Daniyɛ́li 9:20 - MAWUXÓWÉMA

²⁰ “Un kpo ɖo ɖɛ xo wɛ, bó kpo ɖo hwɛ ce lɛ́ɛ kpódó ée togun ce Izlayɛ́li hu ɔ́ kpó ɖɔ nú Mawu Mavɔmavɔ, Mawu ce wɛ. Un sa vo n'i dó só mímɛ́ tɔn tamɛ.

Daniyɛ́li 9:20 Iomraidhean Croise

Ɛsidlási 10:1

Hwenu e Ɛsidlási ɖo kpoli jijɛ ɖo Mawu xwé ɔ́ nukɔn bó ɖo avǐ ya wɛ, bó ɖo ɖɛ xo wɛ, lobo ɖo kɛnklɛ́n dó nú Mawu wɛ ɖɔ é ní sɔ́ hwɛ kɛ togun ɔ́ wɛ ɔ́, Izlayɛ́li ví wɔ̌buwɔ́bú súnnu kpó nyɔ̌nu kpó, kpódó yɔkpɔ́vú kpó kplé lɛ́ lɛ̌ dó e, bó ɖo avǐ ya wɛ baɖabaɖa.

Nɛɛmíi 1:6

Nyi kɔ kpɔ́n mì, ɖǒtó mì, ɖǒtó ɖɛ ce din; ɖɛ e xo wɛ nyi mɛsɛntɔ́ towe ɔ́ ɖe é. Zǎn kpó kéze kpó ɔ́, un nɔ ɖo vo sa nú we dó mǐ Izlayɛ́li ví lɛ́ɛ tamɛ wɛ, mǐ sinsɛn we tɔ́ lɛ́ɛ. Un ɖo byɔ̌byɔ́ we wɛ ɖɔ hwi ní sɔ́ hwɛ mǐtɔn lɛ́ɛ kɛ mǐ; nyi kpó tɔ́ ce lɛ́ɛ kpó bǐ wɛ hu hwɛ.

Ɖɛhan 145:18

Mawu Mavɔmavɔ ɖo kpɔ́ xá mɛ e nɔ sú xó ylɔ́ ɛ lɛ́ɛ bǐ; yě mɛ e nɔ ylɔ́ ɛ kpó ayi yětɔn bǐ kpó lɛ́ɛ.

Ɖɛhan 32:5

Un ɖɔ dó ayi mɛ ɖɔ: “Un jɛ agɔ dó Mawu Mavɔmavɔ; un ná ɖɔ hwɛ ce lɛ́ɛ n'i.” Un ɖɔ hwɛ e un hu ɔ́ nú we, nǔ e un wa nyi do ɔ́, un hwlá dó we ǎ. Énɛ́ ɔ́, hwɛ ɔ́, a ɖe agɔ e un jɛ ɔ́ sín kɔ nú mì. Agbɔ̌n

Nǔnywɛ́tɔ́xó 7:20

Gbɛtɔ́ hwɛjijɔnɔ e nɔ wa ɖagbe bó ma nɔ hu hwɛ ǎ é ɖokpó géé tíin ɖo ayǐkúngban jí fí ǎ.

Ezayíi 56:7

un ná kplá yě bǐ wá só mímɛ́ ce jí; un ná ná awǎjijɛ ɖaxó ɖé yě ɖo xwé ce gbe, fí e è nɔ xo ɖɛ ɖe é. Un ná yí vɔ̌ e yě ná sá nú mì ɖo vɔ̌sákpe ce jí lɛ́ɛ, kpódó nǔ e yě ná ná mì lɛ́ɛ kpó. Đó xwé ce ɔ́, è nǎ ylɔ́ ɖɔ: ‘Đɛxwé togun lɛ́ɛ bǐ tɔn.’ ”

Ezayíi 58:9

Énɛ́ ɔ́, a ylɔ́ Mawu Mavɔmavɔ ɔ́, é ná sɔ nú we. A sú xó bó byɔ́ alɔgɔ́ ɔ́, é ná ɖɔ nú we ɖɔ: ‘Un ɖo fí.’ Ényí a sú acɛ gannaganna kpikpa dó sín to towe mɛ, nú a jǒ adǎn gblɔ́n nú mɛ dó, nú a jǒ dǎka ɖiɖɔ dó,

Ezayíi 6:5

Énɛ́ ɔ́, un ɖɔ: “Yéége gbɛ ce vɔ! Đó nu ce mɛ́ ǎ, togun e mɛ un jɔ ɖe ɔ́ lɔ sín nu mɛ́ ǎ, nyi ɖíe ka mɔ axɔ́sú Mawu Mavɔmavɔ Nǔbǐwúkpétɔ́ ɔ́ ɖó nukún wú e!”

