Daniyɛ́li 8:27 - MAWUXÓWÉMA

²⁷ Énɛ́ ɔ́ gúdo ɔ́, nyɛ Daniyɛ́li ɔ́, un ba hlɔ̌nhlɔ́n kpo, lobo jɛ azɔn nú azǎn. Ée azɔn gbɔ nú mì ɔ́, un jɛ azɔ̌ e un nɔ wa nú axɔ́sú ɔ́ lɛ́ɛ wa jí. Nǔ e un mɔ ɔ́ kpó ɖo kpíkpácá mì wɛ, ɖó un ko mɔ nukúnnú jɛ mɛ ǎ.”

Daniyɛ́li 8:27 Iomraidhean Croise

Daniyɛ́li 10:16

Mɛ ɖěvo wá ɖó alɔ nu ce wú, bɔ nu ce hun, bɔ un lɛ́ jɛ xó ɖɔ jí. Un ɖɔ nú mɛ ɖěvo énɛ́ e ɖo nukɔn ce ɔ́ ɖɔ: ‘Sɛ́mɛɖó ce, nǔ e un mɔ ɔ́ dó adohu nú mì, bo tlú kanmɛ nú mì.

Daniyɛ́li 10:8

Nyɛ ɖokpó géé wɛ kpo ɖo nǔdábaɖa énɛ́ ɔ́ mɔ wɛ. Un ba hlɔ̌nhlɔ́n kpo. Nukún ce mɛ húzú bó tá myɔ, bɔ kanmɛ ce bǐ túntún.

Daniyɛ́li 4:19

Sɛ́mɛɖó, mɛ wɛ ɖo atín énɛ́ ɔ́ nyí wɛ. Đó mɛ ɖésú wá d'agba bó syɛ́n ɖésú, bɔ susu mɛtɔn hun káká yi jǐxwé, bɔ acɛkpikpa mɛtɔn gba kpé gbɛ ɔ́ bǐ mɛ.

Daniyɛ́li 5:14

Un se ɖɔ nǔmɛsɛn lɛ́ɛ sín yɛ ɖo jǐ we, bɔ a nɔ mɔ nukúnnú jɛ nǔ wú céɖécéɖé bó bí, bɔ nǔnywɛ́ e a ɖǒ ɔ́, gbɛtɔ́ ɖěbǔ ɖó ǎ.

Daniyɛ́li 7:28

“Dlɔ̌ ɔ́ fó dó fí. Amɔ̌, nyɛ Daniyɛ́li ɔ́, ayi ce nɔ ɖo hun xo xá mì wɛ, bɔ un blá wǔ bǐ, bó nɔ́ ɖo nǔ lin dó xó énɛ́ lɛ́ɛ wú wɛ ɖo gbɛmɛ.”

Daniyɛ́li 8:17

Gabliyɛ́li jǎwe fí e un ɖe ɔ́, bɔ xɛsi jɛ jǐ ce, bɔ un xwe agbɔ̌nnusú do. Lo ɔ́, é ɖɔ nú mì ɖɔ: ‘Daniyɛ́li, ɖǒ tó; hwɛ ɔ́ gbɛtɔ́ wɛ a nyǐ, nǔ e mɔ wɛ a ka ɖe ɔ́, gbɛvivɔ wú ɖɔ xó dó wɛ é ɖe.’

Daniyɛ́li 8:2

Nǔ e un mɔ ɖo dlɔ̌ mɛ din ɔ́ ɖíe: Un mɔ nyiɖée ɖo to ɖaxó e è nɔ ylɔ́ ɖɔ Súzi ɔ́ mɛ, ɖo Elámu tokpɔn mɛ, bɔ un ɖo tɔ e è nɔ ylɔ́ ɖɔ Wuláyi ɔ́ tó.

Daniyɛ́li 8:7

É zɔn agbo ɔ́ jí, bó xo e káká bó lɔ́ zo tɔn we lɛ́ɛ. Gǎn ɖé sɔ́ kpo ɖo agbo ɔ́ wu ǎ, bɔ é zin i dɛ, bó sɔ́ afɔ dó xwe e ná. Mɛ ɖé sixú yí agbo ɔ́ sín así tɔn ǎ.

Xabakúku 3:16

Un se zǐngídi ɔ́, bɔ wǔ kú mì; ée un se zǐngídi énɛ́ ɔ́, nu ce nɔ sísɔ́, kanmɛ ce gbɔ́jɔ́, bɔ afɔ ce lɛ́ɛ xo dɔjɔ. Un nɔ xwíí, bó ɖo nǔwamɛ sín azǎn ɔ́ nɔ te kpɔ́n wɛ, bó ná yi tɔ́n ahwan togun e wá tɔ́n ahwan mǐ é.

1 Samuwɛ́li 3:15

Samuwɛ́li nɔ ayǐmlɔ́mlɔ́ káká bɔ ayǐ hɔ́n, bɔ é hun Mawu Mavɔmavɔ xwé sín hɔn lɛ́ɛ. É ká glá ɖɔ nǔ e é mɔ ɔ́ nú Eli ǎ, ɖó é ɖo xɛsi ɖi wɛ.