Daniyɛ́li 9:5 - MAWUXÓWÉMA

⁵ Mǐ gba sɛ́n, mǐ hu hwɛ, mǐ jɛ agɔ, mǐ fɔ́n gǔ dó jǐ towe. Mǐ lɛ́ kɔ sín sɛ́n towe lɛ́ɛ kpódó tito towe lɛ́ɛ kpó gúdo.

Daniyɛ́li 9:5 Iomraidhean Croise

2 Axɔ́sú 18:12

Nǔ énɛ́ ɔ́ gbo Izlayɛ́linu lɛ́ɛ, ɖó yě ɖótó Mawu Mavɔmavɔ, Mawu yětɔn sín xó ǎ, yě nɔ gbejí nú akɔ e yě kpó Mawu yětɔn kpó jɛ é ǎ; sɛ́n e mɛsɛntɔ́ Mawu Mavɔmavɔ tɔn Mɔyízi ná yě lɛ́ɛ ɔ́, yě nyi ɖě ǎ.

2 Axɔ́sú 21:15

Đó, sín gbe e gbe tɔ́gbó yětɔn lɛ́ɛ kó gosín Ejípu tomɛ káká wá jɛ égbé ɔ́, yě nɔ́ ɖo nǔ e un gbɛ́ wǎn ná lɛ́ɛ bló wɛ, bó nɔ ɖo xomɛsin dó nú mì wɛ.”

Ɛsidlási 9:6

bó ɖɔ n'i ɖɔ: “Mawu ce, winnyá tɛ́ ɖíe! Mawu ce, winnyá ɖo huhu mì wɛ dín, bɔ un sixú glá bó kpɔ́n we sɛ́ dó ǎ. Hwɛ e mǐ hu lɛ́ɛ sukpɔ́, yě yi jǐ káká bó hú taga mǐ; hwɛ mǐtɔn lɛ́ɛ kplé káká yi jǐnukúnsin.

Ɖɛhan 106:6

Mǐ hu hwɛ tɔ́gbó mǐtɔn lɛ́ɛ ɖɔhun, mǐ jɛ agɔ, mǐ wa nǔ nyi do.

Ɖɛhan 119:102

Un nɔ ɖó wǔ zɔ nú gbeta e a ɖe tɔ́n lɛ́ɛ ǎ, ɖó hwi wɛ ɖo nǔ kplɔ́n mì wɛ.

Ɖɛhan 119:176

Un ɖo flúflú wɛ lɛ̌ngbɔ́ e bú é ɖɔhun, wǎ ba nyɛ mɛsɛntɔ́ towe mɔ, ɖó un wɔn nǔ e a zɔ̌n lɛ́ɛ gbeɖé ǎ.

Ɖɛhan 18:21

Mawu Mavɔmavɔ nɔ wa mɔ̌ nú mì, ɖó un ɖo gbejí n'i. É ná ajɔ mì, bɔ é sɔgbe xá walɔ ɖagbe e un ɖó é.

Ezayíi 53:6

Mǐ bǐ wɛ ɖo flúflú wɛ lɛ̌ngbɔ́ e bú é ɖɔhun, mɛ ɖokpó ɖokpó mlɛ́ ali e jló e é, Mawu Mavɔmavɔ ka ɖíɖá ɛ hwɛgban mǐ bǐ tɔn.

Ezayíi 59:13

Mǐ se tónú nú we ǎ, mǐ nɔ gbejí nú we ǎ, mǐ gbɛ́ ɖɔ mǐ kún ná xwedó hwi Mawu mǐtɔn ɔ́ ó. Lě e mǐ ná wa gbɔn bó táfú mɛ, bó fɔ́n gǔ é kɛ́ɖɛ́ xó wɛ mǐ nɔ́ ɖɔ. Nǔ e ɖo xo mǐtɔn mɛ ɔ́, adingban wɛ. Nǔ e ɖo ayi mǐtɔn mɛ ɔ́, adingban wɛ.

Ezayíi 64:4

Mɛ e nɔ xwedó hwɛjijɔ kpó awǎjijɛ kpó lɛ́ɛ ɔ́, mɛ e nɔ́ nɔ ali towe jí bó nɔ́ flín we lɛ́ɛ ɔ́, a nɔ wá yě gɔ́n. A sin xomɛ ɖó nǔwanyido mǐtɔn lɛ́ɛ wú. Lo ɔ́, ali xóxó e a ɖe nú mǐ ɔ́ wɛ mǐ ná mlɛ́ bó ná mɔ hwlɛngán.

