ejípu; nɔ dɔ̌n káká yi jɛ hwenu e un ná lɛ́ wá ɖɔ xó nú we dó é. Ɖó Elódu ɖo vǐ ɔ́ ba ná hu wɛ.”

Matíe 24:31

bɔ un ná sɛ́ wɛnsagun ce lɛ́ɛ dó, bónú ahwankpɛn ɖaxó ɔ́ ɖɔ nǔ ɔ́, yě ná kplé mɛ e Mawu cyán lɛ́ɛ sín wɛ̌kɛ́zo ɛnɛ lɛ́ɛ bǐ mɛ, sín fí e jǐnukúnsin ɔ́ ko bɛ́ sín ɔ́, káká yi jɛ fí e é kponu dó ɔ́.

Matíe 25:34

bɔ nyɛ axɔ́sú ɔ́ ná ɖɔ nú mɛ e ɖo ɖisí ce xwé lɛ́ɛ ɖɔ: ‘Mi wá, mi mɛ e jí Tɔ́ ce ko xo ɖɛ ɖagbe dó lɛ́ɛ. Mi wá yí axɔ́súɖuɖu Mawu tɔn sín nǔ ɖagbe e è ko sɔ́ ɖ'ayǐ nú mi sín hwenu e Mawu ko ɖó gbɛ ɔ́ ɖokpóó é.

Matíe 4:11

Awǒvi ka jó e dó bo yi; bɔ wɛnsagun Mawu tɔn lɛ́ɛ wá Jezu gɔ́n, bo wá gɔ́ alɔ n'i.

Maki 10:17

Ali wɛ Jezu wlí kɛ́ɖɛ́, bó xweyǐgbe, bɔ nyaví dɔ̌nkpɛvú ɖé kán wezun wá mɔ ɛ, bó jɛ kpo ɖo nukɔn tɔn, lobo kanbyɔ́ ɛ ɖɔ: “Mɛ̌si ɖagbe, étɛ́ un ka ɖó ná wa, bɔ Mawu ná ná mì gbɛ mavɔ mavɔ?”

Luki 1:19

Wɛnsagun ɔ́ yí gbe n'i ɖɔ: “Nyɛ wɛ nyí Gabliyɛ́li, bó nɔ́ nɔ te ɖo Mawu nukɔn. É wɛ sɛ́ mì dó, nú má ɖɔ xó nú we, lobo dó Wɛn Ɖagbe énɛ́ we.

Luki 1:23

Ée azǎn nabí e Zakalíi ɖó ná wa azɔ̌ ɔ́ ná ɖo sinsɛnxɔ ɔ́ mɛ ɔ́ fó ɔ́, é yi xwé.

Luki 16:22

Wamamɔnɔ ɔ́ wá kú, bɔ wɛnsagun Mawu tɔn lɛ́ɛ zé e yi Ablaxámu kpá; dɔkunnɔ ɔ́ lɔ wá kú, bɔ è ɖi i.

Luki 2:13

Azɔn ɖokpó ɔ́, Mawu wɛnsagun wɔ̌buwɔ́bú ɖé lɛ́ɛ wá gɔ́ nú ɖěe wá dó wɛn é, bɔ yě jɛ Mawu mlá jí ɖɔ:

Luki 2:9

Wɛnsagun Mawu tɔn ɖokpó ká tɔ́n dó yě jí, bɔ susu Mawu tɔn sín wěziza hɔ́n dó yě jí, bɔ xɛsi ɖaxó ɖé jɛ yě bǐ jí.

Mɛsɛ́dó 11:22

Nǔ énɛ́ wá yi jɛ tó mɛ nú agun Jezu tɔn e ɖo Jeluzalɛ́mu ɔ́, bɔ yě sɛ́ Baanabási dó Antyɔ́ci.

Mɛsɛ́dó 12:23

Lo ɔ́, tlóló tɛn tɔn mɛ ɔ́, wɛnsagun Aklúnɔ tɔn sín alɔ jɛ wǔ tɔn, ɖó é sɔ́ Mawu su ǎ wútu; bɔ wě ɖu i káká bɔ é kú.

