Daniyɛ́li 9:26 - MAWUXÓWÉMA

²⁶ Ée xwe tɛ́nwe tɛ́nwe donu kanɖé ko-nukún-we (62) lɛ́ɛ ná fó ɔ́, è nǎ hu mɛ e jí è ylɔ̌ Mawu nyíkɔ dó é, bɔ mɛ ɖěbǔ ná jɛ hun jǐ tɔn ǎ. Énɛ́ ɔ́ gúdo ɔ́, gǎn ɖokpó ná wá kpó ahwangɔnu tɔn kpó, bó ná gba toxo ɔ́ kpó goxɔ tɔn kpó hánnyá. Amɔ̌, xomɛsin Mawu tɔn sín bǎ ná vɔ gǎn énɛ́ ɔ́ sín gbɛ. Gǎn énɛ́ ɔ́ ná ɖo ahwan fun wɛ, bó ná ɖo nǔ hɛn gblé wɛ káká jɛ kú tɔn hwenu lě e è ko ɖɔ gbɔn ɖ'ayǐ é.

Daniyɛ́li 9:26 Iomraidhean Croise

2 Samuwɛ́li 21:5

Bɔ Gabawɔ́ɔnnu lɛ́ɛ ɖɔ nú Davídi ɖɔ: “Sawúlu ko jló ná fó xó mǐtɔn, é jló ná sú kún mǐtɔn dó; é ba ɖɔ mǐ mɛ ɖěbǔ ní nɔ gbɛ ɖo Izlayɛ́li yíkúngban jí ǎ.

Ɖɛhan 22:15

Hlɔ̌nhlɔ́n ce ɖo vivɔ wɛ, sin ɖo sisa yi wɛ ɖɔhun; xú ce bǐ wɛ ɖo vovo jɛ wɛ; akɔ́nkpinkpan e un ɖó ɔ́ ɖo vivɔ wɛ aɖuwa ɖo sínsínsínsín wɛ ɖɔhun.

Ezayíi 28:2

Hlɔ̌nhlɔ́nnɔ, nǔwúkpétɔ́ ɖokpó ɖíe Aklúnɔ sɛ́ dó bɔ é ja e. É ɖo nǔ wa wɛ ɔ́, a nǎ ɖɔ kɛ́njí wɛ ɖo jija wɛ, a nǎ ɖɔ jɔhɔn ɖaxó nǔhɛngblétɔ́ ɖé wɛ ɖo nyinyi wɛ, a nǎ ɖɔ jǐ ɖaxó ɖé wɛ ja káká bɔ tɔ ɖi sin kpé fí bǐ. É ná flí nǔ bǐ xwe kpó hlɔ̌nhlɔ́n kpó.

Ezayíi 28:22

É nyí mɔ̌ hǔn, mi bo jó fanfún dó; é má nyí mɔ̌ ǎ ɔ́, kan e è dó kɔ nú mi ɔ́ ná nyɔ kɔ nú mi. Đó un se bɔ Aklúnɔ, Mawu Mavɔmavɔ Nǔbǐwúkpétɔ́ ɔ́ ɖɔ émí ná gbɔ bó vívá to ɔ́ bǐ sín kún.

Ezayíi 53:8

È wlǐ i, bó ɖɔ hwɛ xá ɛ, bó bú i. Mɛ ɖé ká sɔ́ dó ga nú nǔ énɛ́ e gbo e ɔ́ ǎ. Hwɛ e togun tɔn hu ɔ́ wɛ zɔ́n bɔ è ɖe e sín gbɛ ɔ́ mɛ, è hu i.

Ezayíi 8:7

Énɛ́ ɔ́ wú wɛ un ná sɛ́ axɔ́sú Asilíi tɔn kpó acɛkpikpa tɔn bǐ kpó dó, bɔ yě ná wá tɔ́n ahwan Judáa to ɔ́; yě ná wa adǎn Efláti tɔ ɔ́ wɛ ɖi sin bó gba kpé ɖɔhun.