Jelemíi 14:20

Mawu Mavɔmavɔ, mǐ tunwun ɖɔ mǐ xo dǎka, mǐ tunwun ɖɔ tɔ́gbó mǐtɔn lɛ́ɛ wa nǔ nyi do. Mǐ lɔ hu hwɛ dó we.

Jelemíi 14:7

Togun ɔ́ ɖɔ: “Mawu Mavɔmavɔ, ényí nǔ e mǐ wa nyi do lɛ́ɛ na bó ɖó hwɛ nú mǐ hǔn, kɛnklɛ́n bó kpɔ́n dó nyǐkɔ towe wú, bó bló gbɔn ɖě nú mǐ, ɖó agɔ e mǐ jɛ dó we lɛ́ɛ gégé; hwɛ wɛ mǐ hu dó we.

Jelemíi 3:25

Winnyá húzú adɔ̌zan nú mǐ, bɔ hɛ̌n nú e mǐ wa lɛ́ɛ nyí wǔcyɔ́n nú mǐ; ɖó mǐ hu hwɛ dó hwi Mawu Mavɔmavɔ, Mawu mǐtɔn. Tɔ́gbó mǐtɔn lɛ́ɛ bǐ hu hwɛ dó we sín vǔ yětɔn, bɔ mǐ lɔ ɖo hwɛ hu dó we wɛ sín vǔ mǐtɔn káká wá jɛ égbé. Mǐ hu hwɛ, mǐ se tónú nú xó e hwi Mawu Mavɔmavɔ, Mawu mǐtɔn ɖɔ nú mǐ ɔ́ ǎ.”

Jelemíi 30:14

Mɛ e yí wǎn nú we ɖ'ayǐ lɛ́ɛ bǐ wɔn we; yě mɛ ɖěbǔ sɔ́ nɔ́ kpɔ́n jɛ towe jí ǎ, ɖó un xo we lě e kɛntɔ́ ná xo we gbɔn é; un dɔn tó nú we bɔ é vɛ́ ɖésú. Hwɛ tobutóbú e a hu lɛ́ɛ wú wɛ un ɖo nǔ énɛ́ lɛ́ɛ wa xá we wɛ. Lě e hwɛ towe lɛ́ɛ syɛ́n sɔ́ ɔ́ wú wɛ un ɖo nǔ énɛ́ lɛ́ɛ wa xá we wɛ.

Jelemíi 44:3

Nǔ nyanya e mɛ e ɖo toxo énɛ́ mɛ lɛ́ɛ wa bó dó xomɛsin nú mì é wɛ zɔ́n. Yě nɔ́ xwlé zǎlínkpɔ́n vodún, bó nɔ́ sɛn yě. Lo ɔ́, yě ká kpé nǔɖé xá vodún énɛ́ lɛ́ɛ ɖ'ayǐ ǎ, mi kpó tɔ́gbó mitɔn lɛ́ɛ kpó tunwun yě ɖ'ayǐ ǎ.

Gbɛvíhan 1:18

Mawu Mavɔmavɔ wa nǔ xá mì gbɔn mɔ̌, hwɛ tɔn ka jɔ, ɖó un ko fɔ́n gǔ dó nǔ e é ɖɔ lɛ́ɛ jí ɖ'ayǐ. Mi togun lɛ́ɛ mi, mi bǐ ní ɖótó ganjí. Mi kpɔ́n ya e ji wɛ un ɖe ɔ́: ahwan wlí ɖyɔ̌vǐ ce lɛ́ɛ kpódó dɔ̌nkpɛvú ce lɛ́ɛ kpó yi to ɖěvo mɛ.

Gbɛvíhan 1:20

“Mawu Mavɔmavɔ, kpɔ́n adǎn e ɖo gbigbo mì wɛ é! Kpɔ́n wǔvɛ́ e mɔ wɛ un ɖe ɖo agbaza mɛ é; ayixa ce bǐ wɛ gbadó, ɖó lě e un fɔ́n gǔ dó jǐ we sɔ é wú. Ahwan hu vǐ ce lɛ́ɛ bǐ, è wǎ gɔ̌n ce ɔ́, è nǎ ɖɔ kúxwé wɛ.

Gbɛvíhan 3:42

Mǐ tlí tó, mǐ fɔ́n gǔ dó jǐ towe; Mawu, a ká sɔ́ kɛ mǐ ǎ.

