Daniyɛ́li 9:27 - MAWUXÓWÉMA

²⁷ Xwe tɛ́nwe gúdo tɔn lɛ́ɛ mɛ ɔ́, Mawu ná ɖó azɔ̌ syɛ́nsyɛ́n kɔ jí nú mɛ gěgé, bɔ yě ɖó ná wa dandan. Yě bló xwe atɔn adaɖé ɖo xwe tɛ́nwe énɛ́ lɛ́ɛ mɛ ɔ́, è nǎ ɖó vɔ̌sísá kpó nǔníná kpó lɔ bǐ te. Nǔhɛngblétɔ́ énɛ́ ɔ́ ná yá wǔ bló nǔ baɖabaɖa lɛ́ɛ lě e é jló e gbɔn é káká jɛ hwenu e è ɖǒ, bɔ éyɛ́ tɔn ná fó dó é.’ ”

Daniyɛ́li 9:27 Iomraidhean Croise

Ezayíi 28:15

Mawu ɖɔ, mi nɔ ɖɔ: “Mǐ ko jɛ akɔ xá kú, mǐ ko nu alɛ xá kú tomɛ, nǔ baɖabaɖa ɖěbǔ ná bó ɖo jijɛ wɛ ɔ́, ɖě ná jɛ dó mǐ jí ǎ. Mǐ gán jɛ adingban mǐtɔn wú, mǐ ɖeji dó awo mǐtɔn wú.”

Ezayíi 28:22

É nyí mɔ̌ hǔn, mi bo jó fanfún dó; é má nyí mɔ̌ ǎ ɔ́, kan e è dó kɔ nú mi ɔ́ ná nyɔ kɔ nú mi. Đó un se bɔ Aklúnɔ, Mawu Mavɔmavɔ Nǔbǐwúkpétɔ́ ɔ́ ɖɔ émí ná gbɔ bó vívá to ɔ́ bǐ sín kún.

Ezayíi 42:6

“Nyɛ Mawu Mavɔmavɔ ɔ́, un ylɔ́ we ɖó un ɖo gbejí nú xó e un ɖɔ é; un ná gǎnjɛwú we; un bló we bó ná sɔ́ we dó jɛ akɔ xá gbɛtɔ́ lɛ́ɛ; a nǎ nyí wěziza nú akɔta lɛ́ɛ.

Ezayíi 53:11

Mawu ɖɔ: “Mɛsɛntɔ́ ce ji ya tobutóbú énɛ́ lɛ́ɛ mɔ̌ ɔ́, é ná wá mɔ wěziza; nǔ ná nyɔ́ n'i káká. Mɛsɛntɔ́ ce ɔ́, hwɛjijɔnɔ nǔgbó ɔ́ ná sɔ́ mɛ gěgé dó húzú hwɛjijɔnɔ, ɖó é wɛ ɖíɖá hwɛgban yětɔn.

Ezayíi 55:3

Mi ɖótó te, mi wá gɔ̌n ce. Mi ɖótó mì, bó ná nɔ gbɛ.” Mawu ɖɔ: “Un ná jɛ akɔ mavɔ mavɔ ɖokpó xá mi; un ná bló mɔ̌, bó ná dó hɛn ɖagbe e sín akpá un dó nú Davídi é ɖó te káká sɔ́yi.

Jelemíi 7:30

“Judáanu e mi, mi dó nǔ e ma nyɔ́ nukún ce mɛ ǎ lɛ́ɛ sin. Mi bɛ́ bǒcyɔ mitɔn lɛ́ɛ wá ɖó xwé ce gbe, xwé e è sɔ́ ɖó vo nú mì é gbe, lobo ɖu su nú xwé ce. Xó e nyɛ Mawu Mavɔmavɔ ɖɔ ɔ́ nɛ́.

