Daniyɛ́li 9:9 - MAWUXÓWÉMA

⁹ Amɔ̌, hwɛ Aklúnɔ, Mawu mǐtɔn ɔ́, ɖo xomɛnyínyɔ́ towe mɛ ɔ́, mǐ nɔ ɖo gǔ fɔ́n dó jǐ towe wɛ, có a nɔ zé hwɛ mǐtɔn lɛ́ɛ kɛ mǐ.

Daniyɛ́li 9:9 Iomraidhean Croise

2 Samuwɛ́li 24:14

Davídi ɖɔ nú Gadi ɖɔ: “Ado ɖaxó ɖé ɖo huhu mì wɛ. Amɔ̌, un mɔ ɖɔ un jɛ Mawu Mavɔmavɔ lɔ mɛ ɔ́, é nyɔ́ hú un jɛ gbɛtɔ́ lɔ mɛ, ɖó Mawu Mavɔmavɔ nɔ́ kú nǔbláwǔ nú mɛ ɖésú.”

1 Axɔ́sú 8:30

Đǒtó xó e sú ylɔ́ we wɛ un ɖe é, bó ɖótó xó e togun towe Izlayɛ́li e kpan nukɔn tɛn élɔ́ bó ɖo susu sɛ́ dó we wɛ é! Mawu Mavɔmavɔ, ɖǒtó mǐ sín jǐxwé fí e a nɔ nɔ é! Đǒtó mǐ, bó sɔ́ hwɛ kɛ mǐ!

Nɛɛmíi 9:31

Nǔ ɖo mɔ̌ có, ɖo wǎn yíyí towe maɖódogbó ɔ́ mɛ ɔ́, a vǐvá kún yětɔn ǎ. A jǒ yě dó ǎ; Mawu nǔbláwǔkúnúmɛtɔ́ xomɛnyɔ́tɔ́ wɛ a nyǐ.

Ɖɛhan 130:4

Amɔ̌, hwɛsɔ́kɛ ɔ́, hwi gɔ́n wɛ è nɔ mɔ ɖe, énɛ́ wú wɛ è ɖǒ ná ɖó sísí nú we.

Ɖɛhan 130:7

Izlayɛ́li, gǎn jɛ Mawu Mavɔmavɔ wú, ɖó Mawu Mavɔmavɔ nyɔ́ xomɛ, lě e é ná bló gbɔn bó hwlɛ́n we gán ɔ́ sukpɔ́ ɖo así tɔn.

Ɖɛhan 62:12

Đó Mawu kó ɖɔ xó ɖé; azɔn ɖokpó kɛ́ɖɛ́ wɛ é ka ɖɔ ǎ; é ɖɔ: “Hlɔ̌nhlɔ́n ɔ́, ce wɛ.”

Ɖɛhan 86:15

Amɔ̌, hwɛ Aklúnɔ ɔ́, Mawu xomɛfátɔ́ wɛ a nyǐ, nǔbláwǔkúnúmɛtɔ́ wɛ a nyǐ, a nɔ yá wǔ sin xomɛ ǎ, xomɛnyɔ́tɔ́ wɛ a nyǐ, gbejínɔtɔ́ wɛ a nyǐ.

Ɖɛhan 86:5

Hwi wɛ nyí Aklúnɔ, a nyɔ̌, a ɖo gbesisɔ mɛ bó ná sɔ́ hwɛ kɛ mɛ; a nɔ nyɔ́ xomɛ dó mɛ e nɔ ylɔ́ we lɛ́ɛ bǐ wú.

Ezayíi 55:7

Mɛdídá lɛ́ɛ ní jó walɔ nyanya dó, mɛ nyanya lɛ́ɛ ní jó linlin baɖabaɖa dó. Yě bǐ ní lɛ́ kɔ wá Mawu Mavɔmavɔ gɔ́n, ɖó é ná kú nǔbláwǔ nú yě. Yě bǐ ní wá Mawu mǐtɔn gɔ́n, ɖó Mawu mǐtɔn ɔ́, hwɛsɔ́kɛmɛ nɔ cikɔ n'i ǎ.

Ezayíi 63:7

Un ná flín xomɛnyínyɔ́ Mawu Mavɔmavɔ tɔn lɛ́ɛ, bó ná flín nǔ e wú è nǎ kpa susu n'i lɛ́ɛ: é bló nǔ bǐ nú mǐ; un ná ɖɔ nǔ ɖagbe tobutóbú e é wa nú Izlayɛ́li kpó xomɛfífá tɔn kpó lɛ́ɛ, nǔ ɖagbe ɖagbe e é wa n'i kpó xomɛnyínyɔ́ ɖaxó ɖé kpó lɛ́ɛ.