Ezayíi 65:24

Cóbónú yě ná ylɔ́ mì ɔ́, un ná kó sɔ nú yě, yě ná kpo ɖo xó ɖɔ wɛ cóbɔ un ná kó se xó yětɔn.

Daniyɛ́li 10:12

É ɖɔ nú mì ɖɔ: ‘Daniyɛ́li, ma ɖi xɛsi ó. Sín gbe e gbe ayi towe jɛ nǔ mɔ jí, bɔ a zě hwiɖée hwe ɖo Mawu nukɔn ɔ́, Mawu ɖo ɖɛ towe lɛ́ɛ se wɛ, bɔ un hɛn sin tɔn ja nú we.

Daniyɛ́li 10:2

“Hwenɛ́nu ɔ́, nyɛ Daniyɛ́li nɔ aluwɛ mɛ nú aklúnɔzángbla atɔn kpíkpé.

Daniyɛ́li 11:45

Xu ɔ́ kpó só mímɛ́ e ɖo to e nyɔ́ ɖɛkpɛ hú to lɛ́ɛ bǐ é kpó sín tɛ́ntin wɛ é ná bló axɔ́sú sín goxɔ tɔn lɛ́ɛ nyi. Fínɛ́ wɛ kú ná wá fyán ɛ ɖe, bɔ mɛ ɖěbǔ ná wá dó alɔ ɛ ǎ.”

Daniyɛ́li 9:16

Aklúnɔ, lɛ̌ jɛ ɖagbe towe lɛ́ɛ wa nú mǐ jí. Ma sɔ́ xomɛsin ɖaxó énɛ́ dó kpɔ́n Jeluzalɛ́mu, toxo towe, só mímɛ́ towe ná ó. Agɔ e mǐ jɛ lɛ́ɛ kpó hwɛ e tɔgbó mǐtɔn lɛ́ɛ hu lɛ́ɛ kpó zɔ́n bɔ akɔta e lɛ́ dó mǐ lɛ́ɛ ɖo zun ɖe ɖo Jeluzalɛ́mu kpó togun towe kpó wú wɛ.

Zakalíi 8:3

Énɛ́ ɔ́ wú wɛ un ɖo ɖiɖɔ wɛ ɖɔ un lɛ́ kɔ wá Jeluzalɛ́mu. Un lɛ́ wá jɛ Sinyɔ́ɔ. È nǎ nɔ ylɔ́ Jeluzalɛ́mu ɖɔ ‘Toxo e ɖo gbejí ɔ́’, bó ná nɔ́ ylɔ́ Sinyɔ́ɔ, só ce ɖɔ ‘Só mímɛ́’.

Mɛsɛ́dó 4:31

Ée yě xo ɖɛ fó ɔ́, fí e yě kplé ɖe ɔ́ dán wǔ. Yɛsinsɛn gɔ́ ayi mɛ nú yě, bɔ yě jɛ Mawuxó jlá jí, kpódó jiɖiɖe kpán.

Hlɔ̌manu 3:23

Đó gbɛtɔ́ lɛ́ɛ bǐ wɛ hu hwɛ bɔ susu e Mawu nɔ́ ná mɛ ɔ́, yě ɖó ɖě ɖ'é mɛ ǎ.

Jaki 3:2

Mǐ mɛ bǐ wɛ nɔ wa nǔ nyi do gbɔn alɔkpa gěgé mɛ. Ényí mɛɖé ma wa nǔ nyi do gbeɖé ɖo xó ɖiɖɔ tɔn lɛ́ɛ mɛ ǎ ɔ́, mɛ ma ɖó blɔ̌ ɖo wǔ wɛ nyí mɛ énɛ́; mɛ énɛ́ hɛn ɔ́, é ná lɛ́ ɖu ɖo agbaza éɖée tɔn bǐ jǐ.

Nǔɖexlɛ́mɛ 21:10

Yɛsinsɛn ɔ́ wá bɔ wɛnsagun ɔ́ zé mì yi só ɖaxó ɖé ta; só ɔ́ yi jǐ ɖésú. É xlɛ́ toxo mímɛ́ Jeluzalɛ́mu e Mawu sɛ́ dó, bɔ é ɖo te jɛ sín jǐnukúnsin wɛ ɔ́ mì.

Nǔɖexlɛ́mɛ 21:2

Un mɔ toxo mímɛ́ e nyí Jeluzalɛ́mu yɔ̌yɔ́ ɔ́ é; Mawu sɛ́ ɛ dó, bɔ é ɖo te jɛ wɛ sín jǐnukúnsin. É ɖo gbesisɔ mɛ yawó yɔ̌yɔ́ e ba acɔ́, bó ná yi asúxwé ɔ́ ɖɔhun.