Jelemíi 46:7

Mɛ̌ ká nɔ́ wa nǔ Nilu ɖi sin ɖɔhun? Mɛ̌ ká nɔ́ wa nǔ tɔ énɛ́ e nɔ́ ɖo adǎn jí é ɖɔhun?

Jelemíi 51:42

Xu ɖi sin bó gba Babilɔ́nu to, tɔ bú i bǐ.

Daniyɛ́li 11:10

“Axɔ́sú Totaligbé tɔn sín vǐ lɛ́ɛ ná kplé ahwan tɔn lɛ́ɛ kɔn nyi kpɔ́ gégé, bó ná sɔ́ ahwannú. Mɛ ɖokpó ka ná ɖo yě mɛ, bó ná yi ahwangbénu, bɔ é kpó sɔ́ja tɔn lɛ́ɛ kpó ná gba wu, bó dó asá to ɔ́ sín dogbó tɔ ɖi sin ɖɔhun. Ée é ná lɛ́ kɔ jǎwe to tɔn mɛ ɔ́, é ná tɔ́n ahwan toxo e è mɛ ahohó lɛ́ lɛ̌ dó é.

Daniyɛ́li 11:17

Énɛ́ ɔ́ gúdo ɔ́, é ná ɖó jlǒ, bó ná wá kpó axɔ́súɖuto tɔn sín hlɔ̌nhlɔ́n bǐ kpó. É ná wa nǔ mɛ ɖo nǔ jlɔ́jlɔ́ wa wɛ ɖɔhun. É ná zé vǐ tɔn da nú axɔ́sú Tofɔligbé tɔn. Linlin e dó wa mɔ̌ ná wɛ é ɖe ɔ́ wɛ nyí ɖɔ é ná dɔn kɛntɔ́ tɔn sín to dó kɔ́blúmánya mɛ, amɔ̌, é ná kpé nǔ énɛ́ ɔ́ wú bó wa ǎ.

Daniyɛ́li 11:22

Ahwangɔnu ɖěbǔ sixú kpé wǔ tɔn ǎ; é ná gbídí yě bǐ. É ná hu togun e yě jɛ akɔ xá ɔ́ sín gǎn ɖokpó.

Daniyɛ́li 11:36

“Axɔ́sú ɔ́ ná nɔ́ wa nǔ lě e é jló e gbɔn é. É ná nɔ́ tɛ afɔ ayǐ, bó ná nɔ́ mɔ ɖɔ émí hú gǎn vodún lɛ́ɛ bǐ. É ja xó ɖɔ nú Mawu mawu lɛ́ɛ tɔn gbé ɔ́, é ná nɔ́ lin tamɛ kpɔ́n ǎ. Nǔ nǎ ɖo nyǐnyɔ́ n'i wɛ káká jɛ hwenu e xomɛsin Mawu tɔn ná wá é. Lo ɔ́, nǔ e Mawu ɖɔ ɔ́ jɛ́n ná jɛ.

Daniyɛ́li 9:27

Xwe tɛ́nwe gúdo tɔn lɛ́ɛ mɛ ɔ́, Mawu ná ɖó azɔ̌ syɛ́nsyɛ́n kɔ jí nú mɛ gěgé, bɔ yě ɖó ná wa dandan. Yě bló xwe atɔn adaɖé ɖo xwe tɛ́nwe énɛ́ lɛ́ɛ mɛ ɔ́, è nǎ ɖó vɔ̌sísá kpó nǔníná kpó lɔ bǐ te. Nǔhɛngblétɔ́ énɛ́ ɔ́ ná yá wǔ bló nǔ baɖabaɖa lɛ́ɛ lě e é jló e gbɔn é káká jɛ hwenu e è ɖǒ, bɔ éyɛ́ tɔn ná fó dó é.’ ”

Ozée 1:9

Bɔ Mawu Mavɔmavɔ ɖɔ nú Ozée ɖɔ: “Sun nyǐ vǐ ɔ́ ɖɔ Lo-Ami, tínmɛ tɔn wɛ nyí mɛ e ma nyí togun ce ǎ é, ɖó mi sɔ́ nyí togun ce ǎ, nyɛ ka sɔ́ nyí Mawu mitɔn ǎ.”

