Daniyɛ́li 9:7 - MAWUXÓWÉMA

⁷ Hwi Aklúnɔ ɔ́, a hu hwɛ ɖě ǎ. Amɔ̌, mǐdɛɛ lɛ́ɛ ɔ́, mǐɖée jɛ́n mǐ ná zé hwe lě e mǐ ɖ'é wú gbɔn égbé din é, mǐ kpó Jeluzalɛ́munu lɛ́ɛ kpódó Judáa ví lɛ́ɛ kpó, kpódó Izlayɛ́li ví ɖě lɛ́ɛ e gbejí ma nɔ nú we yětɔn zɔ́n, bɔ a nya yě, bɔ yě gba kpé to lɛ́ɛ mɛ to lɛ́ɛ mɛ lɛ́ɛ kpó. Mɛ ɖě ɖo dokɔ fí, bɔ mɛɖé lɛ́ɛ yi cí to línlín mɛ.

Daniyɛ́li 9:7 Iomraidhean Croise

Ɛsidlási 9:13

Óo! Mawu mǐtɔn! Nǔ nyanya e mǐ wa lɛ́ɛ kpódó hwɛ ɖaxó ɖaxó e mǐ hu lɛ́ɛ kpó wútu wɛ nyladó mǐtɔn lɛ́ɛ bǐ kɔn nyi jǐ mǐtɔn, có tó e a dɔn nú mǐ é sɔ éé jɛ xá hwɛ e mǐ hu lɛ́ɛ é ǎ, bɔ a blǒ bɔ mǐ mɛ e ɖo fí lɛ́ɛ kpo ɖo gbɛ.

Ɛsidlási 9:15

Mawu Mavɔmavɔ, Mawu Izlayɛ́li tɔn, nǔ jlɔ́jlɔ́ wɛ a nɔ wa, ɖó a jǒ mɛɖé lɛ́ɛ dó nyi gbɛ ɖo mǐ mɛ káká wá jɛ égbé. Mǐ ɖíe ɖo nukɔn towe kpó hwɛgban mǐtɔn lɛ́ɛ kpó e. Mɛ ɖé ká sixú nɔ mɔ̌, bó nɔ te nukɔn towe ǎ!”

Nɛɛmíi 9:33

A wa nǔ kpó hwɛjijɔ kpó, ɖo nǔ e gbo mǐ lɛ́ɛ bǐ mɛ, ɖó a ɖe gbejíninɔ towe xlɛ́, mǐdɛɛ lɛ́ɛ ka hu hwɛ dó we.

Ɖɛhan 119:137

Mawu Mavɔmavɔ, hwɛjijɔnɔ wɛ a nyǐ, hwɛ e a nɔ ɖɔ lɛ́ɛ nɔ́ sɔgbe.

Ɖɛhan 44:15

A sɔ́ mǐ dó húzú lǒdónú akɔta lɛ́ɛ tɔn, bɔ togun lɛ́ɛ nɔ́ ɖo nyɔmɛ ɖɔ mǐ wú wɛ.

Ɖɛhan 51:14

Nǎ awǎjijɛ mì ɖó hwlɛ̌n e a hwlɛ̌n mì gán é wú. Sɔ́ ayixa e nɔ ɖɔ bó nɔ́ bló ɖ'é jí é dó xomɛ nú mì.

Ɖɛhan 51:4

Lɛ nǔ e un wa nyi do lɛ́ɛ bǐ sín kɔ nú mì, slá wǔ nú mì bónú hwɛ e un hu ɔ́ ná gosín kɔ ce.

Ezayíi 11:11

Gbe énɛ́ gbe ɔ́, Aklúnɔ ná lɛ́ vɔ́ zán hlɔ̌nhlɔ́n tɔn, bó ná xɔ gbɛ nú mɛ e kpo ɖo gbɛ ɖo togun tɔn mɛ lɛ́ɛ: é ná xɔ gbɛ nú mɛ e kpo ɖo gbɛ ɖo Asilíi lɛ́ɛ, mɛ e kpo ɖo gbɛ ɖo Ejípu lɛ́ɛ, mɛ e kpo ɖo gbɛ ɖo Patlɔ́si lɛ́ɛ, mɛ e kpo ɖo gbɛ ɖo Nubíi lɛ́ɛ, mɛ e kpo ɖo gbɛ ɖo Elámu lɛ́ɛ, mɛ e kpo ɖo gbɛ ɖo Babilɔ́nu lɛ́ɛ, mɛ e kpo ɖo gbɛ ɖo Hamáti lɛ́ɛ, kpó mɛ e kpo ɖo gbɛ ɖo tɔtɛ́ntinto mɛ lɛ́ɛ kpó.

