Daniyɛ́li 8:24 - MAWUXÓWÉMA

²⁴ Acɛkpikpa tɔn ná nɔ́ ɖo syɛ́nsyɛ́n d'é jí wɛ, có é ka nyí é ɖésú wɛ ɖo hlɔ̌nhlɔ́n ɖé dó wɛ ǎ. É ná dɔn nǔ gěgé gúdú. É sí te dó nǔɖé wú ɔ́, é ná nɔ́ kpé wú. É ná sú mɛ e ɖó acɛ lɛ́ɛ sín kún dó. É ná sú togun mímɛ́ ɔ́ lɔ sín kún dó.

Daniyɛ́li 8:24 Iomraidhean Croise

Ɖɛhan 37:35

Un mɔ mɛdídá bɔ é ɖo hlɔ̌nhlɔ́n sa wɛ; é ɖo vunvun wɛ atín e ayǐ nyɔ́ ná ganjí é ɖɔhun.

Daniyɛ́li 11:23

É ná ɖó dó xó e yě ɖɔ nyi alɔ ɖokpó jí xá ɛ lɛ́ɛ wú, bó ná jɛ ayi we zán jí. Mɛ e ɖo jǐ tɔn lɛ́ɛ hwe có acɛ tɔn fɔ́n ɔ́, é nɔ́ ɖo jijɛ jí wɛ.

Daniyɛ́li 12:7

Nya e dó lɛ̌ɛnkanvɔ ɔ́ dlɛ́n alɔ tɔn we lɛ́ɛ dó jǐxwé, bɔ un se bɔ é ɖɔ: “Un xwlé Mawu e ɖo gbɛ káká sɔ́yi ɔ́ sín nyǐkɔ ɖɔ nǔ énɛ́ lɛ́ɛ ná jɛ káká nú xwe atɔn adaɖé. Nǔ énɛ́ lɛ́ɛ ná fó hwenu e togun Mawu tɔn ɔ́ sín acɛkpikpa ná gba hánnyá bǐ é.”

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Daniyɛ́li 8:10

Zo ɔ́ ɖi ga káká bó yi sɔ́ nǔ e ɖo gbɛ ɖo sɛ́xwé lɛ́ɛ bǐ, bɔ nǔ e ɖo dɔ̌n lɛ́ɛ akpá ɖě, kpó sunví lɛ́ɛ kpó wá jɛ kɔ́ mɛ, lobɔ é sɔ́ afɔ dó gbídí ná.

Daniyɛ́li 8:11

Zo ɔ́ zɔn mɔ̌ káká yi sɔ́ gǎn e kpa acɛ dó nǔɖogbɛ e ɖo sɛ́xwé lɛ́ɛ nu é, lobo ɖó vɔ̌ e è nɔ sá n'i ayǐhɔ́ngbe ayǐhɔ́ngbe lɛ́ɛ é te, lobo lɛ́ ɖu su nú fí e goxɔ tɔn ɖe é.

Daniyɛ́li 8:12

È jǒ nǔ e ɖo gbɛ ɖo sɛ́xwé lɛ́ɛ n'i, bó lɛ́ jó vɔ̌ e è nɔ sá ayǐhɔ́ngbe ayǐhɔ́ngbe ɔ́ dó n'i ɖó hwɛ e é hu ɔ́ wú. Zo ɔ́ zé sinsɛn ɖagbe ɔ́ xo kɔ́. É sɔ́ nǔ ɖěbǔ ɔ́, é nɔ́ kpé wú bó nɔ́ wa.

Daniyɛ́li 8:23

Ée yě ná kpa acɛ yětɔn fó, bɔ mɛ lɛ́ɛ ná hu hwɛ káká bɔ é ná tlɛ́n asá ɔ́, axɔ́sú goyítɔ́ mɛblɛ́ɖutɔ́ heelú ɖokpó ná wá yí to ɔ́.

Nǔɖexlɛ́mɛ 16:6

Nǔgbó ɔ́, yě kɔn mɛɖeɖóvo Mawu tɔn lɛ́ɛ kpó gbeyíɖɔ lɛ́ɛ kpó sín hun nyi ayǐ, bɔ din ɔ́, a nǎ kanjɔ yě, bɔ yě nu. Nǔ e jɛ xá yě ɔ́ nɛ́!”

Nǔɖexlɛ́mɛ 17:17

Đó Mawu sɔ́ jlǒ e nɔ wa linlin tɔn ɔ́ dó ayi mɛ nú yě; yě ná ɖó gbe kpɔ́, bó wa nǔ, bó ná sɔ́ axɔ́súɖuɖu yětɔn dó así nú kanlin ɔ́ káká yi jɛ hwenu e xó e Mawu ɖɔ lɛ́ɛ ná jɛ dó é.

Nǔɖexlɛ́mɛ 17:6

Un mɔ ɖɔ mɛɖeɖóvo Mawu tɔn lɛ́ɛ kpódó kúnnuɖetɔ́ Jezu tɔn e è hu lɛ́ɛ kpó sín hun mú nyɔ̌nu ɔ́. Ée un mɔ nyɔ̌nu ɔ́, é kpácá mì ɖésú.

Nǔɖexlɛ́mɛ 19:2

Hwɛɖiɖɔ tɔn lɛ́ɛ nyí nǔgbó, bó sɔgbe! Đó é ɖó hwɛ nú agalɛtɔ́ ɖaxó e sɔ́ aga tɔn dó ɖo ayǐkúngban ɔ́ hɛn gblé wɛ é. Mawu sɔ́ ɛ dó ba hlɔn, ɖó é hu mɛsɛntɔ́ tɔn lɛ́ɛ.”