Jelemíi 14:7

Togun ɔ́ ɖɔ: “Mawu Mavɔmavɔ, ényí nǔ e mǐ wa nyi do lɛ́ɛ na bó ɖó hwɛ nú mǐ hǔn, kɛnklɛ́n bó kpɔ́n dó nyǐkɔ towe wú, bó bló gbɔn ɖě nú mǐ, ɖó agɔ e mǐ jɛ dó we lɛ́ɛ gégé; hwɛ wɛ mǐ hu dó we.

Ezekiyɛ́li 20:13

Lo ɔ́, yě fɔ́n gǔ dó jǐ ce ɖo gbětótló mɛ. Yě nɔ́ dó vɛ̌ nú sɛ́n ce lɛ́ɛ kpó nǔ e un zɔ́n bɔ mɛ ɖé xwedó ɔ́, mɛ ɔ́ ná nɔ gbɛ lɛ́ɛ kpó. Yě ɖu su nú gbɔjɛzán ɔ́ hwebǐnu lě e é jló yě gbɔn é; énɛ́ ɔ́, un lin ɖɔ un ná ɖe xomɛsin ce xlɛ́ yě ɖo gbětótló ɔ́ mɛ, bó ná sú kún yětɔn dó.

Daniyɛ́li 9:5

Mǐ gba sɛ́n, mǐ hu hwɛ, mǐ jɛ agɔ, mǐ fɔ́n gǔ dó jǐ towe. Mǐ lɛ́ kɔ sín sɛ́n towe lɛ́ɛ kpódó tito towe lɛ́ɛ kpó gúdo.

Daniyɛ́li 9:6

Mǐ ɖó tó xó e mɛsɛntɔ́ towe gbeyíɖɔ lɛ́ɛ ɖɔ nú axɔ́sú mǐtɔn lɛ́ɛ, gǎn mǐtɔn lɛ́ɛ, tɔ́gbó mǐtɔn lɛ́ɛ kpó togun ɔ́ bǐ kpó é ǎ.

Daniyɛ́li 9:7

Hwi Aklúnɔ ɔ́, a hu hwɛ ɖě ǎ. Amɔ̌, mǐdɛɛ lɛ́ɛ ɔ́, mǐɖée jɛ́n mǐ ná zé hwe lě e mǐ ɖ'é wú gbɔn égbé din é, mǐ kpó Jeluzalɛ́munu lɛ́ɛ kpódó Judáa ví lɛ́ɛ kpó, kpódó Izlayɛ́li ví ɖě lɛ́ɛ e gbejí ma nɔ nú we yětɔn zɔ́n, bɔ a nya yě, bɔ yě gba kpé to lɛ́ɛ mɛ to lɛ́ɛ mɛ lɛ́ɛ kpó. Mɛ ɖě ɖo dokɔ fí, bɔ mɛɖé lɛ́ɛ yi cí to línlín mɛ.

Daniyɛ́li 9:8

Nǔgbó wɛ Mawu Mavɔmavɔ, mǐ kpó axɔ́sú mǐtɔn lɛ́ɛ kpó, gǎn mǐtɔn lɛ́ɛ kpó, tɔ́gbó mǐtɔn lɛ́ɛ kpó ɖu winnyá, ɖó mǐ hu hwɛ dó we.

Jonási 4:2

É xo ɖɛ sɛ́ dó Mawu Mavɔmavɔ bó ɖɔ: “Mawu Mavɔmavɔ, é má nyí nǔ e ɖɔ wɛ un ɖe hwenu e un kpo ɖo to ce mɛ ɔ́ nɛ́ a? Nǔ e gbɛ́ wɛ un ɖe bó hɔn ɖidó Taasísi ɔ́ nɛ́! Đó un tunwun ɖɔ Mawu xomɛnyɔ́tɔ́ wɛ a nyǐ, bó nɔ́ kú nǔbláwǔ nú mɛ; a nɔ yá wǔ sin xomɛ ǎ; ɖagbewiwa towe ɖó dogbó ǎ. A gblɔ̌n adǎn nú mɛ ɔ́, tlóló jɛ́n a nɔ lɛ́ lɛ́ kɔ sín gúdo.