Daniyɛ́li 8:3 - MAWUXÓWÉMA

³ Đo dlɔ̌ ɔ́ mɛ ɔ́, un ɖo nǔ e mɔ wɛ un ɖe ɔ́ kpɔ́n wɛ, bó mɔ agbo bɔ é kpan nukɔn tɔ ɔ́. Agbo ɔ́ ɖó zo jangan jangan we; amɔ̌, zo wegɔ́ ɔ́ e wú gbɔn gǔdo ɔ́ kló hú nukɔn tɔn ɔ́.

Daniyɛ́li 8:3 Iomraidhean Croise

1 Tan 21:16

Davídi zé ta bo mɔ wɛnsagun Mawu Mavɔmavɔ tɔn ɔ́ ɖo te ɖo ayǐkúngban kpó jǐnukúnsin kpó tɛ́ntin, bó ko sún hwǐ tɔn hɛn alɔ mɛ bó dlɛ́n dó Jeluzalɛ́mu. Énɛ́ ɔ́, Davídi kpó tomɛxó lɛ́ɛ kpó bɛ́ ati kplá, bó xwe agbɔ̌nnusú do.

Ɛsidlási 1:2

Xó e Dadá Pɛ́si tɔn Silúsi ɖɔ ɔ́ ɖíe: “Mawu Mavɔmavɔ, Mawu jǐnukúnsin tɔn ɔ́ sɔ́ axɔ́súɖuto e ɖo ayǐkúngban jí lɛ́ɛ bǐ ɖó acɛkpikpa ce mɛ; é zɔ́n mì ɖɔ nyɛ ní vɔ́ xwé ɖokpó gbá nú émí ɖó Jeluzalɛ́mu, ɖo Judáa.

Ɛsidlási 4:5

Hwenu e Dadá Pɛ́si tɔn Silúsi ɖo axɔ́sú ɖu wɛ káká wá jɛ Daliwúsi sín hwenu ɔ́, mɛ e ɖo to ɔ́ mɛ lɛ́ɛ nɔ ná akwɛ́ mɛ e nɔ ɖe wě xá Dadá ɔ́ lɛ́ɛ, bónú yě ná hɛn tito Jwifu lɛ́ɛ tɔn gblé.

Ɛsitɛ́ɛ 1:3

hwenu e é ɖo xwe atɔn bló wɛ ɖo axɔ́súzinkpo jí ɔ́, é ylɔ́ agɔ̌ ɖaxó ɖokpó ɖó azaglɔ́gán tɔn lɛ́ɛ bǐ, kpó azɔ̌watɔ́ tɔn lɛ́ɛ kpó tamɛ; é ylɔ́ ahwangán Pɛ́si tɔn lɛ́ɛ kpó Mɛdi tɔn lɛ́ɛ kpó; bó ylɔ́ mɛ klogǎnklogǎn lɛ́ɛ kpó tokpɔngán lɛ́ɛ kpó.

Ezayíi 13:17

Éɖíe, un ná fɔ́n Mɛdinu lɛ́ɛ dó jǐ nú yě; akwɛ́ nyí nǔ ɖěbǔ nú yě ǎ, siká ká nɔ́ jló yě ǎ.

Ezayíi 21:2

Nǔ baɖabaɖa ɖé wɛ Mawu hun xlɛ́ mì. Mɛ e kpó mɛ kpó jɛ akɔ ɔ́ húzú mɛsaɖutɔ́. Nǔhɛngblétɔ́ ɔ́ ná hɛn nǔ gblé. Mawu ɖɔ: “Elámunu lɛ́ɛ e mi, mi yi fun ahwan. Mɛdinu lɛ́ɛ e mi, mi yi xá to ɔ́. Un ná ɖó wǔvɛ́ bǐ te.”

Ezayíi 44:28

Un ɖɔ dó Silúsi wú ɖɔ: ‘É wɛ nyí lɛ̌ngbɔ́nyitɔ́ e un sɔ́ é; é ná bló bɔ nǔ e jló mì lɛ́ɛ bǐ ná nyí wiwa. É ná ná gbe bɔ è nǎ vɔ́ Jeluzalɛ́mu gbá, bó ná vɔ́ xwé ce sá.’ ”

Jelemíi 51:11

Mawu Mavɔmavɔ fɔ́n hun dó jǐ nú Mɛdi xɔ́sú lɛ́ɛ, bó jló ná vívá kún nú Babilɔ́nu to ɔ́. Mawu Mavɔmavɔ wɛ ɖo hlɔn ba wɛ, ɖó yě ɖu su nú xwé tɔn. Mi gan gǎ mitɔn lɛ́ɛ ganjí, mi fɔ gǎglónú mitɔn lɛ́ɛ.

Daniyɛ́li 10:5

Ée un ɖo fínɛ́, bó ɖo nǔ kpɔ́n wɛ ɔ́, un mɔ mɛɖé dó lɛ̌ɛnkanvɔ ɖé, lobo sin siká akú sín gǒjíblánú ɖokpó.

Daniyɛ́li 2:39

Nú axɔ́súɖuto mɛtɔn wá yi ɔ́, axɔ́súɖuto ɖěvo ná wá; é ká ná ɖó acɛ sɔ mɛtɔn ǎ. Axɔ́súɖuto atɔngɔ́ ɔ́ ná wá, bó ná gba kpé ayǐkúngban ɔ́ bǐ jǐ. Axɔ́súɖuto énɛ́ ɔ́ wɛ ɖo ganvɔ ɔ́ nyí wɛ.