Amɔ́si 8:8

Énɛ́ ɔ́ wú ɔ́, ayǐkúngban ná dán wǔ. Mɛ e ɖo ayǐkúngban ɔ́ jí lɛ́ɛ bǐ ná jɛ aluwɛ mɛ. Ayǐkúngban ɔ́ ná fɔ́n yi jǐ bǐ dégbédégbé, bó ká ná lɛ́ hwíhwɛ́ tɔsisa ɖaxó Nilu e ɖo Ejípu ɔ́ ɖi sin ɖɔhun.

Amɔ́si 9:5

Aklúnɔ Mavɔmavɔ, Mawu Nǔbǐwúkpétɔ́ ɔ́ ɖó alɔ ayǐkúngban ɔ́ wú, bɔ é jɛ wǔ dán jí, bɔ mɛ e ɖ'é jí lɛ́ɛ bǐ jɛ aluwɛ mɛ. Ayǐkúngban ɔ́ ná fɔ́n dó jǐ bǐ, lobo ká ná lɛ́ hwíhwɛ́ tɔsisa ɖaxó Nilu e ɖo Ejípu ɔ́ ɖi sin ɖɔhun.

Naxúmu 1:8

Amɔ̌, é ná sɛ́ nǔgbomɛ dó kɛntɔ́ tɔn lɛ́ɛ, bɔ é ná wá gba yě tɔ ɖɔhun, bó ná vívá toxo ɔ́ sín kún, bó ná nya yě káká yi dó zǐnflú mɛ.

Matíe 22:2

“Axɔ́súɖuto sɛ́xwé tɔn ɔ́, nǔ e wú è hɛn ɔ́, è nǎ jlɛ́ dó ɔ́ ɖíe: axɔ́sú ɖé ylɔ́ agɔ̌ gbe ɖokpó, ɖó vǐ tɔn ɖo asi ná kplá wɛ.

Matíe 22:7

Axɔ́sú ɔ́ sin xomɛ tlala, bó sɛ́ ahwan tɔn lɛ́ɛ dó, bɔ yě yi hu mɛhutɔ́ énɛ́ lɛ́ɛ, bó dó toxo yětɔn zo.

Matíe 23:38

Din ɔ́, è nǎ ɖe alɔ sín sinsɛnxɔ mitɔn wú nú mi, bɔ é ná jɛ vɔ̌.

Matíe 24:2

Jezu ka ɖɔ nú yě ɖɔ: “Mi ma mɔ nǔ énɛ́ lɛ́ɛ bǐ a? Má ɖɔ nǔgbó nú mi: awǐnnya e è dǒ mɛ yě ná lɛ́ɛ ɔ́, ɖě sɔ́ ná wá nɔ ɖě jí ǎ; bǐ wɛ è nǎ mu.”

Maki 13:2

Jezu ka yí gbe n'i ɖɔ: “A ma mɔ xɔ ɖaxó élɔ́ lɛ́ɛ a? Awǐnnya e è dó mɛ yě ná ɔ́, ɖě sɔ́ ná kpo ɖo ɖě jí ǎ; yě bǐ wɛ è nǎ flí gba.”

Maki 13:7

Hwenu e mi ná se ɖɔ è ɖo ahwan fun wɛ, bó ɖo ahwan xó ɖɔ wɛ ɔ́, ado ní má hu mi ó; nǔ wɛ nyí bó ɖó ná jɛ; lo ɔ́, é ka ko nyí ɖɔ gbɛ ɔ́ wɛ ko ɖo nǎ vɔ wɛ nɛ́ ǎ.

