Daniyɛ́li 8:8 - MAWUXÓWÉMA

⁸ Gbǎgbá ɔ́, hlɔ̌nhlɔ́n tɔn ɖo jijɛ jí wɛ. Ée hlɔ̌nhlɔ́n tɔn wá syɛ́n bǐ ɔ́, zo tɔn ɖaxó ɔ́ nɔ mɔ̌ bó wɛ́n, bɔ zo ɖagbe ɖagbe ɛnɛ wú ɖó tɛn tɔn mɛ, lobo kpan nukɔn wɛ̌kɛ́zo ɛnɛ lɛ́ɛ.

Daniyɛ́li 8:8 Iomraidhean Croise

2 Tan 26:16

Lo ɔ́, ée acɛkpikpa tɔn jínjɔ́n ayǐ mɔ̌ ɔ́, é jɛ go yí jí, bó sɔ́ éɖée nyi gbě. É sɔ́ nɔ́ nɔ gbejí nú Mawu Mavɔmavɔ, Mawu tɔn ǎ. É wá jɛ gbe ɖokpó, bɔ é hun káká yi Mawu Mavɔmavɔ xwé gbe, bó jló ná dó zǎlínkpɔ́n zo ɖo vɔ̌sákpe jí.

Ɛsitɛ́ɛ 9:4

Đó Maadocée ɖó acɛ ɖo axɔ́sú ɔ́ sín xwé gbe, bɔ nyǐkɔ tɔn gba kpé tokpɔn lɛ́ɛ bǐ mɛ. Ayǐhɔ́ngbe ayǐhɔ́ngbe ɔ́, acɛ nɔ ɖo acɛ jí jɛ nú Maadocée wɛ.

Jelemíi 49:36

Un ná sɛ́ jɔhɔn ɛnɛ dó sín wɛ̌kɛ́zo ɛnɛ lɛ́ɛ mɛ, bɔ jɔhɔn ɔ́ ná nyi dó Elámu to ɔ́ jí. “Un ná zé jɔhɔn énɛ́ lɛ́ɛ dó gba yě dó. Elámunu lɛ́ɛ ná hɔn yi akɔta lɛ́ɛ bǐ mɛ, è nǎ ba yě kpo ɖo akɔta ɖěbǔ mɛ ǎ.

Jelemíi 5:27

Nǔ e yě hízí mɛ bó yí lɛ́ɛ gɔ́ xwé yětɔn, xɛ gɔ́ aja ɖɔhun. Énɛ́ wɛ dó dɔkun nú yě, bɔ yě ɖǒ acɛ.

Ezekiyɛ́li 16:7

Un ɖɔ nú we ɖɔ: ‘Su folówa e ɖo gběhan mɛ é ɖɔhun’, bɔ a su, bó nyɔ́ ɖɛkpɛ káká: anɔ̌ towe bǐ tɔ́n, bɔ a wǔ fún bǐ. Lo ɔ́, a kpo ɖo mɛ̌ jɔgbe.

Ezekiyɛ́li 28:9

Hwenu e a nǎ ɖo mɛ e ɖo nǎ hu we wɛ ɔ́ nukɔn ɔ́, a nǎ sixú lɛ́ glá ɖɔ émí nyí Mawu a? A nǎ sixú lɛ́ nyí Mawu ɖo mɛ e ɖo nǎ hu we wɛ lɛ́ɛ lɔ mɛ a? Éeǒ! Gbɛtɔ́ kpowun wɛ a nyǐ.

Daniyɛ́li 11:4

Hwenu e è nǎ ɖe e síin ɔ́, axɔ́súɖuto tɔn ná gba hánnyá, bó ná fúnfún gbɔn wɛ̌kɛ́zo ɛnɛ lɛ́ɛ bǐ mɛ. Vǐ tɔn ɖě ná jɛ tɛn tɔn mɛ ǎ. Mɛ ɖěvo ɖěvo lɛ́ɛ wɛ ná kpa acɛ dó axɔ́súɖuto ɔ́ nu, amɔ̌, acɛkpikpa yětɔn ná sɔ éyɛ́ tɔn ǎ.

Daniyɛ́li 4:31

Axɔ́sú Nabukodonɔzɔ́ɔ ɖɔ: “Ée xwe tɛ́nwe lɛ́ɛ wá yi ɔ́, un kpɔ́n jǐxwé, bɔ gbɛtɔ́ sín ayixa e un ɖó ɖ'ayǐ ɔ́ lɛ́ wá nú mì. Un dó kú nú Mawu Ajalɔ̌nlɔn e ɖo gbɛ káká sɔ́yi é. Un jɛ mlǎmlá ɛ jí, bó jɛ susu kpa n'i jí ɖɔ: Acɛkpikpa tɔn ɖó dogbó ǎ, axɔ́súɖuɖu tɔn ná nɔ ayǐ káká sɔ́yi.

