Daniyɛ́li 9:25 - MAWUXÓWÉMA

²⁵ Nǔ e a ka ɖó ná tunwun bó ná mɔ nǔ jɛ wú ɔ́ ɖíe: Sín hwenu e è ɖǒ wɛn e ɖɔ xó dó kɔ lɛ́ sín gbějí wá ɔ́ wú, bó ɖɔ dó Jeluzalɛ́mu toxo ɔ́ ná vɔ́ gbá ɔ́ wú káká wá jɛ gǎn e jí è ylɔ̌ Mawu nyíkɔ dó ɔ́ sín wǐwá hwenu ɔ́ wú ɔ́, é kó bló xwe tɛ́nwe tɛ́nwe donu tɛ́nwe. Énɛ́ ɔ́ gúdo ɔ́, ɖo xwe tɛ́nwe tɛ́nwe donu kanɖé ko-nukún-we (62) mɛ ɔ́, è nǎ lɛ́ vɔ́ toxo ɔ́ kpódó ahohó tɔn lɛ́ɛ bǐ kpó bló ɖó. Amɔ̌, hwe énɛ́ lɛ́ɛ nu ná nyí hwenu vɛ́ wǔ ɖésú.

Daniyɛ́li 9:25 Iomraidhean Croise

2 Samuwɛ́li 15:25

Axɔ́sú ɔ́ ɖɔ nú vɔ̌sánú-xwlémawutɔ́ Sadɔ́ku ɖɔ: “Lɛ̌ zé akɔjijɛgbá ɔ́ yi ɖó toxo ɔ́ mɛ. Nú Mawu Mavɔmavɔ jló ná wa ɖagbe nú mì ɔ́, é ná bló bɔ un ná lɛ́ kɔ wá, bó ná lɛ́ mɔ akɔjijɛgbá tɔn kpó tɛn mímɛ́ tɔn kpó.

Ɛsidlási 4:24

È to ɖó Mawu xwé gbígbá ɔ́ sín azɔ̌ te hwɛ̌ ɖo Jeluzalɛ́mu, káká wá jɛ hwenu e Dadá Pɛ́si tɔn Daliwúsi ɖo xwe we bló wɛ ɖo zinkpo jí é.

Ɛsidlási 7:1

Ée nǔ énɛ́ lɛ́ɛ bǐ jɛ wá yi ɔ́, ɖo Dadá Pɛ́si tɔn Aatazɛɛzɛsi sín hwenu ɔ́, nya ɖé gosín Babilɔ́nu wá, nya ɔ́ nɔ́ nyí Ɛsidlási. Selaya ví wɛ é nyí; Selaya ɔ́ ká nyí Azalya ví, bɔ Azalya nyí Ilukya ví.

Ɛsidlási 7:8

Ɛsidlási kpódó yě kpó wɛ wá, ɖo sun atɔ́ɔ́ngɔ́ ɔ́ mɛ.

Nɛɛmíi 3:1

Eliyacivu vɔ̌sánú-xwlémawutɔ́ ɖaxó ɔ́ jɛ azɔ̌ jí, é kpódó gbɛ̌ tɔn vɔ̌sánú-xwlémawutɔ́ lɛ́ɛ kpó. Yě bló Lɛ̌ngbɔ́hɔntogbó lɛ́ɛ ɖó. Ée yě jó hɔntogbó énɛ́ ɔ́ nú Mawu ɔ́, yě wá dó hɔn lɛ́ɛ. Yě bló dǒ ɔ́ ɖó káká yi kpe gaga e è nɔ ylɔ́ ɖɔ kanwe ko (100) lɛ́ɛ kɔn, bó lɛ́ dín d'é nu káká wá kpe gaga e è nɔ ylɔ́ Hananɛ́li ɔ́ kɔn.

Nɛɛmíi 4:2

bɔ yě ɖó gbe kpɔ́, bó ná wá tɔ́n ahwan Jeluzalɛ́mu toxo ɔ́, bó ná dó hunnyahunnya to ɔ́ mɛ.

