Daniyɛ́li 9:6 - MAWUXÓWÉMA

⁶ Mǐ ɖó tó xó e mɛsɛntɔ́ towe gbeyíɖɔ lɛ́ɛ ɖɔ nú axɔ́sú mǐtɔn lɛ́ɛ, gǎn mǐtɔn lɛ́ɛ, tɔ́gbó mǐtɔn lɛ́ɛ kpó togun ɔ́ bǐ kpó é ǎ.

Daniyɛ́li 9:6 Iomraidhean Croise

2 Axɔ́sú 18:12

Nǔ énɛ́ ɔ́ gbo Izlayɛ́linu lɛ́ɛ, ɖó yě ɖótó Mawu Mavɔmavɔ, Mawu yětɔn sín xó ǎ, yě nɔ gbejí nú akɔ e yě kpó Mawu yětɔn kpó jɛ é ǎ; sɛ́n e mɛsɛntɔ́ Mawu Mavɔmavɔ tɔn Mɔyízi ná yě lɛ́ɛ ɔ́, yě nyi ɖě ǎ.

2 Tan 33:10

Mawu Mavɔmavɔ ɖɔ xó nú Manasée kpó togun tɔn kpó có yě ké ya ná ǎ.

Ɛsidlási 9:7

Sín tɔ́gbó mǐtɔn lɛ́ɛ hwenu káká wá jɛ din ɔ́, togun mǐtɔn hu hwɛ gěgé. Énɛ́ ɔ́ wú ɔ́, mǐ kpó axɔ́sú mǐtɔn lɛ́ɛ kpó, kpódó vɔ̌sánú-xwlémawutɔ́ mǐtɔn lɛ́ɛ kpó ɔ́, axɔ́sú to ɖěvo mɛ tɔn lɛ́ɛ hú gǎn mǐ; yě fun ahwan xá mǐ, yě wlí kannumɔ mǐtɔn hɛn yi. Yě bɛ̌ nǔ mǐtɔn lɛ́ɛ, bó dó winnyá mǐ lě e é lɛ́ nyí gbɔn nú mǐ égbé é.

Nɛɛmíi 9:30

A dɛ bo hɛn yě káká nú xwe mɔ̌kpán. Gbeyíɖɔ towe lɛ́ɛ ɔ́, Yɛ towe ɖo yě jí, bó nɔ ɖɔ xó towe lɛ́ɛ nú yě; lo ɔ́, yě ɖótó yě ǎ. Énɛ́ wu ɔ́, a jǒ yě nú togun ɖěvo lɛ́ɛ.

Nɛɛmíi 9:32

Hwɛ Mawu mǐtɔn, a kló bó d'agba. A ɖǒ hlɔ̌nhlɔ́n bó jí wǔ. Akɔ e a jɛ xá mǐ ɔ́, a hɛn ɖó alɔ jí. Kɛnklɛ́n bó kpɔ́n wǔvɛ́ e mɔ wɛ togun towe ɖe sín axɔ́sú Asilíi tɔn lɛ́ɛ hwenu káká wá jɛ din é; axɔ́sú mǐtɔn lɛ́ɛ, gǎn mǐtɔn lɛ́ɛ, vɔ̌sánú-xwlémawutɔ́ mǐtɔn lɛ́ɛ, gbeyíɖɔ mǐtɔn lɛ́ɛ, tɔ́gbó mǐtɔn lɛ́ɛ, kpó mɛ lɛ́ɛ kpó bǐ wɛ ɖo wǔvɛ́ mɔ wɛ.

Nɛɛmíi 9:34

Axɔ́sú mǐtɔn lɛ́ɛ, gǎn mǐtɔn lɛ́ɛ, vɔ̌sánú-xwlémawutɔ́ mǐtɔn lɛ́ɛ kpó tonukún mǐtɔn lɛ́ɛ kpó ɖó sísí nú sɛ́n towe ǎ. Yě dó vɛ̌ nú nǔ e a zɔ̌n yě lɛ́ɛ, bó dó vɛ̌ nú sɛ́n e a nɔ flín yě lɛ́ɛ.