Mɛsɛ́dó 12:7

Azɔn ɖokpó ɔ́, wɛnsagun Aklúnɔ tɔn ɖokpó wá xwetɔ́n, bɔ wěziza hɔ́n ɖo xɔ ɔ́ mɛ. Wɛnsagun ɔ́ ka ɖó alɔ Piyɛ́ɛ wú, bó fɔ́n ɛ, lobo ɖɔ: “Sí te hawun!” Bɔ wlɔ lɛ́ɛ bǐ jɛ ayǐ sín alɔ tɔn.

Mɛsɛ́dó 13:2

Gbe ɖokpó ka wá su bɔ yě ɖo Aklúnɔ sɛn wɛ, bó ɖo nu blá wɛ, bɔ Yɛsinsɛn ɖɔ nú yě ɖɔ: “Mi ɖe Baanabási kpódó Sólu kpán ɖó vo nú mì, nú yě ná yi wa azɔ̌ e wú un ylɔ́ yě é.”

Mɛsɛ́dó 16:26

Azɔn ɖokpó ɔ́, ayǐkúngban dán wǔ kpódó hlɔ̌nhlɔ́n kpó, bó húnhún gankpá ɔ́ sín dodó lɛ́ɛ bǐ; è nǎ mɔ nǔɖé kpowun ɔ́, hɔn lɛ́ɛ bǐ jɛ́n hun, bɔ gɛdɛ e è dǒ gantɔ́ lɛ́ɛ é bǐ wɛ́n kɔn nyi ayǐ.

Mɛsɛ́dó 27:23

Đó Mawu e tɔn un nyí, bó nɔ́ sɛn ɔ́ sín wɛnsagun ɖokpó sɛ yá mì égbé zǎn mɛ,

Mɛsɛ́dó 5:19

Lo ɔ́, ée zǎn kú ɔ́, wɛnsagun Aklúnɔ tɔn ɖokpó hun gankpá ɔ́ sín hɔn lɛ́ɛ, bó kplá yě jɛ hɔnto, bó ɖɔ nú yě ɖɔ:

Hlɔ̌manu 11:14

Afɔ nyɔ́ ɔ́, un sixú fɔ́n wǔhwinhwan dó jǐ nú mɛ e ɖo akɔta ce mɛ lɛ́ɛ; ényí un wa nǔ gbɔn mɔ̌ ɔ́, un sixú hwlɛ́n yě mɛ ɖěe gán.

Hlɔ̌manu 13:6

Nǔ ɖokpó énɛ́ wú wɛ mi nɔ sú takwɛ́; ɖó mɛ e sí acɛkpikpa ɖe, bɔ yě ɖo azɔ̌ énɛ́ wa wɛ lɛ́ɛ ɔ́, azɔ̌ wa nú Mawu wɛ yě ɖe, bó ka ɖó ná wa azɔ̌ énɛ́ ganjí.

Hlɔ̌manu 15:16

bɔ un nyí mɛsɛntɔ́ Klísu Jezu tɔn ɖo togun e ma nyí Jwifu ǎ lɛ́ɛ tɛ́ntin ɔ́ wútu. Wɛn Ɖagbe Mawu tɔn e jlá wɛ un ɖe ɔ́, vɔ̌sánú-xwlémawutɔ́zɔ́ dó wa ná wɛ un ɖe, bó ɖo wiwa wɛ, bónú togun e ma nyí Jwifu ǎ lɛ́ɛ ná húzú vɔ̌sánú e nɔ́ nyɔ́ Mawu nukún mɛ, bɔ Yɛsinsɛn sɔ́ ɖó vo nú Mawu é.

Hlɔ̌manu 15:27

Yě ɖésúnɔ wɛ bló kpó xomɛhunhun kpó; lo ɔ́, è nǎ ɖɔ nǔgbó ɔ́, axɔ́ wɛ é nyí bɔ yě ɖu dó wamamɔnɔ énɛ́ lɛ́ɛ. Đó Jwifu e nyí klísusɛntɔ́ lɛ́ɛ má nyɔ̌ná Yɛsinsɛn tɔn e nyí yě ɖésúnɔ tɔn lɛ́ɛ xá mɛ e ma nyí Jwifu ǎ lɛ́ɛ. Hǔn mɛ e ma nyí Jwifu ǎ lɛ́ɛ lɔmɔ̌ ɖó ná sɔ́ nyɔ̌ná gbɛmɛ fí tɔn lɛ́ɛ dó dó alɔ yě ná.

