Eblée 1:1 - MAWUXÓWÉMA

¹ Đ'ayǐ xóxó ɔ́, Mawu gbɔn gbeyíɖɔ lɛ́ɛ jí, bó ɖɔ xó nú tɔ́gbó mǐtɔn lɛ́ɛ azɔn mɔ̌kpán gbɔn alɔ gěgé mɛ.

Eblée 1:1 Iomraidhean Croise

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

Bǐbɛ́mɛ 6:3

Ée yě bló mɔ̌ ɔ́, Mawu Mavɔmavɔ ɖɔ émí kún ná jó gbɛtɔ́ nyi gbɛ káká sɔ́yi ó, ɖó nǔ e yě wa nyi do ɔ́ wú. Agbaza kpowun wɛ gbɛtɔ́ nyí; xwe kantɔn (120) jɛ́n é ná nɔ́ nɔ gbɛ xɔ.

Luki 1:72

É ná ɖe nǔbláwǔkúnúmɛ tɔn xlɛ́ tɔ́gbó mǐtɔn lɛ́ɛ, bó ná flín akɔjijɛ tɔn ma ɖó blɔ̌ ɖo wǔ ɔ́.

Luki 24:27

É ka bɛ́ xó sín Mɔyízi jí, bó gbɔn gbeyíɖɔ Mawu tɔn lɛ́ɛ bǐ jí, bɔ nǔ e è wlǎn dó wǔtu tɔn ɖo Mawuxówéma mɛ ɔ́, é tín bǐ mɛ nú yě.

Luki 24:44

bó ka ɖɔ nú yě ɖɔ: “Hwenu e un ɖo kpɔ́ xá mi ɔ́, un ko ɖɔ xó élɔ́ lɛ́ɛ nú mi ɖɔ jí: nǔ e è ko wlán dó wú ce ɖo Mɔyízi sín sɛ́n ɔ́ mɛ, bó wlán dó wú ce ɖo gbeyíɖɔ Mawu tɔn lɛ́ɛ sín wěma mɛ, bó lɛ́ wlán dó wú ce ɖo Ɖɛhanwéma lɛ́ɛ mɛ ɔ́ bǐ ɖó ná jɛ.”

Jǎan 16:13

Hwenu e Yɛ e nɔ ɖe nǔgbó Mawu tɔn xlɛ́ ɔ́ ná wá ɔ́, é ná bló, bɔ mi ná tunwun nǔgbó ɔ́ bǐ; ɖó acɛ é ɖésúnɔ tɔn mɛ wɛ é ná ɖɔ xó dó ǎ; lo ɔ́, nǔ e é se ɔ́ wɛ é ná ɖɔ, bó ná ɖɔ nǔ e ɖo na jɛ wɛ lɛ́ɛ nú mi.

Jǎan 7:22

Mɔyízi hɛn adagbigbo sɛ́n ɔ́ wá nú mi; (é wɛ ka jɛ sɛ́n énɛ́ nyi jí jɛ nukɔn ǎ, tɔ́gbó mǐtɔn lɛ́ɛ wɛ jɛ jí dó nukɔn), có gbɔjɛzán gbe lɛ́ɛ lɔmɔ̌ ɔ́, mi nɔ gbo ada nú mɛ.

Jǎan 9:29

Mǐdɛɛ lɛ́ɛ tunwun ɖɔ Mɔyízi wɛ Mawu ɖɔ xó ná; amɔ̌, mɛ énɛ́ ɔ́, mi tunwun fí e éyɛ́ gosín ɔ́ ǎ.”

Mɛsɛ́dó 13:32

bɔ mǐdɛɛ lɛ́ɛ ɔ́, mǐ wá ɖo Wɛn Ɖagbe ɔ́ dó mi wɛ ɖɔ jí: akpá e Mawu ko dó nú tɔ́gbó mǐtɔn lɛ́ɛ ɔ́,

Mɛsɛ́dó 2:30

Lo ɔ́, gbeyíɖɔ Mawu tɔn wɛ é nyí, bó ka tunwun ɖɔ Mawu dó akpá, bó xwlé nǔ d'é jí nú émí ɖɔ émí ná wá sɔ́ vǐvú émítɔn ɖokpó ɖó axɔ́súzinkpo émítɔn jí.

Mɛsɛ́dó 28:23

É kpódó yě kpó ɖó azǎn, bɔ yě sukpɔ́ d'é jí, bó wá yi mɔ ɛ, ɖo xɔ e mɛ é ɖe ɔ́. Sín zǎnzǎn káká wá jɛ gbadanu ɔ́, é tín nǔ mɛ nú yě. É ɖɔ axɔ́súɖuɖu Mawu tɔn sín xó nú yě; é sɔ́ Mɔyízi sɛ́n lɛ́ɛ kpódó nǔkplɔ́nmɛ gbeyíɖɔ Mawu tɔn lɛ́ɛ tɔn kpán dó ɖɔ xó nú yě, bó ba ná dɔn yě, nú yě na ɖi nǔ ɖɔ nǔ e ɖɔ dó Jezu wú wɛ é ɖe ɔ́ nǔgbó wɛ.

