Daniyɛ́li 9:12 - MAWUXÓWÉMA

¹² A ɖe gbe bɔ nǔ e a ɖɔ dó mǐ ɖésúnɔ kpó gǎn e ɖo acɛ kpa nú mǐ wɛ lɛ́ɛ kpó wú ɔ́ jɛ; a ɖe gbe bɔ nyladó e ma jɛ ɖo fí ɖé kpɔ́n gbeɖé ǎ ɔ́ jɛ dó mǐ jí ɖo Jeluzalɛ́mu.

Daniyɛ́li 9:12 Iomraidhean Croise

1 Axɔ́sú 3:9

Énɛ́ ɔ́ wú ɔ́, nǎ nǔnywɛ́ e nyɛ mɛsɛntɔ́ towe ná sixú ɖó bó nɔ togun towe nu, bó ná sixú tunwun nǔ ɖagbe kpó nǔ nyanya kpó. Énɛ́ ɔ́ mɛ vo ɔ́, mɛ ɖěbǔ sixú nɔ togun towe wɔ̌buwɔ́bú énɛ́ ɔ́ nu ǎ.”

2 Axɔ́sú 22:16

‘Xó e Mawu Mavɔmavɔ, Mawu Izlayɛ́li tɔn ɔ́ ɖɔ ɔ́ ɖíe: Un ná sɛ́ awě dó toxo élɔ́, bó sɛ́ dó mɛ e ɖo toxo ɔ́ mɛ lɛ́ɛ lě e Judáa xɔ́sú ɔ́ xa gbɔn ɖo sɛ́nwéma ɔ́ mɛ é.’

Jɔ̌bu 12:17

É nɔ́ jlɛ́ nǔ xá gbɛtɔ́ tonukún lɛ́ɛ bɔ yě nɔ́ zɔn afɔ vɔ́; é nɔ́ wlú tamɛ nú gǎn lɛ́ɛ.

Ɖɛhan 148:11

Mi axɔ́sú e ɖo ayǐkúngban jí lɛ́ɛ mi, akɔta akɔta lɛ́ɛ mi, mi gǎn gǎn lɛ́ɛ mi, mi hwɛɖɔtɔ́ ayǐkúngban jí tɔn lɛ́ɛ mi,

Ɖɛhan 2:10

Axɔ́sú lɛ́ɛ mi, din ɔ́, ayi mitɔn ní mɔ nǔ, gǎn gbɛmɛ fí tɔn lɛ́ɛ mi, mi gbɔ nú è nǐ kplɔ́n nǔ mi.

Nǔnywɛ́xó 8:16

Nyi wɛ nyí tɔn gǎn lɛ́ɛ nɔ́ kpa acɛ; nyi wɛ nyí tɔn gbɛtɔ́ nukúnɖéjí lɛ́ɛ kpó hwɛɖɔtɔ́ e ɖo ayǐkúngban jí lɛ́ɛ bǐ kpó nɔ́ kpa acɛ.

Ezayíi 43:28

Énɛ́ ɔ́, un kɔ́n gǎn gǎn e un sɔ́ lɛ́ɛ, un jó Jakɔ́bu togun ɔ́ bɔ è gba, un jó Izlayɛ́li dó bɔ é húzú slǎmɛɖɔnú nú kɛntɔ́ tɔn lɛ́ɛ.”

Ezayíi 44:26

Amɔ̌, nǔ e mɛsɛntɔ́ ce lɛ́ɛ ɖɔ ɔ́, un nɔ bló, xó e mɛsɛ́dó ce lɛ́ɛ ɖɔ lɛ́ɛ ɔ́, un nɔ bló bɔ bǐ nɔ́ nyí wiwa. Un ɖɔ dó Jeluzalɛ́mu wú ɖɔ: ‘É ná vɔ́ ji gba. È nǎ bló nǔ e gblé lɛ́ɛ bǐ ɖó.’ Un ɖɔ dó toxo Judáa tɔn lɛ́ɛ wú ɖɔ: ‘È nǎ vɔ̌ toxo lɛ́ɛ gbá.’

