Daniyɛ́li 9:19 - MAWUXÓWÉMA

¹⁹ Aklúnɔ, ɖǒ tó mǐ! Aklúnɔ, zě hwɛ mǐtɔn lɛ́ɛ kɛ mǐ! Aklúnɔ, ayi towe ní nɔ mǐ wú! Mawu ce, kpɔ́n dó wǎn yíyí towe wú, bó wá jɛ hun dó to élɔ́ kpó togun élɔ́ kpó jí, ɖó nyǐkɔ towe wɛ è ylɔ́ dó yě jí.”

Daniyɛ́li 9:19 Iomraidhean Croise

2 Tan 6:21

Đǒtó xó e sú ylɔ́ we wɛ un ɖe é, bó ɖótó xó e togun towe Izlayɛ́li kpan nukɔn tɛn élɔ́ bó ɖo susu sɛ́ dó we wɛ é! Mawu Mavɔmavɔ, ɖǒtó mǐ ɖo jǐxwé fí e a nɔ nɔ é! Đǒtó mǐ, bó sɔ́ hwɛ kɛ mǐ!

2 Tan 6:39

nɔ jǐxwé, fí e a nɔ nɔ ɔ́, bó ɖótó yě; ɖǒtó vo e sa sɛ́ dó we wɛ yě ɖe é bó wá dó alɔ yě; sɔ́ hwɛ e togun towe hu dó we ɔ́ kɛ ɛ.

Ezayíi 43:7

Mi kplá mɛ e wú nyǐkɔ ce ɖe lɛ́ɛ bǐ wá; mi kplá mɛ e un ɖó lɛ́ɛ bǐ wá, mi kplá mɛ e un bló lɛ́ɛ bǐ wá, Mi kplá yě wá bónú yě ná nɔ kpa susu nú mì.”

Jelemíi 14:7

Togun ɔ́ ɖɔ: “Mawu Mavɔmavɔ, ényí nǔ e mǐ wa nyi do lɛ́ɛ na bó ɖó hwɛ nú mǐ hǔn, kɛnklɛ́n bó kpɔ́n dó nyǐkɔ towe wú, bó bló gbɔn ɖě nú mǐ, ɖó agɔ e mǐ jɛ dó we lɛ́ɛ gégé; hwɛ wɛ mǐ hu dó we.

Jelemíi 14:9

Étɛ́wú a nǎ cí mɛ ma kpé nǔɖé wú ɖɔhun? Étɛ́wú a nǎ cí mɛ e è ylɔ́ ɖɔ nǔsúɖaxó, bɔ é má ká kpé nǔɖé wǔ bó ná hwlɛ́n mɛ gán ǎ é ɖɔhun? Mawu Mavɔmavɔ, a ka ɖo tɛ́ntin mǐtɔn sín! Towe wɛ mǐ nyí hǔn! Bo ma jó mǐ dó ó.”

Jelemíi 25:29

Đó un jó Jeluzalɛ́mu, toxo e è sɔ́ ɖó vo nú mì ɔ́ dó ǎ, bó sɛ́ awě dó e, bɔ midɛɛ lɛ́ɛ wɛ un ná jó dó, bó gɔn awě sɛ́ dó mi, xomɛ vɔ́ wɛ mi ɖe ɖɔhun a? Gbeɖé kpɔ́n! Un na sɛ́ ahwan dó mɛ e ɖo ayǐkúngban ɔ́ jí lɛ́ɛ bǐ. Nǔ e nyɛ Mawu Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.’ ”

Ezekiyɛ́li 20:14

Un ka kpɔ́n dó nyǐkɔ ce wú, bó sɔ́ wa nǔ xá Izlayɛ́li togun ɔ́ gbɔn mɔ̌ ǎ, bónú togun e mɔ mì bɔ un kplá Izlayɛ́li ví lɛ́ɛ sín Ejípu ɔ́ má hu tɛ́ nú mì ó.

Ezekiyɛ́li 20:22

Un ka kpɔ́n dó nyǐkɔ ce wú, bó sɔ́ wa nǔ xá yě lě e un ɖó ná wa nǔ xá yě gbɔn é ǎ, bónú togun e mɛ yě ɖe lɛ́ɛ má hu tɛ́ nú mì ó. Ɖó togun énɛ́ lɛ́ɛ tunwun ɖɔ un ɖe tɔ́gbó mitɔn lɛ́ɛ tɔ́n sín Ejípu.

Ezekiyɛ́li 20:9

Un ka kpɔ́n dó nyǐkɔ ce wú, bó sɔ́ wa nǔ xá Izlayɛ́li togun ɔ́ gbɔn mɔ̌ ǎ; é má nyí mɔ̌ ǎ ɔ́, togun e mɛ yě ɖe lɛ́ɛ táá wá hu tɛ́ nú mì. Ɖó togun énɛ́ lɛ́ɛ tunwun ɖɔ un sɔ́ nyiɖée xlɛ́ Izlayɛ́li togun ɔ́, bó ná ɖe yě tɔ́n sín Ejípu wɛ.

