Ɖɛhan 127:3 - MAWUXÓWÉMA

³ Vǐ ɔ́ dɔkun wɛ é nyí bɔ Mawu Mavɔmavɔ dó nú mɛ, vǐ wɛ nyí ajɔ bɔ é nɔ́ ná mɛ.

Ɖɛhan 127:3 Iomraidhean Croise

Bǐbɛ́mɛ 1:28

Énɛ́ ɔ́ gúdo ɔ́, é xo ɖɛ dó yě jí bó ɖɔ: “Mi ji, mi gba kún, bó kpé ayǐkúngban ɔ́ jí, bó sɔ́ ɛ ɖó acɛ mitɔn glɔ́. Mi sɔ́ hweví lɛ́ɛ ɖó acɛ mitɔn glɔ́, bó sɔ́ xɛ lɛ́ɛ ɖó acɛ mitɔn glɔ́, bó sɔ́ kanlin e ɖo ayǐkúngban jí lɛ́ɛ bǐ ɖó acɛ mitɔn glɔ́.”

Bǐbɛ́mɛ 24:60

Yě xo ɖɛ dó Hlebeka jí bó ɖɔ: “Hwi nɔví mǐtɔn ɔ́ ní húzú gbɛtɔ́ wɔ̌buwɔ́bú sín nɔ. Kúnkan towe lɛ́ɛ ní ɖu ɖo mɛ e gbɛ́ wǎn nú we lɛ́ɛ jí.”

Bǐbɛ́mɛ 33:5

Esawu zé ta bo mɔ nyɔ̌nu lɛ́ɛ kpó vǐ yětɔn lɛ́ɛ kpó, bó kanbyɔ́ Jakɔ́bu ɖɔ: “Mɛ̌ ká nyí mɛ élɔ́ lɛ́ɛ?” Bɔ Jakɔ́bu yí gbe n'i ɖɔ: “Vǐ e Mawu jɔwǔ mì, bó ná nyɛ mɛsɛntɔ́ towe ɔ́ lɛ́ɛ wɛ.”

Bǐbɛ́mɛ 4:1

Adámu ɖó xó xá asi tɔn Ɛvu, bɔ Ɛvu mɔ xo bó ji vǐ súnnu ɖokpó, bɔ è nɔ ylɔ́ vǐ ɔ́ ɖɔ Kanyɛ́ɛ. Ée é ji vǐ ɔ́ é ɔ́, é ɖɔ: “Mawu Mavɔmavɔ d'alɔ mì bɔ un ji vǐ ɖokpó.”

Bǐbɛ́mɛ 48:4

bó ɖɔ nú mì ɖɔ: ‘Đǒtó mì! Un ná bló bɔ a nǎ ji, a nǎ gba kún; un ná zé we dó bló togun gěgé. Un ná zé to élɔ́ ná kúnkan towe lɛ́ɛ, bɔ é ná nyí yětɔn káká sɔ́yi.’ ”

2 Samuwɛ́li 3:5

Vǐ tɔn ayizɛ́ngɔ́ ɔ́ nɔ nyí Yitleamu, asi tɔn Egla ɔ́ wɛ ji vǐ énɛ́ n'i. Vǐ e Davídi ji ɖo Eblɔ́n lɛ́ɛ sín nyǐkɔ nɛ́.

1 Tan 28:5

Đo vǐ tobutóbú e é ná mì lɛ́ɛ mɛ ɔ́, vǐ ce Salomɔ́ɔ wɛ é sɔ́, bɔ é ná yi axɔ́súzinkpo Izlayɛ́li tɔn ɔ́ jí, bó ná ɖu axɔ́sú ɖo Mawu Mavɔmavɔ nyíkɔ mɛ.

1 Tan 8:40

Wulámu ví lɛ́ɛ ɔ́, súnnu glegbenu wɛ yě nyǐ, bó nyɔ́ gǎ da. Yě ɖó vǐ súnnu gěgé, bó ɖó vǐvú gěgé bɔ bǐ bló kantɔn gban (150). Yě mɛ énɛ́ lɛ́ɛ bǐ wɛ ɖo akɔta Bɛnjamɛ́ɛ tɔn mɛ.

Jɔ̌bu 1:2

Nya énɛ́ ɔ́ ɖó vǐ súnnu tɛ́nwe, vǐ nyɔ̌nu atɔn.

Ezayíi 13:18

Yě ná da gǎ dó hu dɔ̌nkpɛvú lɛ́ɛ; yě ná jó vǐ yɛ̌yɛ́ lɛ́ɛ dó nyi gbɛ ǎ, yɔkpɔ́vú lɛ́ɛ sín nǔ ká ná blá wǔ nú yě ǎ.

Ezayíi 8:18

Nyi ɖésúnɔ kpó vǐ e Mawu Mavɔmavɔ ná mì lɛ́ɛ kpó ɔ́, wuntun wɛ mǐ nyí bó nyí xlɛ̌ ɖo Izlayɛ́li, ɖo Mawu Mavɔmavɔ Nǔbǐwúkpétɔ́ e nɔtɛn tɔn ɖo Sinyɔ́ɔ só ɔ́ jí ɔ́ nyǐkɔ mɛ.

Sɛ́nflínmɛ 28:11

Mawu Mavɔmavɔ ná ná vǐ gěgé mi, kanlin mitɔn lɛ́ɛ ná ji gba, bɔ jinukún e mi ná sɔ́ lɛ́ɛ ná sukpɔ́. É ná bló mɔ̌, bó dó wa ɖagbe nú mi ɖo to e é ɖɔ nú tɔ́gbó mitɔn lɛ́ɛ ɖɔ émí ná ná yě ɔ́ mɛ.

Sɛ́nflínmɛ 28:4

Mawu Mavɔmavɔ ná xo ɖɛ dó vǐ e mi ná ji lɛ́ɛ, jinukún e mi ná sɔ́ lɛ́ɛ, gbɔ̌ mitɔn lɛ́ɛ, lɛ̌ngbɔ́ mitɔn lɛ́ɛ kpó nyibú mitɔn lɛ́ɛ kpó jí, bɔ yě ná sukpɔ́.

Hwɛɖɔtɔ́ 12:9

Vǐ súnnu gban (30) wɛ é ɖó, bó ɖó vǐ nyɔ̌nu gban (30). É fɔ vǐ nyɔ̌nu tɔn lɛ́ɛ ná asú dó akɔta ɖěvo lɛ́ɛ mɛ, bó da asi nú vǐ tɔn lɛ́ɛ ɖo akɔta ɖěvo lɛ́ɛ mɛ. É nɔ togun Izlayɛ́li tɔn ɔ́ nu xɔ xwe tɛ́nwe.

1 Samuwɛ́li 1:27

Vǐ e byɔ́ Mawu Mavɔmavɔ wɛ un ɖe, bó ɖo ɖɛ xo wɛ hwenɛ́nu é ɖíe Mawu Mavɔmavɔ se ɖɛ ce e.