Daniyɛ́li 9:16 - MAWUXÓWÉMA

¹⁶ Aklúnɔ, lɛ̌ jɛ ɖagbe towe lɛ́ɛ wa nú mǐ jí. Ma sɔ́ xomɛsin ɖaxó énɛ́ dó kpɔ́n Jeluzalɛ́mu, toxo towe, só mímɛ́ towe ná ó. Agɔ e mǐ jɛ lɛ́ɛ kpó hwɛ e tɔgbó mǐtɔn lɛ́ɛ hu lɛ́ɛ kpó zɔ́n bɔ akɔta e lɛ́ dó mǐ lɛ́ɛ ɖo zun ɖe ɖo Jeluzalɛ́mu kpó togun towe kpó wú wɛ.

Daniyɛ́li 9:16 Iomraidhean Croise

Nɛɛmíi 9:8

A mɔ lě e é ɖo gbejí nú we gbɔn é. Énɛ́ ɔ́ wútu ɔ́, a jɛ akɔ xá ɛ, bó dó akpá n'i ɖɔ émí ná ná ɛ Kanáanu lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Jebuzinu lɛ́ɛ kpó Giigacíti lɛ́ɛ kpó sín to, bónú vǐ tɔn lɛ́ɛ ná nɔ fínɛ́. Akpá e a dǒ ɔ́, a ka ɖe, a nɔ dó akpá bó nɔ gɔn ɖiɖe ǎ.

Ɖɛhan 143:1

Davídi sín han Mawu Mavɔmavɔ, se ɖɛ ce, ɖǒtó vo e sa nú we wɛ un ɖe é. Hwɛjijɔnɔ wɛ a nyǐ, bó nyí gbejíninɔ; bo se ɖɛ ce!

Ɖɛhan 31:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ.

Ɖɛhan 41:13

Mawu Mavɔmavɔ, a kpé nukún dó wǔ ce ɖo gbejíninɔ ce mɛ, a nǎ hɛn mì ɖó gɔ̌n towe káká sɔ́yi.

Ɖɛhan 71:2

Xɔ mì ɖo hwɛjijɔ towe mɛ; ɖe mì sɔ́ nyi te. Đǒtó mì bó hwlɛ́n mì gán.

Ɖɛhan 79:4

A sɔ́ mǐ dó húzú zuntín nú mɛ e ɖo akpá mǐtɔn lɛ́ɛ; mǐ húzú slǎmɛ ɖɔ nú, mǐ húzú nǔkiko nú mɛ e lɛ́ lɛ̌ dó mǐ lɛ́ɛ.

Ɖɛhan 85:4

A jǒ xomɛ e sin dó e wɛ a ɖe ɔ́ dó; a sɔ́ ɖo adǎn jí ǎ.

Ɖɛhan 89:51

Aklúnɔ, flín cí e è kɔn dó mɛsɛntɔ́ towe lɛ́ɛ wú é; flín ɖɔ nyɛ wɛ ɖo agban mɛ énɛ́ lɛ́ɛ bǐ tɔn hɛn wɛ.

Tíntɔ́n 20:5

Ma jɛ kpo bo ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ́, un nɔ ba gbeɖé ɖɔ a nǐ sɛn nǔ ɖěvo zɛ nyɛ wú ǎ; ényí mɛɖé gbɛ́ wǎn nú mì ɔ́, vǐ tɔn lɛ́ɛ ná sún sin tɔn, vǐvú tɔn lɛ́ɛ, vitikli tɔn lɛ́ɛ kpódó kpaba tɔn lɛ́ɛ kpó ná sún sin tɔn.

Ezayíi 5:25

Énɛ́ ɔ́ wú wɛ Mawu Mavɔmavɔ sin xomɛ ɖaxó ɖé dó togun tɔn. É dlɛ́n alɔ bó dó nǔ i. Só lɛ́ɛ dán wǔ, cyɔ gbɔn ali jí ali jí zunkɔ́ ɖɔhun. Énɛ́ ká kó fá xomɛ nú Mavɔmavɔ ǎ, alɔ tɔn kpo ɖo dlɛ̌ndlɛ́n.

Jelemíi 24:9

Énɛ́ ɔ́, axɔ́súɖuto e ɖo gbɛ ɔ́ mɛ lɛ́ɛ ɖěbǔ mɔ yě ɔ́, xɛsi ɖaxó ɖé ná nɔ́ jɛ yě jí. Fí e un ná gba yě dó gbɔn lɛ́ɛ bǐ ɔ́, è ja mɛ zun gbé oo, è ja mɛ cá ko gbé oo, è ja han kpa dó mɛ gbé oo, è ja nu dó mɛ gbé oo ɔ́, yě wú wɛ è nǎ nɔ́ jlɛ́ dó.

