Daniyɛ́li 9:11 - MAWUXÓWÉMA

¹¹ Izlayɛ́li togun ɔ́ bǐ wɛ gba sɛ́n towe, bó ɖó kɔ zɔ, ɖó yě ba ná se nǔ e a nɔ kplɔ́n mɛ lɛ́ɛ ǎ; énɛ́ ɔ́, nyladó e xó è ɖɔ ɖo mɛsɛntɔ́ towe Mɔyízi sín sɛ́nwéma ɔ́ mɛ ɔ́ wá jɛ dó mǐ jí, ɖó tónúmase mǐtɔn lɛ́ɛ wú.

Daniyɛ́li 9:11 Iomraidhean Croise

2 Axɔ́sú 18:12

Nǔ énɛ́ ɔ́ gbo Izlayɛ́linu lɛ́ɛ, ɖó yě ɖótó Mawu Mavɔmavɔ, Mawu yětɔn sín xó ǎ, yě nɔ gbejí nú akɔ e yě kpó Mawu yětɔn kpó jɛ é ǎ; sɛ́n e mɛsɛntɔ́ Mawu Mavɔmavɔ tɔn Mɔyízi ná yě lɛ́ɛ ɔ́, yě nyi ɖě ǎ.

2 Axɔ́sú 22:16

‘Xó e Mawu Mavɔmavɔ, Mawu Izlayɛ́li tɔn ɔ́ ɖɔ ɔ́ ɖíe: Un ná sɛ́ awě dó toxo élɔ́, bó sɛ́ dó mɛ e ɖo toxo ɔ́ mɛ lɛ́ɛ lě e Judáa xɔ́sú ɔ́ xa gbɔn ɖo sɛ́nwéma ɔ́ mɛ é.’

Ezayíi 1:3

Nyibú nɔ́ tunwun mɛ e ɖó e é, tócí nɔ́ tunwun mɛ e nɔ ná nǔɖuɖu i é. Lo ɔ́, Izlayɛ́li ví lɛ́ɛ tunwun mì ǎ, togun ce Izlayɛ́li mɔ nǔ jɛ nǔɖé wú ǎ.”

Ezayíi 43:28

Énɛ́ ɔ́, un kɔ́n gǎn gǎn e un sɔ́ lɛ́ɛ, un jó Jakɔ́bu togun ɔ́ bɔ è gba, un jó Izlayɛ́li dó bɔ é húzú slǎmɛɖɔnú nú kɛntɔ́ tɔn lɛ́ɛ.”

Jelemíi 16:11

Yě kan mɔ̌ byɔ́ ɔ́, a nǎ yí gbe nú yě ɖɔ: ‘Mawu Mavɔmavɔ ɖɔ: Tɔ́gbó mitɔn lɛ́ɛ wɛ jó mì dó bó sɛn nǔmɛsɛn ɖěvo lɛ́ɛ. Yě nɔ́ sɛn yě, bó nɔ́ ɖe kɔ́ nú yě. Yě jǒ mì dó, yě xwe dó sɛ́n ce ǎ.

Jelemíi 2:29

Mawu Mavɔmavɔ ɖɔ: “Judáa ví e mi, étɛ́wú mi ka ɖo hwɛ dó mì wɛ? Mi bǐ wɛ fɔ́n gǔ dó jǐ ce.

Jelemíi 30:14

Mɛ e yí wǎn nú we ɖ'ayǐ lɛ́ɛ bǐ wɔn we; yě mɛ ɖěbǔ sɔ́ nɔ́ kpɔ́n jɛ towe jí ǎ, ɖó un xo we lě e kɛntɔ́ ná xo we gbɔn é; un dɔn tó nú we bɔ é vɛ́ ɖésú. Hwɛ tobutóbú e a hu lɛ́ɛ wú wɛ un ɖo nǔ énɛ́ lɛ́ɛ wa xá we wɛ. Lě e hwɛ towe lɛ́ɛ syɛ́n sɔ́ ɔ́ wú wɛ un ɖo nǔ énɛ́ lɛ́ɛ wa xá we wɛ.

Jelemíi 32:23

Yě wá yí to ɔ́. Amɔ̌, yě ɖótó gbe towe ǎ, yě nyi sɛ́n towe ǎ. Nǔ e a ɖɔ yě ní wa lɛ́ɛ ɔ́, yě bló ǎ. Énɛ́ ɔ́ wú wɛ a sɛ́ nǔ nyanya e ɖo jijɛ wɛ égbé din ɔ́ bǐ dó.

Jelemíi 40:3

Awě e xó Mawu Mavɔmavɔ ɖɔ lɛ́ɛ ɔ́, é sɛ́ yě dó nǔgbó, ɖó lě e é ɖɔ togun towe ní wa nǔ gbɔn ɔ́, é bló gbɔn mɔ̌ ǎ; hwɛ énɛ́ e togun towe hu é wú wɛ nǔ élɔ́ lɛ́ɛ bǐ ɖo mi gbo wɛ.

