Daniyɛ́li 9:3 - MAWUXÓWÉMA

³ Un blá nu, bó zé ati kplá, bó lɛ afín, bó dó ɖe xlɛ́ ɖɔ un húzú jijɔ, bó kpan nukɔn Aklúnɔ Mawu bó xo ɖɛ, bó sa vo n'i.

Daniyɛ́li 9:3 Iomraidhean Croise

2 Samuwɛ́li 12:16

Davídi sa vo nú Mawu dó vǐ ɔ́ tamɛ, bó nɔ́ blá nu. É yi ayǐ mlɔ́ gbé tɛgbɛ ɔ́, é nɔ́ dɔ́ kɔ́ mɛ.

Ɛsidlási 10:6

Énɛ́ ɔ́ gúdo ɔ́, Ɛsidlási gosín Mawu xwé ɔ́ nukɔn, bó yi Yexoxanáni Eliyacivu ví ɔ́ sín xwé gbe, bó cí fínɛ́. É ɖu nǔ ǎ, é ká nu sin ǎ, ɖó wǔ kú i, ɖó hwɛ ɖaxó e to tɔn mɛ nu lɛ́ɛ hu lɛ́ɛ wú.

Ɛsidlási 8:21

Đo tɔsisa Axawa tɔn ɔ́ kɔn fínɛ́ ɔ́, un ɖɔ mǐ bǐ ɖó ná blá nu, bó ná dó sɔ́ mǐɖée hwe ɖo Mawu mitɔn nukɔn, bónú é ná bló bónú mǐ kpódó vǐ mǐtɔn lɛ́ɛ kpó, kpódó dɔkun mǐtɔn lɛ́ɛ kpó ná yi to ɔ́ mɛ ɖagbe.

Ɛsidlási 9:5

Ée vɔ̌sísá gbadanu tɔn ɔ́ sín gan xo ɔ́, wǔ yá mì. Awu ce ɖaxó ɔ́ kpódó awu ce do tɔn lɛ́ɛ kpó e un hɛn vún ɔ́ kpo ɖo kɔ nú mì, bɔ un jɛ kpo, lobo dlɛ́n alɔ ce lɛ́ɛ sɛ́ dó Mawu Mavɔmavɔ, Mawu ce,

Nɛɛmíi 9:1

Sun ɖokpó énɛ́ ɔ́ sín azǎn ko-nukún-ɛnɛgɔ́ ɔ́ gbe ɔ́, Izlayɛ́li ví lɛ́ɛ kplé bó ná blá nu. Yě dó caki bo lɛ kɔ́, bó dó ɖe xlɛ́ ɖɔ hwɛ e émí hu ɔ́ vɛ́ nú émí.

Ɛsitɛ́ɛ 4:16

“Yi, bo kplé Jwifu e ɖo Súzi tomɛ lɛ́ɛ bǐ bónú mi blá nu dó ta ce mɛ. Mi ma ɖu nǔ ó, mi ma nu sin ó káká nú kéze atɔn zǎn atɔn; nyɛ kpó mɛsɛntɔ́ ce lɛ́ɛ kpó ɔ́, mi lɔ na blá nu; énɛ́ ɔ́ gúdo ɔ́, sɛ́n ɔ́ ná ɖo te có un ná yi axɔ́sú ɔ́ gɔ́n. Nú é byɔ́ ɖɔ má kú ɔ́, un ná kú.”

Jɔ̌bu 42:6

Énɛ́ ɔ́ wú wɛ un jó xó e ɖɔ wɛ un ɖe ɔ́ dó, un jínjɔ́n kɔ́gúdu kpó afín kpó mɛ dó ɖé xlɛ́ ɖɔ un wa nǔ nyi do.

Ɖɛhan 35:13

Nyɛ ɔ́, hwenu e kɛntɔ́ ce lɛ́ɛ ɖo azɔn jɛ wɛ ɔ́, wǔ kú mì bɔ un sɔ́ caki dó, bó ɖe xlɛ́, un blá nu dó sɔ́ nyɛɖée hwe. Un xo ɖɛ ɔ́, un nɔ lɛ́ xo.

Ezayíi 22:12

Gbe énɛ́ gbe ɔ́, Aklúnɔ, Mawu Mavɔmavɔ Nǔbǐwúkpétɔ́ ɔ́ byɔ́ mi ɖɔ mi ní ya avǐ, mi ní dó gbɛvíhan, mi ní xwlɛ́ ta, mi ní dó nǔwamɛ vɔ.

Jelemíi 33:3

“Sú xó ylɔ́ mì, un nǎ sɔ́ nú we; nǔ ɖaxó ɖaxó, nǔ e ɖo hwlǎhwlá bɔ a ma tunwun ǎ lɛ́ɛ ɔ́, un nǎ ɖɔ yě nú we.