Hlɔ̌manu 8:17

Ée é nyí ɖɔ vǐ tɔn wɛ mǐ nyí é ɔ́, mǐ ná ɖó mǐmá ɖo ɖagbe e é sɔ́ ɖ'ayǐ nú togun tɔn ɔ́ mɛ, bó ná lɛ́ ɖó ɖagbe énɛ́ xá Klísu. Đó ényí mǐ ji ya xá Klísu ɔ́, mǐ ná lɛ́ ɖó mǐmá ɖo susu tɔn mɛ.

1 Kɔlɛ́ntinu 1:21

Nǔgbó ɔ́, gbɔn nǔnywɛ́ e gbɛtɔ́ lɛ́ɛ ɖó ɔ́ gbla mɛ ɔ́, yě kpé wú bó tunwun Mawu ɖo fí e nǔnywɛ́ tɔn ɖo azɔ̌ wa ɖe wɛ ɔ́ ǎ. Énɛ́ ɔ́ wú wɛ é nyɔ́ Mawu nukún mɛ ɖɔ émí ná hwlɛ́n mɛ e ɖi nǔ lɛ́ɛ gán, gbɔn wɛn élɔ́ e dó wɛ mǐ ɖe, bɔ gbɛtɔ́ lɛ́ɛ nɔ mɔ dó mɔ xlonɔxó ná é gbla mɛ.

2 Kɔlɛ́ntinu 9:12

Đó azɔ̌ énɛ́ e wa wɛ mi ɖe ɔ́, é nyí nǔ e hudó mɛɖeɖóvo Mawu tɔn lɛ́ɛ kɛ́ɖɛ́ wɛ é nɔ́ gló nú yě ǎ; lo ɔ́, é nɔ́ lɛ́ zɔ́n, bɔ kú dó nú Mawu sín ɖɛ nɔ sukpɔ́, ɖó nǔ e é wa nǔ yě lɛ́ɛ wú.

Galatinu 3:29

Ényí mi nyí Klísu tɔn hǔn, mi nyí Ablaxámu ví, bɔ nǔ ɖagbe e sín akpá Mawu dó nú Ablaxámu ɔ́, mi ná mɔ yí.

Galatinu 3:7

Hǔn mi bo tunwun ɖɔ mɛ e ɖó nǔɖiɖi lɛ́ɛ wɛ nyí Ablaxámu ví tawun.

Galatinu 3:9

Ablaxámu ɖi nǔ nú Mawu, bɔ Mawu xo ɖɛ dó jǐ tɔn; mɔ̌ ɖokpó ɔ́, é ná xo ɖɛ dó mɛ e ɖi nǔ n'i lɛ́ɛ bǐ jǐ, Ablaxámu ɖɔhun.

Efɛ́zinu 3:6

Nǔbúdo ɔ́ ɖíe: mɛ e ma nyí Jwifu ǎ lɛ́ɛ ná mɔ nǔ ɖagbe e Mawu sɔ́ ɖó ayǐ nú togun tɔn ɔ́ yí xá mɛ e nyí Jwifu lɛ́ɛ, gbɔn Wɛn Ɖagbe ɔ́ jí. Yě bǐ nyí wǔjɔnú agbaza ɖokpó ɔ́ tɔn, bɔ akpá e Mawu dó ɔ́, yě lɔmɔ̌ ná ɖó mǐmá ɖ'é mɛ gbɔn Klísu Jezu jí.

Filípunu 2:17

É ná bó byɔ́ ɖɔ è nǎ hu mì dó sá vɔ̌ ná gɔ́ nú vɔ̌ e sá nú Mawu wɛ mi ɖe gbɔn nǔɖiɖi mitɔn gbla mɛ ɔ́, awǎjijɛ wɛ é nyí nú mì, bɔ mi mɛ bǐ ná jɛ awǎ xá mì.