Jelemíi 29:18

Un ná zé ahwan kpó adɔ kpó jɛmɛjí kpó dó jɛ gǒ mɛ nú yě. Un ná bló mɔ̌ xá yě, bɔ è ja nu dó mɛɖé gbé ɔ́, yě wú wɛ è nǎ nɔ́ jlɛ́ dó; axɔ́súɖuto e ɖo gbɛ ɔ́ mɛ lɛ́ɛ mɔ ɔ́, xɛsi ná jɛ yě jí; è mɔ yě ɔ́, è nǎ nɔ́ sɔ́ alɔ ɖó nu; yě ná húzú nǔkiko; yě ná húzú winnyá ɖo akɔta e mɛ un ná gba yě dó gbɔn lɛ́ɛ,

Jelemíi 32:31

Sín gbe e gbe è ɖǒ Jeluzalɛ́mu toxo ɔ́ ayǐ ɔ́ jɛ́n é kó ɖo xomɛsin dó nú mì wɛ, bó ɖo winnyá dó mì wɛ káká wá jɛ égbé; nǔ énɛ́ wɛ zɔ́n bɔ un ma sɔ́ jló ná mɔ ɛ ɖó nukún wú ǎ.

Jelemíi 32:32

Nǔ nyanya e Izlayɛ́linu lɛ́ɛ kpó Judáanu lɛ́ɛ kpó wa ɔ́ vɛ́ nú mì. Nǔ e yě kpó axɔ́sú yětɔn lɛ́ɛ, gǎn yětɔn lɛ́ɛ, vɔ̌sánú-xwlémawutɔ́ yětɔn lɛ́ɛ, gbeyíɖɔ yětɔn lɛ́ɛ, Jeluzalɛ́munu lɛ́ɛ kpó Judáanu ɖě lɛ́ɛ kpó wa ɔ́ vɛ́ nú mì.

Ezekiyɛ́li 22:4

Mɛ e a hu lɛ́ɛ ɔ́, hwɛ tɔn ɖo kɔ nú we. Vodún e a lǐ lɛ́ɛ hɛn we blí. Nǔ énɛ́ lɛ́ɛ e a blǒ lɛ́ɛ zɔ́n bɔ è sɛ azǎn e è nǎ dó ɖó hwɛ nú we ɔ́ wá do, bɔ xwe e xwe è nǎ fó xó towe ɔ́ kó ja. Énɛ́ ɔ́ wú wɛ un ná jó we nú togun ɖě lɛ́ɛ, bɔ yě ná nɔ zun we; akɔta ɖě lɛ́ɛ bǐ ná nɔ́ ɖɔ nyɔmɛ wǔ we.

Ezekiyɛ́li 5:14

Mɛ e ɖo to e lɛ́ lɛ̌ dó mi lɛ́ɛ mɛ lɛ́ɛ, kpó aligbɔntɔ́ lɛ́ɛ kpó ná mɔ ɖɔ un gba Jeluzalɛ́mu toxo ɔ́ hánnyá, bó kɔ́n wi tɔn.

Daniyɛ́li 11:45

Xu ɔ́ kpó só mímɛ́ e ɖo to e nyɔ́ ɖɛkpɛ hú to lɛ́ɛ bǐ é kpó sín tɛ́ntin wɛ é ná bló axɔ́sú sín goxɔ tɔn lɛ́ɛ nyi. Fínɛ́ wɛ kú ná wá fyán ɛ ɖe, bɔ mɛ ɖěbǔ ná wá dó alɔ ɛ ǎ.”

Daniyɛ́li 9:20

“Un kpo ɖo ɖɛ xo wɛ, bó kpo ɖo hwɛ ce lɛ́ɛ kpódó ée togun ce Izlayɛ́li hu ɔ́ kpó ɖɔ nú Mawu Mavɔmavɔ, Mawu ce wɛ. Un sa vo n'i dó só mímɛ́ tɔn tamɛ.

Zakalíi 8:3

Énɛ́ ɔ́ wú wɛ un ɖo ɖiɖɔ wɛ ɖɔ un lɛ́ kɔ wá Jeluzalɛ́mu. Un lɛ́ wá jɛ Sinyɔ́ɔ. È nǎ nɔ ylɔ́ Jeluzalɛ́mu ɖɔ ‘Toxo e ɖo gbejí ɔ́’, bó ná nɔ́ ylɔ́ Sinyɔ́ɔ, só ce ɖɔ ‘Só mímɛ́’.

2 Tɛsalonikinu 1:6

Đó Mawu ná wa nǔ e sɔgbe ɔ́; é ná dó ya nú mɛ e ɖo ya dó nú mi wɛ lɛ́ɛ;

1 Jǎan 1:9

Ényí mǐ ka ɖɔ hwɛ mǐtɔn lɛ́ɛ nú Mawu ɔ́, mǐ hɛn ɔ́, mǐ ná ɖeji dó wǔ tɔn, ɖó nǔ jlɔ́jlɔ́ wɛ é nɔ wa; é ná sɔ́ hwɛ mǐtɔn lɛ́ɛ kɛ mǐ, bó ná lɛ mǐ wé sín nǔ nyanya e mǐ wa lɛ́ɛ bǐ mɛ.

1 Samuwɛ́li 2:7

Mawu Mavɔmavɔ wɛ nɔ dó ya mɛ, bo nɔ lɛ́ dó dɔkun nú mɛ. É wɛ nɔ́ zé mɛ hwe, é wɛ ká nɔ́ lɛ́ zé mɛ su.