Jelemíi 44:22

Éeǒ, nǔ e wa wɛ mi ɖe nɛ́ lɛ́ɛ kpé kɔ nú Mawu Mavɔmavɔ, walɔ mitɔn baɖabaɖa nɛ́ lɛ́ɛ cikɔ n'i. Énɛ́ ɔ́ wútu wɛ to mitɔn gba, bó jɛ vɔ̌. È ja nǔ baɖabaɖa ɖě ɖɔ gbé ɔ́, è nǎ nɔ xa to mitɔn dó ná kpɔ́ndéwú; mɛ bǐ wɛ mɔ ɖó mɔ̌.

Jelemíi 44:23

Vodún lɛ́ɛ e mi sá vɔ̌ ná ɔ́ wú wɛ awě élɔ́ ɖo mi xo wɛ égbé din, mi hu hwɛ dó Mawu Mavɔmavɔ ɖó mi ɖótó nǔ e é ɖɔ nú mi ɔ́ ǎ, mi ké ya nú nǔ e é kplɔ́n mi é ǎ, mi nyi sɛ́n e é dó nú mi lɛ́ɛ ǎ, mi wa nǔ e é zɔ́n mi lɛ́ɛ ǎ.”

Jelemíi 6:19

Gbɛtɔ́ e gbɔn ayǐkúngban ɔ́ jí lɛ́ɛ bǐ ní ɖótó! Éɖíe, un ná sɛ́ awě dó togun élɔ́, yě ná ɖu linlin nyanya e yě ɖǒ ɔ́ sín le. Đó yě wlí tó xó ce lɛ́ɛ wú ǎ, yě hu tɛ́ nú sɛ́n ce.

Daniyɛ́li 9:13

Mawu Mavɔmavɔ, Mawu mǐtɔn, nyladó énɛ́ lɛ́ɛ bǐ jɛ dó mǐ jí lě e è wlǎn dó Mɔyízisɛ́n ɔ́ mɛ gbɔn é, bɔ mǐ ka sa vo nú we, bó fá xomɛ nú we ǎ, mǐ ka lɛ́ kɔ sín hwɛ mǐtɔn lɛ́ɛ gúdo ǎ, mǐ ké ya nú gbeta e a ɖe tɔ́n é ǎ.

Daniyɛ́li 9:5

Mǐ gba sɛ́n, mǐ hu hwɛ, mǐ jɛ agɔ, mǐ fɔ́n gǔ dó jǐ towe. Mǐ lɛ́ kɔ sín sɛ́n towe lɛ́ɛ kpódó tito towe lɛ́ɛ kpó gúdo.

Zakalíi 1:6

É ká ɖo mɔ̌ có xó ɖěɖě un ɖɔ gbɔn mɛsɛntɔ́ ce gbeyíɖɔ lɛ́ɛ jí é, kpódó nǔ e un zɔ́n yě lɛ́ɛ kpó ɔ́, tɔ́gbó mitɔn lɛ́ɛ wá mɔ nǔ jɛ mɛ, bó húzú ninɔmɛ. Yě wá tunwun ɖɔ lě e un ɖɔ gbɔn ɔ́ wɛ nyi wa nǔ xá émí gbɔn; lě e gbɛ e zán wɛ émí ɖe ɔ́ kpódó nǔ e émí wa lɛ́ɛ kpó byɔ́ gbɔn ɔ́ wɛ nyɛ Mawu Mavɔmavɔ ɔ́ wa nǔ xá émí gbɔn.’ ” Mawu Mavɔmavɔ wɛ ɖɔ mɔ̌.

Zakalíi 7:12

Yě hɛn ayixa yěɖée tɔn syɛ́n awǐnnya ɖɔhun, bónú yě ní má se kplɔ́n e Mawu Mavɔmavɔ Nǔbǐwúkpétɔ́ ɔ́ sín Yɛ ɖo nǐná yě wɛ gbɔn gbeyíɖɔ Mawu tɔn nukɔntɔn lɛ́ɛ jí é ó. Énɛ́ ɔ́, Mawu Mavɔmavɔ sin xomɛ dó yě, bɔ é syɛ́n ɖésú.

Zakalíi 8:13

Axɔ́súɖuto Judáa tɔn kpódó Izlayɛ́li tɔn kpó e mi! Togun e è dǒ nu ɔ́ sín xlɛ́ wɛ mi ko nyí ɖ'ayǐ ɖo akɔta lɛ́ɛ tɛ́ntin. Amɔ̌, din ɔ́, un hwlɛ́n mi gán. Mi ná nyí togun nyɔ̌nánɔ ɖé sín xlɛ́. Mi ma sɔ́ ɖi xɛsi ó, mi kpan akɔ́n.”

Sɛ́nflínmɛ 8:20

Nǔgbó ɔ́, ényí mi ma se tónú nú Mawu Mavɔmavɔ, Mawu mitɔn ǎ ɔ́, mi bǐ ná vɔ lě e Mawu Mavɔmavɔ hu akɔta lɛ́ɛ ɖo nukɔn mitɔn é ɖɔhun.”