Filípunu 2:25

Nɔví mǐtɔn Epafloditi e jí mi sɛ́ nǔ e hudó mì lɛ́ɛ gbɔn ɔ́, nyɛ kpó é kpó wa azɔ̌ ɖó kpɔ́, bó fun ahwan ɖó kpɔ́; din ɔ́, un mɔ ɖɔ é nyɔ́ nú ma lɛ́ kɔ n'i sɛ́ dó mi.

2 Tɛsalonikinu 1:7

hwenu Aklúnɔ Jezu kpó wɛnsagun tɔn hlɔ̌nhlɔ́nnɔ lɛ́ɛ kpó ná gosín jǐxwé, bó ná zɔn zo hɛhɛ tɛ́ntin wá ɔ́, é ná ná gbɔjɛ́ mi mɛ e ɖo ya ji wɛ din lɛ́ɛ, bó ná ná gbɔjɛ́ mǐ lɔmɔ̌, lobo ná dɔn tó nú mɛ e ma tunwun Mawu ǎ lɛ́ɛ, kpódó mɛ e ma nɔ se tónú nú Wɛn Ɖagbe e ɖɔ xó dó Aklúnɔ mǐtɔn Jezu wú ǎ lɛ́ɛ kpó.

Titu 3:7

bónú gbɔn fɛ́nú Yɛsinsɛn ɔ́ tɔn mɛ ɔ́, mǐ ná sixú húzú hwɛjijɔnɔ ɖo Mawu nukɔn, bó ná sixú mɔ gbɛ mavɔ mavɔ e ɖó nukún wɛ mǐ ɖe ɔ́ yí.

Eblée 10:11

Vɔ̌sánú-xwlémawutɔ́ ɖé fɔ́n ɔ́, é nɔ ɖo azɔ̌ tɔn wa wɛ; é nɔ ɖo vɔ̌ ɖokpó ɔ́ sá wɛ hwɛhwɛ, có vɔ̌sísá énɛ́ lɛ́ɛ nɔ sixú súnsún hwɛ mɛtɔn lɛ́ɛ síin gbeɖé ǎ.

Eblée 2:3

Ényí nǔ nyí mɔ̌ ɔ́, nú mǐdɛɛ lɛ́ɛ dó vɛ̌ nú hwlɛngán ɖaxó énɛ́ ɔ́, nɛ̌ mǐ ka ná sixú gló tódɔnnúmɛ ɔ́ gbɔn? Aklúnɔ ɖésú ɖɔ hwlɛngán énɛ́ ɔ́ sín xó dó nukɔn, bɔ mɛ e se lɛ́ɛ ɖe kúnnu ná ɖɔ nǔgbó wɛ.

Eblée 5:9

Ée Mawu sɔ́ ɛ dó ɖó mɛ mímɛ́ bɔ nǔ bǐ vɔ ɖ'é wú ɔ́, é húzú hwlɛngán mavɔ mavɔ sín jɔtɛn nú mɛ e nɔ se tónú n'i lɛ́ɛ é bǐ,

Eblée 6:12

Mǐ jló ɖɔ mi ní húzú fɔnlínnɔ ǎ, lo ɔ́, mi ní xwedó xlɛ́ mɛ e ɖi nǔ bó ɖó sɔxwixwe, bó nɔ mɔ nǔ e sín akpá Mawu dó ɔ́ yí, ɖó énɛ́ wú lɛ́ɛ é tɔn.

Eblée 6:17

Mɛ e ɖó ná mɔ nǔ ɖagbe e sín akpá Mawu dó lɛ́ɛ yí ɔ́, Mawu jló ná lɛ́ ɖe xlɛ́ yě céɖécéɖé d'é jí ɖɔ émí kún ná húzú gbeta émítɔn gbeɖé ó. Énɛ́ ɔ́ wútu wɛ hwenu e é dó akpá ɔ́, é xwlé nǔ d'é jí.

Eblée 8:6

Amɔ̌ din ɔ́, azɔ̌ e è zɔ̌n Jezu ɔ́ hú gǎn yětɔn tawun, ɖó é wɛ nyí ɖɛ̌mɛnu nú akɔ e Mawu jɛ xá togun tɔn bɔ é nyɔ́ hú nukɔntɔn é; ɖó akɔjijɛ énɛ́ ɔ́ jínjɔ́n akpá e Mawu dó bɔ é nyɔ́ hú ɖě lɛ́ɛ bǐ lɛ́ɛ é jí.