Jelemíi 30:7

Awě tɛ́ ɖíe! Azǎn baɖabaɖa ɖé wɛ, ayǐ mɔ̌hun ko hɔ́n kpɔ́n ǎ. Aluwɛ zán wɛ é nyí nú Jakɔ́bu ví lɛ́ɛ! Amɔ̌, yě ná tɔ́n sín mɛ, wǔyɛ́yɛ́ afɔyɛ́yɛ́.”

Jelemíi 32:23

Yě wá yí to ɔ́. Amɔ̌, yě ɖótó gbe towe ǎ, yě nyi sɛ́n towe ǎ. Nǔ e a ɖɔ yě ní wa lɛ́ɛ ɔ́, yě bló ǎ. Énɛ́ ɔ́ wú wɛ a sɛ́ nǔ nyanya e ɖo jijɛ wɛ égbé din ɔ́ bǐ dó.

Jelemíi 39:16

“Yi Evɛ́di-Mɛlɛ́ki Etiopíinu ɔ́ gɔ́n, bó ɖɔ n'i ɖɔ: ‘Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ é ɖíe: un ɖɔ nú mɛ e ɖo toxo élɔ́ mɛ lɛ́ɛ ɖɔ nǔɖé ná jɛ dó yě jí, é kún ka ná nyí nǔ ɖagbe ó; nǔ nyanya wɛ é ná nyí. Énɛ́ ɔ́, nǔ e un ko ɖɔ ɖ'ayǐ ɔ́ ná jɛ din bɔ hwi ɖésú ná mɔ.

Jelemíi 44:23

Vodún lɛ́ɛ e mi sá vɔ̌ ná ɔ́ wú wɛ awě élɔ́ ɖo mi xo wɛ égbé din, mi hu hwɛ dó Mawu Mavɔmavɔ ɖó mi ɖótó nǔ e é ɖɔ nú mi ɔ́ ǎ, mi ké ya nú nǔ e é kplɔ́n mi é ǎ, mi nyi sɛ́n e é dó nú mi lɛ́ɛ ǎ, mi wa nǔ e é zɔ́n mi lɛ́ɛ ǎ.”

Gbɛvíhan 1:12

Alitanu lɛ́ɛ mi, nǔ ce blá wǔ nú mi ǎ cé? Nǔ gbo mɛɖé bɔ é syɛ́n sɔ ée gbo mì ɔ́ a? Mawu Mavɔmavɔ wɛ dɔn tó élɔ́ nú mì gbe e gbe é sin xomɛ dó mì é.

Gbɛvíhan 2:13

Jeluzalɛ́mu e! Un sɔ́ tunwun nǔ e un ná ɖɔ nú we ɔ́ ǎ; nǔ e ɖo gbigbo we wɛ ɔ́ gbo mɛɖé ǎ. Áo! Sinyɔ́ɔ, mɛ̌ sín kpɔ́ndéwú un ka ná ná we, bó ná dó dó gbɔ nú we? Đó nǔ e ɖo gbigbo we wɛ ɔ́ d'agba sɔ xu; mɛ̌ wɛ ná sixú gbɔ azɔn nú we?

Gbɛvíhan 2:17

Mawu Mavɔmavɔ bló nǔ e é lin ɖɔ émí ná bló é; é bló nǔ e é kó ɖɔ ɖ'ayǐ xóxó ɖɔ émí ná bló é: é gba toxo ɔ́ ma kú nǔbláwǔ n'i. É wa nǔ xá we dó dó xomɛhunhun nú kɛntɔ́ towe lɛ́ɛ, é dó goyíyí goyíyí jí nú mɛ e ma mɔ we gbɔ ǎ lɛ́ɛ.