Daniyɛ́li 5:20

Lo ɔ́, ée goyíyí kpó mɛmasí kpó byɔ́ ayi tɔn mɛ ɔ́, è ɖe e sín axɔ́súzinkpo ɔ́ jí, bó yí acɛ bǐ sín así tɔn.

Daniyɛ́li 7:2

Nǔ e Daniyɛ́li wlán lɛ́ɛ ɖíe: “Zǎn mɛ ɔ́, un ɖo amlɔ mɛ, bó mɔ jɔhɔn jɛ nyinyi jí sín wɛ̌kɛ́zo ɛnɛ lɛ́ɛ mɛ, bó nɔ́ nyi dó xu ɖaxó ɔ́ jí.

Daniyɛ́li 7:6

Ée un lɛ́ ɖo kpínkpɔ́n wɛ ɔ́, un mɔ kanlin ɖěvo bɔ é cí kpɔ ɖɔhun. É ɖó xɛ sín awa ɛnɛ ɖo nɛgbé, bó lɛ́ ɖó ta ɛnɛ. È ná ɛ acɛ bɔ é ná ɖu ɖo nǔ bǐ jí.

Daniyɛ́li 8:22

Hwenu e zo ɖaxó énɛ́ ɔ́ lɔ́ ɔ́, zo ɖěvo ɛnɛ wú ɖó tɛn tɔn mɛ. Énɛ́ xlɛ́ ɖɔ axɔ́súɖuto ɛnɛ ná jɛ axɔ́súɖuto e wá yi ɔ́ sín tɛnmɛ. Amɔ̌, axɔ́súɖuto énɛ́ lɛ́ɛ ná ɖó hlɔ̌nhlɔ́n sɔ ée yě wá ɖyɔ́ é ǎ.

Daniyɛ́li 8:5

Hwenu e un ɖo tamɛ lin dó nǔ e un mɔ ɔ́ wú wɛ ɔ́, gbǎgbá ɖokpó tɔ́n sín gbadahwe jí bó jǎwe. É ɖo wezun jí gbɔn ayǐkúngban ɔ́ jí, afɔ tɔn ka ɖo kɔ́ mɛ jɛ wɛ ǎ. Zo ɖaxó ɖokpó ɖo gbǎgbá ɔ́ sín nukún lɛ́ɛ tɛ́ntin.

Daniyɛ́li 8:7

É zɔn agbo ɔ́ jí, bó xo e káká bó lɔ́ zo tɔn we lɛ́ɛ. Gǎn ɖé sɔ́ kpo ɖo agbo ɔ́ wu ǎ, bɔ é zin i dɛ, bó sɔ́ afɔ dó xwe e ná. Mɛ ɖé sixú yí agbo ɔ́ sín así tɔn ǎ.

Matíe 24:31

bɔ un ná sɛ́ wɛnsagun ce lɛ́ɛ dó, bónú ahwankpɛn ɖaxó ɔ́ ɖɔ nǔ ɔ́, yě ná kplé mɛ e Mawu cyán lɛ́ɛ sín wɛ̌kɛ́zo ɛnɛ lɛ́ɛ bǐ mɛ, sín fí e jǐnukúnsin ɔ́ ko bɛ́ sín ɔ́, káká yi jɛ fí e é kponu dó ɔ́.

Maki 13:27

É ná sɛ́ wɛnsagun tɔn lɛ́ɛ dó, bɔ yě ná kplé mɛ e é cyán lɛ́ɛ gbɔn wɛ̌kɛ́zo ɛnɛ lɛ́ɛ mɛ, sín fí e ayǐkúngban ɔ́ kponu ɖó é, káká yi jɛ fí e jǐnukúnsin kponu ɖó é.

Sɛ́nflínmɛ 31:20

Đó un ná kplá yě yi to e sín akpá un dó nú tɔ́gbó yětɔn lɛ́ɛ bɔ anɔ̌sin kpó wǐin kpó nɔ́ sa ɖe ɔ́ mɛ. Yě ná mɔ nǔ bó ɖu, bó gɔ́ xo, bó ná vo. Yě ká ná sɛn nǔ ɖěvo lɛ́ɛ. Yě ná gbɛ́ wǎn nú mì, bó ná hɛn akɔ e un jɛ xá yě é gblé.

Nǔɖexlɛ́mɛ 7:1

Énɛ́ ɔ́ gúdo ɔ́, un mɔ wɛnsagun Mawu tɔn ɛnɛ ɖo te ɖo ayǐkúngban ɔ́ sín zo ɛnɛ lɛ́ɛ jí; yě hɛn jɔhɔn ayǐkúngban jí tɔn ɛnɛ lɛ́ɛ ɖó te, bónú jɔhɔn ɖěbǔ ma nyi dó ayǐkúngban ɔ́ ó, é ma nyi dó xu ó; é ma ka nyi dó atín ɖěbǔ ó.