Ezekiyɛ́li 36:22

Énɛ́ ɔ́ wú ɔ́, ɖɔ nú Izlayɛ́li togun ɔ́ ɖɔ xó e nyɛ Aklúnɔ Mavɔmavɔ ɖɔ ɔ́ ɖíe: Izlayɛ́li ví lɛ́ɛ mi, nǔ e bló gbé un ja ɔ́, mi wútu wɛ un ɖo nǎ bló wɛ ǎ; lo ɔ́, è nǎ sí nyǐkɔ ce e mi hɛn blí gbɔn to ɖěɖě mɛ mi gbɔn lɛ́ɛ wǔtu wɛ.

Ezekiyɛ́li 39:25

“Amɔ̌, nǔ e ɖɔ wɛ nyɛ Aklúnɔ Mavɔmavɔ ɖe ɔ́ ɖíe: Bɛ́ sín din ɔ́, un ná nɔ́ kú nǔbláwǔ nú Izlayɛ́li ví lɛ́ɛ. Un ná húzú ninɔmɛ yě Jakɔ́bu ví lɛ́ɛ tɔn, bó ná ɖɔ bó dó sɛ́n d'é jí, bɔ sísí e è ɖǒ ná ɖó nú nyǐkɔ mímɛ́ ce ɔ́, mɛ bǐ ná ɖó.

Daniyɛ́li 9:18

Mawu ce, ɖǒtó ganjí, bó zé nukún towe dó kpɔ́n ná tlítlí. Kpɔ́n lě e to mǐtɔn élɔ́ e ɖo acɛ towe mɛ ɔ́ hánnyá bó cí é! Ée mǐ ka ɖo vo sa nú we wɛ ɔ́, é nyí nyɔ̌wa mǐtɔn wú wɛ mǐ gán jɛ ǎ; lo ɔ́, wǎn yíyí towe ma ɖó dogbó ɔ́ wú wɛ mǐ gán jɛ.

Amɔ́si 7:2

Ée wɛn ɖu gběhan e ɖo to ɔ́ mɛ lɛ́ɛ bǐ ɔ́, un ɖɔ: “Aklúnɔ Mavɔmavɔ, kɛnklɛ́n sɔ́ hwɛ e togun towe hu ɔ́ kɛ ɛ. É má nyí mɔ̌ ǎ ɔ́, éé mɛ e hwe sɔ mɔ̌ ɔ́, nɛ̌ wɛ é ka ná sixú lɛ́ nɔ gbɛ gbɔn?”

Kɛ́nsísɔ́ 14:19

Mawu Mavɔmavɔ, kɛnklɛ́n kpɔ́n dó xomɛnyínyɔ́ towe wú, bó zé hwɛ e togun élɔ́ hu ɔ́ kɛ ɛ, lě e a ko nɔ bló gbɔn n'i sín Ejípu káká wá jɛ fí é.”

Kɛ́nsísɔ́ 6:27

Hwenu e vɔ̌sánú-xwlémawutɔ́ lɛ́ɛ ná ylɔ́ nyǐkɔ ce, bó dó xo ɖɛ dó Izlayɛ́li ví lɛ́ɛ jí gbɔn mɔ̌ ɔ́, nyɛ ɖésúnɔ ná xo ɖɛ dó yě jí.

Luki 11:8

Ma ɖɔ nú mi: ényí é má kpɔ́n dó xɔ́ntɔn e yě nyí ɔ́ wú ǎ ɔ́, é ná kpɔ́n dó tagba e dó n'i wɛ é ɖe é wú, bó ná sí te wá ná ɛ nǔ e hu dó e lɛ́ɛ é bǐ.

Mɛsɛ́dó 15:17

nú mɛ e kpo lɛ́ɛ bǐ ná ba Aklúnɔ; mɔ̌ ɖokpó ɔ́, mɛ e ma nyí Jwifu ǎ, bɔ un ylɔ́ nú yě ná nyí ce lɛ́ɛ bǐ ná ba Aklúnɔ.’

Efɛ́zinu 1:12

Mǐ mɛ Jwifu lɛ́ɛ wɛ nyí mɛ nukɔntɔn e ɖo nukún ɖó nǔ wɛ ɖo Klísu mɛ lɛ́ɛ é; hǔn mǐ ní bó kpa susu Mawu tɔn.

Efɛ́zinu 1:6

Mǐ ní bó kpa Mawu, ɖó é ná fɛ́nú tɔn susunɔ ɔ́ mǐ kpó xomɛhunhun kpó, ɖo Vǐ tɔn vívɛ́ná ɔ́ mɛ.

Efɛ́zinu 3:10

bónú din ɔ́, gǎn lɛ́ɛ kpódó hlɔ̌nhlɔ́n e ɖo gbɛ e mǐ ma ɖo mimɔ wɛ ǎ mɛ lɛ́ɛ kpó ní mɔ nukúnnú jɛ nǔnywɛ́ Mawu tɔn wú gbɔn alɔ bǐ mɛ gbɔn agun ɔ́ gbla mɛ.