Mɛsɛ́dó 3:21

Amɔ̌, din ɔ́, Jezu ná to ɖo Mawu gɔ́n hwɛ̌, káká jɛ hwenu e Mawu ná lɛ́ vɔ́ nǔ bǐ húzú dó, lě e é ko ɖɔ gbɔn ɖ'ayǐ xóxó gbɔn gbeyíɖɔ mímɛ́ tɔn lɛ́ɛ jí é.

Eblée 11:18

Mawu ɖɔ nú Ablaxámu ɖɔ: “Kún e sín akpá un dó nú we ɔ́, Izáki jí wɛ a nǎ gba kún ɔ́ gbɔn.”

Eblée 11:2

Nǔ e gbɛtɔ́ xóxó hwenu tɔn lɛ́ɛ ɖi ɔ́ wɛ zɔ́n bɔ Mawu ɖe kúnnu ɖagbe nú yě.

Eblée 12:25

Mi cɔ́ miɖée bó ma gbɛ́ tó ɖó mɛ e ɖo xó ɖɔ nú mi wɛ é ó. Yě mɛ e gbɛ́ tó ɖó mɛ e ɖo Mawuxó ɖɔ nú yě wɛ ɖo ayǐkúngban jí fí ɔ́, yě gló tódɔnnúmɛ Mawu tɔn ǎ. Étɛ́ ka sɔ́ nyí mǐtɔn lo? Ényí mǐ ɖe kɔ dó mɛ e ɖo xó ɖɔ nú mǐ wɛ sín jǐxwé aga ɔ́, mǐ sixú gló tódɔnnúmɛ Mawu tɔn ǎ.

Eblée 2:2

Đó xó e wɛnsagun lɛ́ɛ ɖɔ ɔ́ lí dǒ sɔ mɔ̌ , bɔ mɛɖé ma ké ya ná ǎ, abǐ mɛɖé vɛ́ tóli ná ɔ́, è nɔ dɔn tó nú mɛ ɔ́, lě e é jɛ xá gbɔn é.

Eblée 2:3

Ényí nǔ nyí mɔ̌ ɔ́, nú mǐdɛɛ lɛ́ɛ dó vɛ̌ nú hwlɛngán ɖaxó énɛ́ ɔ́, nɛ̌ mǐ ka ná sixú gló tódɔnnúmɛ ɔ́ gbɔn? Aklúnɔ ɖésú ɖɔ hwlɛngán énɛ́ ɔ́ sín xó dó nukɔn, bɔ mɛ e se lɛ́ɛ ɖe kúnnu ná ɖɔ nǔgbó wɛ.

Eblée 3:5

Mɔyízi éyɛ́ ɔ́, mɛsɛntɔ́ ɖɔhun ɔ́, é nɔ gbejí ɖo Mawu sín xwédo ɔ́ bǐ mɛ, bó ná nyí kúnnuɖetɔ́ nú nǔ e è ɖǒ ná ɖɔ é.

Eblée 4:8

Đó ényí Jozuwée ko kplá togun ɔ́ byɔ́ gbɔjɛtɛn énɛ́ mɛ wɛ ɔ́, Mawu sɔ́ ná lɛ́ wá ɖɔ azǎn ɖěvo xó ǎ.

Eblée 5:5

Mɔ̌ ɖokpó ɔ́, Klísu ná susu e ɖo vɔ̌sánú-xwlémawutɔ́ ɖaxó nyínyí mɛ ɔ́ éɖée ǎ; é nyɔ́ wa ɔ́, Mawu wɛ ɖɔ n'i ɖɔ: “Vǐ ce wɛ a nyǐ, bɔ égbé ɔ́, un ji we.”

Eblée 9:19

Nǔ nukɔntɔn e Mɔyízi bló ɔ́ wɛ nyí ɖɔ: é xa nǔ e sɛ́n ɔ́ zɔ́n ɖɔ è ní wa lɛ́ɛ bǐ ɖo togun ɔ́ bǐ nukɔn lě e è wlǎn gbɔn dó sɛ́nwéma ɔ́ mɛ é. Énɛ́ ɔ́ gúdo ɔ́, é sɔ́ nyibúví kpódó gbǎgbá kpó sín hun, kpó sin kpó; é sɔ́ izɔ́pukpo, kpó avɔ vɔvɔ cɛ́cɛ́ ɖé kpó, bó sɔ́ dó hun kpó sin kpó ɔ́ mɛ, lobo mì dó sɛ́nwéma ɔ́ wú, bó lɛ́ mì dó togun ɔ́ bǐ wú.