Ezayíi 45:16

Kpɔ́n, bǒcyɔkpatɔ́ lɛ́ɛ ɖu winnyá, wi yětɔn bǐ kɔ́n; yě bǐ dó kɔ do bó ɖo yiyi wɛ.

Jelemíi 12:1

Mawu Mavɔmavɔ, a nyǐ hwɛjijɔnɔ sɔ mɔ̌ bɔ un sixú mɔ nǔ jɛ do ɖěbǔ ɖo nǔ e a wa lɛ́ɛ wú ǎ. É ká ɖo mɔ̌ có, un jló ná ɖɔ xó xá we dó hwɛjijɔ wú: Étɛ́wú mɛ e ka nyí mɛdídá lɛ́ɛ ɔ́ nǔ ka nɔ́ nyɔ́ nú yě? Étɛ́wú gbɛtɔ́ e nyí nuwenɔ lɛ́ɛ bǐ ká nɔ́ vo?

Jelemíi 23:6

Axɔ́sú énɛ́ hwenu ɔ́, Judáa ví lɛ́ɛ ná mɔ hwlɛngán, Izlayɛ́li ví lɛ́ɛ ná vo ɖo to yětɔn mɛ; è nǎ nɔ́ ylɔ́ axɔ́sú énɛ́ ɔ́ ɖɔ: ‘Mawu Mavɔmavɔ wɛ nyí hwlɛngán mǐtɔn.’

Jelemíi 24:9

Énɛ́ ɔ́, axɔ́súɖuto e ɖo gbɛ ɔ́ mɛ lɛ́ɛ ɖěbǔ mɔ yě ɔ́, xɛsi ɖaxó ɖé ná nɔ́ jɛ yě jí. Fí e un ná gba yě dó gbɔn lɛ́ɛ bǐ ɔ́, è ja mɛ zun gbé oo, è ja mɛ cá ko gbé oo, è ja han kpa dó mɛ gbé oo, è ja nu dó mɛ gbé oo ɔ́, yě wú wɛ è nǎ nɔ́ jlɛ́ dó.

Jelemíi 3:25

Winnyá húzú adɔ̌zan nú mǐ, bɔ hɛ̌n nú e mǐ wa lɛ́ɛ nyí wǔcyɔ́n nú mǐ; ɖó mǐ hu hwɛ dó hwi Mawu Mavɔmavɔ, Mawu mǐtɔn. Tɔ́gbó mǐtɔn lɛ́ɛ bǐ hu hwɛ dó we sín vǔ yětɔn, bɔ mǐ lɔ ɖo hwɛ hu dó we wɛ sín vǔ mǐtɔn káká wá jɛ égbé. Mǐ hu hwɛ, mǐ se tónú nú xó e hwi Mawu Mavɔmavɔ, Mawu mǐtɔn ɖɔ nú mǐ ɔ́ ǎ.”

Jelemíi 32:32

Nǔ nyanya e Izlayɛ́linu lɛ́ɛ kpó Judáanu lɛ́ɛ kpó wa ɔ́ vɛ́ nú mì. Nǔ e yě kpó axɔ́sú yětɔn lɛ́ɛ, gǎn yětɔn lɛ́ɛ, vɔ̌sánú-xwlémawutɔ́ yětɔn lɛ́ɛ, gbeyíɖɔ yětɔn lɛ́ɛ, Jeluzalɛ́munu lɛ́ɛ kpó Judáanu ɖě lɛ́ɛ kpó wa ɔ́ vɛ́ nú mì.

Jelemíi 33:16

Énɛ́ ɔ́, axɔ́súɖuto Judáa tɔn ná jɛ éɖée sí; Jeluzalɛ́mu ná mɔ agbɔ̌n bó vo. Hwenɛ́nu ɔ́, è nǎ nɔ́ ylɔ́ Jeluzalɛ́mu ɖɔ: ‘Mawu Mavɔmavɔ wɛ nyí hwɛjijɔ mǐtɔn.’ ”

Jelemíi 4:17

Yě lɛ́ lɛ̌ dó Jeluzalɛ́mu toxo ɔ́ glecɔ́tɔ́ lɛ́ɛ lɛ́ lɛ̌ dó gle ɖɔhun. Gǔ e Jeluzalɛ́mu toxo ɔ́ fɔ́n dó jǐ ce ɔ́ wú wɛ un ɖɔ mɔ̌. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 7:19

Bɔ un nɔ ɖɔ: Nyɛ wú wa nǔ dó wɛ yě ɖe a? Gbeɖé, yě ɖésúnɔ wú wa nǔ dó wɛ yě ɖe, amɔ̌, yě ná ɖu winnyá.”

Ezekiyɛ́li 16:63

Énɛ́ ɔ́, a nǎ flín gbɛ e a ko zán ɖ'ayǐ é, bɔ é ná hu winnyá nú we; hwenu e un ná sɔ́ hwɛ towe lɛ́ɛ kɛ we ɔ́, a nǎ dán ɖě wa gbɔn káká bɔ nukikɛ ná gló we. Xó e nyɛ Aklúnɔ Mavɔmavɔ ɖɔ ɔ́ nɛ́.”