Daniyɛ́li 11:31

Sɔ́ja e é sɛ́ dó lɛ́ɛ ná sí ahwan te, ɖo ahohó mímɛ́ ɔ́ nukɔn, bó ná ɖu su ná. Vɔ̌ e sá nú Mawu wɛ è nɔ ɖe ayǐhɔ́ngbe ayǐhɔ́ngbe ɔ́, yě ná ɖó te; yě ná zé suɖunú baɖabaɖa ɖokpó ɖó vɔ̌sákpe ɔ́ jí.

Daniyɛ́li 11:36

“Axɔ́sú ɔ́ ná nɔ́ wa nǔ lě e é jló e gbɔn é. É ná nɔ́ tɛ afɔ ayǐ, bó ná nɔ́ mɔ ɖɔ émí hú gǎn vodún lɛ́ɛ bǐ. É ja xó ɖɔ nú Mawu mawu lɛ́ɛ tɔn gbé ɔ́, é ná nɔ́ lin tamɛ kpɔ́n ǎ. Nǔ nǎ ɖo nyǐnyɔ́ n'i wɛ káká jɛ hwenu e xomɛsin Mawu tɔn ná wá é. Lo ɔ́, nǔ e Mawu ɖɔ ɔ́ jɛ́n ná jɛ.

Daniyɛ́li 12:11

Nǔ énɛ́ lɛ́ɛ ná bɛ́ jijɛ sín gbe e gbe è ma sɔ́ ná sixú sá vɔ̌ nú Mawu ayǐhɔ́ngbe ayǐhɔ́ngbe ǎ é, bɔ è nǎ zé suɖunú baɖabaɖa ɖokpó ɖó vɔ̌sákpe ɔ́ jí. Nǔ lɛ́ɛ ná ɖo jijɛ wɛ káká nú azǎn afayizɛ́n kanwe wǒ (1.290).

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Daniyɛ́li 8:13

“Un se wɛnsagun ɖokpó sín gbe. Wɛnsagun ɖěvo ka kanbyɔ́ wɛnsagun e sín gbe un se ɔ́ ɖɔ: ‘Hwetɛ́nu nǔ e ɖo jijɛ wɛ lɛ́ɛ ná fó bɔ è ɖɔ ɖo nǔmimɔ ɔ́ mɛ? Káká jɛ hwetɛ́nu wɛ vɔ̌sísá ayǐhɔ́ngbe ayǐhɔ́ngbe tɔn ɔ́ ná nɔ te yi ɖó? Nǔmasɔgbe e ɖo nǔ bǐ gba wɛ ɔ́, káká jɛ hwetɛ́nu é ná gba nǔ yi ɖó te ɖó? Goxɔ ɔ́ kpó nǔɖogbɛ e ɖo sɛ́xwé lɛ́ɛ kpó ɔ́, káká jɛ hwetɛ́nu wɛ yě ná nyí afɔsúnsúnnú yi ɖó?’

Ozée 3:4

Đó Izlayɛ́li ví lɛ́ɛ ná nɔ axɔ́sú kpó gǎn kpó má ɖó xɔ xwe gěgé; yě ná gɔn vɔ̌ sá xɔ xwe gěgé, bó ná gɔn awǐnnya e yě sɔ́ dó ɖó vodún ná ɔ́ sɛn xɔ xwe gěgé. Yě ná gɔn nǔ e è nɔ dó kan nǔ byɔ́ Mawu lɛ́ɛ ɖó xɔ xwe gěgé.

Kɛ́nsísɔ́ 7:62

É ná kɔ́fu e è sɔ́ siká dó bló ná ɔ́ ɖokpó, bɔ é da glǎmu kanwe ko (100), bɔ nǔhwɛ́nkún gɔ́.

Matíe 24:15

“Énɛ́ ɔ́ wútu ɔ́, mi ná mɔ suɖunú baɖabaɖa e xó gbeyíɖɔ Mawu tɔn Daniyɛ́li ko ɖɔ ɖ'ayǐ ɔ́ ɖo tɛn mímɛ́ ɔ́ mɛ. Mɛ ɖé xa nǔ énɛ́ lɛ́ɛ hǔn, ní bó mɔ nǔ jɛ wú.