Gbɛvíhan 4:6

Hwɛ e togun ce hu ɔ́ syɛ́n hú hwɛ e Sodɔ́mu toxo ɔ́ hu é. Sodɔ́mu toxo e è gba hánnyá ɖo nukún xwixwe ɖokpó mɛ é, gbɛtɔ́ ká ɖó alɔ ɖ'é mɛ có nú é gba hánnyá ǎ.

Ezekiyɛ́li 13:6

Nǔ wɛ yě nɔ́ kpa ɖɔ bó nɔ́ ɖɔ émí mɔ nǔ; nǔ e yě nɔ́ ɖɔ é ná wá jɛ lɛ́ɛ ɔ́, adingban kɛ́ɖɛ́ wɛ; adingban ɖó wɛ yě nɔ́ ɖe bó nɔ́ ɖɔ: ‘Mawu Mavɔmavɔ ɖɔ lě’; nyɛ Mawu Mavɔmavɔ ka zɔ́n nǔɖé yě ǎ. Yě nɔ́ wa mɔ̌, bó nɔ́ ɖo te nɔ kpɔ́n wɛ ɖɔ nyɛ ná wa nǔ dó ɖe xlɛ́ ɖɔ émí ɖɔ nǔgbó.

Ezekiyɛ́li 5:9

Nǔ baɖabaɖa e mi dó sin lɛ́ɛ ná zɔ́n bɔ un ná dɔn tó e un ma dɔn nú mɛɖé gbeɖé kpɔ́n ǎ é nú mi; un ka sɔ́ ná dɔn tó mɔ̌hun nú mɛɖé gbeɖé ǎ.

Daniyɛ́li 12:1

Wɛnsagun ɔ́ lɛ́ vɔ́ ɖɔ nú mì ɖɔ: “Hwenɛ́nu ɔ́, Micɛ́li gǎn wɛnsagun lɛ́ɛ tɔn e nɔ́ nya xɛ ɖo togun towe jí é ná wá. Akpɔmimɔ sín hwenu ɖé wɛ é ná nyí, bɔ nǔ e ná jɛ akɔta énɛ́ ɔ́ hwenu ɔ́, ɖě ná ko jɛ kpɔ́n sín hwenu e akɔta ɖě lɛ́ɛ ko jɔ é ǎ. Énɛ́ ɔ́ gúdo ɔ́, è nǎ hwlɛ́n to towe mɛ nu e sín nyǐkɔ è wlǎn dó gbɛwéma ɔ́ mɛ lɛ́ɛ gán.

Jowɛ́li 2:2

Zǐnflú gɔngɔn sín azǎn ɖé wɛ. Akpɔ́kpɔ́ dó, ahǔn sú. Nǔvínúvíhwan ɖé ɖíe, bó sukpɔ́, lobo dó xɛsi ɖésú. Yě dó ahwan gbě bó ja, bɔ a nǎ ɖɔ zǎn wɛ kú sín só jí ja. È ko mɔ mɔ̌hunkɔtɔn kpɔ́n gbeɖé ǎ; è ka sɔ́ ɖo nǎ mɔ wɛ ɖo sɔ e ja é ǎ.

Amɔ́si 3:2

É ɖɔ: Midɛɛ lɛ́ɛ kɛ́ɖɛ́ wɛ un sɔ́ ɖo hɛ̌nnu e ɖo ayǐkúngban jí lɛ́ɛ bǐ mɛ; énɛ́ ɔ́ wú ɔ́, nǔ nyanya e mi wa lɛ́ɛ bǐ sín tó wɛ un ná dɔn nú mi.

Zakalíi 1:6

É ká ɖo mɔ̌ có xó ɖěɖě un ɖɔ gbɔn mɛsɛntɔ́ ce gbeyíɖɔ lɛ́ɛ jí é, kpódó nǔ e un zɔ́n yě lɛ́ɛ kpó ɔ́, tɔ́gbó mitɔn lɛ́ɛ wá mɔ nǔ jɛ mɛ, bó húzú ninɔmɛ. Yě wá tunwun ɖɔ lě e un ɖɔ gbɔn ɔ́ wɛ nyi wa nǔ xá émí gbɔn; lě e gbɛ e zán wɛ émí ɖe ɔ́ kpódó nǔ e émí wa lɛ́ɛ kpó byɔ́ gbɔn ɔ́ wɛ nyɛ Mawu Mavɔmavɔ ɔ́ wa nǔ xá émí gbɔn.’ ” Mawu Mavɔmavɔ wɛ ɖɔ mɔ̌.