Ezekiyɛ́li 36:37

“Xó e nyɛ Aklúnɔ Mavɔmavɔ ɖɔ ɔ́ ɖíe: un ná lɛ́ yí gbe bɔ Izlayɛ́li ví lɛ́ɛ ná nɔ́ ylɔ́ mì bónú má wa ɖagbe nú yě; un ná ná vǐ yě bɔ yě ná ji wɔɖɔɖɔ kanlin ɖɔhun.

Daniyɛ́li 6:10

Énɛ́ ɔ́, axɔ́sú Daliwúsi ɖe gbeta ɔ́ tɔ́n, bó dó sɛ́n ɔ́.

Daniyɛ́li 9:2

nyɛ Daniyɛ́li xa wěma mímɛ́ lɛ́ɛ, bɔ xwe kanɖé gban (70) e è nǎ sɔ́ ɖó te dó hánnyá Jeluzalɛ́mu toxo ɔ́ ná, bɔ Mawu Mavɔmavɔ ɖɔ xó tɔn nú gbeyíɖɔ Jelemíi ɔ́, un mɔ nǔ jɛ mɛ.

Daniyɛ́li 9:20

“Un kpo ɖo ɖɛ xo wɛ, bó kpo ɖo hwɛ ce lɛ́ɛ kpódó ée togun ce Izlayɛ́li hu ɔ́ kpó ɖɔ nú Mawu Mavɔmavɔ, Mawu ce wɛ. Un sa vo n'i dó só mímɛ́ tɔn tamɛ.

Daniyɛ́li 9:4

Un xo ɖɛ bó ɖɔ hwɛ ce lɛ́ɛ nú Mawu Mavɔmavɔ, Mawu ce ɖɔ: “Aklúnɔ, Mawu ɖaxó e mɛɖé ma nɔ mɔ do ná ǎ é, hwi mɛ e nɔ nɔ gbejí nú akɔ e a jɛ xá mɛ e nɔ nyi sɛ́n towe lɛ́ɛ é. A nɔ nɔ gbejí nú mɛ e yí wǎn nú we lɛ́ɛ.

Jowɛ́li 1:13

Vɔ̌sánú-xwlémawutɔ́ lɛ́ɛ mi, mi sɔ́ nǔwamɛvɔ dó bó ya avǐ. Mi ji gbɛvíhan. Mi azɔ̌watɔ́ Mawu mǐtɔn tɔn lɛ́ɛ mi, mi wá, nǔwamɛvɔ ní ɖo kɔ mitɔn, ɖó è sɔ́ nɔ hɛn jinukún kpó vɛ̌ɛn kpó wá Mawu mitɔn sín xwé gbe ǎ.

Jowɛ́li 2:12

Mawu Mavɔmavɔ ɖɔ: “Hwenu su nú mi din, bɔ mi ná lɛ́ kɔ wá gɔ̌n ce. Mi lɛ́ kɔ wá gɔ̌n ce kpó ayixa mitɔn bǐ kpó: mi blá nu, mi ya avǐ, mi sa vo nú mì.

Jonási 3:5

Ninívunu lɛ́ɛ ká ɖi nǔ nú Mawu, bó ɖɔ gbɔn toxo ɔ́ bǐ mɛ ɖɔ mɛ bǐ ná blá nu, bo kplá ati, bó dó ɖe xlɛ́ ɖɔ émí húzú jijɔ; bɛ́ sín mɛ e nyí gbɛtɔ́ nukúnɖéjí lɛ́ɛ jí, káká yi kɔn nyi gbɛtɔ́ kpaa lɛ́ɛ jí.

Matíe 17:21

Lo ɔ́, yɛ nyanya mɔ̌hunkɔtɔn lɛ́ɛ ɔ́, ɖɛ kpódó nubláblá kpó mɛ jɛ́n wɛ è nɔ sixú kpé yě wú ɖe.”]

Luki 2:37

É ka sɔ́ da asú ɖě ǎ, káká bó ɖó xwe kanwe-nukún-ɛnɛ (84); é nɔ́ cí sinsɛnxɔ mɛ, bɔ zǎn kpódó kéze kpó ɔ́, é nɔ́ ɖo Mawu sɛn wɛ, ɖo nubláblá kpó ɖɛxixo kpó mɛ.

Mɛsɛ́dó 10:30

Kɔnɛ́yi ka yí xó, bó ɖɔ: “Azǎn ɛnɛ ɖíe wɛ un ɖo xwé ce gbe, ɖo gan atɔn mɛ hwelɛ́kɔ lěhwenu, bó ɖo ɖɛ xo wɛ; tlóló kpowun ɔ́, nya ɖé jɛ́n wá tɔ́n ɖo nukɔn ce, bó dó awu ɖé, bɔ awu ɔ́ nɔ́ kɔ́n.