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.

Jaki 2:5

Nɔví ce vívɛ́ná lɛ́ɛ mi, mi ɖótó: Mawu cyán wamamɔnɔ gbɛ élɔ́ mɛ tɔn lɛ́ɛ, bónú yě ná nyí dɔkunnɔ ɖo nǔɖiɖi mɛ, bó ná nyí axɔ́súɖuto e sín akpá e é dó nú mɛ e yí wǎn n'i lɛ́ɛ ɔ́ sín vǐ.

1 Piyɛ́ɛ 1:12

Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.

1 Piyɛ́ɛ 1:4

bɔ ɖagbe e Mawu sɔ́ ɖ'ayǐ nú mɛ e nyí étɔn lɛ́ɛ é ná ná xomɛhunhun mǐ. Đagbe énɛ́ lɛ́ɛ ɔ́, ɖagbe ɖé wɛ yě nyí bó sixú gblé ǎ; yě sixú blí ǎ; yě ka sixú cá ǎ. Mawu sɔ́ ɖagbe énɛ́ lɛ́ɛ ɖ'ayǐ ɖó sɛ́xwé,

1 Piyɛ́ɛ 3:7

Asisúnɔ lɛ́ɛ mi, mɔ̌ ɖokpó ɔ́, mi tunwun ɖɔ asi mitɔn lɛ́ɛ kún ɖó gǎn ɖé sɔ mi ó, bónú mi ná nɔ kpɔ́n dó énɛ́ ɔ́ wú, bó ná nɔ zán gbɛ ɖagbe xá yě; mi nɔ wlí yɛ̌yi nú yě, ɖó yě kpó mi kpó wɛ Mawu ná ná gbɛ jɔ gbɛ. Mi nɔ wa nǔ gbɔn mɔ̌, bónú nǔ ɖěbǔ ma ɖó ɖɛ e mi nɔ xo lɛ́ɛ te ó.

Judi 1:14

Henɔci e nyí jijimɛ tɛ́nwegɔ́ ɔ́ bɛ́ sín Adámu jí ɔ́, é ko lín xóxó din bɔ é dó wɛn élɔ́ e Mawu sɔ́ dó ayi mɛ n'i ɖɔ é ní dó e; é ɖɔ: “Mi kpɔ́n! Aklúnɔ kpó wɛnsagun mímɛ́ tɔn wɔ̌buwɔ́bú lɛ́ɛ kpó ja, bó ná ɖɔ hwɛ xá mɛ bǐ, bó ná ɖó hwɛ nú mɛdídá lɛ́ɛ bǐ; yě ná bló mɔ̌, ɖó nǔ nyanya e mɛdídá lɛ́ɛ wa hwenu e yě fɔ́n gǔ dó Mawu jí lɛ́ɛ bǐ, kpódó xó baɖabaɖa e hwɛhutɔ́ énɛ́ lɛ́ɛ e ma nɔ ɖó sísí nú Mawu ǎ lɛ́ɛ ɖɔ dó Mawu wú ɔ́ bǐ kpó wútu”. Mɛ énɛ́ lɛ́ɛ wú wɛ wɛn énɛ́ e é dó ɔ́ ɖɔ xó dó.

Nǔɖexlɛ́mɛ 5:6

Un mɔ Lɛ̌ngbɔ́ví ɖokpó ɖo te ɖo axɔ́súzinkpo ɔ́ tɛ́ntin; nǔɖogbɛ ɛnɛ lɛ́ɛ kpó mɛxó lɛ́ɛ kpó lɛ́ lɛ̌ dó e. Lɛ̌ngbɔ́ví ɔ́ cí hu wɛ è hu i ɖɔhun; é ɖó zo tɛ́nwe, bó ɖó nukún tɛ́nwe; nukún tɛ́nwe lɛ́ɛ wɛ nyí Yɛ Mawu tɔn tɛ́nwe e è sɔ́ sɛ́ dó ayǐkúngban ɔ́ bǐ jí é.