Daniyɛ́li 8:9 - MAWUXÓWÉMA

⁹ Zo yɔ̌yɔ́ ɖokpó wú ɖo zo kpɛví e ɖo zo ɛnɛ lɛ́ɛ mɛ ɔ́ wú. Zo ɔ́ ɖo ga ɖi wɛ tunta tofɔligbé zǎnzǎnhwe jí, kpó to e nyɔ́ ɖɛkpɛ hú to lɛ́ɛ bǐ ɔ́ kpó.

Daniyɛ́li 8:9 Iomraidhean Croise

Ɖɛhan 105:24

Mawu bló bɔ togun tɔn gba kún, bó syɛ́n hú kɛntɔ́ tɔn lɛ́ɛ.

Ɖɛhan 48:2

Mawu Mavɔmavɔ d'agba; è nɔ ji han mlá ɛ mɔ̌hunkɔtɔn, ɖo só mímɛ́ tɔn jí, ɖo toxo tɔn mɛ.

Jelemíi 3:19

Mawu ɖɔ: “Đ'ayǐ ɔ́, un nɔ ɖɔ un ná zé we bɔ hwi lɔ ná nyí vǐ nú mì, bɔ un ná ná we gbɛɖuto, to e nyɔ́ hú nǔ bǐ ɖo gbɛ ɔ́ mɛ e. Un nɔ ɖɔ a nǎ ylɔ́ mì ɖɔ tɔ́; un nɔ ɖɔ a kún sɔ́ ná lɛ́ kɔ sín gǔdo ce ɖě ó.

Ezekiyɛ́li 20:15

Amɔ̌, un ɖɔ nú yě ɖo gbětótló ɔ́ mɛ dɔ̌n ɖɔ un kún sɔ́ ná kplá yě yi to e mɛ anɔ̌sin kpó wǐin kpó nɔ́ sa tɔ ɖe, bɔ un dó akpá tɔn nú yě ɔ́ mɛ ó; to e nyɔ́ ɖɛkpɛ hú to lɛ́ɛ bǐ ɔ́ wɛ.

Ezekiyɛ́li 20:6

Hwenɛ́nu ɔ́, un dó akpá nú yě ɖɔ un ná ɖe yě tɔ́n sín Ejípu, bó kplá yě yi to e un ko ba do ná ɖ'ayǐ ɔ́ mɛ; anɔ̌sin kpó wǐin kpó nɔ́ sa tɔ ɖo to ɔ́ mɛ. To ɔ́ nyɔ́ ɖɛkpɛ hú to lɛ́ɛ bǐ.

Daniyɛ́li 11:16

Mɛ e gba to ɔ́ é ɔ́, lě e é jló e gbɔn ɔ́ wɛ é ná wa nǔ gbɔn, ɖó mɛ ɖěbǔ sixú nɔ te nukɔn tɔn ǎ. Nú é ɖo nǔ hɛn gblé wɛ bó ɖo yiyi wɛ ɔ́, to e nyɔ́ ɖɛkpɛ hú to lɛ́ɛ bǐ é mɛ wɛ é ná wa xwé ɖó.

Daniyɛ́li 11:21

“Mɛ e ná wá mɛ énɛ́ ɔ́ sín tɛnmɛ ɔ́ ná nyí mɛɖé, bɔ mɛ bǐ ná gbɛ́ wǎn n'i; è nǎ sɔ́ ɛ su axɔ́sú ɖɔhun ǎ. To ɔ́ bǐ ná ɖo vivo mɛ, bɔ nya énɛ́ ɔ́ ná dó ahizi, bó ná klá jɛ axɔ́súɖuto ɔ́ nu, bó ná ɖu gǎn.

Daniyɛ́li 7:8

Hwenu e un ɖo zo tɔn lɛ́ɛ kpɔ́n wɛ ɔ́, zo yɔ̌yɔ́ kpɛví ɖěvo lɛ́ jɛ wǔwú jí ɖó ɖě lɛ́ɛ tɛ́ntin, lobo zin zo xóxó lɛ́ɛ atɔn dɛ́. Zo yɔ̌yɔ́ ɔ́ ɖó gbɛtɔ́ nukún. É ɖó nu ɖokpó bɔ goyíyíxó nɔ́ ɖo tíntɔ́n sín mɛ wɛ.”

Zakalíi 7:14

Un gba yě kpé akɔta tɛnmɛ tɛnmɛ lɛ́ɛ mɛ, yě tunwun akɔta énɛ́ lɛ́ɛ kpɔ́n gbeɖé ǎ. Yě jǒ to yětɔn dó nyi vɔ̌. Mɛ ɖé sɔ́ nɔ yi to ɔ́ mɛ ǎ, mɛ ɖé ká sɔ́ nɔ́ tɔ́n sín mɛ ǎ. To e mɛ yě nɔ́ ɖu gbɛ ɖe ɖ'ayǐ ɔ́, yě zé dó húzú gbětótló.”