Zakalíi 1:8

“Zǎn élɔ́ mɛ ɔ́, un mɔ nǔɖé. Un mɔ sɔ́xátɔ́ ɖé, bɔ é ɖo sɔ́ vɔvɔ ɖé jí, bó ɖo atín kpɛví kpɛví ɖé lɛ́ɛ tɛ́ntin, ɖo tɔdo ɖé mɛ. Atín lɛ́ɛ dó ama ɖésú. Sɔ́ ɖěvo lɛ́ɛ ɖo gǔdo tɔn: sɔ́ vɔvɔ, sɔ́ ajavɛ, sɔ́ wěwé.

Zakalíi 7:12

Yě hɛn ayixa yěɖée tɔn syɛ́n awǐnnya ɖɔhun, bónú yě ní má se kplɔ́n e Mawu Mavɔmavɔ Nǔbǐwúkpétɔ́ ɔ́ sín Yɛ ɖo nǐná yě wɛ gbɔn gbeyíɖɔ Mawu tɔn nukɔntɔn lɛ́ɛ jí é ó. Énɛ́ ɔ́, Mawu Mavɔmavɔ sin xomɛ dó yě, bɔ é syɛ́n ɖésú.

Matíe 24:21

ɖó adǎn e na wá gbo gbɛtɔ́ lɛ́ɛ hwenɛ́nu ɔ́ na syɛ́n dín, bɔ mɔ̌hunkɔtɔn ko jɛ kpɔ́n gbeɖé sín hwenu e Mawu ko ɖó gbɛ ɔ́ káká wá jɛ din é ǎ; nǔ mɔ̌hunkɔ ɖě ká sɔ́ ná jɛ gbeɖé kpɔ́n ǎ.

Matíe 5:18

Ɖó ma ɖɔ nǔgbó nú mi: ényí jǐnukúnsin kpódó ayǐkúngban kpó ma ko vɔ ǎ ɔ́, wěkwín kpɛví títí ɖokpó géé ɖo sɛ́n lɛ́ɛ mɛ ná hwe sín wɛ káká cóbónú nǔ lɛ́ɛ bǐ ná sɔgbe ǎ.

Maki 13:19

Đó azǎn énɛ́ lɛ́ɛ mɛ ɔ́, adǎn e ná gbo gbɛtɔ́ lɛ́ɛ ɔ́ ná syɛ́n káká, bɔ è ko mɔ mɔ̌hunkɔtɔn kpɔ́n gbeɖé sín hwenu e Mawu ko ɖó gbɛ ɔ́ dó ɔ́ káká jɛ din é ǎ; è ka sɔ́ lɛ́ ɖo mɔ̌hunkɔtɔn ɖě ná mɔ wɛ gbeɖé ǎ.

Luki 21:22

Đó hlɔnbiba sín azǎn wɛ azǎn énɛ́ lɛ́ɛ ná nyí, bɔ nǔ e è ko wlán ɖ'ayǐ é bǐ ná jɛ.

Hlɔ̌manu 15:8

Nǔgbó ɔ́, un ɖo ɖiɖɔ nú mi wɛ ɖɔ Klísu húzú Jwifu lɛ́ɛ sín mɛsɛntɔ́, bó ná dó ɖe akpá e Mawu dó nú tɔ́gbó yětɔn lɛ́ɛ é, bó ná ɖe xlɛ́ gbɔn mɔ̌ ɖɔ Mawu kún nɔ́ dó akpá bó nɔ́ gɔn ɖiɖe ó.