Daniyɛ́li 9:2 - MAWUXÓWÉMA

² nyɛ Daniyɛ́li xa wěma mímɛ́ lɛ́ɛ, bɔ xwe kanɖé gban (70) e è nǎ sɔ́ ɖó te dó hánnyá Jeluzalɛ́mu toxo ɔ́ ná, bɔ Mawu Mavɔmavɔ ɖɔ xó tɔn nú gbeyíɖɔ Jelemíi ɔ́, un mɔ nǔ jɛ mɛ.

Daniyɛ́li 9:2 Iomraidhean Croise

2 Tan 36:21

Énɛ́ ɔ́, xó e Mawu Mavɔmavɔ ɖɔ gbɔn gbeyíɖɔ Jelemíi nu mɛ ɔ́ jɛ; é ɖɔ: “È nǎ jó to ɔ́ dó xɔ xwe kanɖé gban (70), ɖó gbɔjɛ́ e é ɖó ná gbɔjɛ́ lě e sɛ́n ɔ́ ɖɔ gbɔn, bɔ é má ká gbɔjɛ́ ǎ ɔ́ sín tɛnmɛ.”

Ɛsidlási 1:1

Hwenu e Dadá Pɛ́si tɔn Silúsi ɖo xwe ɖokpó bló wɛ ɖo axɔ́súzinkpo jí ɔ́, Mawu Mavɔmavɔ ɖɔ émí ná bló nǔ e émí ɖɔ gbɔn gbeyíɖɔ Jelemíi jí é. Énɛ́ ɔ́, é sɔ́ dó ayi mɛ nú Dadá Silúsi, bɔ ayixa tɔn mɔ ɖɔ émí ná zé nu émítɔn dó jlá xó élɔ́ gbɔn axɔ́súɖuto émítɔn bǐ mɛ, bó ná wlán.

Ɖɛhan 119:24

Sɛ́n towe lɛ́ɛ xwedó wɛ nɔ́ víví nú mì, ɖó sɛ́n towe lɛ́ɛ wɛ nɔ́ kplɔ́n nǔ mì.

Ezayíi 64:10

Xwé e è sɔ́ ɖó vo nú we ɔ́, xwé ɖagbe ɖagbe e gbe tɔ́gbó mǐtɔn lɛ́ɛ nɔ́ ji han dó kpa susu nú we ɖe ɔ́ bǐ wɛ ji myɔ, bɔ nǔ e vɛ́ nú mǐ lɛ́ɛ bǐ gba hánnyá.

Jelemíi 1:1

Xó e Jelemíi Ilukyahu ví ɔ́ ɖɔ lɛ́ɛ wɛ ɖo wěma élɔ́ mɛ. Jelemíi ɔ́, vɔ̌sánú-xwlémawutɔ́ lɛ́ɛ sín hɛ̌nnu mɛ wɛ é jɔ ɖe. Anatɔ́ti toxo mɛ wɛ é nɔ́ nɔ, ɖo akɔta Bɛnjamɛ́ɛ tɔn sín ayǐkúngban jí.

Jelemíi 25:18

Un ná mɛ e ɖo Jeluzalɛ́mu lɛ́ɛ, bó ná mɛ e ɖo Judáa toxo ɖě lɛ́ɛ mɛ lɛ́ɛ. Un ná axɔ́sú yětɔn lɛ́ɛ, bó ná gǎn hɔn-yitɔ́ e ɖo to ɔ́ mɛ lɛ́ɛ, bó ná zé to ɔ́ dó húzú to gbigba, nǔkiko, bɔ mɛɖé mɔ ɔ́, é ná sɔ́ alɔ dó nu; è ja nu dó toxo ɖé gbé ɔ́, yě wú wɛ è nǎ nɔ́ jlɛ́ dó, lě e é ɖe gbɔn égbé din é.