Matíe 26:28

Ɖó élɔ́ ɔ́, hun ce wɛ; hun e Mawu dó sɔ́ akɔjijɛ sín afɔ ɖó te ná ɔ́ wɛ. É wɛ kɔn nyi ayǐ, dó gbɛtɔ́ gěgé tamɛ, nú hwɛ sɔ́ kɛ mɛ.

Matíe 27:51

Azɔn ɖokpó ɔ́, avɔ ɖaxó e ɖo sinsɛnxɔ mɛ ɔ́ dá ɖó we, sín jǐ wá do; ayǐkúngban dán wǔ, bɔ awǐnnya lɛ́ɛ zɛ.

Maki 13:14

“Hwenu e mi ná wá mɔ suɖunú baɖabaɖa ɔ́ ɖo tɛn e mɛ é ma ɖó ná nɔ ǎ ɔ́, (mɛ e xa nǔ énɛ́ ɔ́ ní mɔ nǔ jɛ wú); mɛ e ɖo Judée yíkúngban jí lɛ́ɛ ní hɔn yi sókan lɛ́ɛ mɛ.

Luki 21:20

“Hwenu e mi ka ná wá mɔ kɛntɔ́ lɛ́ɛ nyi ahwan, bó ján Jeluzalɛ́mu toxo ɔ́, mi nywɛ́ ɖɔ hwenu e è nǎ gba dó ɔ́ kó sɛ yá.

Luki 21:24

Yě ná kú hwǐ kú; ahwan ná wlí kannumɔ yětɔn yi to lɛ́ɛ mɛ to lɛ́ɛ mɛ, bɔ mɛ e ma nɔ sɛn Mawu ǎ lɛ́ɛ ná gbídí Jeluzalɛ́mu dó afɔ wú, káká yi jɛ hwenu e gan mɛ yětɔn ná vɔ dó é.”

Hlɔ̌manu 11:26

Mɔ̌ wɛ Mawu ná hwlɛ́n Izlayɛ́li ví lɛ́ɛ bǐ gán gbɔn; lě e Mawuxówéma ɔ́ ɖɔ gbɔn ɔ́; Mawuxówéma ɔ́ ɖɔ: “Mɛhwlɛ́ngántɔ́ ɔ́ ná gosín Sinyɔ́ɔ wá; é ná ɖe sísí ma ɖó nú Mawu Jakɔ́bu ví lɛ́ɛ tɔn síin.

Hlɔ̌manu 5:15

È sixú jlɛ́ nǔníná Mawu tɔn vɔ̌nu ɔ́ dó nǔ e Adámu wa nyi do ɔ́ wú ǎ; ɖó é sín nǔ e gbɛtɔ́ ɖokpó géé énɛ́ wa nyi do ɔ́ wú, bɔ mɛ gěgé kú; lo ɔ́ fɛ́nú Mawu tɔn ɔ́ hú gǎn nǔwanyido Adámu tɔn ɔ́ ɖaxó, bɔ nǔníná e é ná mɛ gěgé vɔ̌nu gbɔn gbɛtɔ́ ɖokpó géé jí ɔ́ (Jezu Klísu) lɛ́ ɖo tají hú mɔ̌.

Hlɔ̌manu 5:19

Đó lě e tónúmase gbɛtɔ́ ɖokpó géé tɔn zɔ́n bɔ gbɛtɔ́ gěgé húzú hwɛhutɔ́ ɔ́, mɔ̌ jɛ́n tónúsise gbɛtɔ́ ɖokpó géé tɔn zɔ́n bɔ gbɛtɔ́ gěgé húzú hwɛjijɔnɔ ɖo Mawu nukún mɛ.

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.