Ezekiyɛ́li 36:31

Énɛ́ ɔ́, mi ná flín jijɔ nyanya e mi zán lɛ́ɛ, bó ná flín winnyánú e mi dó sin lɛ́ɛ. Mi ɖésúnɔ sín nǔ ná vɛ́ miɖée wú káká bɔ mi ná sixú kpɔ́n miɖée nukún mɛ ǎ, ɖó nǔ e mi wa nyi do lɛ́ɛ, kpó hɛ̌nnú e mi wa lɛ́ɛ kpó wú.

Ezekiyɛ́li 5:10

Énɛ́ ɔ́ wútu ɔ́, tɔ́ ná wlí vǐ ɖu, bɔ vǐ ná wlí tɔ́ ɖu. Un ná ɖó hwɛ nú mi, bó ná nya mɛ e ná kpo ɖo gbɛ ɖo mi mɛ lɛ́ɛ dó gbě, bɔ yě ná gba kpé wɛ̌kɛ́zo ɛnɛ lɛ́ɛ mɛ.

Ezekiyɛ́li 6:12

Jɛmɛjí ná hu mɛ e ɖo zɔ lɛ́ɛ, ahwan ná hu mɛ e ɖo tó fí lɛ́ɛ, adɔ ná hu mɛ e ná gán ɖo nǔ énɛ́ lɛ́ɛ mɛ lɛ́ɛ. Nǔɖé ná hɛn xomɛsin ce ɖó te ǎ.

Daniyɛ́li 9:14

Énɛ́ ɔ́ wɛ zɔ́n bɔ a sɛ́ nyladó énɛ́ lɛ́ɛ dó mǐ. Nǔgbó wɛ Mawu Mavɔmavɔ, Mawu mǐtɔn, nǔ e a nɔ wa lɛ́ɛ bǐ wɛ nɔ sɔgbe; lo ɔ́, mǐ nɔ́ ɖó tó nǔ e a nɔ kplɔ́n mɛ lɛ́ɛ ǎ.

Daniyɛ́li 9:18

Mawu ce, ɖǒtó ganjí, bó zé nukún towe dó kpɔ́n ná tlítlí. Kpɔ́n lě e to mǐtɔn élɔ́ e ɖo acɛ towe mɛ ɔ́ hánnyá bó cí é! Ée mǐ ka ɖo vo sa nú we wɛ ɔ́, é nyí nyɔ̌wa mǐtɔn wú wɛ mǐ gán jɛ ǎ; lo ɔ́, wǎn yíyí towe ma ɖó dogbó ɔ́ wú wɛ mǐ gán jɛ.

Daniyɛ́li 9:8

Nǔgbó wɛ Mawu Mavɔmavɔ, mǐ kpó axɔ́sú mǐtɔn lɛ́ɛ kpó, gǎn mǐtɔn lɛ́ɛ kpó, tɔ́gbó mǐtɔn lɛ́ɛ kpó ɖu winnyá, ɖó mǐ hu hwɛ dó we.

Amɔ́si 9:9

Đó din ɔ́, un ná ɖe gbe bɔ è nǎ ɖe ɖɛ akɔta Izlayɛ́li tɔn ɔ́ sín akɔta ɖě lɛ́ɛ mɛ, lě e è nɔ ɖe ɖɛ jinukún bɔ kɛ́n ɖěbǔ má nɔ́ ján d'é mɛ ǎ é ɖɔhun.

Hlɔ̌manu 6:21

Nǔ énɛ́ lɛ́ɛ e mi wa ɖ'ayǐ, bɔ é ɖo winnyá nyí nú mi wɛ din ɔ́, étɛ́ mi ka mɔ ɖ'é mɛ? Nǔ énɛ́ lɛ́ɛ ɔ́, kú wɛ yě nɔ dɔn mɛ yi.

Sɛ́nflínmɛ 32:4

É wɛ nyí só ɔ́; nǔwiwa tɔn lɛ́ɛ nyɔ́ bɔ nǔ vɔ ɖ'é wú. Đó ali tɔn lɛ́ɛ bǐ jlɔ́. Mawu gbejínɔtɔ́ wɛ. É nɔ́ wa nǔblíblí ǎ. É jlɔ́ bó ɖo xwi jí.

Sɛ́nflínmɛ 4:27

Mawu Mavɔmavɔ ná gba mi dó gbɔn togun lɛ́ɛ mɛ, bɔ mi mɛ kpɛɖé jɛ́n ná gán ɖo akɔta e tɛ́ntin Mawu Mavɔmavɔ ná kplá mi yi é mɛ.