Nɛɛmíi 4:8

Ée un ɖó mɛ fí tɛnmɛ tɛnmɛ énɛ́ lɛ́ɛ ɔ́, un wá ɖɔ nú tonukún lɛ́ɛ kpódó hwɛɖɔtɔ́ to ɔ́ mɛ tɔn lɛ́ɛ kpó, kpódó mɛ e ɖo fínɛ́ lɛ́ɛ bǐ kpó ɖɔ: “Mi ma ɖi xɛsi nú kɛntɔ́ mitɔn lɛ́ɛ ó; mi flín ɖɔ Aklúnɔ ɔ́, nǔɖaxó wɛ é nyí, bó nyí nǔsísí. Mi fun ahwan dó nɔví mitɔn lɛ́ɛ, vǐ mitɔn súnnu lɛ́ɛ, vǐ mitɔn nyɔ̌nu lɛ́ɛ, asi mitɔn lɛ́ɛ kpódó mɛ e ɖo xwé mitɔn gbe lɛ́ɛ kpó tamɛ.”

Nɛɛmíi 6:15

È blǒ dǒ ɔ́ ɖó fó ɖo Elúlisun ɔ́ sín azǎn koatɔ́ngɔ́ (25) ɔ́ gbe. Azǎn kanɖé wěwe (52) wɛ è sɔ́ ɖó te bó dó bló ná.

Ɖɛhan 71:10

Đó kɛntɔ́ ce lɛ́ɛ ɖo xó ce ɖɔ wɛ, mɛ e ɖo wu tɔ nú mì wɛ bó ná hu lɛ́ɛ ɖo kpá yi wɛ;

Nǔnywɛ́tɔ́xó 3:3

Hwenu e è nǎ hu mɛ dó ɔ́ ɖe, bɔ hwenu e è nǎ gbɔ azɔn nú mɛ dó é ɖe. Hwenu e è nǎ mu xɔ dó ɔ́ ɖe, bɔ hwenu e è nǎ mɛ xɔ dó é ɖe.

Ezayíi 55:4

Đó Davídi wɛ un sɔ́, bɔ é nyí acɛkpikpa ce sín kpɔ́ndéwú nú togun lɛ́ɛ; é wɛ un sɔ́ bɔ é nyí gǎn, bó kpa acɛ nú togun lɛ́ɛ.

Ezayíi 9:6

É ná gbló ada nú acɛkpikpa tɔn, bó ná bló bɔ fífá e má ná vɔ gbeɖé ǎ ɔ́ ná tíin. É ná jínjɔ́n axɔ́súzinkpo Davídi tɔn jí, bó ná kpa acɛ dó axɔ́súɖuto tɔn nu. É ná ɖó nǔ wa ɖó sɛ́nxwi jí ayǐ, bó ɖó hwɛjijɔ ayǐ dó sɔ́ axɔ́súɖuɖu tɔn jínjɔ́n ayǐ ganjí sín din káká sɔ́yi. Nǔ e Mawu Mavɔmavɔ Nǔbǐwúkpétɔ́ ɔ́ ná bló kpó wǎn yíyí tɔn ɖaxó ɔ́ kpó é nɛ́.

Daniyɛ́li 8:11

Zo ɔ́ zɔn mɔ̌ káká yi sɔ́ gǎn e kpa acɛ dó nǔɖogbɛ e ɖo sɛ́xwé lɛ́ɛ nu é, lobo ɖó vɔ̌ e è nɔ sá n'i ayǐhɔ́ngbe ayǐhɔ́ngbe lɛ́ɛ é te, lobo lɛ́ ɖu su nú fí e goxɔ tɔn ɖe é.

Daniyɛ́li 8:25

É ná zé bǐbí tɔn dó táfú mɛ ɖé lɛ́ɛ, bó ná zé goyíyí tɔn dó sú mɛ e vɛdó ɖɔ émí ko mɔ agbɔ̌n lɛ́ɛ sín kún dó, bó ná lɛ́ sí te dó axɔ́sú axɔ́sú lɛ́ɛ tɔn ɔ́ jí. Hwenɛ́nu ɔ́, mɛ ɖěbǔ ná ɖó alɔ wǔ tɔn ǎ, bɔ é ná nɔ mɔ̌ bó gba hánnyá.

Daniyɛ́li 9:23

Ée a jɛ vo sa nú Mawu jí tlóló ɔ́, Mawu dó wɛn ɖokpó sɛ́ dó we bɔ un wá dó we, ɖó Mawu yí wǎn nú we ɖésú. Dǒ gǎn, bó mɔ nǔ jɛ wɛn énɛ́ ɔ́ mɛ, bó ná tunwun nǔ e ɖɔ wɛ dlɔ̌ towe ɖe é.