Jelemíi 26:18

“Axɔ́sú Judáa tɔn Ezekiyási hwenu ɖo fí ɔ́, nya gbeyíɖɔ Mawu tɔn ɖé tíin, bɔ è nɔ ylɔ́ ɛ ɖɔ Micée; nya énɛ́ ɔ́ Mɔlɛcɛ́tinu wɛ. É ɖɔ nú Judáa togun ɔ́ bǐ ɖɔ: Mi ɖótó xó e Mawu Mavɔmavɔ Nǔbǐwúkpétɔ́ ɔ́ ɖɔ é, é ɖɔ: ‘Sinyɔ́ɔ ná húzú gle lilɛ, Jeluzalɛ́mu ná húzú dǒglin, bɔ gběhan ná cyɔ́n só é jí Mawu Mavɔmavɔ sín xwé ɔ́ ɖe é.’

Jelemíi 26:6

Ényí mi ma ɖótó yě ǎ ɔ́, un ná gba xwé élɔ́ lě e un gba éé ɖo Silóo é gbɔn é. Un ná bló bɔ akɔta e ɖo ayǐkúngban jí lɛ́ɛ é ɖěbǔ ja nu dó mɛɖé gbé ɔ́, é ná ɖɔ: Nǔ e gbo Jeluzalɛ́mu é wɛ ná gbo we.’ ”

Jelemíi 27:7

Akɔta lɛ́ɛ bǐ ná nɔ acɛ tɔn mɛ, bǐ ná nɔ vǐ tɔn sín acɛ mɛ, bó nɔ vǐvú tɔn lɛ́ɛ sín acɛ mɛ, káká wá jɛ hwenu e to é ɖésúnɔ tɔn ná jɛ akɔta e syɛ́n hú i lɛ́ɛ kpó axɔ́sú e hú gǎn ɛ lɛ́ɛ kpó sín acɛ mɛ dó é.

Jelemíi 29:10

“Din ɔ́, Mawu Mavɔmavɔ lɛ́ ɖɔ: ‘Nú acɛkpikpa Babilɔ́nu tɔn bló xwe kanɖé gban (70) wá yi ɔ́, akpá e un dó nú mi ɔ́, un ná ɖe: un ná lɛ́ kɔ nú mi wá Jeluzalɛ́mu fí.

Jelemíi 7:34

Mɛ ɖé sɔ́ ná se xwe ɖuɖu, awǎjijɛ, alɔwlíhan ɖě ɖo Judáa toxo lɛ́ɛ mɛ ǎ, è nǎ se ɖo Jeluzalɛ́mu sín ali lɛ́ɛ ɖě xo ǎ. Un ná ɖó bǐ te, ɖó to ɔ́ bǐ ná gba hánnyá.”

Gbɛvíhan 1:1

Áo! Jeluzalɛ́mu ɖíe wá ɖo é ɖokpónɔ e! Toxo e mɛ gbɛtɔ́ sukpɔ́ ɖe ɖ'ayǐ káká é! Éɖíe wá ɖo é ɖokpónɔ din e! É mɛ e nyǐkɔ tɔn yi jǐ ɖo akɔta lɛ́ɛ tɛ́ntin káká ɔ́, é ɖíe wá cí asúkúsi ɖɔhun e! Đ'ayǐ ɔ́, é wɛ nyí axɔ́sú nú tokpɔn lɛ́ɛ, é wɛ kpa acɛ nú yě; é ɖíe ká wá ɖo mɛ kannu din e.

Ezekiyɛ́li 29:11

Gbɛtɔ́ kpó kanlin kpó ɖěbǔ sɔ́ ná nɔ gbɔn fínɛ́ ǎ; nǔ e ɖó funfún xomɛ é ɖěbǔ sɔ́ ná gbɔn fínɛ́ ǎ, káká nú xwe kanɖé (40).

Daniyɛ́li 9:3

Un blá nu, bó zé ati kplá, bó lɛ afín, bó dó ɖe xlɛ́ ɖɔ un húzú jijɔ, bó kpan nukɔn Aklúnɔ Mawu bó xo ɖɛ, bó sa vo n'i.

