Daniyɛ́li 9:18 - MAWUXÓWÉMA

¹⁸ Mawu ce, ɖǒtó ganjí, bó zé nukún towe dó kpɔ́n ná tlítlí. Kpɔ́n lě e to mǐtɔn élɔ́ e ɖo acɛ towe mɛ ɔ́ hánnyá bó cí é! Ée mǐ ka ɖo vo sa nú we wɛ ɔ́, é nyí nyɔ̌wa mǐtɔn wú wɛ mǐ gán jɛ ǎ; lo ɔ́, wǎn yíyí towe ma ɖó dogbó ɔ́ wú wɛ mǐ gán jɛ.

Daniyɛ́li 9:18 Iomraidhean Croise

1 Axɔ́sú 8:29

Nukún towe ní ɖo xɔ élɔ́ jí zǎn kéze, tɛn élɔ́ e mɛ a ɖɔ émí ná nɔ é! Đǒtó ɖɛ e nyɛ mɛsɛntɔ́ towe ɖo tɛn élɔ́ mɛ, bó ɖo xixo sɛ́ dó we wɛ é!

2 Axɔ́sú 19:16

Mawu Mavɔmavɔ, ɖǒtó ganjí; kpɔ́n ganjí. Hwi Mawu gbɛɖe ɔ́, kpɔ́n lě do e mɛ e Senakelíbu sɛ́ dó lɛ́ɛ zun we sɔ é.

Ɖɛhan 116:1

Un yí wǎn nú Mawu Mavɔmavɔ, ɖó un sú xó ylɔ́ ɛ ɔ́, é nɔ́ se.

Ɖɛhan 25:6

Mawu Mavɔmavɔ, flín nǔbláwǔkúnúmɛ towe kpódó xomɛnyínyɔ́ towe kpó, ɖó a nɔ ɖe nǔbláwǔkúnúmɛ towe kpó xomɛnyínyɔ́ towe kpó xlɛ́ sín do.

Tíntɔ́n 3:7

Mawu Mavɔmavɔ ɖɔ: “Un mɔ ya e ji wɛ togun ce Izlayɛ́li ɖe ɖo Ejípu ɔ́. Un se xó e sú wɛ é ɖe ɖó nǔ e wa xá ɛ wɛ azɔ̌gán lɛ́ɛ ɖe ɔ́ wú é. Un tunwun wǔvɛ́ e mɔ wɛ é ɖe ɔ́ ganjí.

Ezayíi 37:17

Mawu Mavɔmavɔ, ɖǒtó ganjí; kpɔ́n ganjí. Hwi Mawu gbɛɖe ɔ́, kpɔ́n lě do mɛ e Senakelíbu sɛ́ dó lɛ́ɛ zun we sɔ é.

Ezayíi 43:7

Mi kplá mɛ e wú nyǐkɔ ce ɖe lɛ́ɛ bǐ wá; mi kplá mɛ e un ɖó lɛ́ɛ bǐ wá, mi kplá mɛ e un bló lɛ́ɛ bǐ wá, Mi kplá yě wá bónú yě ná nɔ kpa susu nú mì.”

Ezayíi 64:6

Mɛ ɖé sɔ́ nɔ́ xomlá we ǎ. Mɛ ɖé sín ayi ka sɔ́ mɔ nǔ bónú é ná wá su we ǎ. Đó a ɖe kɔ dó mǐ, a jǒ mǐ dó nyi hwɛgban mǐtɔn lɛ́ɛ glɔ́.

Jelemíi 14:7

Togun ɔ́ ɖɔ: “Mawu Mavɔmavɔ, ényí nǔ e mǐ wa nyi do lɛ́ɛ na bó ɖó hwɛ nú mǐ hǔn, kɛnklɛ́n bó kpɔ́n dó nyǐkɔ towe wú, bó bló gbɔn ɖě nú mǐ, ɖó agɔ e mǐ jɛ dó we lɛ́ɛ gégé; hwɛ wɛ mǐ hu dó we.

Jelemíi 14:9

Étɛ́wú a nǎ cí mɛ ma kpé nǔɖé wú ɖɔhun? Étɛ́wú a nǎ cí mɛ e è ylɔ́ ɖɔ nǔsúɖaxó, bɔ é má ká kpé nǔɖé wǔ bó ná hwlɛ́n mɛ gán ǎ é ɖɔhun? Mawu Mavɔmavɔ, a ka ɖo tɛ́ntin mǐtɔn sín! Towe wɛ mǐ nyí hǔn! Bo ma jó mǐ dó ó.”

Jelemíi 15:16

Nú xó ɖé tɔ́n sín nu towe mɛ bó jɛ tó ce mɛ lě ɔ́, tlóló jɛ́n un nɔ wɔ ɖu; xó towe nɔ́ dó xomɛhunhun nú mì, bó nɔ ná awǎjijɛ mì. Mawu Mavɔmavɔ, Mawu Nǔbǐwúkpétɔ́, nyǐkɔ towe wɛ ɖo wǔ ce.