Micée 5:1

Mawu Mavɔmavɔ ɖɔ: “Hwɛ Bɛteleyɛ́mu e ɖo Efláta tokpɔnla mɛ ɔ́, toxo kpɛví ɖokpó wɛ a nyǐ ɖo Judáa yíkúngban jí. Amɔ̌, hwi mɛ wɛ mɛ e ná ɖu axɔ́sú ɖo Izlayɛ́li nu nú mì ɔ́ ná tɔ́n sín. Kún e mɛ é jɔ ɖe ɔ́ ko ɖo te sín xóxó hwenu, bó ɖo te káká sɔ́yi.”

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Matíe 13:23

Ayǐkúngban ɖagbe e jí nǔkún lɛ́ɛ jɛ, bó ná sínsɛ́n gěgé ɔ́ wɛ nyí mɛ e se axɔ́súɖuɖu Mawu tɔn sín xó, bó mɔ nǔ jɛ mɛ é. É nɔ ná sínsɛ́n, bɔ ɖě nɔ́ ná mɔ̌hunkɔtɔn donu kanwe ko (100); ɖě ká nɔ ná mɔ̌hunkɔtɔn donu kanɖé ko (60); ɖěvo nɔ lɛ́ ná mɔ̌hunkɔtɔn donu gban (30).”

Matíe 24:15

“Énɛ́ ɔ́ wútu ɔ́, mi ná mɔ suɖunú baɖabaɖa e xó gbeyíɖɔ Mawu tɔn Daniyɛ́li ko ɖɔ ɖ'ayǐ ɔ́ ɖo tɛn mímɛ́ ɔ́ mɛ. Mɛ ɖé xa nǔ énɛ́ lɛ́ɛ hǔn, ní bó mɔ nǔ jɛ wú.

Maki 13:14

“Hwenu e mi ná wá mɔ suɖunú baɖabaɖa ɔ́ ɖo tɛn e mɛ é ma ɖó ná nɔ ǎ ɔ́, (mɛ e xa nǔ énɛ́ ɔ́ ní mɔ nǔ jɛ wú); mɛ e ɖo Judée yíkúngban jí lɛ́ɛ ní hɔn yi sókan lɛ́ɛ mɛ.

Jǎan 1:41

Nǔ nukɔntɔn e Andlé bló ɔ́, é wɛ nyí ɖɔ é yi mɔ nɔví tɔn Sinmɔ́ɔ, bo ɖɔ n'i ɖɔ: “Mǐ mɔ Mɛsíya ɔ́.”

Jǎan 4:25

Nyɔ̌nu ɔ́ ka ɖɔ n'i ɖɔ: “Un nywɛ́ ɖɔ Mɛsíya ɔ́ ɖó ná wá: (Mɛsíya ɔ́ sín tínmɛ wɛ nyí Klísu.) Bɔ hwenu e éyɛ́ ná wá ɔ́, é ná tín nǔ bǐ mɛ nú mǐ.”

Mɛsɛ́dó 3:15

Mi zɔ́n bɔ è hu mɛ e nyí gbɛnámɛtɔ́ ɔ́. Mawu ka fɔ́n ɛ sín kú, bɔ mǐ ɖo kúnnu ɖe ná wɛ.

Mɛsɛ́dó 5:31

Mawu sɔ́ ɛ ɖó ɖisí tɔn xwé, bó sɔ́ ɛ su, lobo sɔ́ ɛ axɔ́sú Mɛhwlɛ́ngántɔ́, nú é ná xlɛ́ ali Izlayɛ́li togun ɔ́, bónú Izlayɛ́li togun ɔ́ ná lɛ́ kɔ sín hwɛ tɔn lɛ́ɛ gúdo, bɔ Mawu ná sɔ́ hwɛ e é hu lɛ́ɛ kɛ ɛ.

Mɛsɛ́dó 8:30

Filípu ka kán wezun bó xwedó kɛkɛ́ví ɔ́ wú, bó se nya Etiopíinu ɔ́ ɖo nǔ xa wɛ, ɖo gbeyíɖɔ Mawu tɔn Ezayíi sín wěma mɛ lobo kanbyɔ́ ɛ ɖɔ: “A ka mɔ nǔ jɛ nǔ e xa wɛ a ɖe ɔ́ mɛ din a?”

Efɛ́zinu 5:16

Mi hwlɛndó hwenu lɛ́ɛ, bó wa nǔ; ɖó hwenu e mǐ ɖe ɔ́ nyɔ́ ǎ.

Nǔɖexlɛ́mɛ 19:16

È wlǎn nyǐkɔ ɖé dó awu tɔn kpó asá tɔn kpó wú; è wlǎn ɖɔ: “Axɔ́sú axɔ́sú lɛ́ɛ tɔn; Aklúnɔ aklúnɔ lɛ́ɛ tɔn.”