Daniyɛ́li 8:23 - MAWUXÓWÉMA

²³ Ée yě ná kpa acɛ yětɔn fó, bɔ mɛ lɛ́ɛ ná hu hwɛ káká bɔ é ná tlɛ́n asá ɔ́, axɔ́sú goyítɔ́ mɛblɛ́ɖutɔ́ heelú ɖokpó ná wá yí to ɔ́.

Daniyɛ́li 8:23 Iomraidhean Croise

Bǐbɛ́mɛ 15:16

Vitikli towe lɛ́ɛ ná lɛ́ kɔ wá fí, ɖó Amɔliti lɛ́ɛ kó hu hwɛ sɔ mɔ̌ din bónú má nya yě sín fí ǎ.”

Nǔnywɛ́xó 1:6

è dǒ lǒ ɔ́, mɛ e ɖó nǔnywɛ́ é kpó mɛ e nyí mɛ bíbí é kpó ná mɔ nǔ jɛ mɛ; è ɖɔ nǔnywɛ́xó ɖé abǐ è so nǔ dó mɛ ɔ́, yě ná mɔ nǔ jɛ mɛ.

Ezekiyɛ́li 38:16

A nǎ tɔ́n ahwan togun ce Izlayɛ́li ɔ́, bó ná cyɔ́n to ɔ́ ahǔn ɖɔhun. É ká ná lín káká có nǔ énɛ́ lɛ́ɛ ná jɛ. Un ná sɛ́ we dó bɔ a nǎ wǎ tɔ́n ahwan to ce, énɛ́ ɔ́, to ɖě lɛ́ɛ ná tunwun ɖɔ nyɛ wɛ nyí Mawu mímɛ́ ɔ́. Hwi Gɔgu ɔ́ wɛ un ka ná zán dó bló nǔ énɛ́ ɔ́.

Ezekiyɛ́li 38:8

É wá yá ɔ́, un ná zɔ́n nǔ we. Xwe wá ɖo xwe jí jɛ wɛ ɔ́, un ná sɛ́ we dó, bɔ a nǎ yi tɔ́n ahwan Izlayɛ́li to ɔ́. Izlayɛ́li ví e xo ahwan zlɛ́ lɛ́ɛ ɔ́, yě ná gosín to e mɛ yě gbadó gbɔn lɛ́ɛ mɛ, bó ná wá kplé kpɔ́ gěgé ɖo Izlayɛ́li, só e è ko jó dó bɔ é kó lín bɔ mɛ ɖě ma sɔ́ ɖ'é jí ǎ lɛ́ɛ jí. Yě mɛ énɛ́ lɛ́ɛ e è nǎ kplá sín akɔta ɖě lɛ́ɛ mɛ lɛ́ɛ ɔ́, yě ná wá vo bǐ ɖo to yě ɖésúnɔ tɔn ɔ́ mɛ.

Daniyɛ́li 10:14

Din ɔ́, un wá bó ná ɖɔ nǔ e ná wá jɛ dó togun towe jí sɔ gúdo ɔ́ nú we. Nǔ ɔ́ wɛ Mawu ɖe xlɛ́ we bɔ a mɔ.’

Daniyɛ́li 11:21

“Mɛ e ná wá mɛ énɛ́ ɔ́ sín tɛnmɛ ɔ́ ná nyí mɛɖé, bɔ mɛ bǐ ná gbɛ́ wǎn n'i; è nǎ sɔ́ ɛ su axɔ́sú ɖɔhun ǎ. To ɔ́ bǐ ná ɖo vivo mɛ, bɔ nya énɛ́ ɔ́ ná dó ahizi, bó ná klá jɛ axɔ́súɖuto ɔ́ nu, bó ná ɖu gǎn.

Daniyɛ́li 11:24

To ɔ́ bǐ ná ɖo vivo mɛ, bɔ é ná yi byɔ́ toxo e hun nukún ganjí ɖo tokpɔn ɔ́ mɛ lɛ́ɛ é mɛ, lobo ná wa nǔ e tɔ́gbó tɔn lɛ́ɛ ma glá bó wa gbeɖé ǎ é. É ná vɔ to ɔ́, bó ná má nǔ e é bɛ́ sín ahwangbénu lɛ́ɛ kpó dɔkun lɛ́ɛ kpó nú mɛ e ɖo jǐ tɔn lɛ́ɛ. É ná to lě e é ná tɔ́n ahwan ahwankpá lɛ́ɛ gbɔn ɔ́. Amɔ̌, nǔ nɛ́ lɛ́ɛ bǐ ná nɔ mɔ̌ káká sɔ́yi ǎ.

Daniyɛ́li 7:11

Goyíyíxó baɖabaɖa e ɖɔ wɛ zo ɔ́ ɖe ɔ́ wú wɛ un ɖo nǔ e mɔ wɛ un ɖe ɔ́ kpɔ́n wɛ. Hwenu e un ka ɖo kpínkpɔ́n ɛ wɛ ɔ́, è hu kanlin ɛnɛgɔ́ ɔ́, bó zé e nyi dó myɔ ɖaxó ɖé mɛ bó fyɔ́ ɛ.

Daniyɛ́li 7:20

Un lɛ́ kan nǔ byɔ́ dó zo wǒ e ɖo ta tɔn lɛ́ɛ wú, bó lɛ́ ba do nú zo e jɛ wǔwú jí, bó zin zo ɖěvo atɔn dɛ́ é. Zo énɛ́ ɔ́ e wú ɔ́ ɖó nukún, bó ɖó nu, bɔ goyíyíxó kɛ́ɖɛ́ jɛ́n nɔ́ tɔ́n sín mɛ. Zo énɛ́ kló hú zo ɖě lɛ́ɛ.