Jelemíi 26:5

wɛn e gbeyíɖɔ ce, mɛsɛntɔ́ ce lɛ́ɛ dó mi lɛ́ɛ ɔ́, mi sɔ́ ylɔ́ nǔ. Un nɔ sɛ́ mɛsɛntɔ́ ce gbeyíɖɔ lɛ́ɛ dó hwebǐnu, mi ka ɖótó yě ǎ.

Jelemíi 29:19

ɖó yě ɖǒtó xó e ɖɔ nú yě wɛ un ɖe lɛ́ɛ ǎ, có un ka nɔ gɔn mɛsɛntɔ́ ce gbeyíɖɔ lɛ́ɛ sɛ́ dó yě ɖě jɛ ɖě gúdo ǎ; yě ká ɖótó gbeyíɖɔ lɛ́ɛ ǎ. Nyɛ Mawu Mavɔmavɔ wɛ ɖɔ mɔ̌.’

Jelemíi 44:16

“A nɔ ɖɔ émí ɖo xó ɖɔ nú mǐ wɛ dó Mawu Mavɔmavɔ nyíkɔ mɛ; mǐdɛɛ lɛ́ɛ ká jló ná ɖótó we ǎ.

Jelemíi 7:13

É nyɔ́! Nǔ nyanya e é wa ɔ́ wɛ mi lɔ wa. Un ɖɔ mɔ̌ nú mi, bó fɔ́n bó nɔ́ ɖo ɖiɖɔ nú mi wɛ, mi ka ɖótó mì ǎ; un ylɔ́ mi, mi ka sɔ nú mì ǎ.

Jelemíi 7:24

Yě ká se ǎ, yě ɖǒtó xó ce ǎ. Nǔ e yě xwe ɔ́ wɛ yě wa; linlin nyanya yětɔn lɛ́ɛ wɛ yě xwedó. Gǔdo wɛ yě yi, yě yi nukɔn ǎ.

Daniyɛ́li 9:10

Hwenu e a nɔ ɖo xó ɖɔ nú mǐ wɛ, gbɔn mɛsɛntɔ́ towe gbeyíɖɔ lɛ́ɛ jí ɖɔ mǐ ní nyi sɛ́n émítɔn lɛ́ɛ ɔ́, mǐ dó tókúse mɛ.

Daniyɛ́li 9:9

Amɔ̌, hwɛ Aklúnɔ, Mawu mǐtɔn ɔ́, ɖo xomɛnyínyɔ́ towe mɛ ɔ́, mǐ nɔ ɖo gǔ fɔ́n dó jǐ towe wɛ, có a nɔ zé hwɛ mǐtɔn lɛ́ɛ kɛ mǐ.

Matíe 23:37

“Jeluzalɛ́munu e mi, Jeluzalɛ́munu e mi, mi mɛ e nɔ hu gbeyíɖɔ Mawu tɔn lɛ́ɛ, bo nɔ nyi awǐnnyaglo dó hu mɛ e Mawu nɔ sɛ́ dó mi lɛ́ɛ é! Azɔn mɔ̌kpán wɛ un ko jló ná kplé mi dó awa ce lɛ́ɛ glɔ́, lě e kokló nɔ kplé vǐ tɔn lɛ́ɛ dó awa tɔn lɛ́ɛ glɔ́ ɔ́ ɖɔhun. Lo ɔ́, mi jló ǎ.

Mɛsɛ́dó 13:27

Đó Jeluzalɛ́munu lɛ́ɛ kpódó gǎn yětɔn lɛ́ɛ kpó tunwun mɛ e Jezu nyí ɔ́ ǎ; yě ka mɔ nukúnnú jɛ gbeyíɖɔ Mawu tɔn lɛ́ɛ sín nǔ e è nɔ xa nú yě gbɔjɛzán gbe tɛgbɛ ɔ́ wú ǎ; lo ɔ́, kúhwɛ e yě ɖǒ nú Jezu ɔ́, nǔ e è nɔ xa nú yě ɔ́ wɛ jɛ.