Jelemíi 25:29

Đó un jó Jeluzalɛ́mu, toxo e è sɔ́ ɖó vo nú mì ɔ́ dó ǎ, bó sɛ́ awě dó e, bɔ midɛɛ lɛ́ɛ wɛ un ná jó dó, bó gɔn awě sɛ́ dó mi, xomɛ vɔ́ wɛ mi ɖe ɖɔhun a? Gbeɖé kpɔ́n! Un na sɛ́ ahwan dó mɛ e ɖo ayǐkúngban ɔ́ jí lɛ́ɛ bǐ. Nǔ e nyɛ Mawu Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.’ ”

Jelemíi 36:7

Vlafo, yě sixú sa vo nú Mawu Mavɔmavɔ bɔ é ná se, bɔ mɛ ɖokpó ɖokpó ná jó gbɛ nyanya e zán wɛ é ɖe ɔ́ dó. Đó xomɛsin e jí Mawu Mavɔmavɔ ɖe ɔ́ syɛ́n ɖésú; adǎn yětɔn e gblɔ́n wɛ é ɖe ɔ́ vɛ́ jlɛ́.”

Jelemíi 37:20

“Axɔ́sú Sɛ́mɛɖó, ɖǒtó mì. Yǐ vo e sa nú we wɛ un ɖe ɔ́! Ma lɛ́ kɔ nú mì sɛ́ dó wěgbójínɔtɔ́ Yexonatáni xwé gbe ó; un yi dɔ̌n ɔ́, un ná kú jɛ dɔ̌n.”

Ezekiyɛ́li 36:22

Énɛ́ ɔ́ wú ɔ́, ɖɔ nú Izlayɛ́li togun ɔ́ ɖɔ xó e nyɛ Aklúnɔ Mavɔmavɔ ɖɔ ɔ́ ɖíe: Izlayɛ́li ví lɛ́ɛ mi, nǔ e bló gbé un ja ɔ́, mi wútu wɛ un ɖo nǎ bló wɛ ǎ; lo ɔ́, è nǎ sí nyǐkɔ ce e mi hɛn blí gbɔn to ɖěɖě mɛ mi gbɔn lɛ́ɛ wǔtu wɛ.

Ezekiyɛ́li 36:32

Mi ka ná tunwun ganjí ɖɔ é kún nyí midɛɛ lɛ́ɛ wú wɛ un ɖo nǔ wa gbɔn mɔ̌ wɛ ó. Xó e nyɛ Aklúnɔ Mavɔmavɔ ɖɔ ɔ́ nɛ́. Winnyá wɛ ló hu mi Izlayɛ́li ví lɛ́ɛ bónú mi dó kɔ do ɖó nǔ e mi wa lɛ́ɛ wú.

Daniyɛ́li 9:7

Hwi Aklúnɔ ɔ́, a hu hwɛ ɖě ǎ. Amɔ̌, mǐdɛɛ lɛ́ɛ ɔ́, mǐɖée jɛ́n mǐ ná zé hwe lě e mǐ ɖ'é wú gbɔn égbé din é, mǐ kpó Jeluzalɛ́munu lɛ́ɛ kpódó Judáa ví lɛ́ɛ kpó, kpódó Izlayɛ́li ví ɖě lɛ́ɛ e gbejí ma nɔ nú we yětɔn zɔ́n, bɔ a nya yě, bɔ yě gba kpé to lɛ́ɛ mɛ to lɛ́ɛ mɛ lɛ́ɛ kpó. Mɛ ɖě ɖo dokɔ fí, bɔ mɛɖé lɛ́ɛ yi cí to línlín mɛ.

Kɛ́nsísɔ́ 6:27

Hwenu e vɔ̌sánú-xwlémawutɔ́ lɛ́ɛ ná ylɔ́ nyǐkɔ ce, bó dó xo ɖɛ dó Izlayɛ́li ví lɛ́ɛ jí gbɔn mɔ̌ ɔ́, nyɛ ɖésúnɔ ná xo ɖɛ dó yě jí.

1 Kɔlɛ́ntinu 1:2

wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é wɛ, bó ɖo wlǎnwlán sɛ́ dó yě mɛ e Mawu ylɔ́, bɔ yě ná nɔ gbɛ n'i, ɖo bǔ e yě ɖe xá Klísu Jezu ɔ́ mɛ lɛ́ɛ wɛ, bó ɖo wlǎnwlán sɛ́ dó mɛ e nyí étɔn lɛ́ɛ kpó mɛ e nɔ ɖo Aklúnɔ mǐtɔn Jezu Klísu sín nyǐkɔ ylɔ́ wɛ ɖo fí ɖěbǔ e yě ɖe lɛ́ɛ é bǐ kpó wɛ. Aklúnɔ Jezu Klísu ɔ́ wɛ nyí Aklúnɔ yětɔn, bó nyí mǐ lɔmɔ̌ tɔn.