Daniyɛ́li 6:28

É wɛ nɔ hwlɛ́n mɛ gán, bó nɔ ɖe mɛ sín mɛ kannu. É wɛ nɔ jlɛ́ nǔ tɛnmɛ tɛnmɛ lɛ́ɛ, bó nɔ́ bló nǔdábaɖa lɛ́ɛ ɖo jǐxwé kpódó dodomɛ kpó. Mawu énɛ́ ɔ́ wɛ yí Daniyɛ́li sín kinnikínní lɛ́ɛ sín fɛn mɛ.”

Daniyɛ́li 7:5

Kanlin wegɔ́ ɔ́ cí lɔnmɔ ɖɔhun. É ɖo tɔ́tɔ́, bɔ ajajaxú atɔn ɖo nu tɔn mɛ, bɔ é tɛ aɖǔ jí. È ná ɛ gbe ɖɔ é ní jlɔ́ bǐ bó yi ɖu lan gěgé.

Daniyɛ́li 8:2

Nǔ e un mɔ ɖo dlɔ̌ mɛ din ɔ́ ɖíe: Un mɔ nyiɖée ɖo to ɖaxó e è nɔ ylɔ́ ɖɔ Súzi ɔ́ mɛ, ɖo Elámu tokpɔn mɛ, bɔ un ɖo tɔ e è nɔ ylɔ́ ɖɔ Wuláyi ɔ́ tó.

Daniyɛ́li 8:20

Agbo e ɖó zo we bɔ a mɔ ɔ́, ɖo axɔ́súɖuto Mɛdi tɔn kpó Pɛ́si tɔn kpó sín xlɛ́ nyí wɛ.

Zakalíi 2:1

Un lɛ́ mɔ nǔ ɖěvo: un mɔ lanzo ɛnɛ.

Zakalíi 5:1

Un lɛ́ mɔ nǔ ɖěvo: un mɔ anyǔwéma mlámlá ɖé, bɔ é ɖo jɔhɔn mɛ, bo ɖo yiyi wɛ.

Zakalíi 5:5

Wɛnsagun e ɖo xó ɖɔ nú mì wɛ ɖ'ayǐ ɔ́ wá bó ɖɔ nú mì ɖɔ: “Zě ta bo kpɔ́n! Étɛ́ wɛ tɔ́n sín dɔ̌n ja?”

Zakalíi 5:9

Un zé ta bo ná mɔ nǔɖé kpowun ɔ́, nyɔ̌nu we ɖé lɛ́ɛ jɛ́n tɔ́n ɖo jɔhɔn mɛ jǎwe, jɔhɔn ɖo yě zé wɛ, bɔ yě ɖo zinzɔn wɛ. Nǔgbó ɔ́, yě ɖǒ awa, bɔ é cí aɖɔwé sín awa ɖɔhun. Yě wá zé xasun ɔ́ hɛn yi jɔhɔn mɛ.

Zakalíi 6:1

Un lɛ́ mɔ nǔ ɖokpó. Un mɔ ahwankɛkɛ́ví ɛnɛ, bɔ yě ɖo tíntɔ́n sín ganvɔsó we tɛ́ntin wɛ.

Kɛ́nsísɔ́ 24:2

é zé ta d'aga bo mɔ akɔta Izlayɛ́li tɔn lɛ́ɛ ɖó gɔnu ɖó ahwankpá yětɔn yětɔn lɛ́ɛ mɛ. Énɛ́ ɔ́, Yɛ Mawu tɔn wá ta n'i,

Jozuwée 5:13

Jozuwée ɖo Jeliko toxo ɔ́ kpá gbe ɖokpó, bó zé ta. É ná mɔ nǔɖé kpowun ɔ́, nya ɖé jɛ́n wá nɔ te nukɔn tɔn, bɔ nya ɔ́ kó sún hwǐ tɔn sín akún mɛ, bó hɛn alɔ mɛ. É ká sɛkpɔ́ nya ɔ́, bó kanbyɔ́ ɛ ɖɔ: “Mǐdɛɛ lɛ́ɛ jí wɛ a ɖe a, abǐ kɛntɔ́ mǐtɔn lɛ́ɛ jí wɛ a ɖe?”

Nǔɖexlɛ́mɛ 13:11

Énɛ́ ɔ́ gúdo ɔ́, un mɔ kanlin ɖěvo bɔ é ɖo ayǐkúngban glɔ́ tɔ́n sín wɛ; é ɖó zo we, bɔ zo lɛ́ɛ cí Lɛ̌ngbɔ́ví sín zo ɖɔhun; é ɖo xó ɖɔ wɛ Dlagɔ́ɔn ɖɔhun.

Nǔɖexlɛ́mɛ 5:6

Un mɔ Lɛ̌ngbɔ́ví ɖokpó ɖo te ɖo axɔ́súzinkpo ɔ́ tɛ́ntin; nǔɖogbɛ ɛnɛ lɛ́ɛ kpó mɛxó lɛ́ɛ kpó lɛ́ lɛ̌ dó e. Lɛ̌ngbɔ́ví ɔ́ cí hu wɛ è hu i ɖɔhun; é ɖó zo tɛ́nwe, bó ɖó nukún tɛ́nwe; nukún tɛ́nwe lɛ́ɛ wɛ nyí Yɛ Mawu tɔn tɛ́nwe e è sɔ́ sɛ́ dó ayǐkúngban ɔ́ bǐ jí é.