Maki 9:12

É ka yí gbe nú yě ɖɔ: “Nǔgbó wɛ, Elíi ɖó ná wá hwɛ̌, bó ná sɔ́ nǔ lɛ́ɛ ɖó tɛn yětɔn yětɔn mɛ. Lo ɔ́, nɛ̌ ka gbɔn bɔ è wlǎn ɖ'ayǐ ɖɔ Gbɛtɔ́ví ɔ́ ɖó ná ji ya ɖésú, bɔ yě ná sɔ́ ɛ dó ylɔ́ nǔɖé ná ǎ?

Luki 21:24

Yě ná kú hwǐ kú; ahwan ná wlí kannumɔ yětɔn yi to lɛ́ɛ mɛ to lɛ́ɛ mɛ, bɔ mɛ e ma nɔ sɛn Mawu ǎ lɛ́ɛ ná gbídí Jeluzalɛ́mu dó afɔ wú, káká yi jɛ hwenu e gan mɛ yětɔn ná vɔ dó é.”

Luki 21:6

“Nǔ énɛ́ lɛ́ɛ e mɔ wɛ mi ɖe din ɔ́, hwe ɖé nu ná wá su, bɔ awǐnnya lɛ́ɛ ɖě sɔ́ ná kpo ɖo ɖě jí ǎ; bǐ wɛ è nǎ mu.”

Luki 24:26

Klísu ɔ́ má kó ɖó ná ji ya énɛ́ lɛ́ɛ hwɛ̌, cóbó ná dó sixú byɔ́ susu tɔn mɛ ǎ cé?”

Luki 24:46

É ɖɔ nú yě ɖɔ: “È ko wlán ɖ'ayǐ ɖɔ: Klísu ɔ́ ɖó ná ji ya, káká bó kú, bɔ Mawu ka na lɛ́ fɔ́n ɛ sín kú azǎn tɔn atɔngɔ́ ɔ́ gbe,

Jǎan 14:30

Un sɔ́ ɖo xó gěgé ɖé ná ɖɔ xá mi wɛ ǎ, ɖó axɔ́sú gbɛ élɔ́ tɔn ko jǎwe; é ɖó acɛ ɖěbǔ ɖo jǐ ce ǎ.

2 Kɔlɛ́ntinu 5:21

Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.

Galatinu 3:13

Ée Klísu húzú mɛ e è dó nu ɖó tɛn mǐtɔn mɛ ɔ́, é hwlɛ́n mǐ gán sín nyladó e sɛ́n ɔ́ nɔ hɛn wá nú mǐ é mɛ; ɖó Mawuxówéma ɔ́ ɖɔ: “Mɛ e è ká nyi atín wú ɔ́, nu wɛ è dǒ e.”

1 Piyɛ́ɛ 2:21

Nǔ e Mawu ylɔ́ mi na é nɛ́; ɖó Klísu ɖésúnɔ ji ya dó ta mitɔn mɛ, bó jó xlɛ́ tɔn nyi ayǐ nú mi, bónú mi ná zé afɔ dó afɔdo tɔn lɛ́ɛ mɛ.

1 Piyɛ́ɛ 2:24

É bɛ́ hwɛ mǐtɔn lɛ́ɛ dó éɖée jí ɖo aklúzu jí, bónú mi ma sɔ́ hu hwɛ ó, bónú mi ná zán gbɛ jlɔ́jlɔ́. Akpado tɔn lɛ́ɛ wɛ zɔ́n bɔ è gbɔ azɔn nú mi.

1 Piyɛ́ɛ 3:18

Nǔgbó ɔ́, Klísu ɔ́ ɖésú kú; é kú azɔn ɖokpó géé bɔ xó fó dó hwɛ e gbɛtɔ́ lɛ́ɛ hu lɛ́ɛ tamɛ; éyɛ́ mɛ e nɔ wa nǔ jlɔ́jlɔ́ ɔ́ kú dó mɛ e ma nɔ wa nǔ jlɔ́jlɔ́ ǎ lɛ́ɛ tamɛ, bó ná dó kplá mi wá Mawu gɔ̌n; ɖo agbaza sín alixo ɔ́, è hu i; lo ɔ́, ɖo Yɛ ɔ́ sín alixo ɔ́, è fɔ́n ɛ wá gbɛ.