Daniyɛ́li 8:26 - MAWUXÓWÉMA

²⁶ Tínmɛ e jɛ xá vɔ̌sísá zǎnzǎn gbada tɔn e a mɔ lɛ́ɛ é nɛ́. Amɔ̌, ma ɖɔ nǔ énɛ́ e a mɔ ɔ́ nú mɛɖé ó, ɖó hwenu e é ná jɛ dó ɔ́ kpo ɖaxó.’

Daniyɛ́li 8:26 Iomraidhean Croise

Ezayíi 24:22

É ná kplé yě bǐ dó do mɛ; è nǎ bɛ́ yě bǐ sú dó gankpá mɛ. Yě ná nɔ fínɛ́ sɛ yi bó ná wá hwɛ nukɔn.

Ezekiyɛ́li 12:27

“Hwɛ gbɛtɔ́ ɔ́, xó e Izlayɛ́li ví lɛ́ɛ nɔ́ ɖɔ é ɖíe: yě nɔ́ ɖɔ: ‘Nǔ e é nɔ́ mɔ lɛ́ɛ ɖo nǎ jɛ wɛ égbé abǐ sɔ ǎ. Káká nukɔnmɛ ɖɔ xó dó wɛ è ɖe.’

Daniyɛ́li 10:1

Hwenu e axɔ́sú Pɛ́si tɔn Silúsi ɖo xwe atɔn bló wɛ ɖo zinkpo jí ɔ́, Mawu dó wɛn ɖé Daniyɛ́li e è nɔ ylɔ́ ɖɔ Bɛluticasáa é. Xó énɛ́ ɔ́, xójɔxó wɛ, bó ɖɔ wǔvɛ́ ɖaxó ɖaxó e jǎwe lɛ́ɛ. Daniyɛ́li ɖo tamɛ lin dó xó énɛ́ wú wɛ, bɔ Mawu wá ná ɛ tínmɛ tɔn ɖo dlɔ̌ mɛ.

Daniyɛ́li 10:14

Din ɔ́, un wá bó ná ɖɔ nǔ e ná wá jɛ dó togun towe jí sɔ gúdo ɔ́ nú we. Nǔ ɔ́ wɛ Mawu ɖe xlɛ́ we bɔ a mɔ.’

Daniyɛ́li 11:2

Amɔ̌, din ɔ́, wɛn jɔ wɛn e ná dó we wɛ un ɖe ɔ́ ɖíe: “Axɔ́sú atɔn ná ɖu axɔ́sú ɖo Pɛ́si. Axɔ́sú ɛnɛgɔ́ e ná bɔ dó yě wu ɔ́ ná jɛ dɔkun hú axɔ́sú ɖě lɛ́ɛ. Hwenu e dɔkun tɔn lɛ́ɛ ná ná ɛ hlɔ̌nhlɔ́n, bɔ é ná kpa acɛ ganjí ɔ́, é ná wa nǔ bǐ bó ná tɔ́n ahwan axɔ́súɖuto Glɛ̌si tɔn.

Daniyɛ́li 12:4

“Daniyɛ́li! Hɛn xó élɔ́ ayi mɛ. Ma ɖɔ nǔ e ɖo wěma élɔ́ mɛ ɔ́ nú mɛɖé cóbónú nǔ lɛ́ɛ bǐ sín fífó hwenu ná su ó. Énɛ́ ɔ́ mɛ gěgé ná wá xa nǔ e ɖ'é mɛ lɛ́ɛ, bɔ nǔnywɛ́ yětɔn ná jɛ jí.”

Daniyɛ́li 12:9

É yí gbe nú mì ɖɔ: “Daniyɛ́li, ado ma hu we ó. Xó énɛ́ ɖó ná nɔ hwlǎhwlá ganjí káká jɛ nǔ lɛ́ɛ sín vivɔ hwenu.

Nǔɖexlɛ́mɛ 10:4

Ée so tɛ́nwe lɛ́ɛ dó gbe fó ɔ́, un jló ná jɛ nǔ e yě ɖɔ lɛ́ɛ wlán jí, lo ɔ́, un se gbe ɖé sín jǐxwé, bɔ gbe ɔ́ ɖɔ nú mì ɖɔ: “Hɛn nǔ e so tɛ́nwe lɛ́ɛ ɖɔ é dó ayi mɛ; ma wlán ó.”

Nǔɖexlɛ́mɛ 22:10

Énɛ́ ɔ́ gúdo ɔ́, é ɖɔ nú mì ɖɔ: “Xó ɖɔ ɖ'ayǐ e è wlán dó wěma élɔ́ mɛ lɛ́ɛ ɔ́, ma hɛn xomɛ ó, ɖó hwenu e è ɖǒ, bɔ nǔ énɛ́ lɛ́ɛ bǐ ná jɛ ɔ́ ko sɛkpɔ́.