Ezekiyɛ́li 5:6

Lo ɔ́, Jeluzalɛ́munu lɛ́ɛ gba sɛ́n ce lɛ́ɛ, Jeluzalɛ́munu lɛ́ɛ xwedó nǔ e un zɔ́n lɛ́ɛ ǎ; yě wa nǔ nyanya hú togun e ɖo to e lɛ́ lɛ̌ dó yě lɛ́ɛ mɛ lɛ́ɛ, ɖó yě gbɛ̌ sɛ́n ce lɛ́ɛ kpó nǔ e un zɔ́n lɛ́ɛ kpó.

Ezekiyɛ́li 6:9

Énɛ́ ɔ́, yě mɛ e ná kpo ɖo gbɛ bɔ ahwan ná wlí yě yi lɛ́ɛ ná nɔ́ flín mì ɖo fí e ahwan ná wlí yě yi lɛ́ɛ; yě ná nɔ́ flín lě e un wa nǔ xá yě gbɔn é; nǔgbó ɔ́, mɛ ɖé lɛ́ɛ wɛ yě nyí bó ɖo gbejí nú mì ǎ; yě jǒ mì dó bó jɛ vodún sɛn jí; énɛ́ ɔ́, nǔ baɖabaɖa e yě ɖésú dó sin lɛ́ɛ ná vlɛ́ nu yětɔn.

Daniyɛ́li 9:11

Izlayɛ́li togun ɔ́ bǐ wɛ gba sɛ́n towe, bó ɖó kɔ zɔ, ɖó yě ba ná se nǔ e a nɔ kplɔ́n mɛ lɛ́ɛ ǎ; énɛ́ ɔ́, nyladó e xó è ɖɔ ɖo mɛsɛntɔ́ towe Mɔyízi sín sɛ́nwéma ɔ́ mɛ ɔ́ wá jɛ dó mǐ jí, ɖó tónúmase mǐtɔn lɛ́ɛ wú.

Daniyɛ́li 9:15

“Aklúnɔ, Mawu mǐtɔn, hwenu e a zě hlɔ̌nhlɔ́n towe e nukɔn mɛɖé ma sixú nɔ te ɖe ǎ é dó ɖe togun towe tɔ́n sín Ejípu ɔ́, nyǐkɔ towe yi jǐ, bó kpo ɖo mɔ̌ káká wá jɛ égbé. Lo ɔ́, mǐdɛɛ lɛ́ɛ ɔ́, mǐ hu hwɛ, mǐ jɛ agɔ dó we.

Daniyɛ́li 9:9

Amɔ̌, hwɛ Aklúnɔ, Mawu mǐtɔn ɔ́, ɖo xomɛnyínyɔ́ towe mɛ ɔ́, mǐ nɔ ɖo gǔ fɔ́n dó jǐ towe wɛ, có a nɔ zé hwɛ mǐtɔn lɛ́ɛ kɛ mǐ.

Ozée 1:2

Azɔn nukɔn nukɔntɔn e Mawu Mavɔmavɔ ɖɔ xó nú Ozée ɔ́, é ɖɔ n'i ɖɔ: “Yi da agalɛtɔ́ ɖokpó . Vǐ e é ná ji nú we lɛ́ɛ ná nyí agaví, ɖó mɛ e ɖo to ɔ́ mɛ lɛ́ɛ bǐ ɖo aga lɛ wɛ, yě jó nyɛ Mawu Mavɔmavɔ ɔ́ dó!”

Malacíi 3:7

Mi hɔn nú nǔkplɔ́nmɛ ce lɛ́ɛ tɔ́gbó mitɔn lɛ́ɛ ɖɔhun, mi se tónú nú nǔkplɔ́nmɛ ce lɛ́ɛ ǎ. Mi bo lɛ́ kɔ wá gɔ̌n ce, énɛ́ ɔ́, un ná lɛ́ kɔ wá mi gɔ́n. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌. Mi ka ɖɔ: ‘Nɛ̌ mǐ ká sixú lɛ́ kɔ wá gɔ̌n towe gbɔn?’

Eblée 3:12

Nɔví lɛ́ɛ mi, mi cɔ́ miɖée, bónú mɛɖé má ɖo mi mɛ, bó ɖó ayi nyanya, ayi e ma nɔ ɖi nǔ ǎ é, bó lɛ́ kɔ sín Mawu gbɛɖe ɔ́ gúdo ó.