Micée 3:12

Đó midɛɛ lɛ́ɛ wú ɔ́, Sinyɔ́ɔ ná húzú gle e jí è na nɔ dó nǔ ɖe é, Jeluzalɛ́mu ná húzú zunkɔ́ta; lo ɔ́, fí e Sinsɛnxɔ Mawu tɔn e ɖo só jí ɔ́ ɖe ɔ́ bǐ ná húzú zungbó ɖó mi wú.

Zakalíi 1:12

Ée yě ɖɔ mɔ̌ ɔ́, wɛnsagun ɔ́ sú xó ɖɔ: ‘Mawu Mavɔmavɔ Nǔbǐwúkpétɔ́! Xwe kanɖé gban (70) ɖíe wɛ a ko ɖo xomɛ sin dó Judáa sín toxo lɛ́ɛ wɛ e; a sin xomɛ dó Jeluzalɛ́mu, bó sin dó toxo ɖě lɛ́ɛ lɔ. Hwetɛ́nu wɛ a ka ná gɔn nǔbláwǔ kú nú yě yi jɛ?’ ”

Zakalíi 7:5

má ɖɔ nú vɔ̌sánú-xwlémawutɔ́ lɛ́ɛ kpódó to ɔ́ mɛ nu lɛ́ɛ bǐ kpó ɖɔ: “Sín xwe kanɖé gban (70) ɖíe ɖokpóó wɛ, mi nɔ ɖo nu blá wɛ, bó nɔ ɖo vo sa wɛ ɖo sun atɔ́ɔ́ngɔ́ ɔ́ kpódó tɛ́nwegɔ́ ɔ́ kpó mɛ. É ka nyí ɖɔ mi ná nyɔ́ ɖo así ce wútu wɛ mi nɔ ɖo nu énɛ́ lɛ́ɛ blá wɛ ǎ.

Matíe 24:15

“Énɛ́ ɔ́ wútu ɔ́, mi ná mɔ suɖunú baɖabaɖa e xó gbeyíɖɔ Mawu tɔn Daniyɛ́li ko ɖɔ ɖ'ayǐ ɔ́ ɖo tɛn mímɛ́ ɔ́ mɛ. Mɛ ɖé xa nǔ énɛ́ lɛ́ɛ hǔn, ní bó mɔ nǔ jɛ wú.

Maki 13:14

“Hwenu e mi ná wá mɔ suɖunú baɖabaɖa ɔ́ ɖo tɛn e mɛ é ma ɖó ná nɔ ǎ ɔ́, (mɛ e xa nǔ énɛ́ ɔ́ ní mɔ nǔ jɛ wú); mɛ e ɖo Judée yíkúngban jí lɛ́ɛ ní hɔn yi sókan lɛ́ɛ mɛ.

Mɛsɛ́dó 8:34

Nya agooɖojǐe ɔ́ ká kanbyɔ́ Filípu ɖɔ: “Mɛ̌ xó ɖɔ wɛ gbeyíɖɔ Mawu tɔn ɔ́ ká ɖe? É ɖésú xó ɖɔ wɛ é ɖe a, abǐ mɛ ɖěvo? Kɛnklɛ́n, ɖɔ má se.”

1 Timɔtée 4:13

Cóbónú un ná wá hǔn, ɖǒ kan dó Mawuxó xixa ɖo agun mɛ , kpódó Mawuxó ɖiɖɔ kpó wú, bó lɛ́ ɖó kan dó nǔkplɔ́nmɛ wú.

Nǔɖexlɛ́mɛ 1:3

Nǔ nyɔ́ nú mɛ e ɖo wěma élɔ́ xa wɛ ɔ́, bó nyɔ́ nú mɛ e ɖo tó ɖó wɛn élɔ́ lɛ́ɛ e Mawu dó gbɔn gbeyíɖɔ tɔn lɛ́ɛ jí, bó nɔ́ bló ɖ'é jí lɛ́ɛ wɛ. Đó hwenu e Mawu ɖó bɔ nǔ énɛ́ lɛ́ɛ bǐ ná jɛ dó ɔ́ kó sɛ yá.