Daniyɛ́li 9:14 - MAWUXÓWÉMA

¹⁴ Énɛ́ ɔ́ wɛ zɔ́n bɔ a sɛ́ nyladó énɛ́ lɛ́ɛ dó mǐ. Nǔgbó wɛ Mawu Mavɔmavɔ, Mawu mǐtɔn, nǔ e a nɔ wa lɛ́ɛ bǐ wɛ nɔ sɔgbe; lo ɔ́, mǐ nɔ́ ɖó tó nǔ e a nɔ kplɔ́n mɛ lɛ́ɛ ǎ.

Daniyɛ́li 9:14 Iomraidhean Croise

2 Tan 12:6

Ée yě se mɔ̌ ɔ́, axɔ́sú ɔ́ kpó gǎn lɛ́ɛ kpó yí hwɛ yětɔn lɛ́ɛ gbe, bó ɖɔ: “Mawu Mavɔmavɔ sín hwɛ jɔ.”

Ɛsidlási 9:15

Mawu Mavɔmavɔ, Mawu Izlayɛ́li tɔn, nǔ jlɔ́jlɔ́ wɛ a nɔ wa, ɖó a jǒ mɛɖé lɛ́ɛ dó nyi gbɛ ɖo mǐ mɛ káká wá jɛ égbé. Mǐ ɖíe ɖo nukɔn towe kpó hwɛgban mǐtɔn lɛ́ɛ kpó e. Mɛ ɖé ká sixú nɔ mɔ̌, bó nɔ te nukɔn towe ǎ!”

Nɛɛmíi 9:33

A wa nǔ kpó hwɛjijɔ kpó, ɖo nǔ e gbo mǐ lɛ́ɛ bǐ mɛ, ɖó a ɖe gbejíninɔ towe xlɛ́, mǐdɛɛ lɛ́ɛ ka hu hwɛ dó we.

Ɖɛhan 111:7

Nǔ e é sɔ́ alɔ tɔn dó bló lɛ́ɛ nɔ́ ɖe xlɛ́ ɖɔ é nyí gbejínɔtɔ́, é nyí hwɛjijɔnɔ. Nǔ e é zɔ́n ɖɔ è wa lɛ́ɛ bǐ wɛ nyí nǔ ɖeji d'é wú,

Ɖɛhan 116:5

Mawu Mavɔmavɔ nɔ nyɔ́ xomɛ, é nɔ́ wa nǔ jlɔ́jlɔ́, Mawu mǐtɔn ɔ́, mɛ nú nɔ́ blá wǔ n'i.

Ɖɛhan 119:137

Mawu Mavɔmavɔ, hwɛjijɔnɔ wɛ a nyǐ, hwɛ e a nɔ ɖɔ lɛ́ɛ nɔ́ sɔgbe.

Ɖɛhan 51:14

Nǎ awǎjijɛ mì ɖó hwlɛ̌n e a hwlɛ̌n mì gán é wú. Sɔ́ ayixa e nɔ ɖɔ bó nɔ́ bló ɖ'é jí é dó xomɛ nú mì.

Tíntɔ́n 9:27

Bɔ axɔ́sú ɔ́ ylɔ́ Mɔyízi kpó Aalɔ́ɔn kpó bó ɖɔ nú yě ɖɔ: “Din tɔn ɔ́, nyɛ wɛ hu hwɛ; Mawu Mavɔmavɔ wɛ nyí hwɛjijɔnɔ, nyɛ kpó togun ce kpó wɛ wa nǔ nyi do.

Jelemíi 12:1

Mawu Mavɔmavɔ, a nyǐ hwɛjijɔnɔ sɔ mɔ̌ bɔ un sixú mɔ nǔ jɛ do ɖěbǔ ɖo nǔ e a wa lɛ́ɛ wú ǎ. É ká ɖo mɔ̌ có, un jló ná ɖɔ xó xá we dó hwɛjijɔ wú: Étɛ́wú mɛ e ka nyí mɛdídá lɛ́ɛ ɔ́ nǔ ka nɔ́ nyɔ́ nú yě? Étɛ́wú gbɛtɔ́ e nyí nuwenɔ lɛ́ɛ bǐ ká nɔ́ vo?

Jelemíi 31:28

Káká jɛ din ɔ́, un húzú kpan nukɔn yě, bó hɔn yě atín ɖɔhun; un gbo yě atín ɖɔhun; un hɛn nǔ gblé; un dó nǔ ahannya; un wa nǔ xá yě; amɔ̌, din ɔ́, un ná bló nǔ bǐ nú yě bó ná vɔ́ yě gbá xɔ ɖɔhun; un ná vɔ́ yě tun atín ɖɔhun. Nyɛ Mawu Mavɔmavɔ wɛ ɖɔ mɔ̌.

Jelemíi 4:17

Yě lɛ́ lɛ̌ dó Jeluzalɛ́mu toxo ɔ́ glecɔ́tɔ́ lɛ́ɛ lɛ́ lɛ̌ dó gle ɖɔhun. Gǔ e Jeluzalɛ́mu toxo ɔ́ fɔ́n dó jǐ ce ɔ́ wú wɛ un ɖɔ mɔ̌. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 44:27

Un ná wa nǔ xá mi, un ná wa ɖagbe nú mi ǎ, un ná jó dó ǎ. Ahwan kpó adɔ kpó ná hu mi Judáanu e ɖo fí lɛ́ɛ bǐ, mi bǐ nǎ vɔ.

Gbɛvíhan 1:5

Kɛntɔ́ tɔn lɛ́ɛ ɖu ɖo jǐ tɔn; kɛntɔ́ tɔn lɛ́ɛ ɖo vivo mɛ. Mawu Mavɔmavɔ wɛ ɖo ya dó n'i wɛ; é ɖo ya dó n'i wɛ ɖó nǔ nyanya tobutóbú e é dó sin lɛ́ɛ wú. Mɛ e ɖu ɖo jǐ tɔn lɛ́ɛ wlí vǐ tɔn lɛ́ɛ hɛn yi.

Ezekiyɛ́li 16:43

A sɔ́ flín nǔ e un nyí nú we hwenu e a ɖo vǔ é ǎ, bó blǒ nǔ énɛ́ lɛ́ɛ dó dó xomɛsin nú mì. Din ɔ́, un ná zé nǔ e a wa ɔ́ sín bǎ dó xo we. É má nyí hɛ̌nnú nɛ́ a wa gɔ́ nú nǔ baɖabaɖa e a dǒ sin lɛ́ɛ é nɛ́ ǎ cé? Xó e nyɛ Aklúnɔ Mavɔmavɔ ɖɔ é nɛ́.”

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 9:7

Hwi Aklúnɔ ɔ́, a hu hwɛ ɖě ǎ. Amɔ̌, mǐdɛɛ lɛ́ɛ ɔ́, mǐɖée jɛ́n mǐ ná zé hwe lě e mǐ ɖ'é wú gbɔn égbé din é, mǐ kpó Jeluzalɛ́munu lɛ́ɛ kpódó Judáa ví lɛ́ɛ kpó, kpódó Izlayɛ́li ví ɖě lɛ́ɛ e gbejí ma nɔ nú we yětɔn zɔ́n, bɔ a nya yě, bɔ yě gba kpé to lɛ́ɛ mɛ to lɛ́ɛ mɛ lɛ́ɛ kpó. Mɛ ɖě ɖo dokɔ fí, bɔ mɛɖé lɛ́ɛ yi cí to línlín mɛ.