Daniyɛ́li 8:21 - MAWUXÓWÉMA

²¹ Gbǎgbá ɔ́ nyí axɔ́súɖuto Glɛ̌si tɔn sín xlɛ́. Zo ɖaxó e ɖo nukún tɔn lɛ́ɛ tɛ́ntin ɔ́ nyí axɔ́súɖuto nukɔntɔn ɔ́ sín xlɛ́ .

Daniyɛ́li 8:21 Iomraidhean Croise

Daniyɛ́li 10:20

É lɛ́ ɖɔ nú mì ɖɔ: ‘A tunwun nǔ e wú un wá gɔ̌n towe ɔ́ a? Din ɔ́, un ná yi fun ahwan xá Pɛ́sigán ɔ́; un ka yi ɔ́, Glɛ̌sigán ɔ́ ná wá.

Daniyɛ́li 11:2

Amɔ̌, din ɔ́, wɛn jɔ wɛn e ná dó we wɛ un ɖe ɔ́ ɖíe: “Axɔ́sú atɔn ná ɖu axɔ́sú ɖo Pɛ́si. Axɔ́sú ɛnɛgɔ́ e ná bɔ dó yě wu ɔ́ ná jɛ dɔkun hú axɔ́sú ɖě lɛ́ɛ. Hwenu e dɔkun tɔn lɛ́ɛ ná ná ɛ hlɔ̌nhlɔ́n, bɔ é ná kpa acɛ ganjí ɔ́, é ná wa nǔ bǐ bó ná tɔ́n ahwan axɔ́súɖuto Glɛ̌si tɔn.

Daniyɛ́li 11:3

Lo ɔ́, axɔ́sú akowunká ɖokpó ná yí to ɖo Glɛ̌si, bɔ acɛkpikpa tɔn ná syɛ́n ɖésú, bɔ é ná nɔ wa nǔ e jló e é .

Daniyɛ́li 2:39

Nú axɔ́súɖuto mɛtɔn wá yi ɔ́, axɔ́súɖuto ɖěvo ná wá; é ká ná ɖó acɛ sɔ mɛtɔn ǎ. Axɔ́súɖuto atɔngɔ́ ɔ́ ná wá, bó ná gba kpé ayǐkúngban ɔ́ bǐ jǐ. Axɔ́súɖuto énɛ́ ɔ́ wɛ ɖo ganvɔ ɔ́ nyí wɛ.

Daniyɛ́li 7:6

Ée un lɛ́ ɖo kpínkpɔ́n wɛ ɔ́, un mɔ kanlin ɖěvo bɔ é cí kpɔ ɖɔhun. É ɖó xɛ sín awa ɛnɛ ɖo nɛgbé, bó lɛ́ ɖó ta ɛnɛ. È ná ɛ acɛ bɔ é ná ɖu ɖo nǔ bǐ jí.

Daniyɛ́li 8:20

Agbo e ɖó zo we bɔ a mɔ ɔ́, ɖo axɔ́súɖuto Mɛdi tɔn kpó Pɛ́si tɔn kpó sín xlɛ́ nyí wɛ.

Daniyɛ́li 8:22

Hwenu e zo ɖaxó énɛ́ ɔ́ lɔ́ ɔ́, zo ɖěvo ɛnɛ wú ɖó tɛn tɔn mɛ. Énɛ́ xlɛ́ ɖɔ axɔ́súɖuto ɛnɛ ná jɛ axɔ́súɖuto e wá yi ɔ́ sín tɛnmɛ. Amɔ̌, axɔ́súɖuto énɛ́ lɛ́ɛ ná ɖó hlɔ̌nhlɔ́n sɔ ée yě wá ɖyɔ́ é ǎ.

Zakalíi 9:13

Đó un ná zán Judáanu lɛ́ɛ da e è nɔ dó fun ahwan ná é ɖɔhun, bɔ Eflayímunu lɛ́ɛ ná nyí gǎ. Sinyɔ́ɔnu lɛ́ɛ mi, un ná sɛ́ súnnu e ɖo mi mɛ lɛ́ɛ dó, bɔ yě ná yi tɔ́n ahwan Glɛ̌sinu lɛ́ɛ. Un ná zán yě lě e ahwanfuntɔ́ nɔ́ zán hwǐ tɔn gbɔn é.”