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Daniyɛ́li 7:8

Hwenu e un ɖo zo tɔn lɛ́ɛ kpɔ́n wɛ ɔ́, zo yɔ̌yɔ́ kpɛví ɖěvo lɛ́ jɛ wǔwú jí ɖó ɖě lɛ́ɛ tɛ́ntin, lobo zin zo xóxó lɛ́ɛ atɔn dɛ́. Zo yɔ̌yɔ́ ɔ́ ɖó gbɛtɔ́ nukún. É ɖó nu ɖokpó bɔ goyíyíxó nɔ́ ɖo tíntɔ́n sín mɛ wɛ.”

Daniyɛ́li 8:22

Hwenu e zo ɖaxó énɛ́ ɔ́ lɔ́ ɔ́, zo ɖěvo ɛnɛ wú ɖó tɛn tɔn mɛ. Énɛ́ xlɛ́ ɖɔ axɔ́súɖuto ɛnɛ ná jɛ axɔ́súɖuto e wá yi ɔ́ sín tɛnmɛ. Amɔ̌, axɔ́súɖuto énɛ́ lɛ́ɛ ná ɖó hlɔ̌nhlɔ́n sɔ ée yě wá ɖyɔ́ é ǎ.

Daniyɛ́li 8:24

Acɛkpikpa tɔn ná nɔ́ ɖo syɛ́nsyɛ́n d'é jí wɛ, có é ka nyí é ɖésú wɛ ɖo hlɔ̌nhlɔ́n ɖé dó wɛ ǎ. É ná dɔn nǔ gěgé gúdú. É sí te dó nǔɖé wú ɔ́, é ná nɔ́ kpé wú. É ná sú mɛ e ɖó acɛ lɛ́ɛ sín kún dó. É ná sú togun mímɛ́ ɔ́ lɔ sín kún dó.

Daniyɛ́li 8:25

É ná zé bǐbí tɔn dó táfú mɛ ɖé lɛ́ɛ, bó ná zé goyíyí tɔn dó sú mɛ e vɛdó ɖɔ émí ko mɔ agbɔ̌n lɛ́ɛ sín kún dó, bó ná lɛ́ sí te dó axɔ́sú axɔ́sú lɛ́ɛ tɔn ɔ́ jí. Hwenɛ́nu ɔ́, mɛ ɖěbǔ ná ɖó alɔ wǔ tɔn ǎ, bɔ é ná nɔ mɔ̌ bó gba hánnyá.

Kɛ́nsísɔ́ 24:24

Tɔjíhún ɖé lɛ́ɛ ná gosín Cíplu wá. Kɛntɔ́ ná dó winnyá Asilíinu lɛ́ɛ. Kɛntɔ́ ná dó winnyá Ebɛ́ɛ sín vǐ lɛ́ɛ. Amɔ̌, yě lɔmɔ̌ ná dɔn.”

Matíe 23:32

Mi bo gbɛ kan dó kan e tɔ́gbó mitɔn lɛ́ɛ gbɛ kpo ɖ'ayǐ nú mi ɔ́ nu yi fó.

Sɛ́nflínmɛ 28:50

Súnnu e ɖo akɔta énɛ́ ɔ́ mɛ lɛ́ɛ jɔ lan, yě ɖó sísí nú mɛxó ǎ, yɔkpɔ́vú nú ká nɔ́ blá wǔ nú yě ǎ.

1 Tɛsalonikinu 2:16

Yě nɔ dó gǎn, bó ná glɔ́n ali nú mǐ, bónú mǐ má kpé wú, bó jlá Wɛn Ɖagbe e ná zɔ́n, bɔ mɛ e ma nyí Jwifu ǎ lɛ́ɛ ná mɔ hwlɛngán é ó. Nǔ énɛ́ e yě wa ɔ́, hwɛ wɛ yě hu dó sú ta nú hwɛ e hu wɛ yě ko ɖe ɖ'ayǐ lɛ́ɛ. Xomɛsin Mawu tɔn ka wá kɔn nyi yě jǐ lo.

1 Timɔtée 4:1

Yɛsinsɛn ɖésú ko ɖɔ céɖécéɖé ɖɔ azǎn gǔdo gúdo tɔn lɛ́ɛ mɛ ɔ́, mɛɖé lɛ́ɛ ná jó nǔɖiɖi dó, bó ná ɖótó yɛ e nɔ flú mɛ lɛ́ɛ kpódó yɛ nyanya lɛ́ɛ sín nǔkplɔ́nmɛ kpó.

Nǔɖexlɛ́mɛ 19:20

Ahwan wlí kanlin ɔ́ kpó gbeyíɖɔnyíjɛtɔ́ e jlɛ́ nǔ ɖo nukɔn tɔn ɔ́ kpó. Nǔjlɛ́jlɛ́ énɛ́ lɛ́ɛ wɛ é dó flú mɛ e wú kanlin ɔ́ sín wuntun ɖe, bɔ yě nɔ́ sɛn kanlin ɔ́ sín akpajlɛ́ lɛ́ɛ ná. È sɔ́ kanlin ɔ́ kpó gbeyíɖɔnyíjɛtɔ́ ɔ́ kpó gbɛɖe gbɛɖe nyi dó myɔ togotogo e mɛ hwemí ɖo jiji ɖe wɛ ɔ́ mɛ.